盛記盆菜&盛記麵家

營業中

休息中

店員同食物水準都高，物有所值。每一種配料都新鲜，份量亦合理。最欣賞手切牛拼金錢，牛味十足。麻辣湯底不算最好亦有番咁上下，其它湯底無試過，兩次都叫麻辣，不過應該都唔差 。店員亦係保持有禮貌，快手快腳。沙田區計唔錯嘅。做乜要修？又無粗口又無開名話人

14-10-2017(Sat)傍晚,同老公成班friends唱完K後,就出發o黎 呢間良心食肆打邊爐,男友人IN之前已幫我o地book o左枱同預訂o左$788.00o既原隻象拔蚌刺身,然後就點o野食,我o地揀o左$98.00 o既雪梨鯊魚骨湯底,要$888.00 4-6人o既特惠套餐.咁o岩,只幫趁一次o既IN,個老闆認得佢,佢就好到送半打酸梅湯俾我o地,多謝老闆. 個酸梅湯好好味,酸甜度適中,而且好飲到停唔到口.雪梨鯊魚骨湯材料十足,鯊魚骨唔少,豬骨o既肉仍有咬口,正.然後我o地先食原隻象拔蚌刺身大大盤,連兩個罕有,食得o既內臟都冇拎走俾埋我o地,肉質鮮甜,左上角o個啲幾爽,而左下角o個個要淥熟至食得,由於冇切開,熟o左後就俾我老公食,我食一啲,內裡粉,有啲似生蠔,但完全冇鯹味.冰鎮番茄正,竟然一啲酸味都冇.(其實冇呢個餸,佢只係伴o係原隻象拔蚌刺身o既盆o度.)之後食套餐裡面o既o野,先食日式活鱆紅魚刺身(例),肉質煙韌新鮮,亦冇鯹味.然後正式食火鍋喇.另叫$44.00o既盛記炸腐皮卷大大舊又脆.唔見有手打鮮墨魚滑,唔知係咪改o左手打蝦滑(冇影到相),嚴格o黎講唔係蝦滑,因為佢o

盛記最旺場當然係晚上的打邊爐啦。聽說想黎到盛記打邊爐的話，就必先要提早好多訂位。我個人食野比較喜歡即慶，所以都未有機會試下呢度的打邊爐。每次黎到盛記都俾呢度的佈置吸引住，四圍都係充滿藝術氣息的裝置，除左好多東西係回收裝置之外，仲有好多都係環保物料整的佈置，相當有心思。今日黎到盛記食午餐，其實有好多選擇，有快餐，亦有粉麵等。如果飲品選擇飲汽水的話，仲係玻璃枝裝果隻，懷舊之餘，用玻璃樽飲係特別好味的。醬爆牛肉飯+凍檸茶$44凍飲同熱飲同價午餐分量都算大。食物色香味都有齊。醬爆牛肉夠哂味度，仲有適量的翠肉瓜及娃娃菜，一個午餐有肉有蔬菜，好味到不得了。餐廳全場幾乎坐滿人，證明呢間餐廳的確係正。平日午餐都坐滿人，晚餐真係要提早d訂位呀。

聽聞沙田區有一出名雲吞麵店好耐，終於今日試到，但結果係完全非常失望，原來你出名唔掂囉！叫了一個菜肉雲吞，一夾，夾不起😧原來他是預先煮雲吞放在碗中，待有客人order 的時候才加入湯，根本啲餃子痴實哂隻碗，爛哂，皮都硬哂。之後叫了牛腩河，好普通，唔好食。仲有個雙丸粗麵，又係痴住隻碗😡😡😤3樣嘢食左$120，仲要唔比冷氣位我坐，我地初時行入裡面，冷氣涼點的位置，但侍應話因為我地得2位，入面係大枱，所以一定要坐出面，但後來我見只有一兩個的人也走入去冷氣房坐，後來走時，再問侍應, 佢話大概要預留幾多人客坐，但我話都唔滿😤😤😤仲有大把位喎⋯⋯佢話係呀⋯⋯係咁。哼！好嬲

盛記係良心餐廳 午餐大件夾抵食平時食開蒸魚餐同豉油雞餐今日轉下口味食公司麵！$50咋！佢呢個係隱形午餐，餐牌上係無寫出來的係同事食過介紹我的平時食過雙餸麵都要$47呢個公司麵真係超值！大大碗上枱 湯底夠哂熱 有咖喱腩汁 少少油 香味四散！勁多配餸 真係不敢相信只需要$50！有咖喱豬皮 牛腩 軟滑牛根 白魚旦 一片魚片 豬紅 生菜 蘿白 腸仔 魚皮餃 同大大粒雲吞！另外加上少量青蔥 增加不少香味幼麵係雲吞麵的彈牙皂水麵 份量足雖然唔包飲品 但食完呢個麵都已經飽到飲唔落！大讚！

幫襯咗好多次，之前食物同服務都係滿意 ,所以姊妹食生日飯決定去盛記打邊爐，食物新鮮價錢合理，最緊要食得開心，但佢地 服務生係超差，十問九唔應，比錢仲要受氣，睇面色，估唔到差到咁，比錢要受一肚氣所以一定唔會再幫襯

黎得沙田打邊爐，梗係要黎盛記!點解要揀盛記!?因為食物夠新鮮，而我每次黎必定會點響鈴，切牛肉，手打丸同炸魚皮!響鈴好大卷而唔油膩!手切牛肉唔係凍鮮肉，而係食得出係新鮮，好有牛味。手打丸爽口彈牙，好好食。而炸魚皮一般出面食到一係唔脆或太厚粉，甚至有d過咸，而呢到既就完全無上面既問題!，所以黎到必定叫呢4寶!至於其他食物都好好食，牛栢葉唔係街市或者小食檔個種經過漂白變得白白個種，呢到係黑栢葉，證明真係新鮮無加工，而海鮮方面，呢到既生蠔好大隻，煮完都唔會縮好多水，蝦又大隻又爽口!其實講真食物無咩嘢係差!全部都好食!湯底方面可選擇兩種或單樣都可以，都係真材實料湯底!寫寫下又想去食!

放咗工一個人去沙田，唔知食咩好？喺瀝源邨商場見到呢間食肆有個提示牌。就去盛記試下啦！鋪頭喺商場最下層，唔熟路嘅我都要搵咗一輪先去到。企喺門口都唔肯定已經到咗。鋪內嘅裝修都幾特別。四周都掛咗好多金句。一坐低就有員工埋嚟，告知有咩賣晒，仲有咩可以食。最後我叫咗碗牛雜湯麵。員工制服背面印有一句說話 “一碗熱麵成就五十年的愛與夢”。員工服務態度很好，值得一讚。最後，題外話：第一次幫襯佢地，但環境似曾相識，是否出現過電視？接受過訪問？

非常workshop嘅感覺呀！入面全部都係老闆嘅珍藏壞舊品, 係小型博物館咁！💯！又可以係書架度攞書睇,又有好多廢物利用嘅擺設!簡直就係沙田友聚腳嘅老地方!大家要好好珍惜呀！沿路嘅擺設好自成一格咁嘅舖頭, 好似去咗個小鎮嘅餐廳仔咁呀！😍😍😍一座厎就叫咗一碗牛腩粗麵同雲吞幼麵, 估唔到粗麵😋😋😋😋好食過幼麵! 牛腩又𣺉又入味😋😋😋😋, 雲吞又大粒, 凍飲都比較大杯D, 每碗都有菜呀!沿路擺設舖頭門囗地圖收錢地方黑白相間書架上嘅書都有好多選擇呀！牛腩粗麵雲吞幼麵

同好姊妹兩個最愛烚下烚下，呢次已經係第......幾次嚟呢？😜今次叫左桶蠔、胭脂牛肉粒、餃子拼雲吞同埋皇帝菜揀左番茄牛尾湯底，每次湯底既料都好豐盛，所以兩個人都唔敢點咁多款食物終於試到胭脂牛肉粒喇！次次嚟都話賣晒不過真係好好食，食落除左牛味，仲好多油份，脂肪分佈得好細膩

不知怎的，之前就有冰室、茶餐廳的狂熱，近來就是牛腩麵、牛雜麵、油渣麵的狂熱。瀝源邨這一間麵店，晚上應該是火鍋店，但是食評大都針對此店火鍋，今天路過沙田，經常說沙田只有新城市廣場的連鎖店，毫無特色，於是便來了瀝源邨這間麵店。尤如文青光顧的麵店，很多擺設、舊式收藏品，後來還發現枱底有一隻貓咪仔，在枱底之間不停穿梭，還會喵喵的叫，非常治癒，叫聲動人。牛腩麵也只是一般，因為牛腩不夠肥，定還是吃過元朗的朱兆記、以及大埔群記，之後都很難再吃到稱心滿意的牛腩麵了。盛記牛腩麵比較瘦，雖然湯底還算濃郁，但是牛腩作為主角， 這麼瘦，吃得客人滿口痴牙，難以感到歡喜。三寶，有人比較喜歡。豬皮本人向來都感覺一般，這兒的豬皮挺爽彈，豬紅不太結實，蘿蔔更加差，他們吃得門口蘿蔔咋，這個三寶不太令人滿意。凍檸茶的味道還好，不知天氣太熱，還是本身冰粒太少，吃完麵條之後，冰粒已經全部溶掉，以致凍檸茶不太冷，但是茶味還算濃郁，檸檬新鮮，這杯飲品也是炎夏的小確幸。牛雜麵參考圖片。

裝潢擺設獨特的盛記麵家, 主攻晚市的火鍋生意, 日常午市以麵食和飯餐為主, 算是附近打工仔的飯堂之一；一碗牛腩雲吞麵, 大而料足, 軟腍牛腩肥瘦均有, 鮮蝦雲吞不算是飽滿, 但蝦肉還算爽口, 配上腩汁, 輕鬆又一餐。簡單的屋邨港式街坊日常

今次五個人一齊嚟到沙田街市附近嘅盛記打邊爐，佢喺沙田其中一個屋村嘅入面，都比較難搵，原來仲要上一層樓梯先到，上到去好得意呀，好似私人地方咁，出面有個大花園，而且裝修得好得意，好多小燈飾、小擺設，有另一番格調。本身我哋都book咗位，但係由於太多人食啦，我哋五個人嚟到，都要等成半個鐘先有位入到去，睇下周圍其實個地方都幾大，我諗真係好旺場所以先冇位。坐低梗係即刻要叫個火鍋湯底啦，我哋一齊揀咗個粟米番茄火鍋滋潤一下，唔好咁熱氣，之後叫咗我哋最鍾意食嘅牛肉，仲有牛丸、響鈴、豆腐、雲吞等等嘅火鍋配料。最重要梗係佢哋既混醬啦，我咁鍾意食辣，所以要加好多辣椒落去點綴一下。終於食得啦，啲牛肉真係好好食，好有口感啊而且有厚度，唔似出面啲餐廳切到好薄，喺口入面仲可以等佢30秒咬完之後，先至溶化，超正啊。另外就係我至愛嘅雲吞都特別推介，佢包到好大隻，而且入面啲料好足，大大隻煆係入面同埋豬肉，食完好滿足呀。不過都唔平架起碼$200-300一個人啊。

好耐冇幫襯過盛記,今日朋友想喺沙田打邊爐,所以我就推介左盛記喇一如以往.食材都係好新鮮,特別係個響鈴同出面嘅唔同,好厚身好脆,吸完湯汁更加正!唯一不足係待應唔夠醒水,禮貌ok嘅,不過加湯加水都要叫一兩次先應機

第一次嚟盛記！吾講吾知，屋村內竟然有間隱世火鍋店！ 地點一d 都吾起眼， 我去的時候是平日夜晚，全場滿座，朋友說一定要預早訂位。 店內裝修吾似火鍋酒樓，好有香港特色！ 我地一行10人，可以地盡情叫～～～！火鍋湯底，要左蘋果雪耳湯(真係有好多蘋果）及番茄薯仔湯，。我地叫左珊瑚蚌、牛肉粒、新鮮手打墨魚丸、老友鬼鬼、魚卜、豆腐、新鮮肥牛、響鈴、水魷魚、冰豆腐、鯇魚、厚切午餐肉及聖子刺身！我最鐘意係冰豆腐，吾會散開又吸哂湯既味道；響鈴好香好趣！牛肉粒好新鮮！講真每碟配料都好新鮮！ 好食！