申子居酒屋

營業中

休息中

午市六折好抵食呀，依家指定午市套餐都做緊六折優惠, 平均百零蚊就有交易. 有兩三款前菜，湯同埋一杯茶，非常抵食😝麻婆白子豆腐定食 143形狀同味道都同之前喺Omakase食過嘅白子有出入。食過嘅白子都好似豆腐腦嘅形狀，啜落口入口即溶，口感Creamy。呢度嘅大大嚿，口感比較似啫喱狀脂肪。原本以為得面頭嗰兩舊，原來下邊仲有，真係足料。👍蓬鬆玉子 98份量超大, 切開內裏流心幼滑，口感同白子同豆腐都相似🤣

呢間居酒屋都開業咗好長時間，餐廳一向以高質素嘅食物而吸引大量顧客。今日下午，我同朋友專程嚟呢度食飯。餐廳最近推出咗佢哋嘅午市優惠，而家佢哋唔少嘅定食都有六折優惠。鰻魚飯魚肉味香濃，材料非常新鮮，非常有風味。佢哋嘅定食套餐，仲配有麵豉湯，前菜等等，製作好認真，食物非常豐富。除咗定食之外，佢哋仲有唔少受人歡迎嘅佐酒小食，例如當中有蓬鬆玉子，牛舌芯等，非常吸引。整體嚟講，今餐嘅食物質素非常之高，加上餐廳做緊優惠，所以感覺好抵食。

旺角人氣居酒屋—申子居酒屋，繁忙時間人頭湧湧，店舖內相當熱鬧🏮 居酒屋麻雀雖小五臟俱全，裝修風格簡潔企理，整體主要以幽暗風格為主調▪️ 餐牌上有各款居酒屋特色菜式；推介日式醬油炒飯，表面上看似平平無奇，但食落十分香口，米飯粒粒分明，醬油味道恰到好處，唔會太鹹太濃味；另外蔥拖羅卷份量相當澎湃，棉滑拖羅蓉，入口即化，配上青蔥調味，令口感更有層次～ 總結而言，食物種類未算太多，不過有其特色之處，而港島區銅鑼灣亦有一間分店🥢

生日飯局！貴而份量少朋友生日，想搵間似樣嘅日式餐廳慶祝，見呢間網上有唔少人打卡，裝修有氣氛，價錢中上，勁多食評讚好。諗住質素有保證，唔係完全唔好食，不過份量細，同真係好貴，貴得嚟完全唔值！ 海膽炒飯 – 海膽匿埋咗？似豉油炒飯多過海膽炒飯。 海膽份量少到要用放大鏡搵，而且完全冇海膽應有嘅濃郁感。蓬鬆玉子 – 空氣感爆棚，餡料呢？脹卜卜，睇落幾吸引。 一啖咬落去…得啖空氣！完全冇餡料，連基本高湯甜味都欠奉，純粹係煎蛋口感，有少少流心， 但值唔值過百蚊一碟呢？？真係見仁見智啦。 芝士吉列豚肉 $238 – 好食但以呢個環境係天價！賣相炸得金黃，芝士拉絲效果OK。 豚肉嫩滑，芝士濃郁，係全晚既合格菜式，但$238得幾件，好味但唔值呢個價！叫咗幾個沙律，完全係普通沙律菜，海葡萄得幾條，百幾蚊一碟份量勁少，唔知自己食咗乜蜜桃乳酸梳打 / 巨蜂乳酸梳打（買一送一）– 糖水當特飲？甜到漏，完全冇果香，似藥水溝糖水，$68一杯仲要買一送一都嫌貴！ 便利店支裝飲品好飲過佢！串燒拼盤 唔記得幾錢， – 平庸到冇記憶點。雞肉、豚肉串燒都係普通貨色，有炭香，但無乜亦冇特別調味，同街邊$20串嘅質素差

平時去親旺角都係集中菜街朗豪坊食飯。原來黑布街個邊都一樣有高質餐廳。今次介紹俾大家，就係申子居酒屋。🔶醬油漬吞拿魚丼：醬油醃製既吞拿魚鮮甜好食。加埋餐廳自家磨製既山藥同生雞蛋，撈埋一齊非常開胃，送飯一流！丼飯亦配麵豉湯同前菜，絕對抵食。前菜絕不是旦，有蛋卷、雞軟骨同已經去皮既蕃茄仔，非常好食🤤🔶蓬鬆玉子：依個蛋卷真係不得了。好多時不少餐廳蛋卷都會整到偏向乾身。但佢既蛋卷真係無改錯名，夠哂蓬鬆。一切落去，入面夾雜住拉絲芝士既蛋液就慢慢流出黎。玉子好滑，加埋鋪面既沙律醬蔥花，惹味到收唔到手🔶芝麻雞翼：雞翼炸得非常香口，熱辣辣送上，仲要皮脆肉滑，一流！

最近去咗「申子居酒屋」，餐廳環境靜謐，燈光柔和，非常適合朋友聚餐或者同另一半約會。蒲燒鰻魚厚切玉子丼🍱 色彩繽紛，鰻魚烤得好香，搭配厚切嘅玉子，味道非常滑順，真係一口接一口刺身定食烏冬 🍜 刺身新鮮，魚肉厚切，口感鮮嫩，搭配一碗熱辣辣嘅烏冬，完美嘅組合，讓人感受到日本料理嘅精髓極上塩燒牛舌芯 🥩 牛舌燒得恰到好處，鹽味適中，肉質柔軟又帶有嚼勁，食落去真係一種享受申子居酒屋嘅食物有水準，服務員態度友善，下次一定會再嚟！

一直都想試申子居酒屋適逢咁啱去開旺角 就去咗試下 裝修和風式 適逢六週年感謝祭 所有極上午市套餐都有六折優惠 超級抵食蒲燒鰻魚厚切玉子 🍱蒲燒鰻魚十分肥美 大塊過手掌咬落啖啖肉 非常滑口厚切玉子 真心大舊厚切 最窩心喺用上不鏽鋼大鍋可能keep住食材微暖雜錦魚生井🍣有三文魚、吞拿魚、三六魚籽等 包彩繽紛 刺生新鮮飯及刺生比例好好啖啖飯都有刺生😬午市套餐仲包咗麵豉湯、清爽蕃茄仔及紅豆甜品極上塩燒牛舌芯🐮牛舌芯煎得剛剛好 口感一流而且食落完全吾乾 想當juicy 配上食塩 真係舌尖享受😋不過如果多幾舊就仲開心🤣😎

三色迷你丼 $298看似迷你 但相當精緻 份量也是舖滿整碗的 蟹肉 海膽都很鮮甜 三文魚子更是滿滿的魚油香 蜜柑鯛魚刺身 $238 只有12塊 薄切口感上不會韌 刺身經輕輕火炙後令魚油融解 更帶有微微火炙香氣 配搭其酸甜汁 比沾豉油wasabi 更合適汁煮左口魚裙邊 $148左口魚裙邊入口即溶油脂豐富 醬汁跟左口魚很夾惟份量較小 未夠滿足饞嘴的需要 汁燒活白鱔 $88一整口吃下去 灑上鹽粒烤 白鱔皮烤得很香脆鱔肉嫩滑多汁 魚油香簡直讓我想再吃多一串

先前去過銅鑼灣分店，啲嘢食又精緻又好味😋平日嘅晚市都做到滿座。有見朋友想食日本菜，放工同朋友喺旺角閒逛一會就去到旺中帶靜嘅黑布街，到訪申子嘅旺角分店。北海道海膽炒飯 $268————————————選用低碳、低卡、低熱量嘅蒟蒻米，真實米飯口感，食幾多都唔怕肥🍚炒飯做到粒粒分明，炒成金黃色非常香口，粒粒飽滿嘅魚籽，更加增添口感。北海道海膽呈淡黃色，入口軟滑即溶，淡淡海水鮮味，味道濃厚甘甜。汁煮左口魚裙邊 $148————————————左口魚最肥美嘅部份🐟 肉質柔軟細膩，炙燒後甘香嘅魚油滲出，入口即溶嘅感覺，汁煮可減低膩感，加上粒粒黑魚籽同飽滿嘅魚籽，令依道菜更精緻。極上鹽燒牛舌芯 $128————————————係厚切牛舌芯！面層灑上鹽燒，非常入味，口感脆彈、有嚼勁，唔會過韌，韌度剛剛好！出色嘅燒牛舌芯！鮮雞內臟 $88————————————包括有雞肝、雞心、雞腎🐔 雞肝口感柔軟細滑，生熟度控制得幾好；雞心嘅肌肉組織不斷活動，形成雞心嘅彈性，咀嚼嘅時候感受到特有嘅爽彈口感；雞腎口感脆彈有嚼勁，唔會過韌，韌度剛剛好！黃金聖衣 $68————————————係金黃嘅雞皮！大大塊又脆又香口

最近又去咗申子，佢哋嘅申子三式丼真係好正！而且午市仲延續6折優惠，平均都係百零蚊，都唔使飛去日本，勁抵食🤤呢碗丼飯上面有海膽、三文魚子同吞拿魚蓉，色彩繽紛，睇落就已經好吸引🤩海膽鮮甜滑口，口感好似融化咗一樣，三文魚子一咬就爆開，帶出咸香味，吞拿魚蓉就更加滑，味道濃郁，三樣配搭得好好，真係食到停唔到口🤤🤤仲有前菜小食同餐湯另外，我仲試咗刺身定食配烏冬，刺身有6點😍全部都勁鮮甜烏冬軟滑彈牙，雞白湯底幾濃郁，熱辣辣，配埋新鮮冰涼嘅刺身，超級夾😋仲有必點嘅極上嘅塩燒牛舌芯，牛舌燒得剛剛好，外脆內嫩，咸香味十足，搭配上少少檸檬汁，味道更加提升，真係好好味😋📍 申子居酒屋 (旺角)旺角黑布街74-76號藝興大廈地下1號舖#旺角美食 #申子居酒屋 #人氣餐廳 #美食 #午市6折優惠 #黑布街美食 #日式料理

今日突然想食牛舌芯，立刻諗起申子。雖然佢主打並非燒烤，但佢嘅極上鹽燒牛舌芯真係堪稱「世一」！每次諗起都會專程走去幫襯。難得假日都有午市六折優惠，讚。🏅 極上鹽燒牛舌芯（$88）厚切牛舌烤得外脆內嫩，鹽香滲透肉心，爽口彈牙，大愛。🏅 刺身定食配雞白湯手打烏冬（$167）刺身拼盤豐富新鮮，包括吞拿魚、油甘魚、三文魚、帶子、甜蝦、三文魚籽，每款都鮮甜無比。手打烏冬帶有白素麵的幼滑口感，配上濃郁清甜的雞白湯，刺身後再來湯麵，很滿足。🏅 麻婆白子豆腐定食（$143）融合日式與川味元素，白子滑溜香濃，與麻婆豆腐的辛辣味道相得益彰，是頗特別的創意料理。

👧🏻😋👅🍽✨感謝祭🫶🏻極上•午市割烹-🇯🇵 六周年感謝祭所有午市套餐六折! 加上有$60學生餐都好多大枱學生入座, 午市全場爆滿, 想食記得提早預訂!▪️麻婆白子豆腐定食 $143🍲 原石鍋肉碎麻婆豆腐勁送飯, 應該成個lunch menu得呢個set可用到無限無料追加白飯🍚 肉醬超多送左兩大碗飯🤭🍲 Fusion加左大大粒滑捋捋白子, 都有4-5粒, 六折左真係勁抵食; 白子入口即化, 同濃味麻婆醬好夾唔會互搶▫️醬油漬吞拿魚丼 $149🐠 吞拿魚屬赤身部位, 精瘦但軟清鮮甜, 配山芋泥同蛋漿更提鮮▪️午市追加 - 極上塩燒牛舌芯 $88👅 午餐本身有包梅漬番茄, 小碟炸物同麵豉湯, 但都係忍唔住加配左爽彈多汁既牛舌芯

今日夜晚同朋友喺旺角食飯諗唔到食咩，就決定食飯成日食開嘅申子，佢哋嘅嘢食不嬲都幾高質，入面嘅氣氛都好似日式居酒屋•海膽炒飯🍛呢個炒飯係申子嘅招牌，幾乎每次嚟到都嗌，一打開已經聞到超香嘅海膽味，面頭放咗一大嚿海膽，鋪滿櫻花蝦同魚子，飯入面仲有粒粒帶子，每一粒飯都炒到乾爽金黃色，令人忍唔住一啖接一啖🤤•大蔥雞肉燒🐥雞肉燒得幾入味，索晒大蔥嘅汁，肉質嫩滑•手打墨魚棒（付月見汁）🥚墨魚棒香脆彈牙，食到粒粒墨魚，仲可以點埋越見汁一齊食☺️•舞茸豚肉卷🍖薄豚肉燒得焦香，入面包住味道香濃嘅舞茸，味道好夾🤩•日式唐揚炸雞🍗炸雞表面炸得香脆，肉質彈牙，仲可以配埋沙律醬一齊食☺️

📍申子居酒屋 (Shinko Izakaya)
📌 G/F, xxx Street, Central (hidden alley vibes – blink and you’ll miss it 👀)We went in on this one —
🔥 Fire-grilled prawns with 讚岐手打烏冬 in tomato soup (so slurp-worthy omg 🍜🍅)
🧀 Triple cheese layered tonkatsu – super crispy on the outside, melty cheese inside 😮‍💨
🍗 Minced chicken skewer with Japanese egg (hello comfort food!)
💥 Chicken cartilage skewer for the crunch lovers
👅 INSANELY tender grilled beef tongue
🍳 Tamagoyaki – soft, fluffy, just the right sweetnessEverythin

呢間居酒屋一直都好高人氣 一直都好想嚟 今次終於一早book定位🤓 餐廳以木質裝修為主 感覺好舒適🏠佢哋晚市仲做緊杯裝飲品買一送一 抵！！✿ 蓬鬆玉子($108)玉子質感鬆軟 食落超級嫩滑 中間仲係半熟流心！🥚玉子上面淋上沙律醬同灑上蔥花 口感好豐富 食落仲有啲芝士味 整體好好食😋✿ 手作免治雞肉棒($68)雞肉棒食到有雞軟骨 食落都juicy🐓撈埋生雞蛋同特製醬汁一齊食好香滑😛✿ 海膽炒飯($238)炒飯配料有海膽 三文魚籽 蟹籽 帶子 櫻花蝦同香菇等等 超級足料😍海膽好creamy 亦十分鮮甜 完全冇腥味飯粒炒至粒粒分明 夠乾爽又有咬口👍🏻成個炒飯真係好出色 忍唔住食完一啖又一啖 大推💯💯💯✿ 三重芝士吉列千層豚肉($238)呢個幾特別 佢係即叫即製 上枱時熱辣辣🔥外層炸得金黃香脆 再用上幾塊既豚肉片包住拉絲既芝士 好邪惡🧀另外仲可以點沙律醬或燒汁一齊食 味道會更濃郁🤤✿ 蜜桃乳酸梳打 ($68)✿ 巨峰乳酸梳打 ($68)因為有買一送一嘅優惠就叫咗兩杯乳酸梳打梳打唔會太水同太甜 剛剛好🍹