影片
開飯介紹
木質主調的日本風裝修，感覺乾淨舒適。多款日式料理，由小菜、串燒炸物到鍋物亦有供應。人氣廣島蠔鍋，味噌湯底濃郁。
繼續閱讀
營業時間
今日營業
12:00 - 23:45
星期一至日
12:00 - 23:45
公眾假期
12:00 - 23:45
公眾假期前夕
12:00 - 23:45
*用餐時間為100分鐘
以上資料只供參考, 請與餐廳確認詳情
有關獎賞計劃
優惠
相關文章
旺角簡直係約朋友嘅中心點，今次搵咗呢間申子居酒屋，記得幾年前已經食過銅鑼灣分店，一直心心念念佢個汁煮左口魚裙邊🥹 終於有機會再試！🐟汁煮左口魚裙邊 $148未打開menu已經話一定要嗌！左口魚裙邊超級滑，充滿油脂，煮到入晒味，啲汁帶少少甜，唔會太濃鹹，啱啱好，暫時係我食過最好食嘅左口魚裙邊。（個人覺得如果加烏冬可能都會好好味😋）🥩極上鹽燒牛舌心 $128牛舌心厚切得嚟又夠爽夠腍，燒得香口，但一啲都唔嚡，加埋檸檬汁同鹽就啱啱好，高質👍🏻🧀明太子芝士山藥 $68芝士+明太子聽落係邪惡組合，但無諗過原來配埋山藥嘅脆中帶黏，撈埋一齊食，上層鹹香濃郁，下層好爽脆淡淡地，下次再嚟應該會encore！🐷吉列三重芝士千層豚肉 $238豚肉層層疊埋三重芝士真係好好好邪惡，食完好飽肚，擔心肥嘅女仔都可以考慮原味／蘋果餡嗰款。🍶梅酒 $78🍹荔枝乳酸梳打 $68呢度嘅梅酒有得揀甜啲定微甜，今次朋友揀咗微甜，飲落好香。見到隔離大枱嗌酒嗰陣，店員好詳細同佢哋講解每款酒飲落嘅味！見到個牌寫住全日酒精買一送一，但店員話原來我嗌呢款無酒精都有，成餐飯都食得好開心✌🏻btw因為餐廳環境比較暗，有好幾枱影酒／影嘢食嗰陣，店員都幫手打燈，仲借我哋用🥰 超好人！📍申子居酒屋 (旺角)旺角黑布街74-76號藝興大廈地下1號舖
繼續閱讀
呢間申子居酒屋喺旺角，有好多款日本嘢食，啱晒鍾意食日本居酒屋嘅你！飲火炙大蝦讚岐手打烏冬 睇落係好精緻嘅日式炸蝦手打烏冬，應該幾爽口彈牙。極上鹽燒牛舌芯 牛舌係日本料理嘅經典菜，用鹽燒嘅做法可以帶出牛舌嘅鮮甜味。日式雞鎚花蝦 雞肉同櫻花蝦嘅組合，口感豐富，係一道精緻嘅日本菜。日式串燒豚肉露萄卷、豚肉金菇卷: 整得幾精細，幾好味。雞腎同雞軟骨串燒: 可以食到唔同嘅口感。大蔥黑豚燒: 黑豚肉質嫩滑多汁，加埋大蔥嘅香味，係幾唔錯嘅燒烤菜式。呢間居酒屋嘅日本菜選擇幾豐富，啲餸睇落都幾有特色，值得一試。
繼續閱讀
申子居酒屋午市定食經過旺角黑布街食lunch，見到依間居酒屋做緊午市定食6折優惠就去左試下👉🏻刺身 定食烏冬 三文魚，油甘魚，帶子，吞拿魚，甜蝦，三文魚子 刺身 ， 再配上雞白湯手打烏冬定食， 簡直係超好玩嘅午餐☀️其中三文魚都勁厚切，帶子超大粒，正呀！👉🏻壽喜燒定食 除咗牛肉量滿滿， 上面仲有好多粉絲冬菇金菇娃娃菜，壽喜燒甜度都啱啱好，一啲都唔會淡口，配埋生雞蛋，正正☀️2款定食都配 味噌湯，胡麻豆腐同埋 汁煮牛舌，大滿足☀️👉🏻極上塩燒牛舌芯粒粒厚切 鎖住肉汁，風味十足👍🏻
繼續閱讀
一路都好多人讚好食，今次俾佢晚市飲品買一送一嘅優惠吸引住，一試就愛上！每一樣都好好味😋🌼雜錦刺身沙律好清爽，酸酸甜甜，好適合用來做開胃菜或者解膩用😋🌼芝士玉子燒滿滿流心芝士，蛋香味濃郁🥰超夾🌼牛舌心燒得啱啱好，咬落好淋好多汁，送酒一流！必叫！！！！🌼雞內臟平時怕食內臟嘅朋友可以試試，佢個汁好入味，所以唔太會食到內臟陣腥味😍🌼燒芝士年糕/唔知咩雞腿卷兩個都一樣好好食🤤🌼梅酒/柚子酒雖然係買一送一，但係啲酒都有質素，日本酒黎，大家可以放心飲🥰
繼續閱讀
最近又去咗申子居酒屋，佢哋嘅午市套餐真係好抵食，六折優惠，真心覺得正！食物嘅口感同味道都好出色👍壽司定食配烏冬壽司新鮮得嚟，魚生切得好厚，口感滑溜，搭配啲醬油，味道真係一流🤤烏冬煮到啱啱好，彈牙又有嚼勁，湯底清淡但又有味，真係好適合配搭壽司食😋壽喜燒定食牛肉煮到嫩滑，搭配啲新鮮蔬菜同豆腐，味道好豐富，醬汁甜中帶鹹，配埋米飯食，真係好滿足🤤極上塩燒牛舌芯牛舌燒得香脆，肉質鮮嫩，咬落去好有口感，仲有唔同嘅醬可以點，勁啱鍾意食多種口味嘅朋友😋呢個真係必點👍📍 申子居酒屋 (旺角)旺角黑布街74-76號藝興大廈地下1號舖#旺角美食
繼續閱讀