盈苑

營業中

休息中

今日想推介畀大家非常好食嘅港式點心餐廳，呢間餐廳嘅環境寬敞，座位舒服，服務亦都十分周到，係一間值得大家嚟飲茶食點心嘅好地方。個人特別推介以下幾款點心，包你食到津津有味💛小雞鹹水角💛外皮酥脆帶甜，餡料鹹香軟糯，外甜內鹹，味道好夹，非常好食。🧡蛋黃蓮蓉壽桃🧡香酥嘅包皮入面包住香甜嘅蓮蓉，中心係一整粒鹹蛋黃，外皮酥脆之中帶有柔軟清甜同埋鹹香油潤嘅味道，正~🤍晶瑩鮮蝦餃🤍透明嘅外皮晶瑩剔透，口感滑溜柔軟。鮮嫩嘅蝦仁爽滑鮮甜，咬開嗰陣可以感受到鮮美嘅汁液。🩶鮑魚鳳眼餃🩶鳳眼餃皮好有咬口，鮑魚肉口感彈牙，鮮嫩爽脆，每一啖咬落去都係濃郁嘅鮮甜味。🤎香煎芋絲夾🤎外皮香脆誘人，芝麻香脆餅夾住芋頭嘅粉香，食落去味道清甜爽脆，非常美味。