百川薈

營業中

休息中

想食烤魚，比起連鎖店，更想搵d特式用心用嘅小店，終於搵到呢間，有齊雞煲、烤魚同各式小炒。入店發覺好多家庭客，唔使煮飯洗碗又多選擇，價錢合理，味道好烤魚（新鮮鱸魚）：鱸魚比較少骨，係烤魚中唔錯嘅選擇，魚表面烤到色澤金黃，外皮酥脆，魚肉鮮嫩，吸收哂汁嘅精華，咬落去外脆內軟，湯汁以不同嘅香料，搭配的配料有蓮藕、蘿蔔、大豆芽和福花菜，增添了清脆的口感手切頂級安格斯肥牛：鮮紅的牛肉片，肉質細膩，油花分布均勻，手切技術保留了肉的原汁原味，每一片都散發著濃郁的肉香，搭配烤魚嘅湯汁，更添風味臘味煲仔飯：傳統的煲仔飯搭配了臘腸、臘肉、膶腸，米飯吸收了臘味的獨特香氣，米粒粒分明且香軟可口，加上鍋底微焦的香脆口感凍檸茶：解辣必備

佐敦及尖沙咀一帶有好少美食，係經過恆豐酒店發現到呢間餐廳，主打食鑊氣小炒同豬扒米線。不過今次想食另一樣，就係百川秘制雞煲二人揀左小辣嘅秘制雞煲，店員直接係你面前炒，所以都要等大概十五分鐘先食得，係店員翻炒期間，逐漸聞到好香既麻香味，而且份量都幾多。食落原來小辣都幾濃味，愈煲愈濃雞件已經入味且多肉，配料洋蔥食落非常淋同甜我地覺得係佢愈煲愈濃味既期間，就最岩落烏冬既時候，等烏冬掛曬個麻辣醬汁，就係最好味既時候！然後再落安格斯肥牛，去做烏冬嘅主菜。肥牛叫左細份都好多，肥瘦尚算平均，即使湯濃郁都冇蓋過牛的味道。除咗肥牛，我地仲叫左墨魚滑同鮮蝦雲吞。兩者之中，墨魚滑係比較好食，食到墨魚粒，而且彈牙。雲吞雖然真材實料，可能皮比較厚，食落口感略為遜色。不過整個雞煲黎講，係不錯的！

初次到訪這間佐敦地鐵站出口旁的街坊小店，店員服務態度親切有禮，內裡裝潢簡潔乾淨，卡座間距比連鎖茶餐廳寬敞，主打鑊氣小炒及豬扒酸辣米線，全日免加一，今次先來品嚐一下他們的招牌雞煲。百川秘制雞煲(半隻) $168  離遠已聞到砂鍋飄出濃郁醬香，微辣醬汁鹹香中帶淡淡甜味。雞件預先燜至剛好熟度，上桌後以小火爐再次加熱，雞件更顯嫩滑，雞胸部位亦不乾柴，半隻分量足夠二人分享；還有大量芫荽及洋蔥，洋蔥吸滿醬汁好好食。手切安格斯肥牛(細) $168食完雞煲開始加湯打邊爐，厚切牛肉油脂分佈均勻，於湯底中輕涮五秒即可，入口有濃郁牛肉香。粗薯粉 $20粗薯粉久煮不爛，掛湯功力一流。蘿蔔清湯牛肋條 $88雞煲太重口味，所以點了份清湯牛肋條調劑味蕾。湯頭清澈，蘿蔔清甜，牛肋條軟嫩入味。

食開雞煲今次試吓米線米線多配料，酸菜花生肉碎都多湯底夠味，又多左個選擇煲仔飯每次必食，正杯咖啡都係出色呢間餐廳好多種類，坐得舒服同乾淨服務態度都唔錯，服務員有笑容

佐敦小店，全日免加一，整體性價比高，值得推介特別值得一讚店員服務非常貼心，主動幫我地開爐炒雞，仲不停斟茶加湯，成個用餐過程都好好🔺百川秘制雞煲半隻 ($168)  雞煲叫左微辣，啱晒食得少少辣嘅朋友 一嚟到已經聞到好香既雞煲醬同鮮雞味，雞煲味道唔會好油膩，醬汁濃郁惹味半隻雞夠哂兩個人食，雞件嫩滑厚肉，好快就食曬啦🔺手切安格斯牛 ($168)  食完雞煲就開始加湯打邊爐，打邊爐點少得手切安格斯牛每塊牛肉都新鮮嫩滑，厚度適中，入口有濃郁嘅牛肉香🔺鮮蝦滑 ($98)  鮮蝦滑超推介有粒粒鮮蝦肉，口感爽口彈牙，索埋少少湯更加鮮味🔺薯粉 ($20)薯粉份量超多，煙韌彈牙，加埋有鮮雞味既湯底仲正🔺檸檬茶 ($18)🔺香滑奶茶 ($18)野飲就叫左凍奶茶同凍檸茶，夠曬大杯茶味都好濃郁

我哋揀咗新鮮鱸魚🐟，配蒜蓉口味。一上枱，成條魚烤得金黃香脆，蒜蓉嘅香味撲鼻而來，真係令人食慾大增！😋 魚肉鮮嫩多汁，蒜蓉味十足，真係好正！💯 而且份量都好多，兩個人食都夠晒！我哋仲叫咗個手切安格斯肥牛🥩🐮！肥牛嘅油脂分佈均勻，肉質鮮嫩，淥一淥就食得！😋 配埋烤魚嘅醬汁，更加惹味！👍🏻另外，我哋仲加咗個粗薯粉🥔！薯粉吸收晒烤魚嘅醬汁，口感煙韌彈牙，真係好正！🤤 飲品方面，我叫咗杯桂花園肉菊花茶🌼，朋友說。桂花園肉菊花茶🌼清甜解渴，帶有淡淡嘅菊花香，飲完好舒服！😌

喺佐敦，有間叫百川薈嘅餐廳，最近真係吸引咗唔少食客。佢哋嘅鍋物同肉類好高性價比，特別適合鍾意食肉嘅朋友。以下就分享我試過嘅幾款招牌菜。首先要講嘅係$168（半隻）百川秘制雞煲，呢個真係好好味！半隻雞煮得剛剛好，肉質滑嫩，雞皮仲有啲脆脆嘅口感。微辣嘅味道恰到好處，唔會太辛辣，反而令雞肉嘅鮮味更加突出。然後就係$168手切安格斯肥牛，呢個細份對於肉食者嚟講真係一大享受！牛肉切得厚薄適中，肉質鮮嫩，咬落去有種滿足感。搭配特製醬汁，味道更加出色，雖然係細份，但絕對可以滿足你嘅肉類渴望。最後，$118金絲蔥油雞都唔可以錯過！半隻雞用金絲蔥油醃製，味道清新，雞肉嫩滑又多汁。蔥油嘅香味滲透入雞肉，食落去又唔油膩。百川薈嘅菜式多樣，味道出色，價錢合理，真係吸引咗唔少食客。如果你喺佐敦一帶，記得親自嚟試下呢啲美食，肯定唔會失望！地址：佐敦德興街2號地舖-百川薈

今日朋友話想打邊爐，朋友話佢樓下呢間百川匯雞煲好正，所以專登去試吓！首先，我哋叫咗半份雞煲，份量啱啱好，兩個人食都夠晒！雞煲嘅醬汁好惹味，甜甜辣辣咁，煲到時間夠店員就會過嚟幫你開蓋，雞肉好嫩滑，唔會鞋口！打邊爐嘅配料，我哋叫咗頂級安格斯肥牛🐮、**油麥菜🥬、蝦滑🦐 同埋 烏冬。頂級安格斯肥牛油花分佈均勻，肉質鮮嫩，淥一淥就食得。油麥菜好新鮮，淥完之後仲好爽脆蝦滑彈牙，食得出係真材實料最後，我哋將烏冬放落湯底裡面煮，吸收晒湯底嘅精華。喱到總體食物質素不錯，價錢合理！最重要係唔太趕客，絕對係同朋友聚會嘅好地方！

呢間鋪燈光夠光猛，坐位又闊落，枱與枱之間唔會逼手逼腳，好啱一班人圍埋打邊爐吹水，一坐就坐左3個鐘。叫咗個半隻百川秘制雞煲，揀左小辣。一上枱已經聞到陣陣香氣！湯底用咗多種香料同藥材熬，濃郁得嚟帶微微甜味，小辣真係唔算辣，啱晒我呢d中意食辣得黎又食唔到好辣既人，朋友試咗兩舊雞後都覺得下次可以試中辣。雞煲上到枱後再加熱，先會熟，唔係一早煮好晒，所以雞肉煮得啱啱好，肉質嫩滑又入味，連皮食仲有啲焦香，好正另外仲叫左手切安格斯肥牛，份量正常。牛肉油脂分布均勻，輕輕碌幾秒就食得，入口即溶，牛味濃得嚟唔會膩。鮮蝦滑同牛筋丸都好正。蝦滑彈牙又食到粒粒蝦肉，牛筋丸咬落爆汁，仲有啲筋位增加口感，真材實料。油麥菜同稻庭烏冬就係完美收尾，烏冬吸晒雞湯精華，嗦一聲滑入喉，滿足！ 晚市仲有好多小食同盤頭飯揀，望到格尼枱，碟頭飯都有鑊氣。

最近去咗佐敦嘅百川薈食晚飯，整體感覺都幾滿意，呢度環境光鮮企理，坐得舒服，服務都幾貼心。 🥢百川秒製雞煲（半隻、微辣）雞肉嫩滑入味，醬汁香濃而又唔會過鹹，微辣嘅程度啱啱好，好惹味，食到停唔到口😆 🥢手切安格斯肥牛等雞食得七七八八之後，我哋就將手切安格斯肥牛放入去煮；牛肉片切得厚薄適中，煮完之後仲保持到嫩滑嘅口感，同雞香辣醬汁融合得好好，唔使點任何額外醬料都好好食👍🏻🥢豉汁蒸大鱔鱔肉鮮甜嫩滑，豉汁調得好夠味，但又唔會蓋過鱔本身嘅鮮味；蒸嘅火候啱啱好，冇過熟，呢道菜食完真係回味無窮。 🥢麻辣牛展麻辣牛展就比較適合鍾意重口味嘅朋友，麻辣味道香而唔辣得過份，後勁有啲微微嘅麻痺感，好正！

食物又差，服務又唔掂，所謂出名嘅酸辣豬扒米線，廚師推介，得表面上嘅味粉有味，成塊豬扒都冇味，塊豬扒仲唔係一塊塊，而係一嚿嚿，都唔知呢度40幾個like係點樣嚟😓。.手機點米線，唔記得配嘢飲，散點后問佢可唔可以改返餐飲，嗰個疑似老闆娘嘅物體即時鬧，其實唔使咁惡，可以大大聲聲唔好改嫁麻，食餐飯啫，扯晒火為乜？😑😡全店普通話人處理，認真係咁上下。價錢唔算貴，但唔好食囉。.豬扒超唔掂，米線都唔好食。（最差）生菜個樣好衰，但味道唔算十分差。（合格）碟鱔問咗佢係咪新鮮，佢話係 🙄🙄🙄（差）

今日去咗佐敦呢一邊同朋友食飯，咁啱我哋都減唔到餐廳，所以就去咗呢一間上網見到食雞煲都幾好食嘅餐廳，餐廳唔係任飲任食嗰隻，但係我見上網嘅評價同埋食物質素都非常好，所以就決定去試吓，餐廳位置都非常方便喺地鐵站行過去大概都只係需要3分鐘嘅時間，食完走都非常方便，而且附近仲有巴士站！當然要叫佢嘅雞煲，非常惹味，我同朋友都覺得非常有鑊氣嚟到嘅時候已經非常香同埋賣相都好靚仔，見到佢嘅份量都非常爽我哋兩個人都應該食唔晒，價錢嚟講亦都唔算貴，今日叫咗一個套餐仲有包一碟肥牛，另外亦都有生菜，同埋佢嘅餃子，嘢飲方面都有！呢個價錢我覺得比起出邊嘅放題仲要平，因為我哋始終都唔食得多，比較注重質素！質素嚟講，我哋覺得非常好食，除咗有鑊氣之外亦都非常惹味，味道嚟講，其實真係冇得頂，我哋都非常鐘意肥牛嘅質素非常高，係採用咗美國嘅牛肉，餐廳嘅擺盤亦都非常靚仔，牛肉大概放入個鍋度幾秒就可以食到，整體嚟講我哋都非常鍾意，而且佢嘅雪花分布比例，我哋都覺得唔錯，絕對唔係低級嘅！冇諗過喺呢一度都食到呢一個質素嘅，令到我哋都覺得非常有驚喜！值得一讚嘅係餐廳嘅老闆非常客氣，不停幫我哋加湯/茶，好難得有餐廳咁客氣，下次有機會返嚟再食

佐敦一帶不乏美食，只系一向比較少人留意呢個地區，一位住佐敦嘅朋友就推介咗我一間餐廳，菜式富有港式風味，仲好有鑊氣🔥招牌豬扒真不愧為招牌菜，豬扒味道頗濃郁，味道還原中國風味，肉質軟稔中帶嚼勁🐷百川秘製雞煲🐔揀咗微辣，辣度符合微辣，雞肉嫩滑，醬汁亦夠滋味，兩個人食半隻雞已經好足夠。手切頂級安格斯肥牛🐮聽落都知正野😆油脂部分頗多好肥美，但又冇因為咁樣影響咗本身嘅牛味，加湯整熟佢味道不錯。冬天緊系食番個煲仔飯🔥蒜蓉開邊蝦煲仔飯🦐香芋飯底拼臘腸，蒜蓉開邊蝦蒜蓉好入味🧄開邊蝦爽口彈牙又新鮮。飯底有一粒粒香芋幾軟綿☺️臘腸充滿港式風味。

餐廳位置好方便，就喺佐敦站E出口步行一分鐘就到，入到去環境乾淨企理，服務員都幾友善。今次我哋點咗幾款菜，其中香辣雞煲、安格斯牛肉都係menu入面推介嘅。首先講吓香辣雞煲，呢個真係佢哋嘅招牌菜，上枱時熱氣騰騰，香味已經扑鼻。雞煲入面有新鮮雞件，肉質好嫩滑，完全唔柴，咬落去仲有汁，應該係新鮮雞先做到咁。配料有芫荽同蒜頭，芫荽加咗一陣清香，蒜頭就帶出濃郁嘅香氣，兩者同雞肉好夾。香辣口味，微辣帶鹹香，層次感豐富，我同朋友都忍唔住連配料都食晒。😋之後試咗安格斯牛肉，呢款係手切嘅，肉質真係無得彈，鮮嫩多汁。油花分佈好均勻，涮咗幾秒就食得，入口即溶。厚度切得啱啱好，唔會太薄食唔出肉感，亦都唔會太厚煮唔熟。配雞煲湯底一齊食，牛肉吸咗啲辣湯汁，味道更提升咗一級。我本身好鍾意食牛肉，呢碟真係令我好有驚喜。🥩我哋食飽咗之後，就叫咗碟菜心，食落去清新又解膩，尤其配啲濃味嘅肉類，係個好平衡嘅選擇。🥬另外仲有小小頸渴就嗌咗凍奶茶，茶味都幾濃郁，平時啲舖頭剩係得汽水，呢度就有檸茶檸水嗰啲可以揀，選擇都幾多。🥤

突然又凍番🥶想食啲熱辣辣嘅嘢暖吓身都好正常！所以是晚同屋企人揀咗去食烤魚👯‍♀️望望餐牌又有火鍋又有小炒都幾正！仲見到餐廳內好多人叫雞煲添～下次都想試吓！.✨烤鱸魚 $238因為屋企人唔食得辣～所以揀咗蒜蓉🧄口味!唔會太重口味!鍋底已配有蓮藕、蘿蔔、大豆芽、福花菜～材料豐富！原條先炸過嘅鱸魚仲肉嫩唔腥～🐟滋味！！.✨手切頂級安格斯肥牛 (小) $168👍🏻雪花紋理一級棒！而且牛味突出🐂兼肉質軟嫩～鍾意食牛嘅朋友唔好錯過哦!!.✨蒜蓉炒豆苗 $78豆苗依然當造😍😍青翠新鮮！炒得有鑊氣之餘～仲加入咗蒜蓉及炸蒜同炒～令美味度昇華！！.✨可樂 $12+$3加埋冰底～邊食邊飲解渴爽快🥤一樂也！