百芳池上便當 (太古城中心)

營業中

休息中

呢塊焢肉～～即係豬腩肉， 真係好大塊🤣🤣。 .呢間係太古城誠品書店入面既台灣菜餐廳，就算係限聚令都無減顧客人數。.台灣焢肉便當（$59）- 塊豬肉覆蓋大半個便當，半肥瘦，食落好香😌。 仲有好多配菜、雞蛋、粟米、味菜、粉絲等。 份量都幾多。.紅燒牛丸牛筋面（$64）- 牛筋煮得好腍好入味，我好鍾意個湯底同麵質，好香又有口感。.皮蛋豆腐（$20）- 大大件滑滑豆腐配皮蛋麵幾抵食。.又點會少得台式飲品：芋頭鮮奶（$30）- 係采用芋泥加鮮奶黑糖仙草鮮奶（$19）杯上既熊熊🐻好得意😆

約朋友太古見面，行開誠品，因為之前試過希慎分店，覺得幾好，就再翻兜香酥雞翼便當台灣夜市香腸，真係好懷念既味道，好食，好想去台灣燒雞翼~我鐘意食~香酥雞翼便當比之前食既滷肉便當，賣相更靚。雞翼固然炸得幾乾身香口，而且醃得幾入味，入面既雞肉都幾滑。但我最鐘意既反而係配搭既粉絲，真係好好味，而且口感又Q彈，算係喜出望外台灣牛肉麵之前係另一間分店已經試過，今次都唔錯。湯底好香濃，牛肉味好重，而且牛肉分量都多。牛展好Q彈有咬口。去唔到台灣，食個台灣牛肉麵，滿足下個胃口先黑糖紅豆鮮奶 & 粒粒紅豆豆乳我飲黑糖紅豆鮮奶，覺得佢哋既飲品係好出色，特別係鮮奶類哩個搭配，飲落好有古早味感覺，黑糖同紅豆既味道好夾。而且紅豆都粒粒分明，係有水準

依間店係係誠品裡面, 所以位唔係好多.一到lunchtime都會坐滿人同埋勁多人排隊點餐.我同同事都冇乜耐性排隊, 所以多數都係用App點餐, 再外賣自取返公司食.堂食同外賣嘅份量係一樣嘅, 好多餸, 好抵食.我最鍾意食佢個控肉飯.佢真係原條控肉放係飯面, 真係好誇張.個控肉係入口即溶, 超好食, 唔會覺得肥膩.除咗控肉, 個飯上面仲有滷水蛋, 鋪滿粉絲, 菜, 粟米粒同埋菜甫, 超級豐富.食完真係勁飽!HK$59仲包埋一杯M size飲品, 可以揀阿薩姆紅茶或者 茉香綠茶, 仲可以揀甜度, 熱定凍, 同埋要唔要冰.如果唔想飲紅茶/綠茶, 都可以加錢轉其他台式飲品嫁.

1⃣百芳鹵雞翼便當 $55 (7/10)哩個便當好足料😳附有白飯、肉碎粟米、粉絲、椰菜同菜圃🤤雞翼大大隻，好有鹵水味，皮滑肉嫩，不過有少少咸，加埋飯食岩岩好😉肉碎粟米有少少肥豬肉，撈飯食一流👍🏻粉絲用醬油處理過，好好食，如果可以分開再叫多碟就好了🤪鹵水蛋係台式便當必備，夠曬入味😋2⃣鹽酥雞肉燥乾拌麵 $64 (7.5/10) 鹽酥雞炸得幾好，唔怕太油🥳但可惜雞肉比較細，比較多炸粉😭乾伴麵睇落有啲寡，但食落好夠味，配合埋肉燥🥰唯一係比較油，食落有啲油膩🥺📌每個餐都會跟一杯飲品，加錢轉台式飲品又得😉

因為疫情關係，今晚決定外賣唔堂食。之前已想試衣間便當，今晚點了雞扒便當加烏龍茶。買時要求剩起要四份一飯，但回家發現祗係少飯，雞扒太咸，但其他配菜都好味。其實個便當夠兩個人食，飯同餸都多。

喺誠品書店行到攰，就去左百芳池上便當開餐，開方式的餐廳，點餐後需自取， 餐廳坐位不多，以外賣為主。台灣滷雞扒便當 $63 份量大，嫩滑雞扒頗厚身，滷水味香而不濃，夠入味。  台灣牛肉麵 $66 牛肉肉厚軟腍，麵質夠彈牙，紅燒湯底可以再濃味D就更好。  台灣古早味香腸 $25  不能缺少的台式香腸，好香脆，令我食唔停口。台式飲品又怎能少， 最後叫左一杯黑糖布丁鮮奶 $20  和 芋頭鮮奶小芋圓 $37， 飲品甜度適中， 當中芋頭鮮奶小芋， 啖啖芋頭， 飲完好飽肚。

今天和朋友行完太古城誠品書店，便和她在書店一樓的百芳池上便當吃頓簡單的晚餐。我們叫了香酥豬扒肉燥乾拌麵，鹽酥雞便當和炸花枝丸，還有芋頭鮮奶。肉燥乾拌麵內的肉粒肥瘦適中，調味得宜。拌麵幼滑易入口，加上香甜惹味的肉燥和鹵水旦很好味。炸豬扒用碟另上。豬扒香軟質優，保持肉汁不肥膩，令人胃口大開。店員貼心將豬扒切成一條條，方便顧客進食。鹽酥雞便當也可口。便當用的是上好台湾米。米飯粒晶瑩飽滿有嚼口。鹽酥雞鬆軟不太咸，亦不算油腻。飯內有半隻鹵水旦，黃芽白，粟米及少少辣的菜甫粉，令人大快朶頣。小食花枝丸香辣彈牙，好味道。吃完飯麵來杯芋頭鲜奶，少甜的芋頭粒和蓉混和在奶裏，味道很好很飽肚。吃完這頓令人滿意的台湾餐，充滿幸福感。希望疫情快過去，大家可以再去台湾遊行享受美食。未解禁前，大家也可來吃便當懷缅台灣風味。

百芳豬扒便當用木盒裝住嘅便當真係好有台灣風情🇹🇼 嚿豬扒好大塊，咬落鬆軟有啲肉汁，配菜有粟米、粉絲同半隻滷水蛋，食落味道豐富，美中不足嘅係份量對大食嘅我嚟講，唔係咁夠飽🤤 嗌埋小食，咁就啱啱好👍🏻滷水雞腿肉燥乾拌麵雞髀熱辣辣上枱，大大啖肉咬落去香嫩好Juicy，個汁超入味，又唔會醃得太鹹💦 鐘意食滷水雞髀嘅就唔可以錯過🍗 乾拌麵係用彈牙嘅台灣麵整，配埋肉燥汁嘅油香味，好夾！👅夜市花枝丸花枝丸都係即叫即炸，嚟到新鮮滾熱辣，外皮炸得好香脆，𥚃面嘅墨魚肉好彈牙，值得試吓~♪(´ε｀ )除左主食之外呢到既飲品都係同樣出色~~手作布丁豆乳($20)今次唔飲珍珠奶茶，飲呢一個睇個名就覺得好吸引既布丁牛乳。個base係甜甜地既牛乳，配合軟綿綿充滿雞蛋香味既布丁，味道簡直一流~~~~芋頭鮮奶小芋圓($37) 芋頭、芋泥、鮮奶同小芋圓，四樣野都係我最中意既野，有大量既碳水化合品，芋頭迷一定要試下，又可以試到芋泥既質感又有彈牙既芋圓咬~

太古城誠品店裡有台式便當一百芳池。我是下午7點30分左右去的，除了不少外買客之外，堂食幾乎滿座，似乎沒有受到疫情的影響。便當配搭，多種可選。台灣滷雞扒便當，有粉絲、栗米、津白菜、雞蛋等，仲有好大一塊雞排。雞排上的滷水汁滲入飯里撈埋一起，好好味的。肉燥炸雞翼乾拌麵，配有雞蛋、上海青菜及好多肉燥，蔥綠拌到麵里，香濃微甜。雞翼熱辣辣的皮脆肉嫩，食落好香。炸花枝丸，20元有5粒，都幾抵食嘅。芋頭鮮奶和芋頭鮮奶小芋圓屬同一系列饮品，鮮奶與淡淡芋泥拌勻后饮落口中，奶香厚實好正，小芋圓煙煙韌靭，好飲到爆。時不時行過都會帶一杯走啦。百芳池是不用去台灣在香港也能吃到台灣美食的好地方👍👍

價錢合理食飯時間有時都會坐無虛席今次叫咗幾樣新嘢試吓豬腩肉刈包除左啲芫茜之外我覺得好正Sorry芫茜仲要幾塊生嘅真係唔得但入面嘅腩肉配包真係好juicy好夾腩肉口感好好軟硬剛好之後係小腸併大腸令我諗起台灣食嘅大腸包小腸不過嗰時好多蒜蓉今次呢個食落冇左蒜蓉味如果加返堆仲好有返台灣味不過台灣腸本身都好好食加埋糯米其實係唔會唔好食😂而鹽酥雞便當亦係必叫同花枝丸一樣就係要食佢夠香口夠椒鹽嘅重口味😋再加上黑糖台式系列飲品係滿足嘅

Lunch hour好想食台灣野，係太古城又無咩選擇，見到依間百芳池上便當，又有位，就去左試下。今次試左個台式焢肉便當，一黎到就想話好豐富，主角既豬腩肉真係好入味，而且好淋，又唔老，加上唔係肥到無肉，佢係肥同肉既比例岩岩好，所以食落去真係好正！除左塊豬腩肉，配菜都好豐富，滷水蛋，菜，粉絲，全部都好夾！飯放底，吸哂所有精華，真係好正！成個飯都好好味！性價比都好高！跟餐點杯台式紅茶，唔洗加錢。飲落冰涼透心，都幾解渴，食左咁大舊肉都幾解膩！整體成個餐都好正！

端午節前一天的晚飯想食得簡單一些，我與友人選擇到太古城誠品書店內逛逛後，順便試吓百芳池上便當。點了兩個附飲品的套餐，點了台灣鹽酥雞肉燥乾拌麵跟金吉檸檬和滷水雞翼便當，加古早味台式香腸跟黑糖珍珠豆奶。鹽酥雞外脆肉嫰滑和入味，拌麵上的肉燥一小粒、一小粒，入口即溶，並且滷水味不太濃剛好，麵條也彈牙。加上金吉檸檬更清爽。而滷水雞翼也不錯，肉質嫩滑！有蛋絲，粟米粒，粉絲，好豐富呢😋黑糖珍珠豆奶的甜度和豆奶比例剛好，不會只有甜味搶咗豆奶嘅鮮味。香腸有點肥，但又好好味⋯⋯呀！點算好🤪鹽酥雞做得最好👍🏻不肥膩，味道恰到好處，外脆內軟。不得不讚！有機會的話，我仲想试吓佢哋嘅下午茶餐啊😍

今日去咗太古城中心接位舊同事收工食飯, 佢就帶我去位於太古城中心1樓誠品生活入面既 食晚餐餐廳自助開放式搵位, 點餐, 取餐及收拾, 座位都算多而且闊落乾淨👍🏾皮蛋豆腐 ($20)甜甜咸咸醬汁配凍豆腐好開胃, 夏天時更是必點小食😋百芳豬扒便當 ($59)便當上大大塊既豬扒好好食🤤 外皮香脆, 內裏肉質鬆軟, 味道亦岩岩好, 便當既配菜非常豐富, 有粟米肉粒、惹味菜圃、粉絲、雜菜同半隻滷蛋, 配菜除咗滷蛋有點失色, 唔太入味, 其他都唔錯, 岩哂送飯食呀👍🏾紅燒牛丸牛筋麵 ($64)湯底味道微辣帶點牛香味, 但湯份量比較少, 習慣連湯食麵嘅朋友食咗幾啖碗麵已經變咗少少撈麵feel😂 牛丸有驚喜, 大粒又彈牙又多汁珍珠豆乳 ($11) 芋頭鮮奶 ($30)*價錢應該係跟餐加配價錢😅飲品還好啦, 點餐時忘了嗌少甜, 結果真係有d太甜, 雖然無乜特別大驚喜, 但值得一讚配料(珍珠及芋泥) 都好足, 飲極都有得食

太古城周圍逛下，肚餓就梗係要搵嘢食啦，呢度附近有一間台灣菜喺shopping Mall裏面, 叫做百芳池上便當🍱,唔好睇小呢間好似喺foodcourt 裡面的台灣菜，整得十分之好味而又正宗架。我哋主食分別點左台灣牛肉麵同鹽酥雞便當，小食就點左台灣夜市香腸，再點多兩杯嘢飲都係芋頭鮮奶小芋圓，就唔客氣開餐啦。呢個正宗台灣牛肉麵真係一流呀，牛肉麵湯底是紅燒，有牛筋同埋牛肉，份量都好十足10 ，真係食到Lamlam俐。而鹽酥雞便當亦都好唔話得，分量都係大大份㗎，大大嚿嘅鹽酥雞再加埋啲薯粉，鹽酥雞又香又脆，撈埋一齊食真係好好味呀。台灣夜市香腸就十分之貼心，切到一塊塊等大家食起上嚟都方便啲，而且都係好香脆嘅。食飽飽飲埋杯正宗台灣飲品芋頭鮮奶小芋圓，鍾意食芋頭嘅真係唔可以錯過，飲咗返唔到轉頭，厚實的芋頭蓉完全係用在口中，仲有這個小芋圓，煙韌又彈牙，好飲到不得了，下次嚟到太古城想食得又好味又抵食，一定要黎試吓呢一間台灣便當。

Lunch Time 好鐘意行去誠品搵食因為之前有鹽水雞不過而家執左lu😢好彩開左呢間台式便當🍱仲有湯麵拌麵小食完全係台灣既味道😍-台灣焢肉便當配是日特飲 $59望落焢肉雖然好似好多肥膏咁會驚好膩但其實咬落肥瘦均勻加埋炸菜同粟米可以減低油膩感👍-百芳豬扒便當配是日特飲 $59豬扒惹味肉嫩一樣都係肥瘦均勻😋一D都唔韌👍大大塊豬扒好滿足！