生龍清湯腩 (兆和街)

營業中

休息中

作為荃灣最具名氣的清湯腩食店之一,生龍可說是一個時代的標記;維持著傳統氣息茶餐廳的裝潢而整潔有致,又能保持著出品高質食物,難怪其人氣長居高處;放假的這天早上,趁天氣尚晴約好友在葵青打網球來舒展一下筋骨,完場後當然想吃一頓豐富下午茶來填填肚子;好友提議到荃灣區,且要大份量食物,我就突然想到生龍清湯腩;確定後就搭巴士前往,在沙咀道落車穿過眾安街來到兆和街,行前一點就見到頗為醒目的金漆招牌--生龍清湯腩;進場坐下之後,從枱面玻璃板下到放在枱面上已過膠的厚厚的彩版餐牌,再到牆上亦貼滿手寫款餐牌彩紙,加上餐枱凳的款式與舖排,在燈光映照下,突出了屬於餐廳自然而獨有的懷舊風格!與好友都不約而同相中了至尊套餐的B餐,加上一個很特別的小食--香辣烏雞腳,共有4款菜加主食,就馬上落單;小食首先登場,隱藏在油綠芫茜下的香辣烏雞腳已透出一陣麻辣的香氣;雖然外形漆黑一片,但因已去骨,咀嚼起來是完全的爽脆彈牙,免卻吐骨的麻煩!而香辣醬油雖只滲在雞腳的表面,但味道豐富足以提升烏雞腳的味道與層次,甚有開胃之效!時菜魚腩湯有濃郁的胡椒風味,足以令湯中爽滑的鯪魚球祛腥提鮮;本身用魚骨魚腩熬成的湯已很鮮味,加之鯪魚球的鮮味

荃灣食好嘅牛腩都幾多, 有清湯腩又有巴基斯坦咖喱嘅就唔多, 呢間係主打金牌巴基斯坦咖喱同秘製清湯腩, 仲有蕃茄湯飯、口水雞、蜆芥鯪魚球, 麻辣黑雞腳, 脆脆豬仔包及其他小食, 款式多樣化。店面闊闊落落、乾乾淨淨, 有少少懷舊感覺。清湯牛坑腩飯 - $79大大碗清湯腩, 放低已經聞到牛腩湯香, 我要咗清湯牛坑腩, 比普通腩位更加好食, 肥瘦適中, 牛味超濃超香。蘿蔔爽口多汁, 鮮嫩冇渣, 清甜入味。湯底牛味超香, 超濃, 又甜, 飯以大碗另上, 我聽到人地可以免費加飯, 真係份量十足。金牌咖哩牛腩 - $79咖哩牛腩我揀咗小辣, 聽聞巴基斯坦都幾辣呀! 牛腩大件, 啖啖肉, 而且有滑滑牛根。飯以碟另上。 呢隻巴基斯坦咖哩同普通港式或者日式咖哩唔同, 頗有層次, 正宗巴基斯坦風味, 見到有好明顯嘅咖哩粒同埋都會偏油, 入面香料都多, 食到有不同辛, 辣, 香味, 所以食落呢個咖哩都真係特別好食。撈飯一流, 我覺得小辣都好啱香港人了。仲有大大舊薯仔, 外面沾滿咖哩汁。香煎墨魚餅 - $42自家製香煎墨魚餅, 爽口, 彈牙又有咬口, 食落墨魚味好香, 配埋個酸甜汁, 真係好食。酥炸雲吞 -

美食是享受生活的重要一部分,於是我和朋友相約到著名的荃灣生龍去品嚐清湯腩大餐。清湯腩是生龍的招牌菜,獨家配方湯頭令牛腩嫩滑Q彈,滷出牛腩的鮮甜原味,香濃的湯底令人回味。牛根河粉實在太搭了,河粉滑溜蓬鬆,牛骨高湯的鮮美令蘿蔔非常入味，正。西洋菜新鮮冇渣,完美平衡了牛腩的沉重感。鯪魚肉釀尖椒新鮮熱辣,令整餐變得層次豐富。咖喱牛肉角外脆內軟的滋味令人難忘，牛腩以外，小食也出色。飲品方面,話梅柑桔七喜的鹹酸味恰好中和了牛腩的油膩感覺，清新解渴又不失層次。整體而言是一次非常成功的用餐體驗,生龍獨特的豐富菜式，值得與親朋好友品嚐分享這般美食體驗。生龍清湯腩大餐,令人回味無窮。

生龍清湯腩, 是我外公帶我吃的, 當年牛腩比其他食物貴, 一分錢一分貨我還是明白.現在生龍已經不只清湯牛腩, 食物款式選擇多了，除了不同牛部位式還有蕃茄湯飯、口水雞、蜆芥鯪魚球, 麻辣黑雞腳, 脆脆豬仔包……款式很大眾化.總有一款啱食，而且不吃牛都可以選其他菜, 改變也是一種進步首先清湯牛腩飯，當日佔6成人選擇，大大碗清湯腩，我們選清湯牛坑腩，比普通腩位更加軟臥蘿蔔爽口多汁，湯頭非常甜沒有味道為一絕！飯以大碗另上，聽到可以免費加飯。咖哩薯仔牛腩 （可選辣度） 佔5成人選擇。 牛腩大件，啖啖肉而且有滑滑牛根。飯以碟另上上湯浸西洋菜 好喜歡西洋菜湯味道，沒有味精西洋菜湯。白灼鮮鵝腸 甘香爽脆，口感一流加上豉油和辣椒，完全錦上添花！話梅柑桔7喜味道酸甜爽涼， 話梅柑桔對喉嚨有益，非常健康。看到餐牌白灼款式, 蝦子柚皮, 粉腸豬紅, 傳統菜真的很懷念, 舊時香港

荃灣好食嘅牛腩店有好多間，不過有清湯腩嘅就唔多，路過見到呢間，牛腩控嘅朋友，二話不說就拉我入去試！店面闊闊落落、乾乾淨淨，好好坐！睇睇餐牌，原來除咗清湯腩之外，仲有好多其他選擇，唔食牛肉嘅朋友嚟到都唔怕冇嘢食坑腩河分量十足，大大碗又勁多牛腩；呷啖湯，牛味超香超濃，係材料同時間的結晶品、仲飲得出老闆的心機！河粉爽滑、質感幼細，正貨！蘿蔔鮮嫩冇渣、清甜入味！牛坑腩肥瘦適中，切得剛剛好，一口一件；有𡁻頭得嚟唔嚡口！牛味超濃超香，肉味加脂香在口腔中衝擊著每個味蕾，是牛腩控的至高享受！蝦籽撈麵配上豬潤湯另加雲吞，可以同時滿足多重享受！麵質爽彈又乾身、大量的蝦籽又鮮又香；雲吞中大大隻鮮蝦，新鮮到像在口中仍跳動一般！豬潤的精華已落在湯中，令人想起兒時媽媽的味道，最利害的是塊豬潤仍保持鮮嫩口感，估唔到“牛”店處理豬雜也有一手！黑白胡椒浸豬肚粉腸，又係大大碗，湯有濃濃胡椒香，味道竟跟某些主打胡椒豬肚湯的名店出品一樣；同豬潤咁，豬肚同粉腸都處理得好好，豬肚爽脆唔靱，保持咬口；粉腸軟淋而不爛、內裡仍多粉但不苦，高手處理確係唔同！蜆芥鯪魚球，炸得表皮酥脆、內裡彈牙，魚肉魚香十足，應該是用純魚肉打的，兼且撻得夠

唔記得幾多年前，應該都有十年，去過旺角中心對面同埋深水埗的生龍清湯腩，當時嘅清湯牛腩同咖哩牛腩簡直一絕，又夠辣，雖然稍為貴啲，但食完會再嚟幫襯。今日路經荃灣，見有間生龍，即管入去試下，清湯腩味道平平無奇，煎鯪魚餅太淋完全唔得，雲吞麵嘅雲吞一咬好散，食唔到有蝦味，凍咖啡味道一般。剛剛睇完openrice的分店，原來只剩兩間分店，睇嚟想繼續在香港生存，應該要好好提升水準，始終價錢比一般麵店貴，味道要有番咁上下才會吸引客人重臨。

話說想食正宗咖哩嘅話次次都會食呢間 自從幾年前同屋企人來堂食一次之後就覺得好味 而且佢堂食嘅飯會超大一盤 可能分到三個人食🤣細個唔識食唔食牛脷 淨係食牛腩 依家大個先知道牛脷有幾好味！🍛咖哩薯仔牛脷飯💰64呢隻巴基斯坦咖哩同普通港式或者日式咖哩唔同 見到有好明顯嘅咖哩粒同埋都會偏油D 入面香料都唔少 所以食落呢個咖哩都真係特別香 齋食唔撈飯都滋味十足 個人覺得小辣係最正 中辣都會偏辣 食完真係熱辣辣🥵入面有最少6-7舊牛脷 每塊牛脷都又大又長又厚 油脂爆滿 中間位好嫩易咀嚼 兩邊位係更有嚼勁嘅牛腩口感 所以想食軟淋淋+有韌勁嘅絕對推薦呢間牛脷 相對來講牛腩雖然份量都好多 但係肉質太一絲絲 個人不太鍾意 另外都有幾大舊薯仔 外面沾滿咖哩汁 入面仲係粉粉嘅薯仔 唔點返咖哩汁都特別香 有原汁原味嘅薯仔味道🤣雖然呢間好似以清湯腩出名 但係我同屋企人都係當呢間係食咖哩嘅飯堂 成日都會買外賣返屋企食 另外以前都好鍾意係門口買D特別嘅港式糕點 例如桂花糕等等都唔錯 如果唔想堂食 建議大家可以買碗咖哩飯試下～📌 生龍清湯腩 (兆和街) (荃灣)荃灣荃灣兆和街28號地下

這裡出名有Auntie語氣麻麻，有食客劣評，但肯定未至於鬧人 ...至於Menu，挺豐富，選擇多，sidedish品種貼地。我們點了一個油菜“西洋菜加腩汁”，勁呀，西洋菜雖然當造也好吃，其實很少茶餐廳會用它做油菜，又難洗，又只可以存半天，這餐廳肯用西洋菜造油菜，用心、貼地，但那清湯腩汁太肥，雖然夠香，十分邪惡！再來一客地道sidedish，“煎釀尖椒”，不會一口粉，百份百魚肉。“金牌咖哩牛腩飯”，牛腩的確好吃，咖喱汁更是一絕，但跟那腩汁一樣，“肥”！

今日行過荃灣，見到門口寫住出名係食咖喱，入到去就試吓佢個咖喱牛腩飯，有幾個朋友諗緊食咩，阿姐唔識企喺度等我哋落單，落咗一個主菜，走埋去撳機，另一個朋友想叫，佢又行多次埋嚟，連續三次，服務態度認真唔得😭食物方面：咖喱牛腩不知所謂，明顯係咖喱粉，牛腩好鞋，米飯一pat pat，衰過x x 樂某快餐店，回頭指數極低廁所先係經典，疫情期間可以廁所咁污糟，都唔知食環署有冇巡查，建議要控制食物質素，同埋衛生環境😤整體，不知所謂😭😭😤

大前日(31-10-2021 Sun)同老公買餸前食晏,由於我唔餓只可以食少少嘢,我哋想去光榮冰室,但有人排隊,就嚟呢間睇睇,啱啱有最後兩個位,坐低睇完menu,決定要:2. $17.00嘅熱檸水正常冇問題.味道:3分4. $20.00嘅蒜子豬紅味道口感正常,不過辣.味道:3分1. $35.00嘅魚蛋河大大舊正立方體嘅魚蛋有3件,兩件魚片頭,我試吓,魚蛋爽口彈牙;魚片頭偏腍.味道:魚蛋4分, 魚片頭2分5. $30.00嘅釀尖椒一客3條對半,老公食話唔辣,咁我又食半條,係唔辣,口感同味道都正常,之後老公食另一條就話食到辣,我唔再食啦.味道:3分3. $13.00嘅凍菜蜜我哋都幾乎唔記得有呢杯嘢,老公飲嘅,我冇試到.服務:開頭冇位,亞姐幫我哋搵,之後落完單,亞姐問一碗河?我哋答係.佢嘅意思係兩個人食咁少嘢?都唔少啦,兩個人食3樣嘢呀,唔太餓點叫得多嘢食?而且我開頭係諗住唔叫嘢食添呀.之後佢拎杯熱檸水時,好似係掉落嚟.唔係o衣o家睇返上次2020年5月19日刊登嘅食評,都唔記得佢嘅服務係咁差(有openrice真好),後悔冇聽老公講去第二間食,因為一心諗住老公想食牛.

今日食完，忍唔住第一次寫食評！午餐時間去食清湯牛腩河，牛腩非常「鞋」！而且牛腩比幾年前嘅味道差咗好多！食緊嘅時候，你哋樓面加廚房亞姐高談闊論炒股票我唔理啦！當時D客小到小貓幾隻你哋都可以傾到有人叫幾次落單都唔知！厲害厲害！梗甚嘅，亞姐你去完廁所，唔駛大大聲同同事分享廁所被客人用完嘅情況，同分析係邊一位客整污糟廁所呀！亞姐你自己都講：「見到連飯都嘔出嚟！」大姐呀！我食緊午餐架！仲有，餐廳內真係越嚟越污糟！你班亞姐有時間高談闊論吹曬水，但我唔見有人清潔，唔怪之得地面同牆都好似有層油禁啦！

今日係2021年5月8號我17：50左右入去呢間餐廳，諗住時間啱啱好，可以食個下午茶。 一入餐廳幫我下單嘅係一位束低馬尾長髮嘅女士。 我示意要下單， 「講！」, 我下單要咗個下午茶，配熱檸茶。 半分鐘後佢緩慢步入 cashier, 準備幫我下單。 「飲咩！」，佢一邊呼喝，一邊望住我。 我耐心地答多咗一次熱檸茶。 其實唔記得咗我 order d咩可以好聲好氣問多我一次。 本身都諗住算啦，可能真係善忘。 跟住佢將夾住單嘅黑色薄仔 半拋半dump 去我檯面，果下真係當堂著咗。 我未食你地d嘢就已經決定唔會再黎食！

Order外賣清湯腩，收銀阿姐黑口黑面咁，串到飛起，問佢有冇爽腩，無，沙腩說有！咁我就要肥腩啦，講完一次無應機咁我再重覆講多一次，，個阿姐自己都重覆講多次要肥腩係咪？ok,返到屋企開盒睇，嘩！瘦到阿媽都唔認得，d肉鞋到爆！！個湯仲要係極咸、極咸、係極咸！！！之前幫襯開旺角分店，本身諗住同一間野應該差唔多嘅姐，點知無論員工同食物質素都差天共地！$148清湯腩，但個質素係你俾$148我都唔會食囉！！唔會再有下一次！

星期日，諗住去城門水塘行下，去到荃灣差唔多中午12點幾，就喺對面先搵間店舖吃飯再出發。之前喺旺角幫襯過”生龍”，今次就試下荃灣店。估唔到星期日中午時段都唔太多人，唔使等位可以直接入座。1. 清湯牛腩河($52)，河粉幼細，不會叠埋一齊，而牛腩比較碎，份量一般。2. 蕃茄豬潤牛肉米線($50)，蕃茄湯底無特別，蕃茄味唔特出，似煮豬潤同牛肉時一齊加落去滾幾滾。整體來講，牛腩真係好一般，而蕃茄湯底亦不見得特別，下次去到兆和街可以選擇其他食店了。

食過好多次，以前覺得好好食，主要是那個有胡椒味的清湯，好好味，不過食湯粉一定要加腩汁，如果唔係唔夠味的。後來，員工質素每況愈下，次次叫嘢都攪錯，叫米粉變河粉，叫清湯牛腩米多腩汁，竟然加咗五香牛腩汁，叫走蔥永遠唔走，所以近年已少去。見咁耐冇去，又想食清湯腩，諗住俾多一次機會佢，叫清湯瘦腩米，走蔥多腩汁。最後來的是半肥瘦腩，有蔥，最差的是湯，唔好話多腩汁，正常腩汁都冇，淡而無味。那刻，我也心淡了，不會再對這間食店寄予任何希望，唔會再有下一次。