盈記四季養生麵館

營業中

休息中

到灣仔逛街，逛到下午茶時間才找餐廳醫肚，看到這家餐廳頗乾淨整潔，餐牌也合口味，便選了這家，餐廳光潔亮麗，座位也寛敞舒適，餐具和餐桌均乾淨衛生，挺好，看餐牌有很多選擇，主打應該是藥膳雞湯，不像那些連鎖米線店，都是味精，湯底都有頗多選擇，可選：藥膳雞湯，蕃茄湯，叻沙湯，這個是藥膳農場雞花膠米粉，香味很吸引，馬上喝了幾口湯，藥膳養生湯味道香濃，喝得出是真材實料，而且湯底像熬了很久的雞湯，好喝得令人一口接一口，花膠很大塊，而且厚身，以這個價錢，可以吃到這個尺寸的花膠真係抵到爛，而且農場雞皮薄脂肪少，雞味濃郁又滑嫰，啖啖肉，這個則是花膠叻沙湯米線，從相片可以看到，花膠尺寸很大塊，童叟無欺，煮得軟稔入味，大塊又厚身，叻沙湯底不油，味道香濃，豆卜和蛋浸在叻沙湯底中，吸了香濃味美的叻沙湯，使得豆卜和蛋特別惹味，分別要了熱檸水和熱檸蜜， 正常質素，大杯抵飲，總結：餐廳鄰近灣仔地鐵站，雖然是街鋪，但鋪面光潔明亮，乾淨衛生，餐桌和餐具也沒有痴笠笠，食物味道好而且足料，招牌的藥膳雞湯更是香氣誘人，真材實料味道濃郁，招呼亦親切殷勤有禮貌，會因為藥膳湯底而下次特登過黎飲湯！

💖養生麵💖其實我都好鐘意食D 養生野D中藥味嘅嘢呀蟲草花呢D呀今次路過灣仔呢間小店佢有LUNCH SET一人餐的話就揀個湯麵 ＋ 小食今日揀左 藥膳農場雞蟲草花養生湯麵藥膳味好夠，料都好足好多好多 蟲草花😋😋再加小食藥膳雞腳呢個就有D 唔夠入味雞腳又唔夠淋 不過LUNCH SET包埋一杯飲品都係 $78以食養生湯麵來講呢個價錢都唔錯 佢本身跟餐小食仲有個「古法忟蘿蔔」我呢啲白蘿蔔控好想試不過好可惜佢o個日賣晒🥲🥲

灣仔區CP值很高的養生麵館前一段時間在灣仔區工作，令我最為頭痛的是午餐時要選擇吃什麼餐廳，因為灣仔區實在太多餐廳可以選擇了，但是大多餐廳因為租金昂貴，很多都把成本轉自消費者身上，一餐飯動不動就要$100或以上。這間養生麵館就成為了我們的「月底救星」，只需要$60左右便能夠吃到一餐營養豐富的午餐，所以我們同事們都常光顧。★藥膳農場雞蟲草花養生湯米線所有養生米線中，我最推介這個蟲草花米線。米線上佈滿蟲草花、農場雞塊、以及紅棗， 十分足料。湯底亦嚐得出是用了大量藥材所熬製的，藥香十足，且沒有味精， 適合一眾健康人士。

早前同閨蜜去左灣仔呢間食米線，重點係養生!!🤣 呢間麵館雖然地方唔大，但係食物很不錯! 主打養生湯米線，例如藥膳湯、麻油雞以及多種補身食材等等，我地當然都要養生下啦🤣 我地就叫左:..🍜 藥膳農場雞蟲草花養生湯米線湯底採用肥美三黃雞配多種藥材熬製四小時，飲落去好濃郁而且係好天然既甜味，無落味精👍🏻好好味! 呢碗一呈上，就見到大大件雞肉同大量蟲草花，仲有紅棗，好滋補，真係好足料!! 雞肉係啖啖肉，肉質有彈性，唔肥膩，我飲哂D湯!!🤣🤣..🍜自家製水餃叻沙湯米線本來有諗住同閨蜜一人一碗藥膳湯米線，但見到呢度仲有叻沙湯，坊間唔多，就諗住大家一齊試下唔同野，所以叫左一碗叻沙湯底過下口癮! 呢碗就比較惹味濃郁，椰汁味好香，好開胃! 自家製水餃有5大件，皮薄餡厚，好飽滿😋 配料仲有豆卜同蛋，好正!! .🧆秘製汁木耳呢個有少少香辣，但我唔太食得辣都食到! 除左木耳之外仲有花生，調汁酸酸辣辣咁，好醒胃!!..🧋凍奶茶 凍檸茶食完米線都係要飲返杯先正，叫左凍奶茶同凍檸茶，茶底唔錯，好味!.

藥膳農場雞厚身花菇養生湯 ($68) - 湯底使用了三黃雞配以多種藥材熬製4小時，味道非常濃郁，入口潤喉，但可能加了很多紅棗，湯底會較甜。雞肉帶鮮味，但未到好嫩，米線幼滑，花菇厚身爽口又入味。

位於灣仔盈記四季養生麵館，座位與座位之間寬闊，地方乾淨整潔，無論朝早還是夜晚都吸引到不少打工仔光顧，除了主打的藥膳雞湯，同時亦有喇沙及番茄湯。跟餐可加配飲品，同時亦有數款小食選擇藥膳浸雞腳 $38雞腳非常入味夠淋，每隻雞腳都好整，完全唔會甩皮甩骨🥰藥膳農場雞花膠湯米線👍🏾👍🏾👍🏾👍🏾👍🏾湯底唔算好油，頗清，呷一口湯， 藥膳味非常特出，濃郁且鮮甜，飲落完全唔覺口渴。花膠有成隻手掌大，算是厚身，比平時老火湯的花膠質感略有不同，口感偏夾，但煮能夠吸盡湯底精華，非常入味❤️❤️❤️❤️值得一讚是火喉控制得好，令雞肉極之嫩滑，完全唔嚡口☺️☺️蕃茄湯底亦同樣出色，用上新鮮車厘茄同大蕃茄熬煮，特別濃郁，可以食得出粒粒番茄蓉。頗特別的墨魚春卷，腐皮外皮裡面煙韌彈牙，咬落亦會食到墨魚粒，當作粉麵配料的確一流！

今晚又來到灣仔站出口對面的「盈記」食藥膳湯麵。餐廳座落於繁盛的軒尼斯道，雖然舖位不大，但都光亮整潔。餐牌較簡單，菜式都以藥膳湯底為主，當然也有其他選擇，例如鮮茄和喇沙湯底。“藥膳農埸雞+日本花菇養生湯米線”，藥膳雞湯採用肥美三黃雞，配以多種藥材，如：紅棗、杞子、桂圓、當歸、北芪、黨參等，熬製四小時而成，功效補氣益血，健脾益肺，潤腸養顏。食材有大大塊的雞肉，嫩滑而不肥膩；大大隻的日本厚肉花菇，特別香口；還有又爽又滑的雲耳，真是材料豐富，滋補又美味。“鮮茄自家製水餃湯米線”，蕃茄湯以鮮車厘茄及大紅蕃茄，輔以新鮮蔬菜熬製三小時而成，對身體非常有益。自家製水餃亦美味，口感不錯，蕃茄湯清甜天然，我忍不住全碗喝清光。“醬香牛肋條”，燜得很腍，牛肉味濃，五香調味又很入味，再配上柱侯醬，更加惹味。最後，還附送飲品，我選了“柚子蜜”和“朱古力”。這餐廳的食物製作有誠意，地點又方便，性價比高，是用膳的好地方。

要養生就要從生活細節開始，食療方法都是重要一環。最近食肉類太多，係時候要清清腸胃。午餐去了一間麵館，以藥膳作為主打。藥膳農場雞，竹笙銀耳養生湯湯底採用了紅棗，龍眼，雲耳……大量藥材熬製而成，味道好清甜，有潤喉感覺。兩隻雞髀仔，嫩滑有肉香。銀耳份量足足佔據了半個碗，好抵食。好爽脆。食完呢個份量嘅銀耳，皮膚一定靚靚，充滿著骨膠原。古法炆蘿蔔蘿蔔夠晒入味，軟腍又香甜。蘿蔔湯底都係藥膳湯，非常健康。午餐包一杯飲品。

宜家香港人越嚟越注重養生，坊間嘅養生店越開越多，就連米線店都主打養生湯底。今日去開灣仔做嘢，順道過嚟盈記四季養生麵館食個藥膳米線。😚🐔藥膳農場雞桃膠養生湯米線 $64藥膳湯有陣陣的藥材味，但不算好濃，個清徹唔油膩，因為有紅棗，所以好清甜，配料足，有杞子，雲耳，芫荽，桃膠都有唔少，原來係植物界嘅燕窩呀，滋潤又養顏😍。有雞脾和雞胸肉，雞肉嫩滑，就算雞胸亦不太嚡口呢！米線軟滑可口，飲埋個藥膳湯，勁飽呀🥰。🥢藥膳農場雞竹笙銀耳養生湯米線 $68有勁多銀耳，食極都仲有🙈，竹笙索湯又爽口，碗米線好大碗，大隻男都夠食。🥢古法炆蘿蔔 $28個蘿蔔超級好正，好淋又冇渣，仲要係索晒個湯，勁清甜好食。

藥膳湯有天然的甜味、個小食木耳都好好食😋希望大家多多支持下啲有心既餐廳！咁樣套餐一碗麵、一個小食加一杯飲料都係80$～啲雞肉好嫩，唔柴、雞皮煮到軟軟糯糯，充滿油香味！

朋友介紹灣仔有間餐廳藥膳湯粉好好味，今日終於有機會過來試一試！果然沒有令我失望。餐廳應該新開一段時間，裝潢各樣都非常明亮整潔。餐廳主打藥膳上湯，但當中都有鮮茄湯及喇沙湯，都幾多元化而且有小食，選擇都幾多我點了藥膳農場雞+花菇米粉，湯頭藥材味濃，吃得出用料豐富，而且非常清甜，肯定沒有味精！農場雞肉質嫩滑，而且非常大件花菇好入味，配搭藥膳湯特別匹配選了米粉，完全吸收了藥膳湯的精華，忍不住連湯吃清光跟餐加$12點了奶茶紅豆冰，紅豆冰份量非常多，想不到這杯飲品絕無欺場！有驚喜小食點了藥膳湯生菜，配搭蔬菜更加突顯藥膳湯的清甜，$26非常化算，講真外面普通一碟油菜都起碼索價20多元！完全是良心小店同事點的喇沙湯，根據他形容，喇沙湯椰汁味濃，算是頗正宗的東南亞風味！夏天食都幾開胃自家製餃子非常飽滿，皮薄多餡，餃子配上米線，男仔都未必吃得完！大大碗實在足料

今日要去灣仔開會， 開完會都7點， 就同同事在附近覓食。同事推介“盈記四季養生麵館”， 我未食過， 又想支持小店， 所以就決定去幫襯。店舖面積不大， 客人都唔算大多。原本想叫二人餐， 但大家都唔太餓， 所以各自揀。我揀左藥膳農場雞花膠米線。大大的花膠配兩件滑雞， 雞肉滑嫩， 花膠淋得黎有口感， 加上大量藥膳配料煲成的湯底， 好香， 鮮甜可口。而我愛吃芫荽的朋友就點了藥膳農場雞加芫荽養生湯， 見到超多芫荽， 芫荽愛好者可以一試。食完早點休息， 明天繼續博殺。

大概大半年前嚟過呢度食養生湯米線 對呢度嘅藥膳湯非常深刻 比起譚仔我更加鍾意呢度嘅養生湯米線 所以今日難得嚟到灣仔再嚟Encore秘製汁木耳 酸酸辣辣 當前菜小食唔錯古法炆蘿蔔 蘿蔔炆度軟淋吸汁入味 吸曬啲湯汁好清甜藥膳浸雞腳 雞腳同樣係用藥膳湯浸成 炆得好淋好入味 咬落去啖啖骨膠原主角 - 藥膳農場雞蟲草花養生湯配米線 藥膳湯飲到淡淡嘅藥材味 感覺好養身 加上好似放咗啲龍眼肉落湯底調味 所以湯底好清甜 而農場雞雞味非常濃 而且肉質嫩滑唔鞋口 米線煮到Q彈Q彈 唔會淋啤啤 推介推介平民美食就係呢種 簡單得嚟好食又唔貴

灣仔地鐵出站行一個街口，係修頓球場對面，有間養生麵館，自己本身都好鍾意食藥膳湯底，今次第一次黎食，價錢相宜，平日夜晚都唔少人黎食架！藥膳農場雞山藥養生湯米線 $64湯底有香噴噴嘅藥材味，非常香濃甘甜，每啖湯都充滿藥膳湯味道，每碗米線都有3-4件雞件，咁啱我哋兩個都有雞髀雞翼，雞肉嫩滑，另外仲有好多粒紅棗、杞子、桂圓、淮山，十分足料！藥膳農場醉雞養生湯米線 $64呢碗同上一碗嘅最大分別係個湯底，呢個有啲意想不到嘅驚喜，藥膳湯底加少少酒味，令到藥材更加突出香濃，呢個湯底更加鮮甜！藥膳雞腳 $38雞腳比較爽口有口感，唔會話太腍，保留返雞本身嘅味道。奶茶紅豆冰 +$12超級驚喜好好味！奶茶茶膽香濃，再加上紅豆本身嘅甜味，冇特別叫少甜，甜度恰到好處，非常好嘅組合！

藥膳湯我平時也十分喜愛，所以我成日四圍搵藥膳湯既餐廳，感覺可以定時保一保身☺️今次這間是我再次光臨🥰「藥膳農場雞花膠米線」這個配搭是新出「期間限定」即刻吸引了我，花膠好大塊，爽口感覺，配上雞髀，肉質香滑，這配搭高上，而且抵食👍🏻👍🏻「藥膳農場雞蟲草花米粉」湯底香濃，有藥材香，由於有紅棗比較香甜🥰 蟲草花有養顏功效，令我不能放棄一條😂🤣😂「秘製汁木耳」少麻辣汁造成的開胃小食😊備註：🔺灣仔大街上，容易搵到👍🏻🔺店員有禮，會主動介紹😌