第一郡

營業中

休息中

出色越南菜，味道夠正宗！假期去過三次，都要排隊，不過次次都唔洗等好耐，職員好快會幫你安排座位。肉鬆法包 $52越南法包種類多，啱晒想試唔同口味嘅人，今次就試咗肉鬆法包，首先包皮好脆，但係唔會硬同刮口，而且餡料好足，入面有蘿蔔絲、肝醬、肉鬆、青瓜等等，好惹味！雞絲河粉 $65內有雞絲，洋蔥，芽菜，葱，香菜，雞絲唔會嚡口，份量好多，每啖都食到雞絲😆河粉好滑，而且吸晒湯嘅味，好香！斑斕綠豆糕 $15超級推介！唔會死甜，食落淡淡嘅斑斕香，中間夾住綠豆蓉，又煙靭又細滑嘅口感，好好食✨

發掘出來嘅越南菜「第一郡」見都有吾少foodies 寫過，當日去探店正值黃雨，幸好油麻地地鐵站行過去只須1、2 分鐘，更好彩系停咗雨。上到去吾使等位，店員即時為我們安排座位。店舖面積都幾大，客人大概一半，所以上菜速度也挺快。扎肉法包肉鬆軟包滴滴咖啡熱咸檸水紅豆糕兩款包也烘得香脆可口扎肉法包餡料塞得滿滿，大量生蔬菜、酸紅蘿蔔、生洋蔥、芫荽、生菜、青瓜、粉絲、扎肉更底面都有，真材實料，比到足，朋友激讚好味，但如此巨型會令人食得幾麻煩，好彩我揀左軟包。肉鬆軟包走芫荽、青瓜，相對冇咁震撼，對我而言會吃得優雅好多。味道如期發揮，但嫌生洋蔥有點辣，同埋令人留口氣。平時好少飲啡走，不過為咗打咭就點左「滴滴咖啡」睇住佢慢慢滴下杯內，用匙羹將咖啡和練奶二合為一，深烘咖啡如期地苦，加左練奶就啱啱好，不過飲到杯底就超甜。紅豆糕是椰汁底，不吃不可惜。

Ysd去左油麻地依間越南餐廳，價錢實惠又好食，芒果糯米卷正正👍🏻👍🏻👍🏻小食：👉🏻米紙蝦卷：米紙軟綿綿，裡面包著鮮蝦同新鮮蔬菜，再沾上特製麻醬醬汁，正👍🏻👉🏻越南香茅雞翼（5件）：越南香茅雞翼炸得香脆，外脆內多汁🐰主食：👉🏻越式雞扒飯：雞扒飯好大份！有湯同配菜，雞扒煎得香脆多汁，醬汁香濃🐰👉🏻烤豬肉撈檬加扎肉：豬肉烤得有點焦香，搭配新鮮蔬菜同檬汁，酸酸甜甜，非常開胃！甜品：👉🏻芒果糯米卷：正叫左2份就賣哂，luckyyyy糯米皮軟糯，芒果鮮甜多汁❤️👉🏻紫米糕：紫米糕味道濃郁，糯米質感絲滑都唔錯🐰

是日外出油麻地做野，同事推介左依間勁親民既越南菜。位於二樓本身好少會留意到，唔知佢點解會識黎😂點左一個香矛雞扒飯and 一個香矛雞，同事就叫左個米紙蝦卷配自家醬share, 雞扒雞翼都外皮香脆，熱食係脆內里有汁水，炸得岩岩好👍 本人覺得口感滿分，但香矛味唔夠出，少少扣分。有d 可惜係米紙卷太大陣香葉味，吃唔出蝦同埋豬肉，全部都比香葉味蓋住左🥲🥲整體黎講價錢係非常親民，而雞類料理係好出色，（米紙蝦卷可以skip)可以再黎試埋其他野👍😉

唔好俾佢簡約嘅裝修、Menu呃到。社企feel。地方乾淨企理，綠色牆感覺好舒服。枱面4平8穩（唔係講笑，呢個要求真係幾卑微）。落地玻璃窗俯瞰曾經繁華盛世嘅彌敦道蟹膏蕃茄湯檬- 嗰個蟹膏好特別，溝埋啲唔知乜嘢好食嘅嘢，做到一嚿豆腐咁嘅形狀，海綿咁嘅texture，咬落口感鬆軟，蟹味濃郁。- 裏面有豬紅配料，同牛雜檔嗰啲好唔同喎，入口有浸淡淡嘅肉味。滴滴咖啡- 好正宗嘅越南風味。啱唔啱口味一回事，去 越南 隨便搵間地茂館嘅咖啡，就係咁。- 牛油果軟包熟度剛好嘅牛油果，塞滿晒成個包好抌本。牛油果香滑，麵包外脆內軟。推介。- 肉鬆軟包應該係麵包餸肉鬆。肉鬆滿倒瀉。嫌佢乾口一啲。- 芒果沙冰濃郁又滑，芒香味撲鼻。- 班蘭、榴槤糕好好食，好食過 「莫定標娘惹」。呢兩款甜品都好好食。不妨自攜外賣盒買多幾個打包，返到屋企微微打熱佢，齒頰留香。surprise，連沙甸魚法包都有。無奈唔係好啱香港人口味。佢哋用斑斕葉嘅量真係毫不手軟，就算係自助水都係斑斕水。

公眾假期呢間舖頭人頭湧湧因為呢度真係有好地道嘅正宗越南而且價錢實惠我叫咗🥖越式法包 差唔多台台都有嗌一個包可以分兩份三份或者四份好大個 熱辣辣脆卜卜餡料非常豐富,有腩肉，扎肉，肉鬆，酸菜，青瓜，芫荽，蔥，肝醬同喺越南街頭食嘅感覺一模一樣一啖咬落去 有好多配料 好正❤️蟹膏蕃茄湯檬 亦都係差唔多每台都有嗌嘅嘢最特別嘅就係有非常濃郁嘅湯底甜甜酸酸地 有蟹嘅味道亦都有蕃茄嘅味道蕃茄煮到腍晒 好正有好多配料，仲有好多生菜 最正當然就係蟹膏餅，一咬咬落啲汁跌晒出嚟而且仲有扎肉，豬紅班蘭綠豆糕一日限定15個，我叫嘅時候已經得返兩個要食一定要坐低即刻嗌呢個斑斕綠豆糕，非常煙靭 而且又好香嘅斑斕味中間夾煮得起沙溶晒嘅綠豆 非常香好特別嘅口感一個人一定食得晒 因為真係幾好味🤪牛油果沙冰 其實唔係真係沙冰，而係好似奶昔咁樣，唔係好凍，飲得好舒服牛油果味非常濃郁 好似食緊幾個牛油果落肚 甜度啱啱好

記得好幾年前係天后附近食過Q1, 當時同事話哩間食越南河係幾出名，如今原來係油麻地都有分店。蟹膏蕃茄湯檬，湯底濃鮮，蟹膏咬落去咸咸香香好得意，另外仲有豆腐，豬紅同埋扎肉等等，濛粉索哂湯汁好好味👍🏻香茅雞扒飯個雞扒整得好，外脆內嫩。另外再叫左份越式香茅雞翼，煎得乾身香口👍🏻哩度d甜品特別在自家手工製，有d好受歡迎既好似斑斕糕咁一早賣哂，試左件紅豆糕同埋芒果椰汁糕，係幾好味喎又滑又夠味亦唔會過甜，下次要早d黎食斑斕糕芒果奶昔同埋牛油果奶昔都好正，夠濃厚唔會水汪汪✔️✔️

🌿呢間旺角越南小店，難得我一個星期內2️⃣刷，自然有其吸引力。🤭🦀🍅蟹膏蕃茄湯檬🍜最出色當然係蟹膏蕃茄湯濛，湯頭鮮甜，帶有淡淡蝦味，難得。蕃茄大大嚿，咬落去連埋湯汁，瀉出鮮甜湯味，正！豬紅有微微嘅斑蘭味，幾特別。最重要係蟹膏相當大份，好香好好口感。🔔要注意嘅係，我第一次係下晝🕐，去完全無可挑剔；第二次係星期五晚🕖，覺得同下晝嘅出品都有段距離。👓到夜晚，豬紅有少少嚡，芫荽都少咗好多，湯頭都係下晝濃少少。呢方面大家就要留意取捨啦。📣💭💭🥓🥖越式法包🥖法包好多枱都有點，不過因為我好鍾意食法包，就覺得佢只係普通。入面嘅肉醬唔夠多，豬肉都偏乾身，令整體唔夠鮮味多汁🙂‍↔️。暫時屯門法包都係世一。🥒🦐米子蝦卷2件米紙卷就不過不失，冇乜特別。有自家醬同越式魚露二選一揀。我梗係試自家唱啦，有少少沙嗲味，面頭有一啲花生，🙈味道唔算突出。🥠🌱綠豆斑蘭糕好食，用BB綠豆壓碎，斑蘭糕嘅部份非常煙靭，無怪乎要俾兩個叉。雖然斑蘭味唔突出，但係綠豆蓉好清新舒服，只係$15，物超所值。🥳

第一郡由深水埗細舖，搬到油麻地大鋪，地方闊落咗位置多咗，但依然人山人海非常受歡迎，皆因無論粉麵、法包、小食、甜品都非常有水準，絕對係我心目中香港越南菜嘅第一名🇻🇳🤟🏻🪴蟹膏蕃茄湯檬湯頭好香蕃茄味，酸酸甜甜🍅配料有扎肉、豆卜、豬紅、生菜，最重要係大大塊蟹膏餅🦀非常濃郁蟹膏味道，入口軟軟的，好似海綿咁有層次感，吸晒湯底嘅精華🤤越南米線好彈牙🪴烤豬肉法包法包烤得好香脆🤤餡料好豐富，香口、肉質軟嫩嘅烤豬肉、爽脆嘅青瓜絲、醃蘿蔔酸酸地好開胃，一啖咬落去就係享受🥖💯🪴米紙蝦卷包咗檬粉、豬肉、生菜、香菜、蝦🦐他們新鮮，絕對唔係急凍嗰啲🙂‍↕️醬汁可以減自標醬或者魚露，一一一定要是佢哋嘅自家醬！有啲酸蘿蔔同花生🥜味道類似甜醬麻醬，味道好特別，出面食唔到💯👍🏻🪴斑斕糕世一斑斕糕‼️一上枱就清新撲鼻，入口軟糯Q彈，中間有一層綠豆泥，口感豐富，鍾意斑斕味嘅朋友一定要試‼️‼️💯🪴芒果糯米卷糯米卷皮沾上椰絲，裏住甜甜嘅芒果🥭🪴芒果沙冰🪴凍奶茶芒果沙冰好順滑，甜度啱啱好🥭！凍奶茶就不過不失，都Okay🧋餐廳仲有提供斑斕水，好特別‼️

上個週末喺油麻地幫朋友搬完屋勞動咗成日 餓到甩轆朋友介紹附近有間越南菜又平又好食於是兩隻餓鬼決定食晒人哋個menu🤣🤣樓下其實好似服務式住宅嘅大門真係唔知原來呢度有嘢食一上到2樓就係餐廳入口.勁餓嘅關係 所以樣樣都好想食🫣結果兩條友叫咗：♦️米紙蝦卷2件 配自家醬♦️越式香茅雞翼5件♦️烤豬肉越式法包（切開3份） ♦️烤豬肉湯河 （加$10 烤豬肉）♦️甜品 - 斑蘭糕 & 芒果糯米卷..米紙蝦卷米紙卷包到漲卜卜 卜本身味道較淡 配埋自家醬料剛剛好自家醬料有啲似印尼沙嗲醬如果鍾意食辣嘅可以去自助醬料區度拎辣醬同埋辣椒🌶️ 越式香茅雞翼望上去唔算大隻，但係味道okay 唔會太咸烤豬肉越式法包點餐嘅時候可以揀切2份/ 3份或者4份10分體貼 ～ 啱晒同朋友share法包烘到好脆 入邊夾住超多蔬菜絲 爽爽口感加埋甜甜地嘅烤豬肉口感豐富又清爽～好好味.烤豬肉湯河 （加$10 烤豬肉）個湯河本身已經好大碗 超多金不換😍豬肉原來本身都係另上的 再加多份就係兩碗另上 食肉獸朋友表示非常好👍🏻辛苦咗成日 唔叫返個甜品同嘢飲獎勵自己都唔得芒果糯米卷好大嚿芒果餡外皮好薄 煙煙un un 又唔會太甜斑蘭綠豆糕又係好 c

以前喺深水埗店嘅時候已經幫襯過Q1，今次第一次嚟新店食，水準仲保持到。平日晚市時段滿座，可見佢受歡迎程度。米紙蝦卷 ($45/2)有得揀要魚露或者係自家醬。魚露都大概知佢係咩味道，所以今次就食咗自家醬。佢係類似花生醬底，落埋其他材料好似係炸蒜同埋蘿蔔絲。個醬簡直係米紙卷嘅精華，因為如果淨係食嗰個米紙卷嘅話就會比較淡味。米紙卷用咗啲葉包住，入面嘅材料結實整齊，有扎肉、粉絲、生菜、蝦等，都好新鮮。食一條已經夠晒飽。蟹膏蕃茄湯檬 ($65)用手機落單嘅時候可以自由選擇要多d或者唔要咩配料。重點配料好似係蟹膏塊都可以加錢要多一嚿。個湯做得好入味，蕃茄味同埋蟹膏味都balance到，檬粉軟硬度適中。沙甸魚軟包 ($42)平時食法包有時會覺得好介口，今次就想試吓軟包好唔好食。個包暖暖哋，食落好舒服。茄汁沙甸魚嘅味道唔會太酸。越南香茅雞翼 ($35)主要係食到佢個香茅味，冇話好驚艷，個皮有少少脆。芒果糯米卷 ($35)有啲似食緊長洲糯米糍，軟綿綿，芒果唔酸 。呢款就加埋椰絲，加添一份東南亞風味。斑斕綠豆糕 ($15)係我心心念念嘅斑斕綠豆糕啊，以前食過一次之後念念不忘。佢帶有少少斑斕嘅香味，食落煙煙

之前已經喺第一郡食過一次仲要係喺佢仲喺深水埗嘅時候搬咗新舖環境大好多因為多位咗嘅關係仲唔使排好耐🫶🏻菜式嘅選擇非常之多雞翼熱辣辣非常之惹味蟹膏蕃茄湯檬用料十足蟹膏嘅味道非常濃郁，整個湯底亦都非常之鮮味而檬粉亦都非常之掛湯鍾意酸酸尾尾嘅人一定要嗌呢一個扎肉軟包啲料就嚟多到爆出嚟蘿蔔同埋青瓜嘅配搭，令到整個包嘅味道都非常之清新軟包亦都非常之酥脆加埋肉鬆同埋扎肉所有嘢加埋嘅口感非常之完美我哋仲要加咗辣醬，呢個辣真係非常之出色，建議食得辣嘅朋友都可以加大蝦米紙卷配搭埋佢嘅秘製醬但有好濃郁嘅花生醬口感值得一試烤豬肉法包亦都非常之出色豬肉肉汁豐富，配搭埋清爽嘅青瓜同埋蘿蔔絲完美中和左豬肉所帶嚟嗰種油膩嘅感覺法包亦都係烤得非常之酥脆而甜品方面我哋亦都叫咗斑斕綠豆糕，芒果糯米卷，紫米糕，榴槤糕，飲品就叫咗牛油果奶昔佢哋嘅甜品都係限定出售賣晒就冇好好彩食到佢哋招牌嘅斑斕綠豆糕，口感非常之煙靭之餘仲有淡淡嘅椰香味其他嘅糕點都發揮得相色牛油果奶昔牛油果味都好出，亦都唔會太甜啱晒唔鍾意太甜嘅朋友仔👍🏻

位於彌敦道樓上舖，油麻地就咁行過去既話好易Miss佢既入口，因為個入口係細細的好似去酒店咁款既玻璃門，不過跟住地址細心既人係唔難搵既，搭Lift上二樓就會到，呢日係平日，我六點半黎，點知七點已經坐滿兼有人等位，好在黎得早咋，舖頭入面裝潢唔錯，簡單但又帶有越南風味，相信老闆有花過心思落去，人人都話要食既班蘭糕沽清，又冇得食Tim，唯有留返下次啦！講返啲食物，我個人絕對推介，無論主食定小食都係好味得黎仲要唔貴！芒果沙冰呢次係我第二次黎幫襯，上次個牛油果沙冰已經令我喜出望外，今次因為嗌得多野食，唔想咁流，就嗌芒果沙冰，但係一樣冇令我失望，好味！甜度適中，冰同芒果肉既混合比例做得好好，唔會令人平時飲沙冰果種冰還冰，果還果既感覺，出色！！米紙蝦卷一件會切開兩份，揭開塊業就會露出皮薄餡靚既蝦卷，先清清地咬一小啖，露出入面既料時一定要搽上佢附上既獨特醬料(花生、蘿蔔、麵豉等)，兩者配合果種味道係無得輸，會食到停唔到口同不斷想添加啲醬烤豬肉撈檬+雞絲一上枱第一個感覺係都幾大兜，大大碗男仔都會覺得夠食，而我加既雞絲一樣好多，唔同其他舖頭既無良心，食到我好滿足，味道不在話下，撈埋一齊，烤豬肉肥瘦適中，有烤

今日行開油麻地，發現呢間第一郡，好熟口面，原來係以前係深水埗搬過黎既。個時已覺得好好食，但好快就冇左，竟然開左黎呢度，所以一定要黎食下。 入到黎，嘩，大過深水埗好多，好闊落，好多枱。 我同朋友都好期待，見到佢餐牌其實好多野都想叫。 首先要點既係牛油果沙冰同芒果沙冰，佢既出品超真材實料，係肉多過冰，又令人飲到透心涼。 跟住就係佢出名既紙米卷同留定斑蘭糕同其他糕先，真係好搶手。跟住就可慢慢睇其他野叫。 因為咁熱，我地都簡左撈濛，烤豬肉撈濛同扎肉撈濛。 真係水準之作，除左夠大碗，入面既肉好好味，配料都好到位，仲有個汁都教得啱啱好。 而軟包都好有特色，我地叫左越式同沙甸魚包，好好味，每啖都勁juice ，而且沙甸魚好香。 最後忍唔住試埋佢勁香口既炸雞翼，同慢慢享受佢超好味既甜品。 真係唔可以錯過，每款甜品都勁足料。 下次真係要再食過。

呢間越南餐廳我早幾年好鍾意食，之前一直喺深水埗嘅時候，最近想食越南嘢，先發覺原來已經佢哋搬咗去旺角，今日去試一試睇吓有冇進步或者退步要試吓個斑斕糕啦，牛油果冰沙啦同埋蕃茄蟹檬，我以前最鍾意食呢三樣。個水準完全冇差到，個班歌好重斑斕味道好煙靭，好好食，唔會太甜，唔會好漏，啱啱好。牛油果冰沙直頭係超級邪惡，裏面係冇冰粒冇冰沙，好順滑，好似飲緊忌廉咁，又有少少牛油果嘅味道， feel到好足料。最後去到蕃茄蟹檬，我最鍾意就係佢哋嗰舊蟹蟹蒸蛋，同埋佢啲扎肉都彈牙呀，冇乜味精味。 Lunch去到嘅時候都多人，要排一排，證明真係好好食。