石鍋堂

營業中

休息中

有日突然之間好想食石鍋烏冬就嚟試吓叫咗吉列豬扒同埋照燒雞扒石鍋烏冬兩個都係揀咗野菌松露湯底上枱嗰吓仲係超級熱辣辣一路食一路滾食到中段嘅時候都仲係起緊泡好熱初頭見到佢有咁大pat松露喺湯嘅面頭以為佢會濃味啲但飲咗第一啖個野菌松露湯底冇我想像中咁濃郁好似水咗啲唔係真係咁大菇味烏冬都彈牙的雞扒同埋吉列豬就正正常常啦有個石鍋熱住食烏冬真係好開心但店舖位置真係比較窄同細坐得唔係幾舒服旺角嚟講價錢都比較相宜性價比OK

石鍋堂旺角通菜街2A-2P號鴻光大廈地下D號舖🍜 食物：天氣凍凍地,行過只係要排一張台就入去試下,叫左個厚切豚肉石燒手打烏冬+咖哩濃湯肉好軟好淋,不過個湯未去到好濃,只係一般LEVEL🎵 環境：格局逼過地鐵高峰,我好彩坐門口就無咩事,如果坐走廊我覺得次次出菜都要驚💰 價錢：78係旺角唔算貴⚖️ 性價比：食完都算飽,唔需要再加D咩💬 總結：當天氣凍係可以去食,合格但唔會專登過海食同埋自備濕紙巾（石鍋癲起上嚟會彈到成枱都係）

安格斯牛肉 - 黑松露香菇湯 石頭鍋烏冬 $88熱騰騰石頭鍋擺上台既時候就要係咁撈大大舊黑松露 撈入湯底好香，每啖濃湯飲住食烏冬好正常烏冬彈牙，係要小心湯太熱燙傷條脷，慢慢食好多片安格斯牛肉片，厚度適中，肉質細嫩多汁，熱辣辣真係好正，不過個牛肉如果唔想煮太熟嘅話，就攞個碗潷開佢燒鰻魚 - 黑松露香菇湯 石頭鍋烏冬 $106鰻魚真係好大條啊，鰻魚表皮有炙燒焦香，肉質細膩油潤但不膩口。鰻魚好入味同滑嫩口感。湯底一樣係揀選黑松露味，每一啖都有松露香

今日去咗旺角嘅石鍋堂，真係被狠狠拿捏住了🤌蜜蜜芥木籽牛 必點！牛肉方塊煎得外焦內嫩，蜜嘅甜味同芥木籽嘅嗆辣搭配得剛剛好，一入口，味蕾直接開派對🎉 一份兩串，48蚊嘅價錢，性價比超高！絕味燒雞翼 都好正！兩隻40蚊，咬落去皮脆肉嫩，肉汁在嘴裡biu出來🤤 味道調得好出色，燒烤味十足，香到我停唔到口！厚切鵝肝野菌石鍋飯 簡直係天堂級享受！厚切鵝肝入口即化，好似雪花在嘴裡融化🥰 配上野菌同石鍋飯，每一口都充滿濃郁嘅香味，石鍋將飯底焗得金黃焦香，超正！

放工超總帶我食石頭 …. 鍋，旺角女人街「石鍋堂」 ，店舖不算大服務態度很好，整體感覺不錯。看了一回餐牌很多都吸引選擇不定，最後還是由超總發板，這是最好的。🍴厚切豚肉石燒手打烏冬超厚的豚肉特別有口感，入口軟熟油脂甘香美味可口，手打烏冬彈牙有口感好好食。🍴360度熱石海鮮茶漬飯360度石頭鍋熱辣辣上檯，倒入熱湯吱吱聲頓時香氣撲鼻，我不客氣開動啊！海鮮有蝦、帶子、蜆同蟹柳，加點櫻花蝦惹味可口。🍴岩鹽燒牛舌牛舌軟軟又不失嚼勁，鹽燒帶點新咸香吸引力高。🍴蜜蜜芥末籽牛味道甜甜蜜蜜牛味香濃，如果可以佐酒就一級棒喔！🍴芝麻雞翼外皮金黃酥脆，雪白軟嫩雞肉食得滋味。整體不錯👍🏼

天氣轉冷，還有點潮濕，心血來潮只想食熱辣辣的晚餐。石鍋堂瞬即在腦海中閃過……一間主打石燒/ 石頭鍋料理的餐廳，煮出來的手打烏冬/ 飯都是熱氣騰騰。食到見底，還能感覺整餐飯未冷卻今次叫了燒鰻魚石鍋手打烏冬，價錢$108。石鍋烹調的手打烏冬熱氣沸騰，每條麵都柔軟彈性中帶有熱感，令整餐飯食到最後，手打烏冬都依然軟韌可口。而且湯底的調教味道偏濃味，魚介豚骨濃湯令麵條完完全全吸收湯中精華，條條手打烏冬都濃郁可口。另外，鰻魚的體積大小令人一讚，因為餐廳所提供的鰻魚是平時街外所買到的一整條，味道正常正宗惹味，啖啖肉幼骨少。整個組合都只是$108。另外值得一提的是芝麻雞翼，$48有3隻，連雞翼和雞翼尖，兩個部位都炸到脆卜卜，上面略略一層芝麻，香氣撲鼻。一口咬下去，都會聽到咔嚓咔嚓那一種。食完一隻都未夠，隨即會夾第二隻來食。鹹檸檬七喜$20 ，為七喜加點鹹味，層次提高之外，更加開胃。

男朋友問今晚食咩好，我話想食烏冬幾年前我試過嚟呢間食過烏冬係幾好味，所以今次再嚟過。可能因為情人節正日關係旺角呢條街鋪頭超級多人😅以前我係呢間烏冬店坐一張抬正常2個人對住坐今次坐卡位，其實卡位坐4人都迫仲要中間隔左塊板張枱細到din 左，而佢地d碗碟又勁大件食得好辛苦下。但佢地食物係幾好味，特別想讚個芝麻雞翅$48係甜醬煮，我同男朋友都覺得好好味。煎餃子$38餃子勁普通，唔叫都得。黑楜椒花甲$72花甲冇沙好味，佢用黑楜椒煮其實唔用黑楜椒，我覺得都好味有d畫蛇添足。豬手，黑松露香菇湯烏冬$116個豬手都幾好食，但要自己拆骨不過坐得已經好迫我連食野對手要活動都十分困難😅所以影食物相都好困難😂😂😂😂😂😂個黑松露就正常，拌勻後個湯好重菇味好香烏冬就一定好味，食到最後仲好彈口。鰻魚蛋包飯$102個鰻魚都正正常常，有肉食下。大致上都好味的，但今次張抬實在太迫太細了除非要限自己淨係叫得一份野食，唔再叫小食空間就可以多返d咁先食野冇咁辛苦🙄

店員們入座時沒有告訴我們用餐時間，但用餐不夠一小時就不停提醒我們時間（明示和暗示都有），吃頓飯都好大壓力。可能和我吃飯的朋友都是看起來好欺負，雖然語氣上好像好好人，好有禮貌，但行動卻讓人很不舒服。收東西時也是什麼都不說，好像訓練小狗一樣，遞一隻手過來，就完了，唔知佢想點。真係唔明點解要收加一。 totally not worth the price 🩸🔪

🍲 親民驚喜石鍋店餐廳位於旺角通菜街，有少少隱蔽～ 但有朋友話帶我去食性價比高嘅石鍋餐，即刻跟住佢去搵食😆 🐮 安格斯牛肉石燒手打烏冬 $88餐廳有多款湯底可供選擇，而每款都經過10小時熬製而成，聽到都流口水呀🙊 選用特製石鍋，可達攝氏300度，一上枱就咋咋聲，賣相相當吸引～ 入邊有好多塊安格斯牛，見住啲牛慢慢由生變熟，所以牛肉可以保持新鮮，唔會嚡口～ 小熊貓揀咗黑松露香菇湯，個湯底真係不得了，十分濃郁～黑松露同牛肉都好夾，手打烏冬口感順滑，入口彈牙，一啖湯一啖烏冬，食完個人暖笠笠☺️ 🐟 300度石三文魚茶漬飯 $108呢個小熊貓推介必食！係一個好特別嘅菜式～ 店員首先奉上三文魚石鍋飯，再奉上一壺熱茶🍵 店員細心提醒要慢慢倒茶，因為過程會有蒸氣出現～ 魚介昆布綠茶簡直係呢個飯嘅精華，大大提升咗三文魚嘅鮮味😋 食落每一啖都好滋味，魚鮮相當濃郁！而且份量十足，三文魚嘅份量都絕不欺埸，簡直係性價比之選🤩吉列蠔 $38吉列蠔熱辣辣，炸到好脆口，層粉唔厚身，隻蠔肥嘟嘟👍🏼

餐廳主打石鍋麵/飯 我見到每碗麵一上菜都係滾的bulubulu! 🍜 熱辣辣！我今次無食飯 但係我估應該飯都會有飯焦😋 鋪位好細 真係每一寸都用盡 但係老闆好好人 超有人情味！醬油豬手石焼手打烏冬 配黑蒜油豚骨湯（$112）上菜既時候 見到豬手的份量我都嚇親 真係原隻豬手 成隻比你 份量驚人😮 最後我哋都有打包！豬手好淋 燘都肉同埋骨分離 豬皮又好香 有滿滿的骨膠原😍 好入味 唔會好鹹 調味偏簡單 主要應該都係醬油、蒜頭🧄、薑🫚 烏冬應該係用左讚岐烏冬 比較粗同埋彈牙 湯底有好濃郁的豬骨湯配黑蒜油 仲有炸蒜照焼雞排石燒手打烏冬配魚介豚骨湯（$82）雞排好嫩滑 滿滿的肉汁 好入味 同埋雞皮都燒得脆脆哋！湯底都不錯 有好濃郁的鰹魚和豚骨味 仲有少少櫻花蝦👍🏻味道：🩵🩵🩵🩵/5 📍石鍋堂 (旺角)地址：旺角通菜街2A-2P號鴻光大廈地下D號舖

天氣變凍就會想食啲暖笠笠嘅嘢～呢間旺角嘅石鍋堂就係一個好選擇！主打一個300度嘅熱石鍋裝住啲嘢食上枱！上菜時啲湯底係仲滾緊嘅！再加上佢哋彈牙嘅烏冬🫶🏻同埋四款唔同嘅湯底❗️每次嚟都可以食唔同口味————————————**安枱斯牛肉-黑松露香菇湯 $88黑松露湯底聞落好香～一入間舖頭就聞到好香黑松露味❗️所以揀咗呢款湯底試試🤤🤤湯底飲落唔會好鹹，就係有微微嘅黑松露味同香菇湯底～牛肉嘅質素正常，烏冬亦都同傳聞一樣咁彈牙呢🫶🏻**照燒雞扒 - 黑蒜油豚骨湯 $76呢款湯底比較濃味～啱晒想食濃味啲嘅朋友仔❗️雞扒係分開上嘅～醃過嘅鹹味都啱啱好🤤份量亦都唔細**300°C熱石三文魚茶漬飯 $108有四大件三文魚～一開始就要倒少少茶先，如果唔係就會有飯焦❗️基本上啲茶一倒落去好快就吸收晒，因為個熱鍋仲係好熱🥵所以食吓食吓會覺得啲茶唔夠用，好快就蒸發同吸收晒

呢間石鍋烏冬都開咗好耐了，每逢冬天一定會嚟食，天寒地凍食碗熱辣辣滾住上嘅石鍋烏冬，成個人暖曬除咗烏冬之外佢都有飯食，之前次次嚟都係食烏冬，今次決定試下佢個石鍋茶泡飯朋友無黎過食， 我推薦佢食個最基本，一定好食嘅魚介豚骨濃湯配安格斯牛肉烏冬，上枱啲湯仲滾緊，天氣凍望到覺得好治癒之後係第一次試嘅300°C熱石三文魚茶漬飯， 先畀咗個茶湯同啲漬物我，黃色嘅醃蘿蔔酸酸地好開胃，食到一半濟濟哋可以食嚟refresh下個茶壺勁大其實好多湯，一定夠用staff 好貼心咁提醒我唔好最開頭就落曬所有湯, 因為個石鍋可能熱得滯搞到啲湯會好快蒸發, 又驚啲飯會索曬啲湯除咗有四大舊好厚切嘅三文魚外， 中間仲收埋隻溫泉蛋，撈飯一流兩個仲會有啲椰菜同西蘭花都算係幾balance嘅一個飯而且份量非常之多，男仔應該都食得飽，女仔如果食量一般大機會食唔曬總結香港冬天有幾日特別凍嘅時候一定要去呢間嗰度食！平日夜晚去食要有心理準備超級多人排隊 如果早少少六點嘅話就可以唔使排直接入

男侍應阿叔態度惡劣勁煩，邊食邊嘈住哂啲位又迫個湯又勁多油，魚介湯又咸，食完好口渴又唔俾人分開落單要教人用咩餐具，但一樣野又分開幾次講，邊食邊嘈住，用餐體驗勁差唔會再去 blacklisted

尋日同朋友一行4人到旺角石鍋堂食飯，我叫咗安格斯牛肉石燒手打烏冬（魚介豚骨濃湯），嘢食嚟到既時候，見到有幾片生牛肉放係面，當時已經好質疑啲熱湯係咪真係夠熱可以浸熟啲牛肉，不過本住牛肉可以生食既道理，就即刻將啲牛肉撳喺鍋底整熟佢照食。味道正常，牛肉普通，類似家中都整到既昆布烏冬，完全唔值$90蚊咁貴😐咁食完當晚都冇嘜嘢。點知第二朝6點鐘返工鬧鐘都未響，嗰胃同肚已經揦住揦住咁痛醒咗，唸住食粒必理痛止一止痛先🤢點知食完開始就一直又屙又嘔，嘔咗三次屙咗五六次，嘔到我標晒冷汗，手軟腳軟🤮😵‍💫睇醫生話我急性腸胃炎，應該係嘢食唔乾淨。嗰晚我就淨係食咗依餐，如果唔係鍋嘢唔乾淨我真係唸唔到有其他。同埋如果係生上我就唔叫啦，餐廳既衛生程度亦令我十分質疑。從來未試過係openrice打食評，難食都廢時打，但依鍋嘢食到我腸胃炎就真係忍唔住，各位睇路！🤮🤮🤮😵‍💫😵‍💫😵‍💫

次次嚟食都排晒長龍😍證明食物質素掂😎～厚切豚肉魚介豚骨濃湯手打烏冬😍😍厚切豚肉大件得黎唔會韌😍豬骨濃湯非常香濃😍配上爽口彈牙嘅手打烏冬👍食到停唔到口啊🤪～咖喱吉列豬扒蛋包飯😛好耐冇食過咁正嘅蛋包飯😍吉列豬扒炸得非常香脆😭😘雞蛋炒得好滑😘調味亦都做得好好👍～順帶一提😛餐廳環境乾淨企理😍食物質素高🥳店員服務態度好👍下次經過呢頭一定再嚟食😎📍港鐵旺角站E2出口 步行約5分鐘石鍋堂 (旺角)旺角通菜街2A-2P號鴻光大廈地下D號舖