盈苑

營業中

休息中

呢次同老媽嚟觀塘嘅盈苑食午餐，點咗幾道之前未試過嘅點心。首先上嚟嘅係 銀湖百花釀魚肚，魚肚內釀住豐富嘅百花餡料，嫩滑得嚟口感好出色，層次感極豐富，老媽子食得特別滿意。 然後係 山竹流心球，輕輕一咬，流心嘅內餡好香甜綿密，外皮微微香脆，呢個真係絕對嘅驚喜，滿足感爆棚。 再嚟就係 蛋黃蓮蓉壽桃，外形精緻，蛋黃同蓮蓉餡甜而不膩，好有傳統嘅風味，老媽話呢個食得好有心思，真係一個經典。 最後就係 香煎芋絲夾，外層煎得金黃酥脆，芋絲嘅香氣瀰漫，每一啖都充滿濃郁嘅芋頭味，口感豐富，係整頓餐嘅完美收尾。 盈苑嘅服務一如既往咁好，職員熱情周到，整個用餐體驗非常舒服。如果你想搵間適合同家人一齊嘆美食嘅地方，盈苑係一個非常唔錯嘅選擇！

老媽子最近成日話想食粵菜，叫我帶佢去常去嘅盈苑食午餐。啱啱好我今日唔使返工，就同老媽子一齊去食。我哋點嘅燒乳鴿一睇就好好食，外皮燒得非常香，鴿肉軟嫩香甜，每一口都充滿咗驚喜，我哋非常中意！而且仲有兩只，一人食一隻啱啱好！仲有會流心嘅山竹球，食落去非常清新，外皮脆脆地，同山竹嘅口感完全唔同，一口咬落去，帶有微微嘅甜味，簡直係太好食啦！我老媽子每次嚟都必點嘅蝦餃，入口即化，蝦仔非常鮮甜，餃子皮又唔會太厚，入面嘅蝦又好大隻，食落去非常彈牙，令整體嘅口感都非常好👍老媽子食到停唔落嚟！我哋仲試咗米粉湯配半隻貴妃雞。米粉煮得非常軟，湯汁又好香濃，每一口都係精華！加上香嫩嘅雞肉一齊食，簡直係絕配！仲有蔥花作為調味，食落去更加香甜！我同老媽子享用咗非常正嘅午餐，下次帶埋老豆一齊嚟！

女友最近成日話想食點心，所以我打算等陣帶佢去觀塘嘅食午餐。我哋兩個人點咗幾款菜，味道都非常唔錯。呢度嘅叉燒包系蜜汁嘅，咬落去非常鮮甜，而且叉燒都好軟，每一啖都好香！呢度嘅叉燒包最吸引我嘅地方就系唔會太甜，所以食到都唔會覺得膩。仲有晶瑩剔透外皮嘅蝦餃，入邊系大大隻嘅蝦仔，鮮甜多汁，一啖咬落去，簡直就系幸福嘅味道！而且分量好足，每一啖都系享受！呢款山竹球外皮酥脆，內餡就系香甜嘅山竹，口感非常豐富。餡料仲系流心嘅，簡直系完美配搭，令人食到停唔落嚟！女友贊唔絕口嘅炒牛河令人非常開胃。牛肉非常鮮美，完全冇牛腥味，而且仲好軟，搭配河粉獨有嘅味道，整體食落去非常乾爽，唔會油膩！女友食到非常開心，仲話要多啲嚟發掘更多美食！

老豆特別鐘意食盈苑嘅粵菜，啱啱老媽冇空，我就帶咗佢去嗰度食午餐。呢度除咗粵菜，仲有賣點心。今次我哋點咗百花釀魚肚、煎芋絲夾、鮑魚餃同埋蓮蓉壽桃。每一樣都好啱我哋嘅胃口。呢度嘅釀魚肚非常鮮美，百花有住非常獨特嘅口感，配埋滑溜溜嘅魚肚，口感非常豐富！而且食落去原汁原味，完全系點心嘅經典之作！芋絲夾煎得非常香，外皮酥脆，入邊仲夾住滿滿嘅芋絲，非常香甜，令人食到停唔落嚟！而且仲好大份，我哋都食到非常滿足。老豆最鐘意嘅就系呢度嘅鮑魚餃子，鮑魚非常大隻，咬落去好多汁，配埋餃子薄軟嘅外皮，整體嘅口感同味道都非常正！而我就比較鐘意蓮蓉壽桃，入邊系有蛋黃嘅，食落去非常香甜，又唔會膩，仲帶出淡淡嘅蓮蓉香，簡直系人間美味！我同老豆都食到好爽，聽日仲想再嚟食！

上個周末，我同屋企人去咗觀塘嘅盈苑食午餐，聽講呢間酒樓用料講究，於是就去試下😳😗香燒乳鴿第一道係香燒乳鴿，香味十足，皮脆肉嫩，真係一啖接一啖，停唔到手！👍🏻😁晶瑩鮮蝦餃接住係鮮蝦餃，皮薄透亮，蝦肉鮮甜彈牙，完全冇腥味，真係必食！😏蜜汁叉燒包叉燒包鬆軟微甜，蜜汁香濃但唔過甜，咬落去仲有蜜汁流出，非常好味！👍🏻👍🏻砂鍋鮑魚雞粒蛋白炒飯最後係砂鍋炒飯，底部有焦香味，鮑魚同雞粒搭得好，蛋白滑溜，吸引得不得了，份量仲要好多添👏🏻總括來講，盈苑嘅點心真係唔錯，屋企人都好滿意，CP值高，下次一定再試其他菜式！👍🫶🏻🫶🏻下次如果週末唔多人都再試吓

難得有空，就約好朋友一齊嚟呢度食午餐。之前讀書嗰陣，我哋成日一齊食點心，所以就決定嚟呢度食。第一樣就叫咗小籠包，係我哋最鍾意嘅點心之一。小籠包非常香，咬落去，入面好多汁，好鮮甜，入面嘅肉質都好鮮嫩，好可口。之後嚟咗一道鮑魚餃子。嫩嫩嘅外皮，加上鮮嫩多汁嘅肉質，有好豐富嘅口感。重點係上面嘅鮑魚，非常有咬勁，一口落去，口感好正，味道都唔錯。我哋仲叫咗另外一個最鍾意嘅點心，就係蝦餃。口感有啲似上一道嘅鮑魚餃子，入面嘅蝦肉放得滿滿，粒粒都好大顆，又好鮮甜。咬落去，非常有滿足感。我哋仲點咗一道青瓜配海蜇，呢度嘅青瓜好酥脆，海蜇都好有口感。呢道菜配埋佢哋特製嘅醬料，簡直一流！最後我哋點咗兩隻乳鴿，呢個乳鴿燒得好香脆，一上菜就聞到香味。外酥內嫩，我哋都覺得好好食。

尋日同老公趁住假期去咗觀塘嘅盈苑食午餐，呢間酒樓主打港式點心，環境寬敞舒服，人唔算多，坐得特別輕鬆！呢次就揀咗幾款經典點心試吓，感覺每一道都好有心思😋第一道上嘅山竹流心球，一上枱就聞到陣陣清香。呢個點心外面係薄薄一層脆皮，輕輕咬開，流心嘅餡就慢慢流出嚟，仲帶有淡淡嘅甜味同香氣，口感豐富又唔會太甜👍之後就試咗小雞鹹水角，鹹水角係我哋必點嘅小食之一，盈苑呢款炸得好香口，外皮脆到一咬就碎，入面嘅雞肉餡料鹹香適中，唔會太乾，每一啖都帶有濃濃嘅鹹香味。呢款點心嘅口感又酥又香，老公都話呢個鹹水角真係做得出色。接住就係香煎芋絲夾真係驚喜！外層煎得金黃香脆，芋絲嘅香氣滲透出嚟，內裡鬆化而唔油膩，每啖都帶住淡淡嘅芋香，令人食完仲想再試多幾件！最尾就到經典嘅晶瑩鮮蝦餃。蝦餃皮薄透亮，入面包住飽滿嘅鮮蝦餡，蝦肉爽脆有彈性，帶出鮮甜嘅味道，咬落仲有鮮蝦嘅清香，好好味，唔怪得咁多食客會一再回頭嚟捧場。盈苑嘅點心種類雖然唔算多，但每道菜都食得出佢哋嘅特色同心機，呢頓午餐食得真係好滿足！🤤🤤

好耐冇嚟食，終於搵到機會約埋friend再嚟食食咗幾次，一定要share俾大家，我嘅encore list啦- 蟹子原蝦燒賣，係我人生食過最大粒嘅燒賣，超足料，面頭粒蝦蟹子大大隻，食完1粒已經即刻唔餓- 蝦餃好足料大粒，食完飽咗一半- 鮮蝦菜苗餃必叫！菜苗有鮮蝦甜味，夠曬大粒有誠意，可以encore- 銀湖百花釀魚肚爆分必食！勁好食！！！次次嚟必需要encore嘅點心- 鮑魚鳳眼餃嘅口感軟彈啱啱好，一試難忘，係我鍾意食嘅鮑魚味！一定要encore- 我每次嚟到都必點嘅流心球，新鮮熱辣辣非常好味，強烈推薦大家嚟食呢個！- 仲有鮮肉小籠包即叫即蒸，新鮮上枱熱辣辣！肉餡量多，一咬爆汁，要小心燙口呀～

好耐冇同老友去老地方食點心啦，開心！我哋最中意嚟呢度食點心，因為好咪之餘，啲造型點心又可愛 ，岩晒我地呢啲有童心嘅成人鮑魚餃：好大隻嘅鮑魚啊！鮑魚非常彈牙，配埋餡料滿滿嘅餃子一齊食，非常鮮美多汁，口感同味道都非常正！燒賣：呢度嘅燒賣放咗蝦仔同蟹子，食落去非常香甜，而且仲好有鮮味，每一口都充滿濃郁嘅香氣，真係太爽啦！百花釀魚肚：魚肚鮮嫩多汁，同鮮甜嘅百花一齊食，味道更加鮮美。富有海鮮嘅香氣，食落每一口都口水直流，好惹味啦！鹹水角：鹹水角嘅外形真係好得意，唔止外皮酥脆，入面嘅餡料更係非常飽滿，仲有濃郁嘅油香撲鼻而嚟，正！山竹球：我第一次食到如此特別嘅山竹球，仲係流心嘅，趁熱食更加香！而且外皮仲好脆，食落去非常爽口！滿意！

又平又好食嘅點心舖-盈苑已經食過好多次終於食黎寫食評無論堂食定外賣都咁出色！------------------------------特別推介點心：蝦餃超級大粒直頭係oversize一粒蝦餃大約有好幾隻蝦外皮夠薄 蝦肉爽口 真材實料燒賣燒賣都係大大粒！餡料豐富實淨香燒乳鴿完美示範咩叫皮薄肉厚靚 仲嫩滑多汁乳鴿都幾大隻，大到突曬出來小雞鹹水角呢間的鹹水角幾好食每次鬥必點兩份以上！比普通鹹水角都好食外皮炸得好酥脆同煙韌外皮甜內餡鹹襯熱食好正呀蛋黃蓮蓉壽桃終於來到我最期待嘅蓮蓉壽桃蛋黃蓮蓉一鹹一甜好食到想叫多一碟拎走唔怪得知個個來都要叫

手拍青瓜海蜇🥒：呢個開胃前菜係朋友推介嘅，味道酸酸甜甜，好開胃～ 海蜇肉質厚實，食落去又脆又韌；青瓜清爽又清甜，兩者嘅味道好夾👍🏼 越食越開胃🤤招牌燒鵝皇（例牌）🪿：晶瑩剔透嘅脆皮好香啊！皮脆肉嫩講嘅就係佢‼️燒鵝皮燒得金黃脆香，唔會好厚脂肪，肉嫩鮮美，自帶香濃嘅鵝味🤤 果然係招牌之選‼️瑤柱貴妃雞🐔：雖然得半隻但係都好大份！皮黃肉白睇住就非常吸引😍 雞肉食落去鮮嫩多汁，口感細膩，唔需要多餘嘅調味就已經好好味～ 店家仲配上蔥花上湯米粉，湯頭鹹香十足，同滑嫩嘅雞肉一齊入口真係超滿足😌香燒乳鴿🐦：乳鴿肉嘅細節控制得好到位，外皮食落去香香脆脆，肉嫩而去超級入味！一啖咬落去肉汁喺口入面爆發，肉香四溢，真係好好食啊～

之前就非常鍾意喺呢度食粵菜，成日都會同朋友嚟呢度飲茶吹水，呢度嘅食物又特別好食。因為工作關係成日要出國，已經好耐冇喺呢度食過啦，今次返嚟，老婆就帶我嚟呢度食。呢度嘅燒賣有蝦又有蟹子，非常鮮甜，燒賣皮又唔會太厚，滿滿嘅餡料喺口中咬住，份量十足，令人回味無窮！仲有香噴噴嘅燒乳鴿，外皮酥脆，仲帶出淡淡嘅油香氣，肉質滑嫩鮮甜，每一口都係高級嘅味道。呢度嘅鹹水角亦係老婆最中意嘅點心！雞仔形狀嘅鹹水角，外皮脆脆地，入面嘅餡料鹹香鹹香，令人胃口大開！鮑魚餃嘅鮑魚非常入味，仲非常之香甜，配埋餃子嘅餡料，口感豐富多變，每次食都係一種極致嘅享受！叉燒包非常特別，好有特色，秘製嘅蜜汁香甜之餘，仲非常鮮美，又唔會太甜，更唔會破壞叉燒本身嘅香味，真係太好味啦！下次一定會再嚟！

以精緻點心聞名嘅餐廳-盈苑。佢哋嘅招牌菜包括蝦餃、燒賣同小雞鹹水角。食物質素有保證，味道好食，而且價錢實惠。無論係想品嚐正宗點心定係享受一餐美味午餐，盈館都係一個唔可以錯過嘅地方。餐廳環境好舒服，有充足座位供應客人。衛生環境良好，乾淨企理，畀人一種舒適同放鬆嘅感覺。無論係同屋企人一齊食飯定係同朋友聚餐，呢度都係一個理想嘅地方。小雞鹹水角係佢哋嘅招牌菜之一。小雞造型好特別，仲係新鮮炸上枱，細細個啱啱好，但都做到中間煙韌，絕對唔可以錯過！另一道必試嘅菜品係珍寶蝦球燴伊麵。麵條帶少少蝦嘅甜味，唔會過鹹，仲有蝦油嘅香，同伊麵好夾，蝦球燴後油脂加埋煙燻嘅香氣，又腍又好食。除咗鹹水角同燴伊麵，銀湖百花釀魚肚都幾唔錯。百花爽口彈牙，魚肚爽爽地、腍腍地，好有口感，我嘅至愛。仲有香煎芋絲夾，好重香芋味，口感香糯，少少甜。除咗美食，服務質素都非常出色。侍應熱情友善，樂意解答客人嘅問題。佢哋迅速咁處理點菜同埋上菜嘅程序，確保客人可以及時享受到美味嘅食物。無論係平日定係繁忙嘅週末，呢度嘅服務都係一流。

尋日下午，我帶咗我爺爺嚟呢度食點心。佢老人家一直都好鍾意食點心。因為大家都忙住工作，好少機會帶佢出嚟餐廳食。尋日啱啱有空，就帶佢嚟食點心。嗰陣點咗山竹流心球。我覺得呢道幾有創意，喺山竹入面加入濃郁嘅流心。混住食，非常香甜，而且好軟糯。接住，點咗我哋都鍾意嘅小籠包。小籠包入面嘅湯汁鮮香豐富，肉餡滋味十足。咬開嗰陣，入面嘅熱湯汁非常鮮美，配上鮮嫩嘅肉質，真係令人回味無窮。我爺爺仲點咗青瓜海蜇。食落去好清脆，又涼爽。海蜇同青瓜嘅配搭，味道非常鮮美而且仲富有層次感。幾唔錯。香煎芋絲夾俾佢哋處理得好好。外皮煎得金黃酥脆，一睇就好有食慾。咬落去，外酥內嫩，非常可口而且好香。最後一道係魚肚，入面仲放滿滿嘅蝦。口感一流，嫩嫩嘅魚肚同鮮甜彈牙嘅蝦肉，配埋一齊食，真係超好食！魚肚煮得啱啱好，唔會硬。嗰次嘅食物都非常好食，我哋都食得好滿足。

對於我呢啲個個星期六都要返工嘅人嚟講，星期六係紅日，都係唔錯嘅一件事，變咗可以連續休息兩日。聽日唔使返工，就同老婆出觀塘行吓街。阿媽話好耐無食呢間啲點心。難得佢有建議，就食呢間啦!呢間餐廳內部結構係中式風格。侍應十分有耐心同態度好好！而且食材十足，份量好大，所以我覺得幾抵食！手拍青瓜海蜇 - 青瓜拼海蜇小食擺盤都幾靚，青瓜味道清甜爽脆；海蜇出奇地有小小辣，口感也夠爽囗✨喺唔錯嘅開胃小食😆星級乾炒安格斯牛河 – 牛河熱辣辣上枱，已經傳出陣陣香氣。牛肉份量都幾多，食落肉質好腍。星級乾炒成嘅河粉，口感好滑。醬汁鹹度適中，而且炒得夠鑊氣，好食。原個馬拉糕 - 呈淡黃色，用筷子夾起就覺得軟熟，食薄鬆軟富蛋香，而且唔黏牙。小雞鹹水角 - 平時唔太鍾意食鹹水角，但盈館嘅小雞鹹水角好出名，試過一次都會知道佢點解桌桌必點。鹹水角餡唔會太鹹太重口味，酥皮口感同味道都好。鮮肉小籠包 - 皮薄餡靚，一食落去，湯立刻咇出嚟，十分出色！可惜食得太飽咗唔可以再點多一籠，抱住遺憾離開。（沒有用餐優惠）