申子居酒屋

營業中

休息中

今日去咗申子居酒屋食午飯，精選嘅申子三色丼係吞拿魚海膽三文魚子飯，色香味俱全。新鮮的吞拿魚搭配濃郁的海膽，口感滑順，三文魚子更添層次，令人一試成主顧。炭燒牛舌心則展現了廚師的高超技藝，外焦內嫩，煙燻香氣撲鼻，讓人一口接一口。串燒鳥定食的多樣選擇，無論是雞翼，雞肉大蔥串，雞腎，雞軟骨，每一串都烤得恰到好處，保持了食材的原汁原味。整體用餐體驗極佳，服務人員熱情周到，環境舒適，絕對是喜愛日本料理的食客不容錯過的選擇。

申子今日放假同老婆去旺角，醒起旺角有間平民高質居酒屋🏮好耐冇試，今日就帶老婆去食先，入到去一如以往格局一樣，但最緊要質數冇變。食咁多次第一次食lunch。左口魚邊：呢條燒左口魚邊真係正！皮脆肉嫩，咬落去啖啖肉，魚油香爆棚，調味唔會搶咗魚嘅鮮味，食完仲想encore！絕對係抵食又好味嘅選擇！申子3色丼：呢碗三色丼幾好食，吞拿魚蓉幾滑，海膽都幾鮮甜，三文魚子咬落去有啲爆汁嘅感覺。飯嘅溫度啱啱好，整體配搭唔錯，食落幾舒服，係一碗幾滿足嘅丼飯。壽喜燒定食：呢個壽喜燒定食幾抵食！牛肉味濃夠嫩，吸晒湯汁好入味，豆腐同蔬菜煮得啱啱好，唔會太淋。湯底甜鹹適中，撈飯食一流。份量夠飽，食完暖笠笠，好滿足！總結：申子係我食過咁多間居酒屋最有誠意，最性價比既餐廳。

咁啱喺附近做嘢就同同事去咗申子居酒屋食lunch😗之前都試過食呢間居酒屋嘅晚市，今次就順便試一試佢嘅lunch set～我自己就嗌咗雙層手打和牛漢堡丼，真係超有驚喜🤤漢堡肉餅用嘅係新鮮嘅牛肉，肉質適中，啖啖都好Juicy，咬落去口感真係一流，配埋特製嘅醬汁同日本米，簡直係一個完美嘅組合，食到根本停唔落嚟😍而且漢堡嘅份量足足有兩塊，用嚟送飯絕對有多～男仔食應該都夠飽另外同事就試咗壽司定食配雞白湯烏冬。壽司嘅魚生新鮮得黎種類都好豐富，而且材料嘅選擇一啲都唔求其，有赤蝦海膽等等。而雞白湯烏冬嘅湯底濃郁得嚟唔會太重味精嘅感覺，喝落去暖心暖胃，烏冬又好彈牙，冬天食覺得超舒服，食完之後好滿足😆

今日約咗個好朋友食飯， 朋友話帶我食好嘢，帶左我到旺角嘅申子居酒屋晚餐，呢度環境舒適座位寬敞，裝修佈置都好有日本風格。 火炙大蝦讚岐手打烏冬：呢碗烏冬真係要大讚， 一放上枱已經聞到好香櫻花蝦嘅味道， 大蝦新鮮彈牙火炙帶黎微焦香口感更豐富 ， 濃郁嘅湯底 加上順滑嘅烏冬， 更添美味。 蓬鬆玉子：每次去到日本餐廳我必叫玉子燒，申子居酒屋嘅蓬鬆玉子好有驚喜， 蛋味濃郁，師傅烹調時間掌握得恰到好處， 玉子中間係半熟蛋及香濃芝士， 令人忍唔住一口接一口。 吉列三重芝士千層豚肉：黃金色嘅吉列外皮酥脆可口， 內層豚肉肉質鮮嫩加上重量級嘅芝士， 口感豐富有層次。 和風麻醬豆腐沙律：豆腐嫩滑蕃茄鮮甜， 沙律菜新鮮翠綠加上胡麻醬汁 清新醒胃。

申子居酒屋位於旺角，午餐做緊買一送一。日本料理店又做得幾出色，食物精緻好抵食。樓上位置寬敞，播著日本歌曲好正😊。壽司定食配烏冬定食包括：前菜、味噌湯、蒸蛋、壽司🍣併盤；成個set好齊。壽司併盤賣相精緻，魚生望煎落色澤新鮮，口感嫩滑，好滿意👍！特別係個蝦壽司真係有驚喜。烏冬幾好食，麵質好軟身，湯頭又清甜。西冷扒定食原塊西冷扒好大塊，切開一塊塊易送飯， 質感爽口。醬汁很濃味道惹味。炸章魚小丸子炸章魚小丸子炸得好脆好好食😋內面大大粒章魚🐙，口感好正😊

今日下午同老公去咗旺角行街，忽然想食下日本嘢，walk in 去咗黑布街呢間日本餐廳，門口睇落幾高檔，一打開餐牌，見到有生、亦有熟嘅食物選擇，lunch仲有六折，於是就吸引咗我哋去試新嘢。我老公點咗個「刺身定食」，有好多款刺身，包括有三文魚、蝦、海膽、帶子等，刺身厚度剛剛好，食落非常有口感又新鮮，入口即溶，配埋個烏冬、同埋其他配菜、仲有個湯，份量剛剛好。而我因為唔太喜歡食生冷嘢，所以就點咗個「西冷牛扒定食」，本身都冇乜期望，點知食落非常驚喜，塊牛扒全熟得來，又唔會韌，冇乜筋，仲咬落好juicy，放埋隻蛋落去撈飯，非常惹味。最後我哋仲加咗個小食「蓬鬆玉子」，份量都幾大，個蛋煮得非常滑，上面有多蔥花同醬料，好開胃，配埋個白飯食，更加好味。喺旺角呢個價錢可以食到個咁高質嘅lunch，真心覺得抵，下次會再嚟食過

🦀 鮮蟹肉粥 $168 一上枱就聞到好香蟹味！粥底煲到超綿，啖啖都食到一絲絲蟹肉，完全冇腥味，好多蟹籽。夜晚食碗粥真係好舒服～ 🐟 三文魚刺身（四切）$68 魚生切得厚身，啲紋理靚到似幅畫！咬落去油脂爆出嚟，配埋wasabi同豉油鮮味十足。$68有咁高質抵讚！ 🍤 火炙大蝦烏冬 $168 兩隻大蝦燒到香噴噴，蝦頭仲有膏流緊出嚟～烏冬夠彈牙，湯底偏濃但撈埋半熟蛋食啱啱好。蝦控必試！ 🔥 火炙壽司（6件）$218 最正係帶子壽司！面頭燒到微微焦香，加埋柚子皮好清新。其他幾件魚生都燒得啱啱好，啲油香晒落飯度，食完唔會膩。 🍸 Highball 巨峰/荔枝 $78（買一送一） 兩杯都抵飲！巨峰味似咬緊提子咁清甜，荔枝味淡淡哋好解渴。酒精唔算好濃，女仔都會鍾意。 🍫 朱古力芝士蛋糕 $68 估唔到居酒屋甜品咁出色！面層朱古力勁濃，中間芝士軟綿綿，餅底仲有脆脆Oreo。食完鹹食點都要留肚試！ ✅ 總結：人均$300左右，份量足料，宵夜吹水一流。特別係碗粥同蛋糕有驚喜，會encore！

好想食壽喜燒😬所以同朋友去咗「申子居酒屋」試下質素如何🇯🇵.⚠️此餐廳收取10%服務費💰.申子三式丼🍚單點$298💰有海膽🐚拖羅🐟三文魚籽🐠白飯表面滿佈拖羅魚蓉😱海膽同三文魚籽鮮甜😋附有酸薑🫚玉子燒🍳漬物🍅蜆肉豆腐味噌湯🥣.牛肉壽喜燒🍲單點$238💰牛肉鮮嫩多汁，肉味重🥩入口香甜壽喜燒湯味🤤沾上雞蛋更滑🥚配料豆腐、菇菌🍄‍🟫洋蔥🧅冬粉🍜娃娃菜🥬非常豐富😍附有玉子燒、漬物🤎白飯、蜆肉豆腐味噌湯🥄.名古屋風芝麻羽先🍗價錢不詳💰雞翼外皮炸得非常香脆😆肉質嫩滑爆汁😛充滿芝麻香氣👍🏻

「申子居酒屋」最近做緊午市6 折優惠🈹推出多款感謝祭期間「極上•午市割烹」以優惠價錢食到高質食材👍🏻抵食又好味！叫左兩款定食！配有麵豉湯，前菜，小食，蛋捲🥢申子三色丼海膽、香蔥拖羅蓉及三文魚子三款海鮮製成丼飯份量十足🥢三款鮮味海鮮配搭得宜！🥢雙層手打和牛漢堡丼和牛漢堡以人手～手打而成！保留到牛肉彈牙口感，入口多汁！配上生雞蛋同自家醬汁更滋味🥢蓮鬆玉子即叫即制玉子入口幼滑配上日式醬汁口感層次更加豐富！作為小食真係非常正@shinkohk申子居酒屋@shinkohk📍旺角黑布街74-76號藝興大廈地下1號舖#申子居酒屋

大年初四找到一間不用加一或加二的餐廳就是申子，午市套餐還有六折優惠， 地點近麥花臣球場。 牛肉壽喜燒🥘很豐富的一個午餐，小食，漬物湯，白飯及牛肉壽喜燒，鍋內有多塊牛肉，裏面有豆腐冬及其他蔬菜。值得一讚是 前菜的蕃茄，有醃製過，味道很出色。看得出 連小食也這樣用心，這間餐廳別的東西一定更好。 松露蟹肉三文魚子丼🍚很豐富的材料每一口也真的吃到松露蟹肉三文魚子， 食材也很新鮮無可挑剔。 #小數怕長計 #慳家 #優惠 #著數 #小師奶 #美食

之前已經品嚐過申子，現在正好看到他們的午市優惠，真是又抵又正的日本料理。而且店內環境也舒適。午市優惠食物款式多，有牛扒定食，丼、刺身定食、壽司定食等。主餐牌亦有好多款不同的日式料理。刺身定食 $167可選配北海道七星茶或雞白湯手打烏冬🌟刺身有三文魚，吞拿魚、油甘魚、三文魚籽帶子和甜蝦。擺盤靚，刺身不錯👍🏻🌟前菜：醃番茄仔，玉子和旬🌟醃番茄仔超好食，酸酸甜甜好開胃。🌟雞白湯手打烏冬雞白湯味道不算濃，淡淡的雞湯味，烏冬口感彈牙，不會太淋。網燒鹽蔥豚肉定食 $112豚肉份量多，豚肉燒得好香帶少少焦。厚薄適中，以蔥花作點綴，很不錯。壽司定食（廚司發辦）配雞白湯手打烏冬 $167壽司有三文魚壽司，海膽壽司、吞拿魚壽司、油甘魚壽司、赤蝦和帶子。

不得不說我哋真係好鐘意食申子🥹 佢嘅質素絕對同價錢成正比 食咗幾次佢都保持到水準 今次經過見佢lunch做緊6折優惠 好抵😛 即刻又入去食ᐠ( ᐢ ᵕ ᐢ )ᐟ𖧧 招牌申子極尚鹽燒牛舌芯必點.ᐟ‪‪‪.ᐟ‪‪‪ 口感爽彈 完全唔韌 而且肉味濃郁 食咗咁多次都好滿意🥰🥰𖧧 西冷牛扒定食 $143定食包咗小菜同麵豉湯 牛扒肉質軟嫩多汁😋𖧧 申子三色丼 $179有齊海膽、拖羅蓉同三文魚子 鮮味十足 份量一啲都唔輸蝕 ദ്ദി ˃ ᵕ ˂ )

下班後走到旺角主打日式燒物及即點即製串燒的人氣小店餐廳兩層高，以日本風深啡色木材作主要裝潢色系，乾淨舒適地下為廚房及壽司吧枱，二樓有二人卡位及梳化食物擺盆精美而用心，屬於高檔路線的居酒屋石燒西冷扒肉味濃郁，略帶粉嫩，顏色非常吸睛燒油甘魚鮫甘香豐腴，魚肉鮮嫩，外皮燒得微脆火炙大蝦讚岐手打烏冬惹味香口，櫻花蝦湯底濃郁，充滿海鮮滋味，麵條帶煙韌鮮蟹肉粥煮至綿滑順口，以特製不鏽鋼器皿去盛載，無多餘調味，鮮味無比

今日又去開旺角附近，諗起之前食過呢間居酒屋，款式好多，而且味道好出色，於是趁唔係好早就上咗去先，因為過多一陣都幾乎滿座。鮮蟹肉粥 $168呢個蟹肉粥嘅配料非常豐富，有蟹籽、蟹肉、蟹柳等等同蟹有關嘅食材，而且味道非常有鮮味，仲要份量都好多，絕對值得encore。極尚鹽燒牛舌芯 $128食呢啲燒牛舌最怕就係太靭，佢呢一個牛舌雖然係用切粒嘅形式出，但係一啲都唔韌，仲要好爽口。調味方面，佢安排咗生椒、鹽同檸檬俾我哋任意配搭。汁煮左口魚裙邊 $148呢個左口魚裙邊味道好犀利，配埋佢酸酸地嘅醬汁，超級開胃。蓬鬆玉子 $108好耐冇食過玉子燒，佢呢個玉子燒雖然淨係玉子，但係份量好多，而且醬汁加埋好香口。三文魚（四切） $68呢個三文魚絕對係厚切，而且感覺非常新鮮，想過一過刺身嘅口癮都非常之推薦。巨峰highball $78白桃highball $78餐廳喺酒精飲品方面做緊優惠，買一送一，有多種酒精可以選擇，例如梅酒、水果酒、日本酒等等，基本上想試咩都有得揀。

今日中午我嚟到位於旺角嘅申子居酒屋食飯，最近呢一間居酒屋就推出緊佢哋嘅午市優惠套餐，只需大約港幣$100 ，就可以有一個午市套餐定食。蓬鬆玉子依個蓬風玉子都幾有特色，餐廳用咗日本蛋去烹調，雞蛋味道香濃，再加上有芝士嘅香味，真係令人食唔停口啊。燒鳥串燒定食依個燒鳥串燒定食味道唔錯，有唔同部位嘅雞肉可以食得到，加上雞肉經過燒過之後，有陣陣嘅焦香味。除此之外，佢依個定食仲配埋麵豉湯，以及其他配菜，令到成個定食都好豐富。壽喜燒定食依個壽喜燒非常之足料，有唔少豬肉片，肉片嘅肉味非常濃郁，好好味。另外，佢仲用上唔少嘅蔬菜去烹調，令到成個定食嘅感覺都比較健康。整體嚟講，我覺得今餐嘅食物質素非常之好，加上最近嘅午市優惠又好吸引，下次有機會我都會再嚟。