日本菜餐廳
朋友帶左我黎呢間預先訂左位既旺角必食居酒屋晚飯。 餐廳有兩層, 燈光昏暗, 我地坐樓下吧枱, 當晚都好多人, 所以記得黎食前要訂枱呀! 餐廳新推出迎秋🍂盛宴餐牌, 一定要試下!*牡丹蝦脆脆 🍤$198有驚喜! 首先擺盤精緻, 新鮮牡丹蝦已調味, 混合了米通, 三文魚籽, 再以魚子醬做點綴, 高質, 將佢地一齊放上燒得又脆又香既魚脆片, 口感層次十分豐富, 好好味, 我好喜歡, 推介*極上鹽燒牛舌芯 🥩$128牛舌芯厚切, 燒到剛好微微焦香, 未食已經聞到香味, 食落去好爽口juicy，有小小鹽味, 內裡則保持濕潤和嚼勁, 可以加小小檸檬汁提味, 或者點小小柚子醬, 即刻有唔同味道, 好清新*重量芝士玉子 🧀🥚$138好大塊車打芝士放面, 經過炙燒, 芝士味香濃, 玉子蛋勁滑, 兩者一齊食, 好夾, 記得襯熱食, 更美味*金澤蠔釜飯 🦪$268釜飯材料包左金澤蠔、本菇、洋蔥, 面頭舖滿好多三文魚籽, 好靚, 金澤蠔都幾多吓, 起碼有四隻以上, 食極都有, 蠔肉飽滿, 甘甜和濕潤, 正! 飯加左燒汁和吸收了其他材料的精華, 加埋餸一齊食, 十分美味, 份量都幾多, 食極都有, 哈哈…查看更多
。柚子果實酒，晚市飲品買一送一，酒同飲品可以任揀，好抵飲。呢款柚子酒嘅柚子味好突出，入口順滑，帶少少甘苦嘅餘韻，酸甜平衡得啱啱好。酒精濃度適中，唔會搶咗果香，冰鎮之後更加清爽
。荔枝乳酸蘇打，充滿夏日氣息嘅飲品。飲落去荔枝味清甜，同乳酸嘅微酸完美結合。成杯嘢唔會好甜，反而好重果香，好 refreshing
。油封夢王多士配雞肝醬，多士烘得金黃香脆，上面嘅雞肝醬幼滑得嚟帶少少豐腴感，味道濃鬱但唔腥。最特別係最上層嘅油封夢王，蛋黃鹹香入味嫩到幾乎唔使點咬，同雞肝醬出奇地夾
。牡丹蝦脆脆，牡丹蝦切碎，拌入松子，三文魚籽等配料一齊調味，最後再點綴上魚子醬。牡丹蝦新鮮爽甜肉質彈牙，本身嘅鮮味已經好出眾，再搭配上日式醬汁，味道更加清爽。建議配埋薄脆一齊食用，口感更加豐富
。金澤蠔釜飯，金澤蠔飽滿，蠔味濃鬱得嚟又帶少少海水嘅鹹鮮。釜飯煮得粒粒分明，蠔嘅鮮甜同米飯好夾，米飯嗦曬蠔嘅精華，再同油蔥，三文魚籽，菌菇等配料撈埋一齊，每一啖都好滿足。最後仲有少少飯焦增添口感，真係冇得輸
。
