百芳池上便當 (太古城中心)

營業中

休息中

百芳池上便當 - 經濟抵食台式便當今天放工後打算在誠品逛逛，看看有沒有心水書本，在週末家中度過星期天，買完心頭好後，發現誠品中開了一間台灣菜，決定快速吃個便當才回家。台灣滷肉飯便當滷肉佈滿在便當上，肥瘦肉比例一半一半，而且梅花間竹排列，滷肉炆煮得非常腍身，入口即溶，再配有滷水蛋和配菜如菜寶、粟米、粉絲和蔬菜。百芳牛肉麵台灣另一款經典麵食紅燒牛肉麵，香濃的紅燒湯底，有腍身牛腩和爽口的牛腱，再加上Q彈的麵條，另外也有滷水蛋和蔬菜如白蘿蔔和紅蘿蔔，非常豐富的一款麵食。台灣夜市香腸台灣必食的台式香腸小食，油分滿滿又鹹香。黑糖珍珠鮮奶黑糖的甜味、煙韌的珍珠和幼滑的鮮奶，吸引的台式飲品。芋頭鮮奶小芋圓面面的芋頭泥蓉加上芋圓、雙重芋頭的口感和味道，再加以鮮奶將兩者調和。

太古城買嘢食嘢選擇多唔洗我多講🌟你講得出咩cuisine都一定有款啱你雖然係咁，但有時行到好迷失，一來太貴而且大排長龍👥👥👥今次要介紹返驚喜嘅台式便當，除咗價錢相宜，性價比真係高㗎😎百芳池上便當喺誠品內，隔壁就係天仁茗茶，完全係台灣角落！以非正式統計，喺太古城五六十蚊一個人真係food court 都未必做到🤪所以是晚眼見堂食外賣人流都不少！🌟百芳豬扒便當🍱 $59豬扒肉厚分量唔細，嫩滑唔痴牙，所有便當都有配菜，椰菜粟米醃菜，滷水蛋半隻，米粉，即使飯量唔算多但成份食哂都飽🌟台灣牛肉麵🍲$66推介牛肉麵，我一向飯控，但牛肉麵麵質煙韌有咬口，湯底香濃少少辣，忍唔住飲多幾啖，主角牛肉份量唔少，選用牛鍵部分亦滷得入味濃郁😋香滑兼備🌟台灣夜市香腸 $25我不嬲對香腸興趣不大，但先生想試下，香腸烤得香口，脆外皮包裹著嫩肉，連我都覺得幾好食👍🏻🌟芋頭鮮奶小芋圓 🥤$32鍾意芋頭朋友千祈千祈唔好錯過！芋泥分量唔少，配鮮奶好香滑，小芋圓好煙韌好好咬，甜度適中唔會好漏，真心推介！🌟黑糖珍珠仙草鮮奶 $21仙草珍珠中和返黑糖嘅糖味，用上鮮奶好滑溜用餐其間，好多人叫鹽酥雞，而且飲品都有驚喜，我覺得係除咗啲大型

位於誠品嘅台式便當，係開放式嘅餐廳隔離係其他嘅飲品店同埋書店，所以都幾易揾~喺呢個疫情之下，剩返一半嘅座位，所以都幾多人買外賣！呢度嘢食嘅種類有牛肉麵，肉操乾拌麵系列，百芳台式便當系列，小食方面仲有拼盤，鹽酥雞等，我見啲人會特登當小食咁外賣🤣台式便當系列有三種精選嘅配料加一隻滷水蛋~仲配埋嘢飲添🥤睇吓個滷水雞扒大到可以覆蓋成個便當! 配料有粉絲，雜菜，粟米，撈埋一齊好好食😋尤其啲粉絲吸晒甜甜地嘅滷水汁😚💛另外叫咗紅燒牛丸牛筋麵，以呢間係小店來講，佢個牛肉湯底真係出乎意料咁好味！好濃郁而且啲有啲雪菜、芫荽、蔥等嘅配料。而且啲牛筋係我好鍾意嘅淋度~牛丸好多汁🥺入面仲係肉色，同其他店嘅完全唔同呀! 因為係紅燒嘅關係所以見到湯底有啲辣椒粒，係微微嘅香辣😚麵條嘅闊度啱啱好可以吸哂啲汁😁仲有炸嘅花枝丸，本身已經好彈牙，仲食到類似孜然粉嘅調味料~嘢飲方面我叫咗凍嘅黑糖冬瓜檸檬，黑糖味重而且有種獨特嘅味道， 幾特別🤔另外呢杯不得了，我喺門口嘅海報已經見到係推薦！好明顯見到分咗鮮奶芋泥同埋芋圓三層，芋泥唔係話好重味， 但亦都唔會比啲奶蓋過咗，甜度適中，芋圓都幾彈牙😋

曾經到過台東, 當地聞名的池上香米, 出產於肥沃泥壤, 甘純水源, 天然純淨, 化作咀裡的甘甜滋味. 得知香港開了這間池上便當, 用左台東的池上香米, 當然要來一試. 剛好新開在公司附近的誠品內, 十分方便. 店以開放自助式安排, 自己點餐及取餐. 環境新淨舒適. 台灣滷雞扒便當 $63便當套餐已配配菜三款, 滷水蛋半隻, 飲品. 雞扒相當厚身, 滷汁幽香入味, 濃而不咸, 肉質軟嫩, 配菜有粉絲, 椰菜, 粟米, 添加豐富的纖維, 味道亦剛好不會太咸. 滷蛋香口蛋味香濃. 而便當本身的主角, 米飯是來自台灣台東地道的池上米, 怪不得飯質軟硬適中, 飯味香濃. 有絲絲飯香綿綿甜味. 是個人十分喜愛. 熱阿薩母紅茶: 配送的紅茶是台灣著名的阿薩母茶, 茶味剛好, 不會太濃, 沒添加甜味, 配搭剛好解膩. 紅燒牛肉麵$66朋友的紅燒牛肉麵, 來到已聞到牛肉湯香味. 主角用了牛鍵部分, 牛肉味特別濃郁, 有咬口而不韌. 牛肉份量亦很多. 很喜歡台灣的麵, 清爽不黏, 配埋牛肉湯汁, 十分香口入味. 配菜亦有蘿白, 滷蛋. 茉香綠茶: 朋友的綠茶, 沒添加甜味,

誠品新舖～鹽酥雞便當（$59）鹽酥雞啱啱炸起即上，熱辣辣，好脆，有好多舊，味道都👌🏼。所有便當都有配菜：椰菜，粟米，醃菜，滷水蛋半隻，米粉，menu寫有三款，其實唔止。飯量唔算多，不過食晒成份都夠飽。焢肉便當（$59）應該叫滷水腩肉便當😂，大大舊腩肉，無切開，佔左便當1/3😆因爲有啲脂肪，食落唔會好「嚡」，仲有少少軟骨。食完舊肉已經飽左7成😂。好彩有啲菜同粟米，均衡啲。所有便當或乾拌麵跟一杯餐飲（凍/熱 紅茶/綠茶）或叫正價特飲減$8。杯飲品都幾大杯。食物味道正常，有菜有肉，仲有野飲，飯量唔多但都幾飽肚。太古黎講，價錢算叫平。誠品會員無額外折扣，但可儲分。

武漢肺炎大爆發仍然要返工實在令人心碎， 所以呢段日子更加要食好啲， 起碼個人健健康康增強免疫力。放工去返就近嘅餐廳， 位於太古城誠品裏面嘅台式餐廳， 有快捷嘅便當供應。可能受疫情影響， 店內人流比較疏落， 不過都有好處， 起碼可以減低交叉感染機會。今次食咗個滷肉飯便當， 裏面有齊食物金字塔唔同營養嘅食物， 肉類蔬菜飯都非常適量， 絕對係呢一期嘅健康之選。跟餐飲品仲有特價， 今次飲咗杯黑糖珍珠鮮奶， 雖然我個人覺得同出面大品牌有少少距離， 但小店嚟講都係做得唔錯。

台灣鐵道便當好出名， 去台灣都必想搵嚟食， 宜家香港太古城誠品裡面就有了。 位於一樓嘅百芳真係用台灣木盒盛載， 更加選用台灣米， 完全台灣風味。 Food Court 形式嘅百芳坐位都算充足， 便當一共有八款咁多， 除了便當仲有湯麵， 乾拌麵及台灣小食。 我地點了一款"台灣焢肉便當 " 同 "香酥豬扒肉燥乾拌麵" "台灣焢肉便當 " 我鐘意食肥豬肉所以選了焢肉， 唔好睇佢好肥呀， 真係入口即溶， 唔肥膩。 百芳選用返台灣木盒盛裝著米飯， 粟米， 肉燥， 粉絲， 鹵水蛋，娃娃菜同一 d 醃菜， 份量都幾多吓。 "香酥豬扒肉燥乾拌麵" 豬扒薄得嚟好香脆， 台灣麵好彈牙， 拌肉燥一齊食味道啱啱好， 唔太鹹。 本身可跟阿薩姆紅茶， 當然仲可以加錢選擇其他飲品啦， 我就要金桔檸檬， 好酸 , 另外嗰杯蜂蜜檸檬就啱啱好， 中和返 另追加"台灣夜市香腸" , 2個人$170 都算經濟。

喺「誠品生活」買完書，打算在附近吃頓晚飯才回家。本來提議去上次試過嗰間咖啡店，不過行行下發現原來「誠品」入面開咗間「百芳池上便當」。見櫃位旁邊放咗兩個餐牌，走近細看，原來除了台式便當外，店內還有紅燒湯麵、肉燥乾拌麵、台式夜市小吃和飲品等供應，而且價錢非常經濟，幾十蚊已經有交易，所以即時轉呔。餐廳採自助形式，客人要先去櫃檯點餐、結帳，點完餐後收銀員會遞上一枚震動器，當取餐呼叫器閃爍震動，客人便可以回到取餐區領取食物。我哋點咗個百芳滷雞翼便當 ($55)、一客肉燥乾拌麵、一份台式小食同兩杯飲品。便當附有白飯、雪菜、粉絲、肉碎粟米、椰菜、紅蘿蔔絲和滷水蛋半隻，用料非常豐富。雞翼大大隻、色澤深，皮滑肉嫩，滷水味夠濃夠香。粉絲用醬油撈過，入口鹹鹹地，味道唔錯。雪菜非常爽脆，入口帶點微辣，食完真係好開胃醒神。墊底的米飯亦很有水準，夠熱之餘仲粒粒分明，配埋入味的滷蛋一齊食，夠曬惹味。小食揀咗台灣古早味香腸 ($25)，香腸口味好正宗，腸皮煙韌有咬口，而且煎得非常香脆，咬下有肉汁同油脂，味道帶甜，如果可以配埋生蒜片就一流。香酥豬扒肉燥乾拌麵 ($64)，豬扒唔算好厚身，不過都幾大件，而且上碟時已經切開

今日早收工返屋企又無野做，就約咗友人睇戲食飯，黎到太古城中心，十分方便，睇戲又未夠鐘，就坐低食下野，傾吓計，比我地發現左呢間餐廳，就入去試吓啦。首先友人就選左紅燒台灣牛肉麵，大大碗，啲牛肉非常入味同淋，一啲都唔會痴牙，十分好味，啲麵好多好彈牙，而且個湯底好鮮甜，非常濃厚既牛肉湯底。友人食到津津有味。再叫多個皮蛋豆腐，皮蛋有成半隻咁多，連咪啲豆腐食真係好好味，再點啲醬汁食好味到停唔到口。我就選左個鹽酥雞便當，啲雞炸到金黃色又非常可口，好脆口又唔會油膩，重有啲配菜成個感覺都好豐富。份量岩岩好，岩曬我呢個大肥仔。最後叫左兩杯野飲，一杯係珍珠鮮奶，非常之滑溜而且珍珠都好多，唔會好甜，最岩我地呢啲健康一族。令一杯係芋頭鮮奶，入面有好多芋頭碎，口感一流，係我既最愛，非常好飲。

同女朋友去睇戲，呢幾日成日都係咁諗住去旅行，女朋友好想去台灣同日本，我叫佢二揀一，最後佢都係揀咗日本，依家就搵台灣菜俾佢食，慰藉一下佢思台灣之苦，可惜女朋友遲遲都未出到門口，由於時間關係，我已經搵到有一間新開嘅台灣便當，一個小食拼盤入面有花枝丸有一粒粒墨魚肉，唔會好多粉，台灣香腸質地有少少似臘腸，鹹香味十足，鹽酥雞粉漿唔太多，薄薄一層有少少juicy，香酥豬扒肉燥乾拌麵無骨豬扒，食落啖啖肉麵又爽又滑，兩個人食份量啱啱好