第一郡

營業中

休息中

以前喺深水埗工作嘅時候，已經聽聞呢間越式餐廳非常好食。今次嚟到油麻地分店，位於一棟酒店嘅2樓，環境非常開陽。2:00嚟到人流都唔少，果然唔少嘢。越式法包餐廳好貼心，可以揀分兩份或者三份，方便同朋友share，今次我勁大頭蝦，嚟到見到實在太吸引，食咗一舊先醒起影相。入面嘅餡料相當豐富，鵝肝醬更加令成個包括鮮味精華，法包烘得啱啱好，鬆脆唔會太硬，足料。茄膏蕃茄湯檬呢個有啲似越式嘅車仔麵，豬紅蕃茄，蟹膏就其實係正方形嗰塊餅睇落似豆卜，食落係滿滿嘅蟹味，鍾意海鮮嘅朋友必叫。芒果沙冰+牛油果沙冰招牌沙冰，牛油果個杯應該入面加入左牛奶，非常Creamy。至於芒果嗰杯唔會太甜天然。芒果糯米卷+斑斕糕芒果糯米卷有啲似長洲嘅糯米糍，芒果食得出係新鮮，一式兩份。班蘭糕非常煙靭，斑斕味仲好重。整體而言，係一間坐得舒服味道又唔錯嘅越式餐廳，油麻地難得一見。

第一郡呢間越南嘢喺舊舖嘅時候已經想食喇，但係經常行過都好多人排隊，而且當時門面唔太大，所以一直都未有嘗試。而家第一郡嚟咗油麻地開鋪，鋪面闊落咗好多，放工經開呢頭就嚟咗呢度開餐啦。今日返工忙得滯連晏晝都冇食，所以我哋就決定大吃特吃，主食我哋嗌咗蟹膏蕃茄湯檬同埋烤豬肉法包，小食方面就嗌咗大嘅米紙卷，至於嘢飲呢一人一杯沙冰就走唔甩喇。蟹膏蕃茄湯檬湯檬湯底10分香濃，又唔會一味死咸，大啖大啖食都唔會好漏，當中配料最突出嘅就一定係蟹餅，食落啖啖蟹味，蟹膏同蟹肉撈埋嘅味都好突出。好味指數： 🌕🌕🌕🌕🌕米紙卷（大）米紙卷就同餐牌上嘅相一模一樣，大嚿得來好足料，除咗有呢啲食落好清爽嘅配料之外，仲有大大隻蝦添。好味指數： 🌕🌕🌕🌕🌑烤豬肉法包法包方面傳統嘅就食得多，今次我哋就嗌咗烤豬肉法包，估唔到又有另一番風味，燒烤過嘅豬肉就好似食緊串燒咁樣，同埋發包外脆內軟嘅配搭，簡直就係一流！好味指數： 🌕🌕🌕🌕🌕食到咁上下見到隔籬枱嚟咗一碟香茅雞翼，我都忍唔住再嗌咗，食完個雞翼再飲埋杯沙冰就飽到攬住個肚走喇。

以往開設於深水埗的越南餐廳，味道正宗，份量十足又美味，往往都要排隊，一位難求。知道油麻地開左鋪，位置更闊落，可容納更多人客，今晚決定同朋友去幫襯！食後覺得食物依舊美味，而且餐廳大左，唔洗等位，值得大力推介，根本就是越南嚐到的味道！揀咗個越南法包同埋蟹肉蟹膏蕃茄檬粉，同埋要咗杯芒果沙冰。法包等咗一陣就送上，熱辣辣外皮夠晒脆，我哋揀咗一分為2，方便食用，餡料十足，包括腩肉，扎肉，肉鬆，酸菜，青瓜，芫荽，蔥同肝醬。蔬菜類新鮮又有獨有香氣，特別開胃，肝醬香濃，再加腩肉，扎肉同肉鬆，味道豐富，風味十足！呢外檬粉真係好味到超出預期，材料包括蟹膏餅，蕃茄，扎肉，豬紅，蕃茄湯底非常濃郁而且香味豐富，蟹膏餅好好食，吸左湯汁，咬落去啖啖蟹膏味，豬紅QQ，同樣有扎肉，仲有豆卜同大番茄，再有少少香料，提升味道層次，非常好味道！再飲埋杯濃香芒果味道嘅冰沙，透心涼，甜香好味，芒果味十足！呢餐真係味蕾大滿足！

<第一郡>，呢間越南菜餐廳，真係久仰大名👑 是日有事去開油麻地，終於有機會品嚐😋搵個窗邊靚位坐低落單，第一件事，就係嚟個小型芒果盛宴🥭 🍽️芒果沙冰（$35）、芒果糯米卷（$38）芒果沙冰十分驚艷✨ 味道要用「清雅」嚟形容，今次係我第一次用「清雅」形容芒果 食/飲品😮 沙冰主要成份其實係芒果/乳酪，飲落冇冰粒，好滑，每一滴都散發濃郁🥭味又唔太甜😍芒果糯米卷皮非常軟糯☺️ 入面🥭大大舊，甜度爆標，好食👍🏻班斕葉綠豆糕（$15）必試抵食精緻之作😱 班蘭層煙韌到不得了，拉絲冇難度，而且班蘭味超香，真係好難得🫶🏻 加埋綠豆蓉，糕點口感層次更上一層樓🙌🏻沙甸魚軟包（$48）沙甸軟包內有乾坤，打開入面爆曬餡😇作為愛魚之人，好鐘意越南風味嘅沙甸魚餡🥰 加上個包其他豐富餡料，好滋味😆見好多食客都食緊米紙蝦卷，我都少少哋嗌一件試吓先😝 米紙蝦卷（$28）（1件）揀咗配花生、炸蒜自家醬😎 隻蝦絕不欺場，彈牙大隻有睇頭🥳 當中夾有腩肉，令個卷香氣更多更正🤩埋尾一諗起要喺條熱辣辣嘅街度行🙄 忍唔住 order 多杯沙冰🙈 鳳梨沙冰（$32）鳳梨沙冰又係另一個驚喜，有別於芒果沙冰，鳳梨沙冰酸度高啲，

終於來到一試第一郡的蟹膏番茄湯麵，沒有想像中的好，蟹膏尚算咸香，但那番茄湯卻沒有番茄味，一點清甜的感覺都沒有，番茄就只是這碗麵其中一種配菜，而不是用番茄做湯底，是我想多了😅朋友點的是雞絲撈檬，食撈檬通常有樽醬汁給你自己調味的，但這店是已調好味才上桌，沒有醬汁奉上，看見朋友的這碗撈檬白奶奶的，既沒蒜，亦沒辣椒，令我連試一口的興趣也沒有朋友更點了芒果糯米糍，細細件的，但索價非常進取，要38元。總括而言，試過便算了

朋友話每次搭車經過都見到呢間店嘅招牌，想試好耐，好啦🤗，今日就同佢上嚟試吓；店舖位於油麻地，喺油麻地MTR C出口行幾分鐘就到，搭𨋢上2樓唔使等，上到去已經見到幾乎滿座，好多人幫襯😎店舖環境闊落，雖然滿座但一啲都唔迫，店員人數充足，而且好Nice👫一坐低，我哋已急不及待睇吓有咩食，店舖用QR code落單，十分方便，而且唔使等好耐就已經有得食🥳📝我哋order咗以下食物：💁‍♀️蟹膏蕃茄湯檬$90- (💁‍♀️另加蟹膏$20-)見到好多人都有order呢款，所以跟住叫😆，碗湯檬好大碗，入邊好多材料：有半個大蕃茄，豬紅，豆卜，芽菜等等，仲有一大塊蟹膏🤩，蟹膏味道非常濃郁，好特別好好食，所以我哋另加多咗一件 ，一人一件唔使爭🙂‍↔️💁‍♀️肉鬆軟包$48.00-呢個我極度推介😍，本身同朋友掙扎緊究竟叫發包好定軟包好，後來我哋決定緊軟包，係因為怕發包太硬，我哋要咬好耐😂；肉鬆配軟包，超！級！好！食！肉鬆多到就嚟跌出嚟，配埋青瓜，紅蘿蔔絲，非常清新😝💁‍♀️越南香茅雞翼5件$38-上枱時熱辣辣，香茅夠晒入味💁‍♀️米紙蝦卷2件$50-呢款朋友嚟到就話一定要叫，佢好鍾意食，上枱時用葉包住，食之前拆開，入邊又

今日約咗幾個friend一齊去旺角食嘢，就搵到呢間樓上越南嘢上到嚟別有洞天，餐廳都幾大間，座位都好坐。餐牌都有好多選擇，鍾意食越南嘢嘅實搵到啱嘅嘢食。烤豬肉撈檬加雞絲($80)撈檬汁已一早調好咗﹐唔會太酸太甜﹐配落好鬆化嘅豬肉度﹐吊返啲鹹香出嚟﹐個配搭都幾好而雞絲份量都好足﹐配埋酸甜蘿蔔絲一齊食﹐更加滋味蟹膏蕃茄湯檬加蟹膏餅($90)呢款係我心目中嘅No.1，超鍾意食佢嘅蟹膏餅，食落十分鬆化，好似食緊豆腐咁，又有好濃郁嘅蟹膏味，超級推薦！而個湯底本身都好有蟹味，湯檬加咗芽菜，更加爽口，成個配搭都好惹味！烤豬肉軟包($60)豬肉軟包有啲似食緊漢堡包，包皮比較腍，加上好香嘅豬肉，會食到多啲佢嘅鹹香味，另外因為用咗一啲芫荽同香料調味，整體感覺比較輕盈越式法包($60)呢款法包有好多材料，包括扎肉、肉鬆等等，味道、口感都好豐富，比起軟包，我更喜歡食硬身嘅法包，感覺會更夾越南香茅雞翼5件($76兩客)雞翼煎得好香，而且香茅味好入味，又夠大隻米紙蝦卷2件($50)呢款都算係招牌菜！蝦卷每條開二，有好厚實嘅餡料，仲有隻鮮蝦喺入面，整體感覺會比較fresh，而醬汁有種南洋沙嗲嘅感覺，花生味道好濃好香各

深水埗名物第一郡搬左去油麻地。新鋪一樣方便，仲要坐得好舒服！🔶越式烤豬肉法包：法包非常外脆內軟，唔會好硬。至於豬肉熱辣辣，烤得好香，配上酸蘿蔔非常易入口！🔶越式雞扒飯：雞扒即叫即炸，皮脆肉滑。炸得岩岩好，唔會太油亦唔太乾！白飯仲配上湯浸菜心，包你食完唔會有罪惡感🤣🔶越式米紙蝦卷：米卷皮夠薄又足料，蝦夠哂大隻，配上自家製惹味花生粒醬汁非常好食！🔶芒果糕：芒果夠哂甜，正！🔶榴連糕：榴連味夠哂濃，最岩重口味人士！🔶芒果沙冰：沙冰好creamy，芒果味夠濃，消暑良品！

I used to be regular customer of this shop but when they changed location, I rare come.I just happened to be working around this area today and came over to order 蟹膏蕃茄湯檬。點知出事！個湯而家剩係得個酸味，完全冇蟹味豬紅係黑色既（自己睇相）最後外賣叫左杯牛油沙冰走人！唔會再食！bye!!!!!!!!!!!!!!!!!!!!!!

#christine開飯日記 最近天氣熱辣辣搞到都冇乜胃口。所以就想食啲酸酸辣辣嘅嘢醒下胃🤭上網見到呢間越南嘢呢係家庭式經營嘅，啲嘢食大份又抵食，就去試下🌟烤豬肉撈檬（$70）份量超級足料，佢嘅烤豬肉都幾好味，一啲都唔乾😍檬粉，再加上芫荽青瓜，成件事勁refresh🌟越式法包（$60）佢嘅法包超貼心可以幫你一開四🤭咁女仔食就唔怕整到成嘴都係啦。而且呢佢個包係好鬆脆咬落去好香口，佢嘅肝醬做得好夠味😍😍入邊有扎肉同埋腩肉。口感都幾豐富㗎🌟米紙蝦卷2件（$50）入邊嘅餡料都好豐富㗎，有蝦、扎肉、豬肉、粉絲同雜菜，口感都幾豐富，加埋魚露一齊食都唔錯😌🌟芒果糯米卷（$38）佢嘅芒果好新鮮，加埋煙煙韌韌嘅糯米皮👍👍👍🌟斑蘭糕（$15）我覺得佢哋嘅甜品呢都真係可以一試，特別係呢個斑蘭糕，第一層呢係煙靭嘅斑蘭糕，中間呢佢夾咗一啲綠豆蓉，成個糕都唔會太甜👍🍴第一郡 (油麻地)📍油麻地彌敦道483-485A號2樓

之前已經聽過有人介紹呢一間越南餐廳，當時重係深水埗，依家開左係油麻地，午飯時間過黎試下。雖然餐廳係二樓，但上到去既時候幾乎滿座烤豬肉撈檬 $70配料：烤豬肉，芽菜，香菜，青瓜，生菜，花生，酸菜餐廳用手機落單，所以可以按自己喜好選擇唔食既配料烤豬肉肉汁豐富，唔乾，分量多蟹膏蕃茄湯檬 $70配料：蟹膏餅，蕃茄，扎肉，豬紅，香菜，芽菜，生菜，檬粉每枱都必叫既米線，當然要一試啦非常特別既蟹膏餅，食落口感似豆腐，鮮味突出，加上吸左酸酸甜甜既蕃茄湯，另有一番風味用料實在，配菜多到個湯都就滿瀉越式軟包 $52配料：腩肉，扎肉，肉鬆，酸菜，青瓜，芫荽，蔥，肝醬係法包同軟包中選擇左軟包，食落口感都有種法包既感覺，但易咬好多🤣中間餡料配合起黎好清新既味道斑斕綠豆糕 $15朋友介紹必點之一！班蘭味十足，煙煙韌韌芒果糯米卷 $38糯米皮薄，芒果鮮甜各款糕點 $8/1件叫左紅豆、芒果、榴槤、紫米味，正正常常牛油果沙冰 $35鳳梨沙冰 $32天氣咁熱真係好需要一杯清涼解渴既飲品，兩杯都唔算太甜，牛油果飲落偏杰身，鳳梨就比較似沙冰口感

終於有時間再嚟食心裏面最好食嘅越南菜第一群Q1🥰🥰以前餐廳喺深水埗時候就食過，嗰陣時覺得好正宗好好食價錢又平！今日嚟到油麻地店，水準依然，價錢公道！必須要嗌一杯牛油果沙冰解暑，牛油果非常濃郁出面少餐廳做到咁creamy ❤️❤️另外都叫咗米紙卷，一定要跟佢嘅自家醬，有好多香料❤️❤️所以點嚟食味道更有層次🫶🏻必食越南法包，依然係咁大份，個包好鬆脆，入面啲肉都幾多，加埋啲肉鬆一齊食口感好好， 60幾蚊有咁大件🫶🏻🫶🏻仲有蟹膏蕃茄湯檬，十分之濃的濃底，大大舊番茄同蟹膏！每次食都好驚艷😛甜品食呀芒果糯米糍😋皮薄而且芒果好厚又juicy!!

深水埗非常有人氣越南菜館，最出名蟹膏蕃茄湯檬及班蘭糕。最近搬去油麻地，地點更加方便!! ⛵👒- 蟹膏蕃茄湯檬 HK$65 🦀🍅🍜鮮味爆棚!!蟹膏餅充滿蟹肉蟹膏入口鮮味強烈!!蕃茄湯底酸甜充滿金不換香氣，味道有層次。配料胡椒札肉，豬紅及吸汁豆卜，充滿鮮味!!- 越式法包 HK$55 🥖🐷越南名菜足料法包!!法包微微烘烤過外皮鬆脆，內裡濕潤。內餡有腩肉及扎肉清爽又充滿肉感，肝醬惹味甘香，各款爽口醃菜芫荽，口感味道都非常豐富!!- 班蘭糕 HK$15 🌴必試人氣甜品!!班蘭糕有三層，上下兩層是班蘭蒸糕，口感滑溜又軟糯，充滿班蘭清香。中間一層則充滿椰香。極具越南風味超好食!! - 芒果糯米卷 HK$35 🥭🥥足料甜品!!黏滿椰絲糯米皮非常彈牙又扎實，包裹著超新鮮香甜芒果，份量十足!!

呢間餐廳成日都見到有人會去食，今日終於扚起心肝試吓，想試吓佢最出名嘅班蘭糕，聽人講係需要預約嘅，但係我哋就冇咁神心啦，不過今日坐低之後都第一時間睇吓落單嘅時候有冇，未諗到食咩主菜就已經叫咗一份班蘭糕($15)! 都真係幾有驚喜，班蘭糕有三層，好似一個碗仔咁大面積，食落去唔似大菜糕嘅質地，反而似一啲煙韌嘅麻糬，斑斕味好香，而且細心食落去每一層都有各自嘅味道，加埋一齊都真係幾滿足，呢個價錢食到咁嘅質素都算係抵食。烤豬肉撈檬($65)加扎肉($10)走花生: 用手機落單，其中一個好處都可以真係根據自己嘅喜好而叫，可以揀走花生走蔥走芫荽等等，今次我哋就加咗扎肉。泡豬肉份量好多，而且整得好入味，再加上自製嘅醬汁，份量都剛好唔會太過鹹或者過酸，而且所有配料嘅份量都好慷慨，應該一個人食完都夠飽。雞絲湯河($65)加丸($10)少粉: 雞絲份量不得了，已經嗌咗少份，但係都食唔哂，河粉好滑，而且湯好甜，所以令到成件事好滿足！越南香茅雞翼5pcs($35): 呢一個價錢有五件，真係好實惠，而且佢嘅味道真係有淡淡的香茅味，仲要係新鮮整出嚟嘅，仲有保留左佢嘅肉汁，好味。牛油果沙冰($35): 好厚實，啖啖都係

餐廳屬小店經營，價錢實惠。不過餐牌上可選擇嘅食物種類唔多。順化牛腱米線一上枱就好香，入面有牛腱肉,牛筋爽口彈牙，扎肉。 配搭埋個湯底一齊食，好好味啊！越式法包勁窩心，可以切開一半/3份/4份~滿滿嘅餡料，入面有蘿蔔絲，芫荽，扎肉，肝醬等等。個法包烘脆左，好香口。米紙蝦卷呢個蝦卷可以配自家醬汁，係花生醬黎。入面有蝦&檬粉.沾上佢嘅自家醬汁味道更好。仲有甜品斑斕糕，煙煙韌韌，而且好濃斑斕葉嘅味道。飲品點左芒果沙冰，飲落微甜，好香芒果味。餐廳係繁忙時間只可坐60分鐘，無人排隊嘅話就無人趕你走🤣 晚餐時段餐廳已經座無虛席啦~