你講得出咩cuisine都一定有款啱你
雖然係咁，但有時行到好迷失，一來太貴而且大排長龍👥👥👥
今次要介紹返驚喜嘅台式便當，除咗價錢相宜，性價比真係高㗎😎
百芳池上便當喺誠品內，隔壁就係天仁茗茶，完全係台灣角落！
以非正式統計，喺太古城五六十蚊一個人真係food court 都未必做到🤪
所以是晚眼見堂食外賣人流都不少！
🌟百芳豬扒便當🍱 $59
豬扒肉厚分量唔細，嫩滑唔痴牙，所有便當都有配菜，椰菜粟米醃菜，滷水蛋半隻，米粉，即使飯量唔算多但成份食哂都飽
🌟台灣牛肉麵🍲$66
推介牛肉麵，我一向飯控，但牛肉麵麵質煙韌有咬口，湯底香濃少少辣，忍唔住飲多幾啖，主角牛肉份量唔少，選用牛鍵部分亦滷得入味濃郁😋香滑兼備
🌟台灣夜市香腸 $25
我不嬲對香腸興趣不大，但先生想試下，香腸烤得香口，脆外皮包裹著嫩肉，連我都覺得幾好食👍🏻
🌟芋頭鮮奶小芋圓 🥤$32
鍾意芋頭朋友千祈千祈唔好錯過！
芋泥分量唔少，配鮮奶好香滑，小芋圓好煙韌好好咬，甜度適中唔會好漏，真心推介！
🌟黑糖珍珠仙草鮮奶 $21
仙草珍珠中和返黑糖嘅糖味，用上鮮奶好滑溜
用餐其間，好多人叫鹽酥雞，而且飲品都有驚喜，我覺得係除咗啲大型連鎖店以外選擇，留待下次啦😉
