生龍清湯腩 (兆和街)

營業中

休息中

有個星期日去咗生龍清湯腩想食雲吞麵點知比呢個餐吸引咗因為除咗麵仲配脆豬包,車爸爸叫鮮茄牛肉米線配沙嗲牛肉脆豬包佢超欣賞個包包囉而我就豬膶通配豬扒脆豬,豬膶鬆化冇苦味湯有濃濃嘅豬膶味只可惜係我不喜歡有坑嘅通粉啫脆豬包夠脆囗豬扒又夠淋不乾好吃最重要係連飲品$38一個餐好抵食呢^0^

生龍既出品聽講都幾有風味,所以今次路經呢度,就試試其咖哩!$52 咖哩牛腩飯,個風格似印巴類,香料味都算幾濃,而且辛辣度適中,用個汁撈飯都幾好,牛腩軟中帶一絲絲的口感,算係上乘既咖哩飯!不過除左味道上,其他都嚇死我,首先一入去室內已經有種臭味,好似幾十年無清潔又或者無新鮮空氣流入既感覺,實在令人反感,其次阿姐拎我個咖哩飯時,手指插入o的汁度,仲要戴住洗碗用膠水套.其實我肯食,已經算係咁,眼不見為乾淨,但係又比我睇哂....

跟同事來食，見到門口以為好巴閉好好食啦。入到去想叫崩沙腩，無。再叫坑腩，又無。得返半肥瘦腩，焗叫。1. 無諗過清湯腩原來可以清到無味。2. 牛腩韌到無朋友，𡁻到口軟。$45連熱飲，這個水準最多俾$35。好多麵店俾呢度出色。

早前經過這間舖,強調清湯腩,外面好吸引,看見網上有團購試下啦,團購58元,粉麵4選一,小食可選,加飲品一杯,今日選了出名清湯腩,待應問要瘦,中肥,等肥腩,便選了中肥,小吃要了炸雲吞加特飲上來一看不對勁,牛腩一截瘦加一截肥膏,肥部份跟本全脂肪,放不入口,強調清湯但湯淡完全不是甚麼回事,我加了大量的醋,炸雲吞還可以,但粉就非常一般,不知是否團購的關係,但團購的價錢又不是太便宜,當日有許多人點了咖喱牛腩,但我就不會再去試了

吃過N次的生龍，由一開始常常吃的咖喱牛腩，到近來吃的清湯腩，都是我喜愛的。今次點的是崩砂腩伊麵及煎釀尖椒。 崩砂腩伊麵  崩砂腩夠稔不太肥膩，筋肉相連，一同放入口中咀嚼，筋肉互相平衡，夠咬口又不太UN。煎釀尖椒   煎釀尖椒上菜時仍熱騰騰，魚肉夠味，煎得算幾香。起初擔心太辣，幸好只有微辣，太適合我這個想吃辣又不太吃得辣的心水。原本想吃常常點的清湯西洋菜，但一個人吃實在吃不下，惟有放棄。埋單$64，四十幾一碗粉好像有點太貴。。。物價升幅真的讓人吃不消。。。整體來說，我很滿意今晚一個人的晚餐。

一向喜好粉麵的我, 今次搵了間出名清湯腩的, 放工過來, 時間尚早, 剛好有張尾枱不須搭枱, 但10多分鐘後就多人到不得了.見到個蝦子牛腩麵$48/(坑腩 +$5/), 唔洗我多講睇到都知有幾正吧!! 腩肉附帶筋位, 特別好咬口又香又好味!個人須對胡椒麻麻, 但胡椒牛尾蘿蔔配飯實在炆得好淋好入味!  $44/

一入店坐低，桌面上像鋪了一層油，好明顯係執完枱完冇抺枱，一拎起menu也是一層油，非常污穢，叫了清湯腩河及咖哩撈麵。清湯腩真係好難食，個湯係淡的味精湯，牛腩有一陣好怪的酥味，蘿蔔的根多到咬了一口就放棄，河粉不彈牙而且一夾就斷，這樣一碗清湯腩加一杯凍飲40元，又貴又難食。咖哩撈麵好少少，雞扒煎蛋和公仔麵都尚可，但那個咖哩汁讓人失望，只有咖哩味和非常多薑的汁，不鹹不甜不辣，普通到不能再普通。如果花40元只吃到這樣的水準，我會情願買多幾串咖哩魚蛋食。名符其實的一家地雷店，門口那些報紙報導應該是線稿騙路人的吧？！

之前食過鰂魚涌大利、銅鑼灣渣甸街、譚魚頭既牛坑腩就愛上左食牛坑腩，今晚路過荃灣間生龍清湯腩就去試試，被安排到一個有異味既閣樓坐，先黎兩杯舖左層油和塵的水點了一個咖哩牛坑腩飯和蕃茄湯牛腩麵，蕃茄牛腩麵足料，有大大個蕃茄；而個咖哩飯特登加左＄3要牛坑腩，個大碟裝左4舊薯仔和4舊牛腩，sorry我點既係“牛坑腩”唔係“外形一餅野咁樣既 肥、筋、皮 牛腩”，侍應拎落樓下拎返上黎堅持話係牛坑腩，之後再搵個話得事既人黎，佢指住舊筋同我講“呢條咪坑loh”，“樓下再斬都係咁咋”，之後佢幫我換，碟腩上到黎得3舊牛腩同2舊肥野，好似係斬剩果d頭頭尾尾咁，認真唔開胃食唔落荃灣隨便搵間麵檔既牛腩都有質素過佢；份量少都算，真係未見過D質素咁劣既所謂“牛坑腩”，佢地未食過真既牛坑腩真係應該叫師傅俾佢地試試而唔應該指鹿為馬，仲有佢地既態度，要檢討下唔該！唔會再幫襯！

昨天是第一次去食。之前去過其他清湯腩的食肆, 那些是清的見底的。但昨天一試, 來的時候已有一層油在面, 湯是混濁, 完全看不見底。叫了半肥瘦的牛腩, 果真一層肉, 一層脂肪。麵是OK好味。只是湯底唔得。

同事說有事想跟我傾，捉了我落樓下的生龍。當然要叫點東西吃，邊食邊講。我要碗爽腩雲吞米，加多杯凍啡，對方就要了爽腩粗。姑勿論是否正宗的散尾雲吞，就是那死實實的口感，和一大陣的雪味，足以判刑死刑。爽腩只是一餅的東西，即全即筋膜的位置，咬也咬不動，我也被迫放棄。凍啡的味道相對正常，僅此而已。

本想一個人食個簡單晚飯，被點到一個有異味的閣樓。八點正叫了蘿蔔及清湯牛腩河。等了十五分鐘，蘿蔔來了，空口食完牛腩河重未來！八點半，三十分鐘後，牛腩河終於來了。牛腩一般，但河粉死實實，等了半個鐘已經一肚氣，整碗咁貨色來，真係無㽼 :-(

生龍好似好出名，好多分店，就過來試一試喇，希望不是名大於實，清湯腩河粉，半肥瘦，好快就有，仲有兩件蘿蔔送喎，腩份量少，第一口咬不爛，原整無缺從我口中出來，其後第二三四口狂咬，我唯有放棄腩腩，我已無牙力再戰，你真係好有韌力，你贏了…我轉而食河粉和蘿蔔，蘿蔔蚊得不夠時間，未入味。

尼間野好像好名,所以我就去試下啦...點知失望...清湯腩河其實份量麻麻,不過這不是重點,重點是好重味道,唔通我個有問題(食完幾個後,個仲有D味,而且很口渴...)D肉質又難咬又硬....大失所望....咖啡唔好誤會,佢原本係滿的~問題到我食完個河,仲要吹左3次先有....佢仲要係在入面馬上拿出來...禁點解要我吹先拎...一直唔來,當你忘了第一次吹,又當你忘了,第2次呢而且杯野淡淡地,又只係僅僅暖...(都可能因為我MADMAD地所以舌頭有偏差....)另外,服務方面,好明顯班人係勁針對某員工,得個收銀對佢態度好D,可能某員工係有少少某問題吧(看上好像是)雖然唔關我事,但都影響我D感覺,而且,又有一個老掉牙的問題,連多謝都無句,生意好姐都唔係禁牙...仲要在單上叫人上OPENRICE稱讚佢難D....衛生方面,我都好少說,要明白,香港食素來看到就CLEAN,看唔到就....(AS我自己做過飲食)不過...佢都好過份,都唔知係唔係蝦我,台又唔理,野又唔拾,想點大排檔的話可以接受,但你這地鋪...

睇完戲,找地方吃飯,突然想吃壽司,但是兩間附近的壽司店也要排隊,究竟是太多香港人喜歡吃日本野?還是荃灣太少壽司店??見狀唯有轉陣─清湯腩!店內人客不少,怪不得它要在同區附近,開了這間大幾倍的分店!先來個,老公最愛的清湯腩,要求瘦腍的。我第一次吃,嘩!湯口非常好飲!極餸得飯!一口瘦腍牛腩,一啖白飯,一啖湯,清淡中見不平凡!咖哩豬扒飯(小辣)$38,有很多淆至溶了的洋蔥粒,使咖哩香中帶甜。感覺沒椰奶成份,所以不會有稠感,是稀一點,還有帶點香料味(「巴基斯坦咖哩」是這樣吧!)。與快餐店吃到的是兩種口味。各有好吃之處!豬扒有一條骨+兩塊完整豬扒,算抵食啊!不過嫌梳打粉太多,腍得失了豬扒味道/口感。我覺得生龍走對路線,香港人愛吃咖哩、茄牛湯底、雲吞麵,它就是把這幾樣集於一身,而且還做得很好吃!還有沒味精,也是吸引賣點呢!讚呀!

下午2 點先食今日的第一餐，因為附近食肆都頗多人，剛好見佢門口寫下午茶，有位而且新開就試下啦!入到去睇到有好多個MENU，但冇一個係寫"下午茶"，問一下侍應，佢就晦氣答: 呢個咪係囉! "全日供應" 都係叫"下午茶"? 點了一碗腩河，可以選肥/半肥瘦/瘦的腩，等了 10 分鐘，見佢一直人多可能做唔切啦!食物到來時，腩的份量偏少，但真係好清湯，近乎無味咁肚餓的時候食都覺得唔會有下次 點解仲可以有分店既?!