神虎麺商店

營業中

休息中

今日去咗灣仔一間幾有日本特色嘅拉麵店，廚師佢喺大阪請回來的，唔知係咪呢個原因所以質素非常之好。平日615 pm到去到餐廳,餐廳都已經坐左好多人。我老婆揀咗一支日本山梨縣直送嘅白桃碳酸飲品，味道非常唔錯又唔會太甜。日本嘅汽水雖然係貴一啲但真係物有所值。小食我就揀咗一份煎餃子，餃子非常足料煎得外脆內軟。10分香口。如果唔係食完拉麵太飽一定會再追加多一份老婆揀咗神虎拉麵我就揀咗刻黑虎拉麵再加一隻糖心蛋。味道唔錯唔會太鹹適合香港人嘅口味。拉麵也煮得非常好食，10分彈牙。我個碗拉麵加咗黑蒜油非常好味又唔會太咸。我最怕食太鹹嘅拉麵，呢一碗嘅味道啱啱好。

📍神虎麺商店 (灣仔)灣仔大王東街6-16號安東大廈地舖-----有一段時間冇去🇯🇵日本 思「鄉」感甚濃 朋友就提議帶我去一個好地方 以解我思鄉之情 呢間拉麵喺灣仔嘅一條巷仔入面 本身仲以為係本地人開嘅拉麵小店 點知去到先發現原來呢間拉麵店係黎自大阪 仲喺大阪市中心地方有好幾間分店😆-#神虎（$98）呢個神虎🐯係佢哋嘅招牌 其實就係豚骨湯拉麵 湯底色白 飲落極為濃厚 但又唔會太鹹太油膩 麵底無得揀選粗幼度同軟硬度 但好彩佢地嘅麵度軟硬度控制得恰到好處 細軟感同彈牙感並存 而且係少有完全無鹼水味嘅中華拉麵🍜而除左拉麵之外 其他配料亦甚為出色 豬肉丸扎實味鮮 豚肉採用西班牙黑豚 食落肉嫩得黎 脂肪位唔多 屬健康之選 整體出色🥰但係由於湯底極致濃郁嘅關係 食到後面真係飽到不得了 個人覺得其實一個拉麵加底 已經夠兩個人食😂-#黑虎精選（$131）呢款🐯黑虎精選除左同神虎湯底味道唔同之外 仲多左溏心蛋 筍 紫菜 同豚腩肉 黑虎湯底比神虎多左重重嘅蒜味 食落鹹香味較重 不過個人都係更愛濃郁豚脂味嘅豚骨白湯 配料方面 溏心蛋甜而不膩 筍條爽口無根 豚腩肉則軟腍入味 肥瘦均勻 大大舊 好啱嗜肉者黎大快

灣仔區多拉麵店就係人都知,係得呢區開, 一定對自家味道有番相當自信,話咁快就到門口, 巴士站一落車對面街就已經係,都好方便。仲記得上次食附近另一間差唔多名, 差點去錯, 今次見門口掛著大大個”神虎”燈籠, 無錯, 今晚就決定打老虎!聽個名起初以為係豬骨拉麵為主, 因為印象中日本大阪店都係主打豬骨湯, 點知去到見餐牌寫住香港店限定: 海老神虎, 海老即係蝦, 竟然係主打蝦湯, 有點喜出望外。點解咁講呢, 因為食過幾間主打蝦湯都不太滿意, 一係貴性價比低, 一係平得來唔好食,唔知今次點呢? 決定挑機! 就來個精選海老神虎!(精選版就是特盛多料)唔講咁多, 睇圖啦, 大大碗多多料, 正! 先飲湯, 湯味濃, 濃濃的蝦味, 還不止, 飲到有隱藏味! 不是普通蝦湯! 一問之下, 原來係用數種蝦溝出來,所以有豐富蝦味之如,還有濃厚的味道, 其中當然有我最愛的櫻花蝦!然後就是豬肉! 大大件! 有點像扣肉, 軟身的, 食落唔硬岩岩好! 再加上自加製肉丸,流心蛋, 木耳, 甘荀, 紫菜等配料, 極之滿足。食過幾間蝦湯都唔係咁滿意,難得搵到間蝦湯係正既,神虎既蝦湯真係日本都食唔番。

灣仔利東街附近有唔少高質餐廳，今晚就黎到位於大王東街既神虎麵商店食拉麵🍜。呢間係大阪有成5間分店架，而灣仔呢間亦有日本師傅主理，務求整出正宗日本滋味🤤。1⃣ 海老虎精選💰136（👅: 9/10）香港限定的海老虎拉麵，加入櫻花蝦乾及蝦油，湯式鮮味十足，濃濃香蝦甜味。精選海老虎亦會由薄切义燒升級至厚切極义燒(豚腩肉)，肥瘦均勻，肉質嫩淋；豬肉丸索上湯汁鮮甜爽口，另外仲有味付溏心蛋、味付筍及紫菜等配料，相當豐富🤤🤤🤤。另配秘製辣醬相當喚醒味蕾，嗜辣者好以一戰😚😚。-2⃣ 黑虎拉麵 💰93（👅: 8.5/10）黑虎就加了黑蒜油，蒜油香味濃郁。配料有瘦豚肉，豬肉丸，木耳，香蔥等，雖然冇精選豐富，但係黑蒜濃香，令拉麵香濃爽口，十分爽口。-3⃣ 神虎餃子 💰42（👅: 7.8/10）大大隻餃子🥟，餡料同樣使用西班牙豬肉。外皮煎得幾香脆，而內餡厚實多肉。-🔻整體來講：個人覺得另加$38精選配料相當抵食，而且餐廳免加一，所以以今時今日想食到一碗好食又足料拉麵，呢間都幾高質。

拉麵呀😍係我最鍾意食嘅拉麵呀！喺香港其實我都已經食過唔少出名嘅拉麵店 今次就試下依間先😋分別叫咗香港限定嘅海老虎 🍜✨我最鍾意嘅 神虎沾麵同店舖最出名嘅神虎餃子🥟首先介紹下個拉麵湯底先 兩款麵嘅湯底都好濃郁😛海老虎拉麵裏面有兩粒肉丸 雲耳 櫻花蝦 兩塊叉燒 額外加咗粒溏心蛋🥚配料真係好豐富 每一樣都試到 糖心蛋嘅溏心做得好好好有流心既感覺😍最值得一提就係佢配左一個秘製辣椒醬👍（加分）呢個辣椒醬真係好特別 裏面有辣椒同蝦米 辣辣地嘅感覺刺激一下味覺 係成碗麵嘅精粹！仲要係香港限定呀‼️唔試就損失啦🙈叉燒都好均勻👍手打肉丸夠晒誠意第二就係要介紹下佢嘅神虎沾麵啦 湯底熱辣辣 沾麵既麵質都好彈牙 麵條有少少粗身有咬口 👍我鐘意 如果想開胃少少 可以加少少魚介落個湯底度 小小酸酸地嘅感覺 食落更開胃😆沾麵可以選擇200g /300g ,細胃口嘅女仔可以選擇200g , 如果正常胃口 300g都食得落㗎😋食完成碗麵 仲可以加啲熱湯 將成碗湯底飲埋👍好滿足呀🥰最後要介紹下佢最出名嘅餃子🥟一共有五隻 每隻都幾大隻裏面包左肉同菜 煎得非常均勻好靚 又唔會太乾身配上餃子汁真係好食呀👍必叫！

神虎麺商店 是由大阪開到來香港的拉麵店🍜🍜 濃厚湯底加上自家配方的拉麵條，已經相當吸引，還有這家的配料超級大份，一定夠飽啊😀😀😀🔹海老虎精選 $158 一上枱已經好香蝦湯味，還是香港限定版的。其實是中櫻花蝦拉麵。湯底呈橙紅色，入口蝦味極香濃，鮮味十足！辣櫻花蝦也非常惹味，重點是重料🥚🥩🥩🥩🍜帶一件重磅五花腩，肥美嫩滑，超入味😀幾片日式叉燒，師傅手打肉丸，入口彈牙，。拉麵硬度適中，掛湯力高，加埋木耳、洋蔥同味付溏心蛋，超級精選👍👍👍👍🔹蟹沾麵 $158 我真心覺得蟹肉多過麵🦀🦀🍜蟹肉看圖已經知道相當大份，不是蟹肉碎，有一大舊蟹肉，好有誠意！麵和湯都不錯，喜歡蟹肉的朋友可一試😋😋😋神虎麺商店地址：灣仔大王東街 6-16 號安東大廈地舖營業時間：星期一至日　11:30-15:30 18:00-22:00電話號碼：28110338

灣仔都算係一個美食天堂，想食咩菜式都有，連日式拉麵店都有好多間，想係呢頭站得住腳都要有番咁上下😂😂 呢間拉麵店位置都算方便，係地鐵站行5分鐘就到～蟹肉沾麵 （$158）✨見到有呢個期間限定嘅蟹肉沾麵，感覺幾特別而賣相又幾吸引，就忍唔住想試下～ ✨蟹肉份量比我相像中多，蟹肉凍凍地又幾有鮮味～ 仲有兩片豚肉，幾軟腍～✨麵條偏粗身，係我中意嘅煙韌口感，可以揀200g或者300g嘅麵量...我提議女仔都係揀200g...我自問都算大食...但食300g真係會好飽好飽...要朋友幫手食先食得哂 （唔想做大嘥鬼👻👻）✨沾麵湯底味道濃厚得來又唔會死鹹，都幾有鮮味，唔錯～神虎精選 （$124）✨呢款拉麵有勁多配料，當中我最中意佢嘅叉燒（豚腩肉），係用西班牙豬肉，肉質厚得來又好軟腍，好味😋✨湯底係豚骨湯底，味道濃郁得來有鮮味，感覺應該煲左好耐先會咁濃厚～✨呢款拉麵嘅麵條明顯比沾麵幼身，口感亦偏淋，我個人都係中意沾麵嘅質感多啲🤣

今天和舊同事相約在灣仔聚餐，剛好看到這家在網紅店旁邊的拉麵店，看到門外等候的不多就決定吃這家了。拉麵共有五款，另可加購小食，不收加一。門外等候的時候，店員會提早派餐紙下單。今天點的是香港地區限定的海老虎，原以為會是大大隻的海蝦，但原本是小小的櫻花蝦。拉麵湯底非常濃郁，蝦味香濃但有少少偏油，豬肉是西班牙豚肉，入口嫩滑，除了櫻花蝦、豬肉和木耳外還有手打豬肉丸。加點的神虎餃子，充滿肉汁，有意外驚喜。味道和價位比同區另一家拉麵店突出和親民。

灣仔有唔少日本拉麺店，呢間神虎麺商店係大阪有好幾間分店，上年進駐灣仔，Lunch經常比門面既大燈籠吸引，今晚就醒起佢。拉麺有5款湯底選擇, 神虎、黑虎、赤虎、海老虎、元虎。而精選就有多Ｄ配料（包括蛋、腩肉、紫菜、筍)由於唔太餓，決定試主打神虎！神虎有兩塊叉燒、兩粒手打豬肉丸、幾塊黑木耳同一隻溏心蛋。兩塊叉燒好薄好薄；豬肉丸係賣點，手打豬肉餡內有蓮藕粒，細細粒幾好食；溏心蛋細細隻普通貨色，覺得豚王隻蛋比較出色。豬骨湯底非常濃，青蔥同紫洋蔥好夾個麺，麺質ＯＫ，但呢到無得選擇麺軟硬度。愈食愈覺得個湯底好濃好咸，全程飲左好多水，返到家都仲好口渴．由於無特色，灣仔銅鑼灣有更多更好既選擇，短期內無下次．

週末嚟到灣仔區，行下行下就嚟咗位於大王東街嘅神虎拉麵 中。唔使點等位就已經入咗去。嗌咗一個黑虎拉麵試下。黑虎拉麵，顧名思義，係用咗黑蒜油嘅豬骨拉麵。咁除咗面同湯之外，佢就有洋蔥黑木耳，同兩粒肉丸。大家睇睇圖就知道湯底有幾濃。我食拉面特別鍾意比較濃嘅湯。食拉麵仲要食得清淡，不如唔好食。食拉麵就係要佢夠濃，夠油，夠肥，而依碗野完全滿足到我呢個要求。再講講佢兩粒肉丸，相對地比較少見，咁同我哋平時食嘅豬肉丸，梗係唔同喇。質感係冇咁實淨，散散地 但佢落咗啲馬蹄喺裏面，就會好爽口。

神虎麵商店係香港第一間分店就進駐係灣仔，難得唔使排隊就慕名黎試下。叫左個最基本既神虎拉麵，神虎麵商店最大特色係佢個豚肉丸，而神虎拉麵都有兩粒，另外配一大塊叉燒、木耳、糖心蛋同蔥、紅洋蔥等配料。可能張相影得唔係咁好，佢個湯底有好多豬脂肪精神，可見神虎麵商店用係湯底方面既用料充足，所以湯底飲落都可以感受到佢既濃而不膩。叉燒好大塊，唔會好韌，水準之作。糖心蛋原隻上，一咬糖漿溢出，好彩入面唔係好熱。拉都吸收湯底能力亦足夠，每啖拉麵都有濃濃湯汁。

我是喜歡食日本肥佬木村師傅煮的拉麵，由神虎到熊拉麵，再到神虎麵商店，木村哪裡我就去哪裡食，麵店氛圍隨和適合我的個性，至少我食得舒服飽肚，可以稱為我灣仔區飯堂之一，但說來慚愧，上次光顧已是一年前。反送中運動期間的九月一個星期日傍晚，我路經灣仔，港鐵灣仔站正有點事情發生，灣仔街道變得很清靜，有些街鋪已關門，而神虎麵商店仍然開門營業。我入去看見有兩枱客人，我初時還以為因為衝突會一個客人都沒有。肥木村及女侍應笑著說歡迎，我也給了一個微笑的反應，在點餐紙上圈了黑虎精選及一罐可樂，價錢總共$144，在神虎麵商店食普通拉麵約$90至$100，多料豐富一點則要$130，多出的是一大塊五花腩及溏心蛋。在等候期間，女侍應不時走出門外察看，亦同時報導外出的情況給店內其他店員聽，防暴警察在修頓球場築成一條防線，正慢慢迫近港鐵灣仔站。肥木村在廚房內煮麵。很快我的拉麵上桌了。黑虎精選外觀及香氣引起食慾，由於有紫洋葱在內，我喜歡紫洋葱，食麵條時咬到洋葱碎粒，那陣脆口的香味會覺得拉麵好食。味付筍又多又大塊，爽口度還可以。木耳這選材也很好，大塊黑澤爽口豬肉丸亦需多說，入口容易肉質爽滑，內裡亦有洋葱粒，在其他食客的食

每次試新野總是一種賭博嘅心態，而神虎拉麵是挑戰成功的。店內不大，裝修簡單，職員服務不錯。坐低後見到有櫻花蝦口味嘅海老虎就點了！果然沒有令人失望，蝦油十分香，整體湯底夠鮮味又濃郁，掛麵不錯。適合重口味的人。配菜有木耳和特制的豬肉丸。而豬肉丸有驚喜，他不是彈牙的那種，但勁有肉味，感受到手工的味道。不過麵質偏向味千那種曲麵，個人感一般。湯底比較油膩和偏咸，不過不會令人難受只是食到後可能會感膩，需要飲水，不愛重口味的人可能要想想了。

朋友很喜歡這間拉麵店，今天終於有機會與她一起品嘗😍😍由於我遲到便交給她決定吃什麼，她點了神虎精選拉麵及一碗窩蛋叉燒飯。我哋坐bar 枱可以見到師傅喺開放式廚房入面準備食材😋 所有拉麵都有得加錢變做精選，我建議一場嚟到食貴少少點精選， 所謂嘅精選就係有令人破戒嘅豚腩肉 (姐係肥豬肉😂😂) 但係精選拉麵都幾大份有成個碗禁長嘅豚腩肉、兩粒雞肉丸、幾塊薄豚肉，如果一個人食曬成碗都幾漏下，好彩我哋兩個人分一碗，少吃多滋味。 豚腩肉入口即溶，油香，就算佢瘦肉嘅位，食落都唔會有好多渣嘅感覺，真的要吃！！！(我平時好怕食肥豬肉，最多食一兩啖）； 至於其他餸同埋個麵都冇乜特別 ，雞肉丸就似食緊餃子餡； 湯底係濃濃嘅豬骨湯，如果平時食開清淡口味可能會覺得有少少鹹，但係我覺得佢個味同口感濃郁，忍唔住飲多幾啖，又不渴口。窩蛋叉燒飯用個細碗裝住， 本身以為份量不大，點知朋友揭開隻蛋佈滿叉燒肉粒😱😱😱 蛋汁係呢碗飯嘅精髓，撈埋有黑椒，飯，叉燒肉簡直係不得了。如果兩個人黎食，我會建議點一個拉麵同埋一個飯。一嚟平均分開會平少少，二黎兩款食物都各有特色😋😋😋😋隔離枱食海老拉麵一上枱有淡淡蝦香味，下次要試呢個😍😍😍朋友唔

係灣仔返工放break要搵野食🙈一落樓下就見到有日本既拉麵店，香港得佢呢一間分店😯所以就試試佢。門外都有menu比客人睇。入座後餐廳比人整潔乾淨既感覺。鋪頭岩岩開門所以未有太多客人。可以係menu紙上圈自己想要既拉麵/配料。餐廳都好細心附有濕紙巾。我就揀左海老虎拉麵（蝦🦐）再加筍（因為我好中意食筍🤭）餐廳亦有提供檸檬冰水比客人自己斟。Yeah，麵黎啦。材料非常豐富！有豬肉丸，木耳，叉燒兩片，青蔥，紫洋蔥，大量櫻花蝦同額外加既筍。先試湯，味道非常濃郁，亦有蝦既鮮味。不過食耐左就覺得有少少鹹。豬肉丸唔係我平時食開既口感，佢應該係自己手搓出黎，因為無彈牙既口感，少少一咬就散開。不過我想讚下佢加左紫洋蔥味道幾特別，出面好少拉麵鋪會有紫洋蔥。