盛記盆菜&盛記麵家

營業中

休息中

當屋企人訂左盛記慶中秋，奇怪地址在沙田瀝源邨熟食檔內。我帶着阿寶搵路，到餐廳才驚覺熟口熟面，好似睇電視見過。佈置別緻加上係老牌屋邨已是一大賣點，當晚我地以火鍋🍲為主，餐牌食物種類繁多絕對唔Hea。先來杯drink - 冰震酸梅湯酸酸甜甜無澀味，愈飲愈想飲，仲要真係有粒話梅係裡面番茄🍅豬骨鍋+椰子鮮雞鍋，熱騰騰上枱，我地個個第一時間滾起即飲頭淡湯。菜單係一般火鍋配料都有齊，咁我就推下我應為好食野。黃喉 - 見到係家禽類上，坦白講我唔知係邊樣家禽邊個部位，但係滾一陣食落口就超爽脆好味。冰豆腐 - 大大嚿唔易散，索哂湯汁有咬口粉腸同牛柏葉都唔錯，食到較鮮，乾淨無怪味。

專程入來沙田瀝源邨, 就是來朋友推介的盛記打邊爐....一行四人晚上來個恰下恰下.....朋友一早來到點定...一坐底就有得食.....正!!!因為冷氣不足....店員都安排風扇向著我們....最終我行得太熱...還要拎出私人風扇來吹......食到中途老闆忙碌地經過望見我們要出私人風扇...立即停下九十度向我們躹躬表示真的不好意思.....講回食物方面.....份量夠大之餘....夠新鮮......而且味道真的一讚!!!!其中一個釀油炸鬼....即炸起....可以過一過湯去食or即食...以往外面食的都是面層蝦膠是未熟的.......這個因為已經是炸起了...所以不用等到蝦膠熟而油炸鬼變得淋晒才可食.....飲品方面點了自家煲的酸梅涉....甜度剛好....但略嫌不夠凍。時間方面...因為大多沙田市中心的食市都有限時....這個沒有限時的地方確係非常好....大家不用趕頭趕命去食.....慢慢享受~~~~

舖頭裝修好有特色，雖然係有點難搵，不過當你見到門口，會有一種特別既感覺，估唔到沙田有間咁特別既火鍋店，菜色種類多又抵食，係就嘈左少少，但就係咁先夠地道嘛，一班黎食係唔錯既選擇！

生日好想同一班朋友打邊邊烚下烚下，朋友就推介沙田盛記火鍋，仲預訂左花雕牛肉，因為太受歡迎，唔訂就會好快賣晒真係要食過先知咁好食，難怪要預訂火鍋湯底選擇好多，店內裝修帶些文青風格，好特別。店員非常有禮貌，會向客人推介店內食物，會提醒客人不要眼闊肚窄，食完唔夠再order，不要浪費我平時唔飲酸梅湯，但飲過呢間店既自製酸梅湯，好飲到不得了，飲左兩支象拔蚌刺身勁新鮮，價錢較其他海鮮火鍋店平推介：象拔蚌刺身、花雕牛肉、響鈴、鯇魚片、酸梅湯

相約中學同學聚會，大家都係邊爐怪又係沙田友，有個比較識食嘅朋友推介呢度，就來試下啦😏佢地D食物都好新鮮，墨魚滑好有鮮味又彈牙，同出面食個D只有彈同有D咸味唔同，另外個蝦又係正，好爽又新鮮，呢個係估唔到嘅，而且佢地叉蝦嘅方法又好特別，咁叉法好似隻蝦熟左之後變成龍咁🤣🤣牛肉都非常不錯👍🏻仲有欣賞佢地個環境裝飾好特別👏🏻👏🏻據悉係老闆自己搞😱😱臨走嗰陣老闆仲有一堆紀念品任我地攞，仲話啲書可以隨便攞，又可以攞D過去放底俾其他人睇或者攞走，呢個概念幾好👍🏻👍🏻👍🏻

盛記，就在我家附近啊，我們一班朋友非常喜歡火鍋，吃過很多次，價錢雖不便宜，但份量都算合理，今次質素好像欠佳啊！昨晚和朋友聚會，我們沒訂餐，全散叫，我們四位女士，叫咗兩碟手切肥牛，第一碟都可以，但第二碟有一半係瘦牛肉👎🏼吃起柴柴口啊，老友鬼鬼係我至愛👎🏼但都有點失望，因為之前食的讓了很多蝦膠入油炸鬼上👎🏼今次起碼少咗2/3😏偷工減料，真係好好好失望囉😧，還有一個新菜色，蠔仔餃係失敗既👎🏼因為食唔到蠔仔而豬肉調味得太濃，我們還叫了炸魚皮👍🏼響玲👍🏼韮菜餃👍🏼牛脷托，黃喉，午餐肉，雲耳，皇帝菜....。至於湯底就揀冬瓜干貝都幾夠味，但當然都係有味精啦。希望佢可以保持之前水準啦，咁我們先多個地方食好野。

盛記，上次來都發現有一隻小貓咪，這次都不見了，當然，因為天氣相當炎熱，牠也會找個地方躲躲吧。本身先到附近的清湯腩店看看，但是有一間未開，另一間又完全沒有顧客，我從不喜歡做第一名顧客，於是又到了這間盛記。因為之後的工程繁重，本身打算一心吃個飯，因為午餐餐牌上，看到有一個椒鹽骨飯。但是，落單之後，員工卻說原來今天是週末，只有麵吃。但是，進店後，又不想再走來走去，於是也只好又再吃了個牛腩麵。近日吃得比較多清湯腩，這款柱侯式的牛腩，味道還是比較遜色。但是，這間盛記得柱侯牛腩麵，其實已經算是比較出色。首先，麵條夠爽，不會太軟林，份量剛剛好。牛腩的份量也不太少，但它的牛腩不會收到非常痴牙，而且弄得非常入味，柱侯的味道不錯，還會有些半肥瘦的牛肉部份。大熱天時，就叫一杯凍檸茶消消暑。但是，凍檸茶的茶味不太濃郁，而檸檬味亦都不太檸香，味道僅僅一般。明明檸茶會有檸檬核，給我粗飲管是搞笑嗎？吸到成口核

朋友推介第一次試盛記呢到環境裝潢係好特別我地坐既位置係後面 有小小近出口 所以個位真係好熱 已經叫員工開曬風扇都係好熱有種半戶外打邊爐既感覺講返野食都ok新鮮既價錢合理 一行5人食左$800到佢有套餐叫 但原來要一早訂位個時訂埋唔可以到時先叫只可以散叫湯底最平$88 清湯都要呢個價錢可能對於食開放題既人黎講算貴建議叫貴小小既湯底會抵d牛肉同豬肉都好新鮮份量都ok九菜餃都ok 其實野食都ok正常不過不失會寧願食火鍋放題會好d 同埋夏天黎食真係要諗諗 好熱

盛記火鍋非常多人去，所以早幾日就訂定位！一入到去發現佢既裝潢非常用心，好特別，有好多同年回憶既小玩意！Order左蕃茄薯仔湯底（非常鮮甜，可以encore），厚切午餐肉，手切肥牛，日本黑豚肉，鮮炸響鈴，墨魚滑等等！所有食物的份量都幾多，好適合一大班人去食！非常值得一提嘅係日本黑豚肉，肉質鮮甜又有質感，個人認為比肥牛更好食！鮮炸響鈴又大又脆，配搭番茄薯仔湯底更好味除咗火鍋食材之外，另外亦有熟食！我帶咗炸芋頭（配砂糖），熱辣辣上接，非常可口😍係一間值得再次光臨嘅特色火鍋店👍🏽

早排連試兩次大圍x記，材料都靚，不過偏貴及細碟，海鮮餐有點取巧。所以今日再到盛記，睇下係咪仲料靚抵食。今次都無失望，啲店員依然好友善唔虛偽，食物依然係靚嘢。今日唯一差咗係坐近出口位，所以冷氣唔夠，小弟身子弱覺暈。 今次叫咗蘋果豬骨湯底，頭啖湯幾好飲，加幾轉水就無味了(正常) , 所以下次叫濃味嘅，個人喜歡喥嘅麻辣或鯊魚骨湯底。配料唔多提，一直keep住水準。 呢度要贊係客比得錢，料就比足你。同女友試過888嘅套餐真材實料，夠4至6人用，果次要幾個盒打包拎走。

最開心一家人一齊打邊爐，呢間聽講食材好新鮮所以就黎試試同埋算係一間幾特別既店鋪，一入門口已經比佢周圍既野吸引住，而我地張枱就係個書架隔離，突然覺得個人好有書卷氣我地叫左兩個湯底雪梨鯊魚骨湯（好多鯊魚骨食）冬瓜元貝湯（料好多同清甜）另外火鍋料我地叫左好多，所以我只講最深刻個幾款大聖子刺身呢個我都係第一次食平時都一定係煮熟，估唔到真係超好食（超鮮甜同好爽口，必點）花雕醉雞（呢個無得輸好多時出面食既醉雞落完湯底整熟左就會無左個醉雞既味道，但呢間唔會 好有醉雞味道）手切肥牛 （肉都夠林）珊瑚蚌（新鮮 大件）脆肉鯇腩（好爽口又大件）蝦滑 （好多蝦係入面）墨魚滑（好爽口）整體黎講每碟既份量都算多，價格實惠食物質素高適合一班人黎可以叫好多唔同款既野食

weekday的中午來到, 餐廳裏熱鬧一片最親切的莫過於看見一整枱的中學生看以看出店的裝潢都很有心機, 又有書架既像社區餐廳, 又像文青cafe/酒吧這家是哈士奇先生極力推薦的餐廳, 說這裏的蒸魚很正我看看餐牌也覺得這裏的午市挺特別一般蒸魚都要晚市才吃到, 但這裏價錢很相宜, 午市就有得食雖然魚是細size, 但這個豉汁好正, 是家的味道, 又帶點大排檔的火候配白飯青菜真的一流這是我點的蒸肉餅, 也是非一般的好吃肉餅很軟, 但又不是強加鬆肉粉那種質感肉醃得好, 煮的時候不用太多調味料就已經帶出肉味連豉油都不用加~二人午餐放滿一枱, 還有湯和菜菜芯來說就有點太硬了但其餘東西真的無可挑剔！哈士奇先生說這裏晚上會變成打邊爐, 一定好正既有社區味道, 又有自己特色有種在沙田尋到寶庫的感覺

4月下旬再訪盛記，今次是相約三位年長的師姊，她們從未到訪沙田瀝源邨，我們順路在盛記開餐。三位喜歡手工藝師姊都會廢物善用，循環再造，所以我今次茶聚特別邀請她們移步到沙田瀝源邨，之前我已分享盛記麵家的獨特環境，今篇不累贅。一行四人分別點選牛腩河、菜肉、鮮蝦雲吞河，加碟生菜。牛腩河是我依然要捧場，清嫩生菜有菜味，我不加蠔油也非常好吃！當大家吃得津津有味的時候，忽然，企堂亞哥送上一碗豬紅豬皮和蘿蔔，並說：是我們老闆送給大家試食！我回頭看見老闆，向老闆B哥道謝！老闆B哥當然是很多客人認識，但老闆B哥是不認識我的， 很多謝老闆B哥，一碗豬紅豬皮和蘿蔔，不僅帶來美味，還帶出對客人一份暖意！並不是免費就讚好，豬紅爽滑、入味豬皮和清甜白蘿蔔的確是好吃！我們午餐的人均消費$38.5。我也向B媽查詢長者免費齊享用，原來是70歲以上的長者，當日早上首先到領展辦事處取籌，憑籌可到盛記享用自選各款麵食！

朋友約了相聚，自己卻一睡不起，遲了，所以選擇了乘的士前往，錯有錯著，因為它的位置有點隱蔽，如果沒有乘坐的士，看來就要上演一幕送失瀝源了。到達時，朋友們已點了滿桌食物，肉類，丸類，份量足，也新鮮。另外，點了魚生，口感有彈性，雖然遲了的我不知道是甚麼魚。蔬菜類，仍是份量足，以一洗食大量肉類的罪惡感。環顧一下，四周環境，竟有書可看，也有些有心思的擺設，坐位間位置也足夠，不會跟鄰桌背貼背。一行人，打邊爐，大吃大喝，盛記是不錯的選擇呢。

屋企人幾年嘅生日飯都喺度打邊爐，裝修方面非常懷舊好有特色之餘，價錢合理之外嘢食份量都好足！仲記得第一次嚟嗰陣，完全估唔到屋村裏面竟然可以有呢啲餐廳！海鮮呀象拔蚌，生蠔，蝦嗰啲都非常新鮮，湯底非常足料，唔會好似出面嗰啲咁得個陣味精同麻辣味！店員服務態度非常良好，好小可幾年黎都keep到第一次食既感覺特別推介蝦膠油炸鬼，好新鮮好好味！！！每次黎食都一定會嗌！同埋最方便就係佢隔離就有停車場，同老人家嚟食都唔使行咁遠，超級方便！