百樂潮州酒樓

營業中

休息中

第一次黎試下個二人餐，發覺呢到嘅服務真係好好😍d姐姐會主動過黎幫你加湯同執碟💪先講一講佢個湯好夠熱好足料，個蝦醬唐生菜煲係完全夠哂味同熱架😆檸汁烏頭都好大條又好入味😉

態度極差，入座同埋訂位之前佢冇講規定時間，之後要催人哋去埋單，仲話一定有講係1小時15分鐘⋯七味炸豆腐拼茄子🍆難食到嘔，問佢有冇醬汁，佢話冇係咁樣啦，還有XO醬鮮蝦炒腸粉賣相真係一流👎🏻👎🏻👎🏻散修修

話說又好耐冇出去食下野，今次又揀左朋友鐘意食既潮州菜黎晚餐！去左旺角MOKO既百樂潮州酒樓。餐廳既風格都十分有特別，裝飾配搭都有古色古香既味道，座位都舒適，十分適合朋友傾下計慢慢嘆下晚飯！今次都叫左小啲野食去慢慢品嘗，其中必定要推介紅燒潮州翅，加埋小小醋同芫荽真心好味！仲有川椒雞球夠晒野味送飯真係一流！最後當然要嘆番一杯功夫茶同埋甜品！最好既當然係服務真係相當唔錯，幫你主動番熱茶，又會收好餐具唔會阻住你進食，十分抵鑽！

以前去一田買野成日經過呢間酒家，店舖門面唔吸引，而且隔離仲有幾間出名的，但因為疫情原因有折去試，一試就上引，食過咁多間酒樓，呢間超好食，宜家起碼一星期食一次。最鍾意食佢啲點心，尤其個蘿蔔膏（真材實料）！好食到等唔切影相！全部點心都好食！唯一係個潮州粥，唔係個啲綿粥，好水，可能我食唔慣。

我不是潮州人，但喜歡吃潮州菜，旺角MOKO的百樂潮州酒家，是比較常來吃午餐的店！生意很好！社會運動之前(2019年6月之前)，星期六、星期日午餐，例必等位，試過中午(約12:15)到店，拿２人桌的號，服務員連號碼都不發給我！原因是：沒幾張２人桌！社會運動，以及現時的Covid-19，遊客大減，終於不用等位，可直接入座，而且２人可座４人桌，而不是臨時加的摺枱。喜歡的點心：#芋絲炸春卷，這個是我們喜歡的炸點心，每次必點，芋頭味濃郁！#潮州蒸粉果，來吃潮州點心，這個算有代表性，沙葛很爽口，花生很香，肥肉不算多，偶然吃吃，小吃多滋味！#百花蝦球浸魚肚，單價比較高的點心，但物有所值！#蝦餃，我吃出蝦是新鮮的，比急凍蝦多份甜品！#雙色水晶包，潮式甜點的代表，豆沙併蓮蓉，我喜歡豆沙多於蓮蓉！#家鄉炒麵線，人多才能點這個，不然會吃不完！

百樂潮州酒樓, 平時會去時代廣場嗰間, 今天行開新世紀廣場就入嚟試吓啦. 點心內容及餐廳跟時代廣場嗰間很不一樣，八卦哋問吓工作人員, 他的答覆係兩兄弟主理不同的餐廳. 新世紀廣場比較老派作風一點，但座位及環境尚舒服. 試了一個特式點心: 煎糯米大脹幾特別！另外潮州粉果也真的非常新鮮美味, 還有方魚肉碎粥及百花蝦球浸魚肚都好好味😋埋單時還有功夫茶嘆吓, 雖然話這是一般潮州酒數基本動作但並非一定有. 下次會再去試吓其它美點

旺角食嘢一向都人山人海，今日出到嚟旺角，就揀咗呢間潮式酒樓試吓啦！佢提供嘅潮式食物款式幾多，味道都唔錯，最大嘅賣點係佢喺旺角東站樓上，地點方便，係出黎行街嘅人搵食嘅一個好選擇之一！

一來，每人一杯功夫茶，醒下胃當然叫潮州嘢食啦，首先來一個，掌翼鵝片，略嫌鵝片肥肉多了一點芋茸酥帶子幾特別，入邊有濃郁的竽茸，好食，杏汁豬肺湯，感覺不夠濃郁味道。差了一點香煎蠔仔烙，蠔仔都幾腥味⋯⋯方魚炒芥蘭，普普通通啦甜品鴛鴦水晶包，蒸得不夠淋。總括似酒樓普普通通。

星期六響屋企清潔完， 去街食飯， 呢個套餐係旺角分店獨有，因為前個星期去九龍站嗰間分店都冇， 我哋揀咗粟米魚肚羹、鹵鵝肉同埋四個小菜，之後加個魚蛋粉，因為我哋有五個人， 原來佢哋做緊推廣，過咗600蚊有抽獎， 我哋嘅代表抽到香酥鴨， 之後即刻食埋， 朋友話，上一次佢哋去，抽到水晶包， 星期六嚟講個場得十張枱， 都算有少少靜， 我覺得佢個魚蛋粉冇以前咁好食， 我地點咗苦瓜排骨煲，都可以嘅，唔係好鹹，有啲蝦米，所以好鮮甜， 粟米羹同個鹵肉都好好味

今日屋企人生日，搵左最就腳嘅旺角食飯。隔離北京樓全場滿座，呢間一半都冇，可能因為價錢偏貴，好彩平日夜晚有套餐，可以揀前菜、湯、小菜。我哋揀咗滷水鵝肉、胡椒豬肚湯、蠔餅、椒鹽白飯魚、蒸烏頭。其中椒鹽白飯魚最搶手，炸得幾香脆，蒸烏頭有泥味，不推薦。因為吉枱比較多，所以夥計人手充裕，服務不錯。佢哋應該大部份都係潮州人，有聽到佢哋講潮州話，如果同鄉黎食可能感覺親切，可惜我唔係。順帶一提係個洗手間非常遠，係用商場公共洗手間，如果有老人家話小朋友，可能要注意。

約咗親人一起去moko食潮州菜我哋6點鐘左右入席 不是太多人也不用等位一坐低就有功夫茶飲我哋揀咗套餐 當晚做緊優惠價$508 就可以食一款滷水 加一煲湯 同两款小菜首先嚟到嘅係胡椒豬肚湯嗚 真係好好味 因為我真係好中意飲胡椒豬肚湯 佢做到好夠辣 好過癮 仲加埋啲鹹菜味 真係冇得彈鹵水鵝好大隻！好肥美好多肉！三個人食完全食唔晒 清湯牛腩上菜點火 滾下滾下嘅牛腩牛腩唔會太肥 又唔會韌 蘿蔔好爽口 好味檸檬蒸烏頭因為我唔太好酸酸地嘅小菜 所以正係可以講好酸 好大條 我地再另外仲叫咗糖醋麵一上枱係一塊煎麵 再上了一壺醋同糖你可以按自己嘅喜好 加適當嘅份量其實三個人可以唔使再額外叫一個麵因為其實個套餐已經食唔晒我哋買單共$765除開每人$250左右但其實伯樂潮州的小菜是有質素的所以很滿意今晚的晚餐

餐廳内有充足人手但服務態度好差，是茶餐廳水準，求求其其，愛理不理。食物好咸好重味，口到苦埋，價錢唔平，不值。食完埋單多謝都冇句。可能人工低冇心機做啦。絕不推薦給任何人

和夠朋友共聚，我們點了一個六人午市商務套餐，食物十分豐富，吃過之後，我覺得這店的點心尚算好吃，但小菜和炒河粉就不好吃了。套餐的點心包括海皇餃、糯米卷、薑蔥牛柏葉、百花蝦球浸魚肚、XO醬蒸鳳爪和水餃皇。各款點心的味道不錯，特別是有蝦作材料的點心，因為蝦肉彈牙，所以特別美味。除點心以外，還有滷水拼盤、鹹菜豬肚湯、欖菜肉碎四季豆、蝦醬唐生菜煲、菠蘿生炒骨和沙茶牛肉炒河粉。其中以蝦醬唐生菜最好吃，滷水拼盤、鹹菜豬肚湯和欖菜肉碎四季豆不過不失。至於菠蘿生炒骨，可以說並不合格。因為生炒骨的粉團厚，而且不脆。沙茶牛肉炒河粉，沙茶香味不足，牛肉沒有味道，而且獻汁太多，不好吃。這酒樓的環境和點心不錯，其他食物則有改進空間。

4/3 晚上大約八點半去到位於新世紀廣場的百樂潮州酒樓食晚飯！當晚人流不是10分多，大概有十幾台，幫埋我叫了一個498套餐，有一個湯有一客鹵味，兩個小菜！湯方面我選了鹹菜豬肚湯，味道不過不失因為略為比較清，但豬肚爽口！胡椒味不太出！鹵味方面，選了豬腳筋，入口即溶，大量骨膠原，正！底部有滷水豆腐！10分入味！ 小菜方面選了椒鹽白飯魚白飯魚非常大條份量非常多熱辣辣非常脆口，一流正！因為我見每一台大概都有叫椒鹽白飯魚！令一個小菜選了鵝肝蒸蛋白！未到正常酒樓的貨色！送飯一流！因為本人對鵝肝不太不太喜歡！所以味道和蛋白不太相襯！但未至於唔好食！最後食潮州嘢一定要叫糖醋麵！表面非常乾脆，底層鬆！加上醋和和糖！未到簡直就是兒時的味道！值得一試！服務態度，店員可能因為是老夥計，所以說話上比較粗鄙，但是本人也不是斯文，hahah , 所以我覺得10分正常！而且他們趕收工所以大概到了10點左右已經叫我們買埋單! 總括而言這間潮州酒樓值得一試我一定會再嚟！

朋友結婚黎呢度宴請親朋~朋友係潮州人, 所以揀呢度方便親戚~平時我對結婚飲宴既菜式都冇乜好感, 不過呢度竟然由頭帶到尾, 係好味WOR!!雖然呢度唔會有侍應分菜, 不過都OK啦~自己黎都冇大問題~大家都好客氣!潮州四喜大拼盤~ 蝦棗, 蟹棗, 海蜇, 薰蹄~蝦棗, 蟹棗冇得輸~ 正~翡翠花枝桂花蚌. 普通, 冇話好好又冇話好差, 份量夠, 唔會食得一塊就冇.石榴帶子粒.呢個應該功夫野, 我地研究塊皮係咩黎. 我地估係魚同蛋整出黎既~紅燒花膠海皇翅. 好足料~蠔皇花菇原隻鮑魚鵝掌. 個鮑魚好香夠淋入味...要讚呀!清蒸沙巴龍躉班 我PASS 左~川椒脆皮雞, 都係PASS 左..竹瑤雙喜蔬 都係落足料~ 糖醋麵 全場最期待~WKAKAKA 好少有得食呢味, 所以好期待, 主人家特登加錢REQUEST 呢味~好過食炒飯個D行貨~美點雙輝. 薑汁紅棗糕 呢個好夠薑, 但同時都太甜~美點雙輝.桂花糕 呢個都係甜既~福果芋泥呢兜野勁呀, 一上黎好震撼!!!! 嚇親呀.未見過咁大兜芋泥, 未食都膩左.雖然分出黎都係一小碗, 係香既, 同埋都係功夫野~不過就唔對我口味, 始終小小一兩啖就夠. 1/3