百川薈

營業中

休息中

我哋當然首先快叫咗百川秘製雞煲同蒜蓉開邊蝦飯煲仔，叫完後先睇到有雞煲套餐，食完雞煲後仲可以加湯打邊爐，原來有唔錯打邊爐嘅食品，即叫咗碟安格斯肥牛來食，再睇小食亦唔錯，又叫埋椒鹽軟殼蟹，飲品就叫咗香滑凍咖啡同埋柚子蜜，其實仲有好多嘢想叫來食，雞煲同煲仔飯都令人好飽的，真係下次要再來食其他食品。百川秘製雞煲個雞煲都好快上枱開火煮，等到出煙就開蓋聽到滋滋聲，見到都流口水想快啲食，雞肉嫩滑多汁，仲有洋蔥同芫荽好配合同埋啲雞一齊食，秘製雞煲醬非常惹味，真係好食嘅雞煲。蒜蓉開邊蝦飯煲仔蒜蓉開邊蝦飯煲仔飯也不錯，個煲仔飯放咗蒜蓉粉絲上開邊蝦一齊蒸，蝦肉十分鮮甜，令到啲飯索晒啲蝦嘅香鮮味，令到食落口嘅米飯吸了蝦汁和蝦膏，鮮味香濃，滋味無窮，而粉絲亦吸收了蝦的精華和蒜頭的惹味，非常配合來食。安格斯肥牛食完雞煲就可以加湯打邊爐食安格斯肥牛，安格斯肥牛肉上枱就睇得出係好靚嘅牛肉，安格斯牛肉好有肉味，油脂分布平均，好香好淋好好食，擺落湯水幾秒鐘就可以食得，真係快靚正。椒鹽軟殼蟹椒鹽好惹味，軟殼蟹經油炸後，味道香脆鮮甜，肉味極其鮮美，蟹殼特軟，可連殼一起吃，內裏還保留着蟹肉蟹膏，一咬就爆汁 ，非常好食。香滑凍咖

佐敦百川薈，招牌菜有烤魚、雞煲、羊腩煲、煲仔飯，仲有各款鑊氣小炒、川式肉燥飯、酸辣米線、炒粉麵飯等。烤黃花魚：我哋唔食辣，揀左蒜蓉煮，每份烤魚都有蓮藕、蘿蔔、大豆芽、福花菜，仲有紫洋蔥、青椒，配料索滿湯汁，非常惹味；主角黃花魚，魚味濃郁，肉質嫩滑，好少細骨，用火爐慢慢熱住食，好滿足。手切安格斯肥牛：脂肪分佈平均，紋理細緻，肉味香濃，口感豐富，優質牛既美味，實在令人垂涎欲滴。蒜蓉開邊蝦煲仔飯：即叫即煲，熱辣辣上枱，開邊蝦幾大隻，用蒜蓉粉絲一齊蒸，味道更鮮美，加埋金黃薄脆既飯焦，忍唔住食左兩大碗，呢度仲可以揀香芋飯底，芋頭煮得綿密，入口香甜軟糯，讓人一試難忘。總結，食物有水準，款式多元化，全日免加一，真心抵食。

百川薈📍佐敦德興街2號地下喺佐敦站E出口上到嚟轉右行1分鐘就到餐廳好早就開門，上午七點開到夜晚11:30秘製雞煲半隻套餐$238雞煲非常惹味，半隻嘅份量都相當多，職員一放上枱已經聽到雞煲發出嘅吵吵聲，香味十足，雞肉嫩滑，入面配有大量嘅洋蔥同芫荽，帶有少少麻辣十分惹味套餐入面仲有包埋一碟手切牛頸脊，牛肉味濃，脂肪同牛肉嘅比例相當平均，入口非常好味生菜夠新鮮顏色嫩綠，新鮮最重要係洗得非常乾淨響鈴，響鈴放入湯底幾秒就可以食，吸晒雞煲入面嘅湯底，濃郁嘅味道二人餐真係非常抵食，仲跟埋兩杯飲品 薑蔥生蠔煲 $168生蠔相當大隻又唔腥，肥美肉嫩脹卜卜 ，又鮮味，經過烹調後完全冇縮水，配埋大量嘅薑同埋蔥一齊食更加好味，生蠔非常厚身，外脆，入口仲好Juicy豬扒酸辣米線 豬扒份量相當多，肉質腍身，嫩滑容易入口，旁邊仲有好多配菜，有肉碎花生同蔥花，最重要係個湯底酸酸辣辣，湯底仲香噴噴米線嘅份量相當多，一個人真係食唔晒，性價比極高

因為很耐都冇食過雞煲，所以約咗朋友黎佐敦食百川薈。百川薈地理位置非常好，在佐敦地鐵站E出口，上兩層到地面，在恆豐酒店後面。見到店面也整齊企理，入到去空間感也很足夠，冷氣也夠，店員也很好，給了一個大枱給我們。然後我們就叫了百川秘制雞煲，手切安格斯肥牛，椒鹽軟殼蟹，紫菜餚肉蟹柳卷，檸檬利賓納，桂花圓肉菊花茶以及油麻菜。首先他是來了兩杯飲品先，檸檬利賓納（$20），入口偏酸，可以甜一點；桂花圓肉菊花茶（$30），有濃郁桂花圓肉菊花味，飲了想一飲再飲。然後，他便上了紫菜餚肉蟹柳卷（$30），夠熱，皮香脆，有口感，像是即叫即整一樣。之後，他就上了百川秘制雞煲（$168）（半隻，中辣），嫩滑甜辣香，惹味吃了越想吃。而且有老闆幫我哋炒香了才餚煮。接着便是食了手切安格斯肥牛（$168）（細），它食落有口感有牛味，伴隨着辣雞湯汁越食越想食。再者便是吃椒鹽軟殼蟹（$38），蟹有濃厚嘅椒鹽味，而且是即叫即做，香脆美味。最後叫咗一碟油麥菜（$28），也是新鮮甜美可口。總括而言，百川薈是一間想一吃再吃的店，值得推介。

新開張，樣樣好食，仲有房可以坐七個人埋單一千蚊左右，性價比極高個雞煲同煲仔桶蠔超惹味，可以送飯平時我唔鍾意食淮山，但係佢個炸淮山我都係咁食衛生好，服務態度好仲有其他無影到相，下次想試埋佢個煲仔飯

見附近開左間新舖有雞煲食，一於試一試佢Qr cord落單，兩個人叫左個雞煲套餐，套餐包括半隻雞，一碟手切牛頸脊，響鈴同生菜。另外我哋食肉獸，再叫咗碟安格斯肥牛。仲有椒鹽軟殼蟹同菊花蜜。雞煲上枱等出煙開蓋滋滋聲，未食已經流口水，麻辣好惹味，辣度啱啱好，雞肉嫩滑，仲有大量洋蔥同芫荽，好得！食完雞煲就可以加湯打邊爐，牛肉上枱就睇得出好靚，雖然餐牌冇寫，食肉獸嘅我食得出套餐果碟牛頸脊都係安格斯，好有肉味。而另外叫嗰碟安格斯肥牛，應該係牛小排嚟，油脂分布平均，好香好淋好好食。放埋響鈴同生菜落去好邪惡。小食椒鹽軟殼蟹有驚喜，估唔到又整得幾好食，又唔貴。兩杯菊花蜜正常發揮，配雞煲下火最後要讚下服務唔錯，食完雞煲好多骨有主動幫我哋換碟，真係唔係間間餐廳會咁做，值得再幫襯

同朋友講咗好耐話約出嚟食雞煲，上網搵到呢間喺佐敦嘅雞煲好似幾出名就約咗過嚟試吓，果然有驚喜，以都想推薦俾大家！呢個雞煲套餐，只係$388，包全隻雞煲，一碟午餐肉一碟牛丸，一碟響鈴同埋一碟菜，唔係講笑，淨係雞煲啲雞嘅份量已經多到食唔晒，再加埋其他火鍋配料，有啲懷疑其實係咪四人份量？除咗份量多之餘，質素都非常唔錯，雞肉非常嫩滑，熱辣辣，好入味，鍾意食辣嘅話可以自己加啲辣椒油，我覺得都幾夾！最有驚喜嘅一定係手切牛頸脊肥牛，同平時食開嘅時候唔同，比較有口感，會食到牛肉嘅層次，亦都好有牛味，淨係見到牛肉嘅鮮紅色，油脂分布均勻，就知道一定好好食，幾值得一試！淨係食晒個雞煲同埋肥牛已經超級飽肚，午餐肉、牛丸、時菜同埋響鈴質素都唔錯，整體嚟講呢個雞煲套餐真係幾抵食，啱晒一班朋友過嚟食餐飽！

今日嚟到佐敦呢入邊同朋友敘舊，叫咗個雞煲套餐再另外加個炒菜同埋兩個小食！冇諗過呢間餐廳嘅質素都唔錯，所以決定介紹俾大家！✌🏻套餐包咗半隻雞，手切肥牛一碟，響鈴一碟，娃娃菜一碟！呢一個價錢嚟講係呢一個絕對唔算貴，而且CP值非常高！嚟到嘅時候非常香，一打開香噴噴嘅味道沖曬出嚟，而且佢嘅味道非常好食，絕對唔會太辣，佢嘅雞都非常嫩，加埋本身非常有鑊氣，成個味道同埋效果都非常好！食完雞煲之後老細會幫你加湯！咁就可以打邊爐了！牛肉非常高質素，佢嘅質素冇諗過可以喺呢個餐廳食到，所以我哋都非常有驚喜，牛肉嘅油花非常好，唔會話太肥。而且亦都非常有牛味，正！響鈴就可以吸收晒本身湯底嘅精華，大概5秒就可以食到！口感都唔錯，而且鍾意食嘅朋友絕對不能夠錯過！！炒通菜，份量非常多，而且價錢非常抵食，佢炒得非常爽口，而且有鑊氣！我同朋友都非常鍾意食，拍得住出邊大排檔嘅質素！而且唔會太鹹，我覺得佢嘅調味都非常適中！幾好！紅油菜肉餃，佢係紅油抄手嘅概念，而且餐廳用嘅係自家製嘅餃子非常好食，每一隻都脹卜卜大大隻，加埋辣椒油嘅效果真係非常好食，非常開胃最後加多個出前一丁！非常滿足！

見佢新開諗住試下佢嘅酸辣米線，點知試完後🙂‍↕️心諗全部同白烚冇分別冰鎖雞翼尖完全冇味口水雞完全不麻不辣，酸辣湯底都係完全冇味食完都唔知食咗啲咩，唔會再有下次

今日點咗3樣嘢食。首先係雞煲，雞肉鮮嫩多汁，味道調得啱啱好，唔會太辣又唔會太咸，呢度嘅雞煲真係好開胃，忍唔住都要食返碗飯撈埋啲汁食🤤🤤。食完雞煲之後，服務員好貼心幫我哋加水。我哋就可以打邊爐luuu🥳。呢款牛肉質地軟嫩，肉味濃郁，每片都切得好平均好薄，涮過後依然保持鮮嫩多汁，真係一片接一片咁食，停唔到口。最後係牛肉炒通菜。呢道菜色香味俱全，牛肉滑嫩，通菜爽脆，兩者完美結合，都係好適合配飯。今次的用餐體驗唔止食物美味，服務仲非常周到。服務員會細心地攪拌雞煲，確保每一口都均勻入味、唔黐底，令整個用餐過程更加愉快和無憂。總的來講，雞煲的濃郁、安格斯牛肉的鮮美多汁、牛肉炒通菜的清新爽口都令我哋好滿意。餐廳性價比高，下次一定會再去食！美味：⭐️⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️⭐️回頭：⭐️⭐️⭐️⭐️⭐️ 百川薈 (佐敦)📍佐敦德興街2號地舖

我同朋友第一次去到餐廳，真係要大讚呢間餐廳的水準，食物質素很好，而且份量很豐富，真係好啱住響佐敦附近嘅朋友，或者喺附近工作的人，一定要黎試吓，因為佢哋嘅餐廳好有人情味，老闆服務質素好高，好體貼，而且睇得出食物係老字號，我哋叫咗幾個小菜，全部都係新鮮，即叫即整，非常有心，相比起市區，已經好少搵到呢類餐廳，而且價錢經濟實惠，又大碟又豐富，所以呢間餐廳簡直是完美，呢度仲有好多唔同嘅煲仔飯，仲有一個小菜叫咗椒鹽軟殼蟹，都係好好食，好惹味，而且嘢飲都係大大杯，我哋叫咗個熱奶茶，奶茶又香滑又甜，真係好好飲啊，仲有佢哋嘅小菜特別係菜心炒牛肉，每個都係大大條，而且牛肉都係好鮮嫩，好多汁， 仲有佢哋嘅鮮茄大廈都係好嘢未，睇得出廚師好有心機咁樣幫客人煮食，我執好鮮味，好開胃，真係添咗幾碗飯

今日好開心同屋企人去咗佐敦站附近嘅一間餐廳，估唔到好有驚喜，而且超級方便，響佐敦站旁邊，非常容易搵到，亦都好適合一家大細，情侶，小朋友嚟食，因為空間感好夠，而且好舒適，座位坐得好舒服，裏面嘅餐廳食物都質素好高，有早餐，米線，小菜，連煲仔飯，咩都有，選擇種類很多，所以一定適合所有人嚟食，而且佢哋嘅裝修都好乾淨好舒服，光線十足，我哋都叫咗一個涼拌雲耳，手帕青瓜，都好友驚喜，完全大大碟，食到非常飽，睇得出廚師好有心機，好為客人着想，而且呢度嘅小菜都好正，我哋叫咗個鮮茄大蝦碌，呢一道菜一定要試吓，因為個醬汁配搭真係好好食，好鮮甜，而且每隻蝦都係大大肥肥，好飽肚，撈埋個汁食飯真係一流啊，仲有我哋叫咗個中式牛柳，都係從出面餐廳食嘅不同，因為佢呢度特別新鮮，出爐熱辣辣，真係冇嚟錯！

行過佐敦，見新試新。但估吾到，出色味道見舖新開，本著試新野心態入店，感覺光潔坐位濶落，不是小食店又不是大餐廳的中型格局。雖然是QRcode手機落單，但枱上放著極傳統的文字餐牌。餐牌由早餐，米線，小菜甚至連煲仔飯都有，不太適合選擇困難症的人。因為已經是下午時段不想食太飽，所以選擇先試米線。用手機落單，但程式無相片顯示（可能新開未準備好），提供很多個人化選擇，如粉類，辣度。叫左半邊雞翼米線及一碟牛展小食。米線湯底呈橙色鮮艷吸引，試飲湯底酸辣味道適中湯底亦清甜 ，不是那些味精湯的感覺，湯面的花生很好食。雞翼外觀吸引食落口感很惹味。牛展小食帶紅油及青瓜底，帶有小許川辣味 味道很入味。加罐可樂是成餐飯的完美配合。整餐飯結論：最後都係食到好飽！味道超出預期，性價比亦很高。餐廳食物選擇很多。可再試其他食物。