粵湘食

營業中

休息中

有朋友生日, 正為找地方食飯頭痛, 朋友介紹北角《粵湘食》主打粵菜湘菜, 有辣有唔辣。香港人一般不習慣食太辣, 老闆娘很細心總是問清楚要不要辣。包房裡提供卡拉ok設備不另收費 。掃咗六款招牌菜！葱油鷄超滑，啖啖肉有蔥油香！醬茶鴨燻得好正，入味得嚟唔柴口。黃金蝦啲鹹蛋黃多到漏，脆卜卜超邪惡～鼓汁蒸白鳝肥嘟嘟，豉汁撈飯無得頂！咸豬手肉鹹香, 超好味！咕嚕肉酸甜開胃，外脆內軟冇肥膏。之後再點多十個菜, 人均消費才兩百幾, 成枱無雷，食到飽, 歌也唱飽，勁滿足！要回訪啊！

北角和富道曾經是北角區內的食街，有很多食肆進駐，不過現在香港經濟環境正在轉移，因此這條街都靜了很多，朋友介紹這裏開了一間粵湘菜，便來到這裏。蔥油雞$158 ，薑蔥油份量十足，是白切雞必備的最佳伴侶。白切雞雞皮爽脆，雞肉鮮嫩，就算雞胸肉都不會過硬，處理得很好。可惜自從禽流感之後，香港沒有新鮮雞，就算處理手法如何一流，始終不能和新鮮雞相比。鹹蛋芥菜豆腐湯$118 ，鹹蛋、芥菜、豆腐都具有降火作用，加在一起是夏天最佳湯水之一。這個湯帶點魚肉的鮮甜味道，又帶點芥菜和豆腐的香氣，再加上溶了在湯之中的鹹蛋味道，是粵式小菜的最佳選擇。大碗花菜$88 ，椰菜花軟硬適中，鑊氣十足，帶點湖南特色。

咁岩係北角做完野，朋友介紹話呢間川菜抵食又大份，午市入去去超爆位，都好多打工仔中午過尼一班人食lunch🤹🏻川味回鍋肉飯（$58）好想食回鍋肉好耐！叫左小辣真係一啲辣感都冇，中意食辣既話下次要叫中辣以上先feel到，半肥瘦回鍋肉又夠香，有超多椰菜伴底，很好送飯，份量啱啱好夠送一碗飯！啱晒我平時食得唔多嘅人🙌🏻午市呢個價仲有埋野飲酒槽湯圓（$58）份量超級多！！佢呢個甜品係for 4個人用👀因為我一個人但又好想好想試呢個，於是叫左staff比1人份量我，上到枱個碗仲大過我塊面，應該起碼有50粒以上既小丸子，入面有大量蛋花加酒糟，我都係第一次食有蛋花version既酒糟小丸子，幾特別！但真係差啲食吾曬，下次約fd一齊食就岩岩好了

餐廳簡約整潔，燈光明亮舒適，座位間距幾寬敞。餐廳menu有兩款晚巿套餐，經濟實惠。單點小菜更有85折優惠。菜單貼心標註「菜式可辣可不辣」，對帶長輩或孩童的家庭格外友好。🐥蔥油雞（半隻)雞肉嫩滑不柴，皮下脂肪處理得當，入口不膩。蔥油醬汁鹹香適中，蔥段增添層次感。半隻分量足夠2-3人分享。🐟剁椒雙色魚頭（半邊)湘菜經典菜式，用左大頭鰱魚，魚肉細嫩無腥味，雙色辣椒酸香微辣。魚頭膠質豐富，配左份手工麵拌汁，好惹味。🧊紅糖冰粉解膩首選！冰粉冰涼有口感，搭配紅糖漿與山楂碎，味道清甜。🌟餐廳菜單粵湘融合，而且可以走辣，貼心照顧不食辣的朋友。晚巿小菜仲有85折優惠，性價比高。

去開呢頭探朋友 朋友就帶就我嚟佢嘅飯堂餐廳開咗冇幾耐 老闆娘好友善 唔怪得咁好生意～點咗個$218二人餐 冇諗過樣樣都咁大碟 性價比超高🥰❣️麻辣豬耳豬耳滷得好入味 勁厚切 落咗好多麻辣汁 勁惹味❣️酸菜魚係香港人適合食嘅辣度 好好送飯得來唔會食到成身汗酸菜醃得好香口 魚肉無骨 食落滑溜仲有萵筍、金菇、筍、蓮藕 好足料❣️回鍋肉炒得好有鑊氣 高麗菜清甜 配埋惹味嘅青椒同紅椒仲有爆到好香口嘅洋蔥食 超級匹配醬汁微辣滲晒喺啲五花肉裏面 夠晒滋味—————-另外我呢個菜怪仲想食碟菜 單點了❣️鮮腐竹浸娃娃菜鍾意個湯底有好濃郁嘅薑味 娃娃菜吸收晒湯底嘅精華份量超多 仲有啲枝竹都係吸湯神器呢度嘅卡位對住窗可以望住大街另外如果多人仲有圓枱添 傾偈絕對冇問題

今次喺北角和富道發現呢間「粵湘食」，真係隱世平民美食！餐廳主打正宗川菜同粵式小炒，價錢親民之餘份量十足，最驚喜係見到有烤魚連打邊爐嘅選擇，啱晒同朋友嚟聚餐～———————————————🌟 金湯酸菜魚(例) $168酸菜魚湯底金黃濃郁，酸辣度恰到好處！魚肉片得薄身嫩滑，完全冇骨，吸晒酸菜湯嘅精華。酸菜爽脆開胃，仲有啲金菇配菜，份量仲好大份，$168真係超值！🌟 鐵板水晶粉 $118水晶粉炒得乾身有鑊氣，上枱時鐵板滋滋聲超誘人～配料有肉絲、雞蛋同蔬菜，粉條Q彈有嚼勁，醬汁鹹香帶微甜，係道令人停唔到口嘅主食！🌟 麻辣雞煲半隻 $158雞煲麻辣香氣撲鼻，半隻雞份量十足！雞肉煮得入味又嫩滑，麻辣度可以按個人喜好調整。煲底有大量配菜吸盡精華，最正係個麻辣汁撈飯一流～🌟 手撕包菜 $78呢道經典川菜做得相當出色！包菜手撕成大小適中嘅塊狀，炒得爽脆得嚟又帶啲焦香。蒜蓉同辣椒嘅份量恰到好處，微辣開胃，仲保留到包菜本身嘅清甜。

北角是個民生舊區，民生餐廳及家品店都其門如市。這期在北角開工，收工後，順道發掘一下食飯好地方！粵湘食環境尚算不錯，有大圓枱也有小卡位，適合不同類型的飯局。是夜的豐富晚餐，小價錢大滿足。在川菜中，這道 $98 的川味回鍋肉，幾乎是必點的菜式。豬腩肉肥瘦相間，紅油赤醬，目測已經非常吸引。再來一份手撕包菜 $78，簡單的好味道。包菜鮮嫩爽口，帶點微辣，間中嚐到一點點酸味，是這道菜的特色之一，會令人吃不停口。乾鍋田雞 $138田雞肉質鮮甜，配菜蒜心亦非常嫩口，整體口感微辣，非常惹味。甜品點了一份糖糍粑 $58外層香脆，口感軟糯，糍粑內裏有餡料，值得加分；最後點上紅糖漿，沒有不好味的道理。結帳後才知道晚市有八五折優惠，認真驚喜🎉🎉！餐廳還告知，午餐也有九折優惠，實行薄利多銷。

粵湘食😘😘😘齒頰留香·回味無窮北角中式特色菜、特別多、今日上完堂、同朋友路過、和富道、街道兩旁整潔、優靜、招牌明亮、粵（越）湘（想）食中菜館、嗱嗱臨坐低、食好嘢📣📣✨金湯酸菜魚（例）$168金湯酸菜魚色澤金黃、賣相吸睛、湯汁濃郁、散發著誘人的香氣、酸菜的酸爽與魚肉的鮮嫩交融、口感豐富、色香味俱全、令人垂涎、每一口都充滿了鮮香與層次感、讓人回味無窮、配埋白飯一流👍🏻✨柚子骨$138金沙骨醃漬入味、炸至金黃、外脆內軟、配柚子汁回鑊、酸甜適中、肉質鮮嫩、醬汁濃郁、柚香四溢，令人垂涎欲滴、吃不停口、舔舔脷👅👅✨ 雷沙湯丸$42雷沙湯丸外皮柔滑、軟糯綿綿、內餡黑芝麻蓉、濃香撲鼻、咬開瞬間、流心芝麻餡如甘露般滑出、香氣四溢、餐後甜品、錦上添花，大🈵足！📣📣中午時段-九折優惠（免收加一）📣📣晚餐八五折優惠📣📣外賣自取九折粵湘食香港北角和富道86-88銀輝大廈地下舖港鐵北角站A1出口、步行約5分鐘

同朋友一齊嚟咗呢間喺北角有粵菜又有湘菜食嘅餐廳食晚餐🤣$158「蔥油雞半隻」：「蔥油雞」上枱嘅時候仲係熱嘅連個碟都係熱辣辣嘅，雞肉就不同部位有不同口感，總體嚟講雞肉都夠滑，而雞皮仲滑，朋友食咗一塊我就食咗三塊雞皮🤣$78「蒜蓉炒時蔬」：時蔬 揀咗菜心，菜心新鮮爽脆，蒜蓉炒簡單好食🤣$198「剁椒雙色魚頭半隻」：魚頭真係超級大個，魚頭黐住好多肉，肉質細滑，我哋叫咗BB辣不過已經頗辣同埋味道濃郁🤣；仲有麵線可以一齊食🤣$13「白飯」：撈「「剁椒雙色魚頭汁」一齊食夠惹味🤣依家新開張晚餐仲有八五折優惠🤩

位於北角和富中心對面嘅「粵湘食✨」，由正宗湘粵師傅主理，以相菜配搭粵式菜為主，每款菜式都非常好味，價錢實惠，二人餐只係$218，已經包埋大份量酸菜魚、小食、小菜及甜品，非常超值。我哋嗌咗個二人餐，份量真係足料都夠三個人食，🤩 首先小食揀左麻辣豬耳，夠麻夠辣，好惹味！🌶️豬耳又爽又彈牙，非常開胃好味。👍主菜金湯酸菜魚，個湯底金黃色，所以取其名，真正式香氣俱全。😍 湯底酸酸辣辣，好好味🤤 ，魚肉又滑又嫩，完全冇骨，啖啖肉，配合酸菜、芽菜等等配料，絕對滿分。💯仲有個小炒川味回鍋肉，回鍋肉肥瘦適中，炒得好香！🔥 🍚 食到停唔到口！😂最後仲有甜品紅糖冰粉，冰冰涼涼，甜甜地，啱啱好解辣！🍧 😌「粵湘食✨」啲嘢又好食，份量又夠，CP值超高！💯 我一定會再嚟！💪

地點鄰近住宅區，喺北角站行幾分鐘就到❤️店員好熱情，好溫暖嘅服務態度❤️🌟酸菜魚細份我哋叫咗小辣，辣度係好適合香港人嘅辣度❤️酸菜魚有芽菜、竹筍、萵筍。魚片鮮美嫩滑！我哋連湯底都飲埋❤️🥰🌟四季豆四季豆炒得好有鑊氣！第一次食到炒得咁清甜的四季豆！午餐做緊特價人均$60左右就可以食到粉/麵/飯！酸菜魚咁好食，下次我都諗吓午餐嗌一個金湯酸菜魚飯！或者香鍋肥腸飯！😋另外佢哋仲有午市2人套餐 $218包括一個前菜（涼拌青瓜/酸辣雲耳/麻辣豬耳）、主菜（金湯酸菜魚/水煮牛肉/水煮魚）、蔬菜（大碗花菜/手撕包菜/川味回鍋肉）、 汽水、紅糖冰粉、白飯！真係好抵！！下次一定要午餐嚟試吓！其他菜式：

餐廳環境整潔明亮，舒適用餐。菜單選擇豐富，涵蓋了涼拌小菜、麵食飯類、滷味、煲仔菜等。還有這裡還設有卡拉OK獨立房，可品嚐美食的同時，也能盡情歡唱。如想預訂卡拉OK房，可致電餐廳洽詢。👍👍👍餐廳還提供午市套餐和下午茶套餐，價格實惠，適合上班族和學生。午市套餐有二人套餐和四人套餐，可以根據人數選擇。套餐菜色搭配豐富，包含涼拌、主菜、飲品等，性價比高。❤️❤️❤️這次午餐選擇了$218的二人套餐，菜色組合包含麻辣豬耳、金湯酸菜魚、川味回鍋肉以及白飯。整體而言，這是一次令人滿意的用餐體驗。😍😍😍麻辣豬耳非常開胃，表現出色。豬耳口感爽脆，麻辣味道恰到好處，香氣撲鼻，非常開胃。👍金湯酸菜魚魚片滑嫩，份量十足，湯頭酸辣夠味，非常下飯。湯中配料豐富，除了魚片外，還有酸菜、芽菜、蓮藕、萵筍、金菇等，增加了口感的多樣性。❤️川味回鍋肉同樣表現不俗。回鍋肉肥瘦相間，煸炒得恰到好處，香氣四溢。搭配的包菜吸收了回鍋肉的油脂，吃起來清爽解膩。😋這個午市套餐物超所值。三道菜色各有特色，味道都相當不錯，份量也足夠兩人享用。❤️另外，我們還點了午市一人餐的麻辣水煮牛肉飯加椰青水，價錢非常合宜，只不過是$65，新店開業，午市還有九

好耐冇喺北角食野，近和富花園戈邊向來有好多美食，見到有間湘菜覺得應該幾ok，十分旺場😳🐟 金湯酸菜魚 $168食湘菜/川菜特別中意食酸菜魚，揀咗小辣，辣度符合小辣。魚片每塊都好大塊，好多又滑溜，仲做到冇乜骨👍🏼用黎送飯真不錯。🔥 自選香鍋 $214香鍋近年都好流行，有得自選數款配料，揀咗海蝦🦐雞件🐔四季豆🫛土豆片🥔炸枝竹，海蝦大粒又新鮮彈牙，雞件嫩滑得黎雞味香濃。土豆片爽口，啱曬我，向來好中意食薯仔。

今晚去咗北角新開嘅川菜餐廳 「粵湘食」食晚餐; 這間中菜館位於北角嘅銀輝大廈, 主打正宗地道嘅湘菜同湖南菜; 店內環境寬敞舒適, 有多張港式卡位, 亦有大圓枱, 一家大細就啱哂! 餐牌都有不同套餐, 散叫都有好多款式, 見佢啲酸菜魚, 水煮魚都多人叫, 下次要試下先。而家新開張午市有9折, 晚市有85折, 好抵食呀!口水雞(例) - $88呢個雖然係涼拌菜, 但份量都唔少喎! 雞肉鮮嫩多汁, 皮薄肉嫩, 肉質一啲都唔柴; 淋上特製嘅口水辣汁, 味道香辣而不膩, 上面灑上花生碎及芫茜, 夏天食呢個冷盤真係唔錯, 香辣口味好開胃。涼拌麻辣海蜇 - $68我好鍾意食海蜇, 呢個海蜇非常爽脆, 彈牙, 食到索索聲, 調味用麻辣汁, 味道剛剛好, 真係令人再三回味, 好爽胃。上海金銀蛋時菜 - $88份量甚多, 賣相亦不錯, 上湯味道濃郁鮮甜, 帶點蒜香味, 沒有油膩感, 加上金蛋 (鹹蛋) 和銀蛋 (皮蛋), 菜也很新鮮, 清甜。螞蟻上樹 - $88呢道螞蟻上樹確實是四川一道讓人很懷舊嘅菜式; 幼幼嘅粉絲吸收了醬汁嘅精華, 少少香辣味, 每根都入味得恰到好處, 搭配紅椒, 辣椒粒, 青蔥粒,

香港發現隱世江湖菜館 👉🏻粵湘食裝修方面都係小店形式經營，踏實，老闆在場打點，對客人很體貼。先以自選bb 級麻辣小食吊吊胃手拍青瓜以麻辣紅油浸著手拍青瓜，青瓜入口鬆脆，不要睇小bb 級麻辣，很有衝激感。麻辣牛展薄切牛展拌以大量香蒜粒、辣椒、芫荽等，咸香足，香而不勁辣，牛展炆得夠，不需太多牙力，根位也不多，正到停唔到咀，個人覺得啤啤佢更正。食完重口味食物後，要令味蕾refresh 店員端上是一窩「金銀蛋時菜」看上去已經感覺到份量十足，咸蛋、皮蛋切得大大粒吃落特別有口感，和黃芽白融為一體。大廚為令味道更鮮甜，更加了肉碎，口感豐富之餘又好味。柚子排骨拎上手非常熨，一字骨炸到酥脆有嚼勁；入口鬆化，咸甜交錯的美味在咀巴中漫延，肉排沾滿甜香柚子蜜，將油膩感化解至無形，好食到連骨都輪埋。