立鮨 (安富大廈) (已結業)

速食文化 + 香港式生活一個人無無聊聊走去荃灣搵嘢食， 行過見到呢間壽司店新開張，於是走去攞飛 ，一等就等咗個半鐘， 入到去坐低點完壽司， 十五分鐘唔使，一板過送上嚟， 這就是香港人的生活在加上速食文化的用餐體驗， 真係一啲都唔浪漫。 食物同價錢方面我覺得可以接受， 當然不能說什麼性價比。新店開張送的海膽三文魚子超讚，其他壽司不過不失，但驚艷在最後一個海苔大拖手卷，甘心再排隊!

立鮨荃灣開左新分店呀🍣‼️原本以為都係要企係度食 但見到其實有位坐🤩間隔係好似omakase咁圍住bar枱坐新開業都好多人排隊 所以我就叫左takeaway帶翻屋企食😋😋呢度嘅壽司有平有貴 可以視乎個人口味去揀🙆🏻‍♀️🔺火炙三文魚 ($9/件)🔺火炙左口魚 ($20/件） 🔺火炙松葉蟹腳 ($30/件）🔺活赤貝 ($30/件）🔺中拖羅 ($38/件) 🆕黑松露玉子 ($15/件) 🆕黑松露赤蝦 ($22/件) 🔺立鮨壽司拼盤 ($78)佢地嘅壽司飯係茶色 用左紅醋而唔係透明個隻食落唔會酸 唔會搶左魚生嘅味道🙆🏻‍♀️火炙類無額外加mayo/黑椒去燒 燒得香口 有焦香嘅味道 松葉蟹腳燒完都仲係好juicy😍😍大推呀魚生方面當然係主攻拖羅🤤🤤今次試左中拖羅 因為只係中所以未至於入口即溶 不過油脂味岩岩好 同埋都好新鮮另外赤貝都好好食 夠爽口同彈牙🥰仲有海水味🉐💯見佢地期間限定做緊黑松露系列 唔執輸都叫左兩舊試下黑松露醬都香嘅 加玉子感覺都唔錯不過加赤蝦反而就唔算話好夾 味道唔算好震撼好唔好食就見人見智啦最後仲叫左個set 因為有海膽😍😍😍都幾creamy 同埋都甘甜 絕對冇腥臭味💯💯

夜晚仲未有堂食，最近都係買外賣多，今晚想食有質素嘅壽司，就揀左即叫即整嘅立鮨，我由尖沙咀店食到佢新開嘅荃灣分店，水準一路保持到！所以佢嘅荃灣店一開已經係人氣店啦！北寄貝壽司$12 爽口彈牙鰻魚壽司$15 燒烤味好香，無骨唔腥珍寶赤蝦壽司$15 赤蝦大大條，鮮甜爽脆北海道帶子壽司$15 食帶子必食北海道產，我嘅最愛北海道特大珍寶帶子壽司$38 同普通size 嘅帶子壽司擺埋一齊珍寶帶子有幾珍寶！好厚肉啊！決定以後只食珍寶～日本白烏賊壽司$15 白鳥賊壽司製作用心，白烏賊經過𠝹花、灸燒，配埋特製醬油，食落就知同出面有幾唔同！原隻活赤貝壽司$30 赤貝用上活赤貝，帶有海水甜味三文魚籽軍艦$20 粒粒晶瑩透亮，食落脆卜卜，鮮味喺口腔內爆開海膽手捲$38 creamy 無苦味，同手卷嘅紫菜係絕配特上吞拿魚盛合 $160 有5件唔部位嘅吞拿魚：大吞拿魚腩、中吞拿魚腩、赤身、灸燒吞拿魚、吞拿魚軍艦。唔同部位唔同口感/味道。吞拿魚迷必食！

之前都介紹過一次立鮨 見喺荃灣開咗新分店 即刻去試多次😍好鍾意食呢間嘅壽司 啲刺身全部都好鮮甜 個壽司飯都好好食❤️.廚師發板👨🏻‍🍳 10件$358初嘗omakase😋今次有:大拖羅,深海池魚,油甘魚腩,珍寶大帶子 ,牡丹蝦,赤貝,真鯛,左口魚,赤鯥,甘目鯛🐟有幾款魚都係第一次食🤤個帶子真係好大隻🥰最後嗰三款面頭燒過 好香火炙味🤤.火炙大吞拿魚腩海苔壽司🔥 $48呢款真係必食‼️大拖羅肥美甘香 油脂十足 入口即融🤩新鮮整 塊紫菜好脆 夾埋一齊食口感夠晒豐富😌.迷你海膽魚籽杯🐡 $48雖然佢寫迷你 但係覺得兩個人share都夠 如果唔係會好溜😛個海膽好滑 魚籽一啲都唔腥😍.炸軟殼蟹卷🦀 $68一碟會有三件 軟殼蟹炸得好脆😚唔會淨係得炸皮 都幾多肉🤤入面有青瓜同沙律醬 面頭仲有蟹籽😎呢個都唔錯😝.燒鱈魚乾🐟 $48第一次食呢個 原本以為係好似魷魚絲咁🤣點知佢係脆嘅 好似薯片咁😍食落甜甜地 一啲都唔似食緊魚😆點少少醬食 味道更加豐富😋.仲嗌咗其他幾款:火炙三文魚壽司🔥 $9火炙三文魚腩壽司🔥 $20牛油果壽司🥑 $9火炙白烏賊海膽壽司🦑 $25熟蝦壽司🦐 $12珍寶熟蝦壽司🦐 $30

我真係立鮨既FANS，今日見荃灣竟然都開左立鮨，望下入面竟然仲有位坐添原來荃灣店有自選壽司選擇，有 6件，8件同10件，另外仲可以用優惠價換指定既壽司首先就食個刺身先，都係叫媽媽至愛既三文魚腩同埋赤貝刺身依然鮮味我就叫左自選壽司10件，每款最多可以揀 2件我就揀左蟹肉蟹膏軍艦，碎蔥吞拿魚腩軍艦、北海道帶子壽司、珍寶甜蝦壽司同三文魚壽司計返幾實咁樣叫10件都幾抵架，平過就咁散叫，不過都當然睇下你叫邊一款壽司啦，叫價錢高D既，其他價錢低D既就散叫係自選裡面我覺得最正既一定碎蔥吞拿魚腩軍艦同埋帶子壽司，抵食夾大件其實牛油果用黎做壽司都幾正優惠價換購既好多正野，當然一定要叫嘅就係北海道海膽壽司同埋大吞拿魚腩壽司，仲有北海道特大珍寶帶子壽司肥美既大吞拿魚腩，入口即溶海膽鮮甜，2款都超正北海道特大珍寶帶子壽司厚肉鮮味午市套餐仲包括埋餐湯同沙律媽咪好鍾意食海膽，所以仲叫左個海膽杯比佢滿滿既海膽食完真係好滿足

Lalalalalala🎵🎶食壽司係最開心嘅幾年前尖沙咀店新開嘅時候 已經幫襯過一次 一開已經好高人氣 當時排隊都一定要食到😌因為價錢唔貴 質素又高 所以要立食大家都唔介意 知道荃灣開咗新店 仲要有得坐 點可以唔翻啅呢🍣食物選擇比之前多咗 除咗壽司刺身 仲有唔同嘅小食tim🥢◾中吞拿魚腩壽司◽北海道特大珍寶帶子壽司◾火炙左口魚邊壽司◽三文魚腩壽司◾鰻魚壽司◽和牛壽司◾珍寶赤蝦刺身◽三文魚腩刺身◾三文魚籽海膽杯呢度嘅壽司都係即叫即握 我哋坐bar枱位置 師傅整好就直接奉上 好鐘意呢種小互動👐🏻而質素依然無變 好!新!鮮! 基本上每款都好滿意 最鐘意嘅係中吞拿魚腩 火炙左口魚邊同和牛 因為我對入囗即溶係全無抵抗力😆另外三文魚籽海膽杯都係必必必必須要order嘅💞

鍾意食壽司嘅朋友絕不錯過首次進住新界區荃灣路德圍的［立鮨］🍣壽司店已經開幕🎉三文魚籽海膽杯🍸每粒三文魚子都多汁大大粒咁爆開，連埋新鮮的海膽和海帶一齊進食絕對幸福滿瀉🤤（必食項目）炸軟殼蟹卷🦀軟殼蟹乾脆爽口，嚟到經已急不及待品嚐😂剌身🍱北海道帶子、劍魚腩、珍寶甘蝦（必食項目）、深海池魚💕非常新鮮肥厚而且色澤好靚，十分有水準！！！牛油果壽司🥑入口即溶$9件夠哂親民抵食👍🏻值得一試、出色👅另外食左壽司🍣有三文魚腩、北海道帶子、活赤貝、海膽軍艦壽司、三文魚腩、北海道帶子、活赤貝、海膽軍艦👍🏻👍🏻👍🏻壽司飯用上赤醋飯，可以唔使再點醬油食。而燒物一口牛也是必食項目🐄呢度嘅壽司種類非常多款款都好吸引，師傅係即叫即整🍣荃灣分店仲有得坐添！街坊們有多一個食日本菜嘅好地方啦

其實平日都鐘意揀d大舖頭，貪坐得舒服，今日因為朋友既關係黎食野，本人比較矮所以唔鐘意坐咁高既凳有d唔開心，不過朋友話呢間野好出名，又好食，抱住試下新野既態度，平時試親新野都中伏，等就真係等好耐，咁其實要等咁耐應該就真係有d料到，所以都硬住頭皮陪等，入到去成間舖既氣氛好忙碌，但員工們都會有笑容，會打招呼，感覺唔錯。野食就真係相當得，尤其我最愛食海膽，大滿足非常岩心水，另外仲有新張優惠海膽三文魚子杯，水母刺身爽爽的，很正！真係忍唔住咁耐冇寫食評都要上黎寫一寫，讚一讚！值得再去！

我不嬲係日餐忠實fans，佢由尖沙咀開始我就已經有幫襯，佢餐廳主張快之如食到高品質壽司刺身，所以之後開埋銅鑼灣，旺角共3間都係立食，呢間係第1間新界人好就腳既店舖，而且多d熟食選擇同有位坐，呢樣好驚喜！雖然舖仔細細，但充滿日本用餐feel，個種迫得黎又好愉快既用餐體驗😆😆😆不過可能岩岩開張，好多人慕名以來，所以等位都要成個鐘，不過品質絕對冇失望，更加開心既係咁多間之中，呢度員工既服務係最好最貼心👍👍👍值得一讚，加油！（掛住食，，唔記得影d相，唯有下次啦～）

本身都係立鮨fans, 尖沙咀，旺角，銅鑼灣都幫襯過，因為荃灣返工，諗住一放工就可以去食，但晚市無左堂食，所以唯有非常不情願地外賣返屋企食，不過外賣自取有8折，算係有d安慰番，雖然都有唔短人龍，但食過都知值得等，店員好有心，用保溫袋裝住壽司，等我返到去屋企時，仲可以保持新鮮，原汁原味咁食，最後果然無令我失望，特別海膽同帶子壽司好正，食極都唔夠，希望快開番晚市，可以即整即食就好，近排外賣8折，會不斷幫襯，太抵實在☺️☺️

荃灣新分店大約有20個座位，由於呢到唔係立食，所以返枱速度較慢，lunch time最少要等25分鐘。特選三文魚盛合，當中有三文魚壽司、三文魚腩壽司、火炙三文魚壽司、三文魚小卷、辣三文魚軍艦，仲包蟹籽沙律及鮮蝦味噌湯。壽司即叫即握，壽司飯選用成本較高嘅赤醋，不會太大舊，魚生長長拖地，完全包著舊飯。三文魚🍣肉質鮮甜味美，魚脂味濃郁，三文魚腩更係肥美，入口即溶。辣三文魚軍艦辣度十足，另有一番風味。迷你大滿足海膽特盛確實係必食之選，非常澎湃滿滿嘅海膽，甘黃色又新鮮，入口即化又甘香。北海道帶子壽司鮮甜爽口，好有驚喜。鰻魚手卷做成長方型，別樹一格，但略嫌紫菜多過飯，太搶味。立食係日本一大特色，立鮨大膽引進嚟香港，但荃灣新店就無咗呢個特色！而味道與日本相比還差好遠，至於收費就係市場價，不平不貴。

立鮨終於開到嚟荃灣啦！👏🏻👏🏻👏🏻晌小店臨立嘅大河道見到哩一間裝修咁日本風嘅壽司店份外突出顯眼平日嘅下午嚟到門口已經有唔少人等緊位咁受歡迎搞到我都好想試吓佢龍與鳳😝🔸三文魚籽海膽杯超正嘅前菜Creamy 嘅海膽好鮮甜帶甘 冇腥味配合肥嘟嘟三文魚子咸鮮嘅味道食落好夾 而爽口嘅昆布就令整體口感更豐富🔸吞拿魚腦天壽司 （稀少部位）腦天即是魚嘅頭頂位置好少地方食到食落肉質好柔軟 比一般嘅吞拿魚更滑👍🏻🔸白子小食口感有少少似豆腐花 滑脫脫軟綿綿 唔腥配醬汁食都幾開胃.🔸鮟鱇魚肝小食（推介💜）哩度嘅鮟鱇魚肝入口好綿滑、粉嫩口感非常好 又有甘香味 醬汁酸酸地 食落就會清爽一點我鍾意！🔸本鮪赤身壽司（推介💜）魚嘅色澤好靚 油油亮亮的入口帶甘味 肉質彈牙🔸北海道特大珍寶帶子壽司（推介💜）新鮮又大塊嘅帶子 完全包裹哂成舊飯食落好鮮甜又厚 超滿足！🔸珍寶牡丹蝦壽司（推介💜）大大條嘅牡丹蝦肉質非常爽口彈牙好鮮甜 好好食！🔸活赤背壽司（推介💜）我哋進食途中剛好新鮮運到即刻點嚟食 師傅即開超正！完全冇血腥味！好彈牙！味道甘甜！🔸海膽手卷（推介💜）哩個手卷不得了！成條由頭食到尾都有新鮮嘅海膽而且海膽同醋飯嘅比例係一

立鮨又開分店啦🍣本身幫襯開銅鑼灣分店🏡今次一於去荃灣🦘睇下有咩好食😍😋🍸三文魚子海膽杯完美既前菜海膽creamy入口即溶😍甘甜冇苦味😋三文魚子粒粒飽滿挺身相當新鮮昆布更能出三文魚子嘅鮮味🤩🦈吞拿魚腦天壽司（稀有部位😋）極少壽司店提供既吞拿魚部位即係吞拿魚頭頂的肉魚既香味非常濃郁🤤口感軟滑脂肪豐富帶極少量既筋😚🐟大吞拿魚鮫壽司（稀有部位😋）吞拿魚鮫油香十足而且肉質極嫩滑😌重點係膠質豐富🐠大吞拿魚腩壽司大吞拿魚腩脂肪極豐富😋入口即溶🥰🔥火炙大吞拿魚腩海苔壽司（青蛙推介🐸）表面輕輕燒過既大吞拿魚好甘😌紫菜令壽司多左份清新感覺食多幾件都唔會過於油膩👍🏻🍱特上吞拿魚盛合（青蛙推介🐸）有齊唔同既吞拿魚部位包括中吞拿魚腩，赤身壽司，吞拿魚軍艦等等🤩就連矜貴既大吞拿魚腩都有🥳相信佛心呀👻🍥鮟鱇魚肝壽司養生之選含超豐富營養😝適合喜歡甘香同入口既棉軟口感既人😚😋今次仲食左：🌶️辣三文魚軍艦（辣汁有特色🥰），👶🏻三文魚子軍艦（魚子高質），三文魚壽司，油甘魚壽司，三文魚刺身（夠曬厚身），三文魚手卷，鰻魚手卷，青瓜小卷好滿足呀🥳🥳立鮨一開業就大受歡迎唔係冇原因等我下次食佢地既水母刺身先

可以坐既omakase, 高質料理！本身諗住去路德圍頹食lunch! 路過見到有間立鮨新開幕！😍 咁鐘意食壽司嘅我點會錯過，睇睇餐牌omakase😳🤤🤤仲有lunch set! $6x-2xx 都有我排左15分鐘有得食！我已經好感恩早去的鳥兒有蟲吃😚 食完出來見到排長龍！一定要講講 超高質lunch set,我以為自己去左銅鑼灣個邊食！迷你角切魚生飯有特調既醬汁！似日本舊鋪江戶時代嘅壽司好食到我都唔記得影相! 太肚餓係咁追加再追加！😂 壽司師傅係前面整野食！平民價錢 ，高級享受。拖羅好正！ 壽司舊飯唔散！鰻魚sushi 燒得好香口！呢個係我至愛既海膽！一試就食得出間店有誠意！海膽鮮甜！日本食海膽既味道！實在唔記得影相！其實仲有前菜：沙律 同麵豉湯（同平時飲既唔同，但係好好飲！）由於我坐係bar枱最側 一路見到返貨 返食材！都係日本貨! 感覺上都好有保証！成條三文魚咁返，馬糞海膽！貨真價實！間店應該坐到10幾人！真係要早少少去排！雖然去唔到日本！但係呢間店食壽司 絕對可以頂到癮！😋下次要試下其他set! 如果有個馬糞海膽丼就好喇！價錢吸引，高級享受！支持支持！

之前先幫襯過之前3間分店，見今次荃灣呢間有位，第一時間再去，食物質素一樣高，價錢優惠抵食，仲可以坐低慢慢食，可以食多d食耐d都唔怕，一定會再去同介紹朋友去食嘢🥰😍