盈苑

營業中

休息中

最近超鍾意食點心，去到邊都要食。呢間點心舖嘅裝修好精緻，喺度食嘢都覺得好舒服。蝦餃，外皮黐牙，入面嘅蝦肉好彈牙，超鍾意呢種口感。食落去，味道好正，蝦肉俾得滿滿，又好鮮甜！鮑魚嘅蝦餃口感同蝦餃差唔多，上面有粒鮑魚。非常好食！個餃子入面嘅肉都俾得滿滿，上面嘅鮑魚都好有咬勁，好彈牙！小雞造型嘅水餃。外皮好酥脆，味道都好正。跟蝦餃唔同，呢個酥脆感，食落去真係好上癮，好香好好食！山竹流心球，呢個外酥內軟嘅甜品都唔錯。香香嘅果肉混住濃郁嘅流心，口感層次豐富。好清新又甜美！食物都好唔錯，想食點心嘅時候，我哋都嚟呢間食，好正！

今日同媽咪一齊食lunch，佢話好耐冇食點心，就特登嚟到觀塘呢間酒樓食～雖然我哋點嘅菜式唔多，但係樣樣都好食🤤🧡鮮肉小籠包呢個真係我嘅至愛❤️ 粒粒都有好多湯汁又好鮮甜🤤 皮薄餡大，肉餡好足而且好入味～一啖咬落去湯汁四濺，真係令人回味無窮‼️🧡小雞鹹水角超級得意嘅小雞造型😍 外皮係一層炸得好脆嘅脆皮，入面嘅肉餡鹹香爆汁👍🏼 食落去外脆內嫩，鹹中仲帶住一絲甜味，得意又好食～🧡鮑魚鳳眼餃鮑魚仔飽滿肥厚嘅口感，食落去好有韌性🤩 輕輕咬一啖，鮑魚仔伴住鮮味十足嘅餃子肉餡喺口入面爆發，鮮美嘅味道食完滿口留香😭 唔誇張，我一個人可以食三籠🤤🧡山竹流心球呢個小甜點我都好鍾意😻 外形做到好似山竹果一樣，外皮口感好脆，入面包住奶黃流心🥰 成個味道同口感好豐富，香甜可口～

嚟到觀塘呢度食點心，我嘅首選梗係呢間點心酒樓啦👍。呢度嘅點心唔止款式多🈵，每一款點心都係超高水準，而且仲有好多特色美食，食極都唔厭🤤。【北京片皮鴨】片皮鴨肉質嫩滑，唔會太肥，最鍾意就係鴨皮～燒得好香而且食落去脆卜卜，再配埋薄身嘅餅皮，捲埋一齊食口感好豐富啊😍。【香燒乳鴿】乳鴿皮脆肉嫩，外表色澤紅潤❤️，望落去就好美味🤤 肉汁豐富嘅同時又唔會油膩～食落去鮮香味美，超級入味😊。【懷舊馬拉糕】金黃色嘅馬拉糕新鮮出爐，食落去好鬆軟，口感好柔滑🥰 帶住淡淡嘅奶香味，而且甜度啱啱好，好正宗嘅味道👍🏼🥚【蛋黃蓮蓉壽桃】🥚麵包皮鬆軟，餡入面有滿滿嘅蓮蓉，口感香甜可口💕，食落去有油香味，鹹中帶甜，味道配合得啱啱好～回頭率高嘅酒樓

今日想推介畀大家非常好食嘅港式點心餐廳，呢間餐廳嘅環境寬敞，座位舒服，服務亦都十分周到，係一間值得大家嚟飲茶食點心嘅好地方。個人特別推介以下幾款點心，包你食到津津有味💛小雞鹹水角💛外皮酥脆帶甜，餡料鹹香軟糯，外甜內鹹，味道好夹，非常好食。🧡蛋黃蓮蓉壽桃🧡香酥嘅包皮入面包住香甜嘅蓮蓉，中心係一整粒鹹蛋黃，外皮酥脆之中帶有柔軟清甜同埋鹹香油潤嘅味道，正~🤍晶瑩鮮蝦餃🤍透明嘅外皮晶瑩剔透，口感滑溜柔軟。鮮嫩嘅蝦仁爽滑鮮甜，咬開嗰陣可以感受到鮮美嘅汁液。🩶鮑魚鳳眼餃🩶鳳眼餃皮好有咬口，鮑魚肉口感彈牙，鮮嫩爽脆，每一啖咬落去都係濃郁嘅鮮甜味。🤎香煎芋絲夾🤎外皮香脆誘人，芝麻香脆餅夾住芋頭嘅粉香，食落去味道清甜爽脆，非常美味。

今日放假同媽咪喺觀塘行街買嘢，行行下見到之前食過嘅盈苑今日都好多人排隊，決定再入去幫襯。入到去，店員好細心，見到我哋攞住購物後嘅一包二包都即刻挪個位我哋放喺地下。主食方面，我哋叫咗個星級乾炒安格斯牛河。 兩個人份量，牛肉好大片，好滑好好味，唔會黐牙，加埋蔥同豉油 超惹味！湯麵方面，我哋叫咗碗瑤柱貴妃雞配蔥花上湯米粉。隻雞係半隻雞，雞肉都好多，餐廳都另外分開湯麵和雞肉嚟食。雞肉好鬆軟，配米粉上湯食一流。另外小吃方面，我哋叫咗招牌燒鵝皇，隻鵝皇出奇地好食，皮脆肉嫩多汁，完全滿足我口味。炒豆嘅數量都算多，配燒鵝一齊食好有口感。嚟到點心店，點都要叫多啲點心試吓，於是我哋再叫咗蛋黃蓮蓉壽桃，當撕開壽桃，看見金黃又流油的蛋黃蓮蓉，簡直可以形容係開心大發現，感覺超級開心，蓮蓉唔算好甜，食落冇咁滯！叫咗咁多嘢食，價錢都好平也算抵食。

前幾日，我同同事去咗觀塘間盈苑食午飯，同事話之前佢哋食過唔錯，所以我決定跟埋去試下。酒樓唔係好大間但都坐得舒服。我哋叫咗幾款點心，首先上咗鮑魚鳳眼餃，貌相唔錯，呢個鳳眼餃皮幾薄，每粒餃上面都放咗細細隻鮑魚，貌相有啲似鳳眼，再搭配一啲醋，味道更加突出。之後仲叫咗鮮肉小籠包，有個鋁紙兜裝住，小籠包飽滿多汁，調味適中，咬落去湯汁流出，大家食嘅時候要小心熱，呢個係大家都鍾意嘅經典小食。然後就試咗銀湖百花釀魚肚，呢道菜嘅魚肚口感軟滑，配上清淡嘅蝦滑，味道十分清爽，啱哂鐘意清淡口味嘅朋友。呢個小雞鹹水角就係貌相已經好吸引，外面炸得金黃酥脆，內裡包裹住咸香嘅雞肉，味道都唔錯。最後，星級乾炒安格斯牛河就成為咗我哋午餐嘅最後一道菜。牛肉幾大塊，幾易咬開，唔會鞋，河粉份量都足夠，調味不錯。盈苑嘅食物真係唔錯，點心幾得意，服務都ok，大家都食得開心。

喺觀塘呢度有一間寶藏酒樓──盈苑。呢度嘅嘢食唔單止種類繁多，而且味道仲好好食添。一開始梗係要食【手拍青瓜海蜇】。味道鮮美嘅青瓜清涼爽口，加上特製醬汁更加美味。海蜇嘅口感脆嫩軟滑，不但冇腥味，而且仲好爽口，好啱做開胃菜。仲有就係佢哋嘅【珍寶蝦球燴伊麵】，新鮮嘅蔬菜，配上有韌性嘅伊麵，仲有鮮嫩多汁嘅蝦球，整體美味展露無遺，每一啖都食到令人印象深刻嘅口感。唔可以錯過嘅梗係仲有【北京片皮鴨】，肉質柔軟多汁，口感特別嘅細膩，略帶少少油脂好香口，鴨皮夠薄身香脆，再加入爽脆青瓜同京蔥提香，再配埋特製醬料，完美呈現咗鴨肉嘅鮮味。仲有【蛋黃蓮蓉壽桃】，精美圓潤嘅壽桃包，鬆軟綿密嘅麵皮包裹住豐盈嘅蓮蓉同蛋黃，味道香甜可口，食完意猶未盡。

嗰日朋友約飲茶，我就帶佢哋去觀塘嘅盈苑。呢度地方寬敞，環境舒適，係飲茶、食晏同傾偈嘅好地方。🥯鮮肉小籠包🥯皮薄肉厚，湯汁充足，口感更加細膩，入口之後滿口都係湯嘅鮮味🐤小雞鹹水角🐤造型精美獨特，新鮮整出嚟嘅鹹水角外層香脆，角皮口感煙韌，咬開係鹹香嘅肉餡，味道濃郁可口。🫔香煎芋絲夾🫔外表煎到好香脆，芋頭嘅香味濃郁，口感軟糯香甜，外酥里嫩🪿招牌燒鵝皇🪿（例牌）香脆多汁嘅鵝皮，脆脆嘅皮同肉一齊放入口，口腔入面充滿咗肉質嘅醇厚、香脆嘅表皮、飽滿嘅汁液同濃郁嘅香味。🍰原個懷舊馬拉糕🍰外表顏色金黃，口感鬆軟，外型挺身，好似海綿咁柔軟，帶有雞蛋糕嘅香味

我同屋企人都好鍾意嚟呢間酒樓飲茶，呢度唔單止裝飾優雅，環境舒適，點心仲好好食。我哋都特別鍾意佢哋嘅蜜汁叉燒包，叉燒包嘅外皮煙韌鬆軟有咬口，仲保留住豬肉嫩滑嘅口感，再配埋蜜汁叉燒醬，鹹甜適中，好味又好食。仲有就係晶瑩鮮蝦餃，當一啖咬穿蝦餃皮嗰陣，會先感受到一股鮮美嘅湯汁，跟住就係餡料豐富嘅口感，再慢慢咀嚼，可以品嚐到蝦肉嘅天然鮮甜味道，好好味。呢度嘅鮑魚鳳眼餃都好值得推介，造型美觀，色澤淺黃，味道鮮美可口，再用上新鮮原隻鮑魚鋪面，味道清爽之餘，食落煙韌爽口，超有嚼勁。而山竹流心球就係絕對唔可以錯過嘅甜品，鬆化嘅外皮咬落去之後可以感受到入面滿滿嘅流心，味道香甜可口，係人間享受。

好耐都未試過去酒樓食晚飯，聽講而家酒樓都會推出好多優惠，今晚帶埋親戚朋友嚟試下土瓜灣呢間盈苑海鮮酒家入座後，習慣每次都會望下附近食客點左啲咩小菜，見到枱枱都點左隻燒雞食，原來係招牌窯燒雞（$238）🍗，講明係招牌菜，一場嚟到點都要試下。燒雞原隻上枱，上枱後再即場切開，肉質鮮味，雞皮燒到脆卜卜，好鮮味，一定要推介比大家每次去酒樓，我都必定會點鮑魚食，今次當然唔例外，餐牌有款果皮蒸南非鮑魚（$88隻），見做緊優惠價，一於order 兩隻試下，鮑魚蒸得剛剛好，唔會太韌，易入口👍👍另外小炒皇（$168)都係盈苑嘅招牌小茶，平時食開嘅小炒皇都會比較咸，呢度嘅小炒皇味道剛剛好，唔會太咸，啱哂我口味最後仲有個冬瓜盅，非常足料，大大盅都只係$138😵‍💫😵‍💫真係好抵食~大家想食小菜都可以嚟盈苑試下，又坐得舒服，分分鐘仲抵過普通餐廳🤭

老友快閃約飲茶，因要就腳，選擇唔多。年前曾來過同一位置酒樓，但印象麻麻，見佢轉咗名，姑且一試。上到去，一如所料，照舊街坊茶樓格局。求其指我地一張枱，老友醒爬自已揀咗第二張，佢又俾坐，冇搭枱，收貨。午市點心都機多選擇，兩個人叫咗五樣野：蝦米腸，百花魚肚，菜苗餃，潮州粉果同雞扎(雞扎唔記得影相)。點心算大碟，雖然係大路嘢，味道唔錯，係粉果有少少乾柴。可能蒸點每樣只得三件，食完點心有D唔夠喉，見隔離左右D炒粉面都幾睇得，加多個干炒肉片河。碟頭大，夠香，唔太油，交到貨。我地兩條友一野掃光埋。落樓$305，保持到水準會再嚟。

下午茶除左有特價點心之外，仲有多款粉麵飯，選擇款式都多。四寶滑雞扎魚肚爽口，厚切芋頭粉，冬菇厚身，雞肉嫩滑加埋腐竹，份量十足九製話梅豬手豬手炆得好腍好入味，醬汁香濃而不膩百花釀魚肚蝦膠爽口彈牙，魚肚有三大嚿，香滑柔軟，吸哂油汁精華健康燕麥糕味道清清地，口感煙韌軟糯香煎蝦米腸腸粉煎得表面香脆，蔥同蝦米都好香，配埋醬料已經好味香辣星州炒米配料有叉燒，韮黃，蝦仁，雞蛋，洋蔥及三色椒..炒得乾身，唔會太油膩，味道亦唔會太鹹

觀塘搵食難，皓在同事一早book咗盈苑，前後腳出發，上到去已經開好茶點好哂點心🥧。我最鍾意😊炸物同甜點🍮，有個點心🥧似炸梨，入面甜甜地。甜薄撐正，可惜唔夠甜。豬手足料大份好味😋。咸水角係雞仔🐤形，仲有鵪鶉蛋，可剝殼食

香港的酒樓其實很多，大家都在晚上推出不同優惠，特別是龍蝦，可借的是優惠特價的味道欠佳。龍蝦不夠新鮮，肉吃起來不夠爽嫩，就像老豬肉的質感。只能靠伊面吃飽了。填鴨是我想吃的，鴨皮的肥肉去掉了，鴨肉不夠鮮，配菜只有䓤和黃瓜，甜醬，吃法傳統，但沒有一種被人感覺新鮮。加上酒家上菜時應注意待客人吃好了龍蝦伊面才呈上填鴨，相反做法也可以，那麼客人吃好了，就有另一熱菜新鮮呈上，這是粵菜甚至懂吃的餐厅規則，在這里的服務員都經驗十足，竟然就草草上菜，令客人吃的填鴨和皮均不夠熱，實在令人失望！

禮拜日趁住我同friend都放假，我哋嚟到觀塘飲茶同慶祝朋友生日🎂我哋揀咗呢間酒樓～佢有特別嘅點心，我哋都想試吓～鮑魚鳳眼餃 $40一大粒鮑魚喺鳳眼餃上面～鮑魚煙韌韌幾有咬口～鳳眼餃睇落幾得意，食落啖啖肉，好味😋小雞鹹水角 $30.8喺呢度嘅特色點心～小雞嘅造型，入面係熱辣辣嘅鹹水角，仲配埋三粒鵪鶉蛋，好香嘅鹹水角，鵪鶉蛋都唔錯黑金流沙包 $33.8入面係熱辣辣流心嘅流沙包，甜甜地，入口即溶嘅感覺好正👍🏻馬拉盞啫啫通菜煲 $68一大個好香嘅通菜煲，食落覺得好惹味，炒得好有鑊氣，我哋食唔停鮮蝦燒賣皇 $36.8好大粒燒賣，入面啲蝦肉幾新鮮，好有咬口同好足料中山甜薄撐 $33.8皮薄餡多，有甜甜地嘅椰絲味，仲有啲花生粒粒，香脆幾好味😋