甜記餃子 (已搬遷) 新店位置

一入到去，見到工廠風嘅裝修，遇上餃子專門店，估唔到又乜無違和感😆店內有好多款餃子選擇👍🏻 食過三次，已經試左京蔥羊肉豬肉餃、西洋菜餃、椰菜冬菇雲耳豬肉餃、韭菜餃、香芹莞茜豬肉餃🤤🥟餃子皮唔厚👍🏻 餡量亦算多！煎餃新鮮熱辣辣，絕對唔會油膩，好香口！個人最喜歡羊肉豬肉煎餃&韭菜煎餃🥟 羊肉騷味香濃，韭菜餃爽口料多！🍲薯仔蕃茄魚湯餃都試過！食完餃子，我會飲埋啲湯🤤 因為清清地，淡淡魚味，令人好想飲多幾啖～ 唔似其他店嘅味精湯咁👍🏻🐔口水雞 夠哂辣😆 不過雞可以再滑d~ 醉雞 略嫌唔夠味～🦆滷水鴨舌 正！超入味！

開左一排終於碰啱時間同男朋友一齊黎食。我一向都鐘意食餃類～所以黎到當然係叫個餃子先。今次叫左西洋菜餃拼菜心豬肉餃（呢度嘅餃子都幾多唔同選擇，有啲都少見）個西洋餃真心好好食，入面啲餡尤其是啲菜唔係太碎，有啲咬口但又唔會老到有渣咁呢餐仲叫左個醉雞湯麵同麻辣雞腎個醉雞比到驚喜，好香酒香同入味，加埋少少花雕酒食好滿足個麻辣雞腎份量都多，口感就無平時食嘅咁脆咁爽，不過個辣味唔太過份，唔會一食完就食唔到其他野嘅味道。晚市黎係等左陣位，唔算太耐，都見有唔少同路人特登黎支持黃色小店～野又好食又有良心，以後一定多啲黎捧場！

新派裝潢的傳統餃子店，位處長沙灣庶民社區，價錢親民，店內姨姨們更親民。單拼跟雙拼同價，多心的我當然食雙拼。十粒湯餃 $42，十種款式豬牛羊雞樣樣齊，還有期間限定的西洋菜餃，一時間選擇困難😂。點了粟米芝士雞肉餃拼白菜豬肉餃，餃子皮薄大大粒，前者芝士味濃郁，粟米鮮甜，芝士控不容錯過；後者味道雖不算驚為天人，但餡料豐富，吃出心機和誠意。特別推薦店家獨門秘製蝦米辣菜脯，麻辣惹味。再配杯濃濃的洛神花茶（$8），埋單剛好 $50，簡簡單單又一餐，很滿足。

le間舖頭又唔易搵 又唔大 但佢d餃子又平又好味😋首先叫左個雙拼餃子配蕃茄薯仔魚湯蕃茄薯仔令到魚湯更加甜 但係因為份量岩岩好 所以唔會令到魚湯變到好黏同濃味👍1.椰菜冬菇雲耳豬肉餃餃子既餡好充足，每一啖都食到滿滿既餡。冬菇又甜又有得咬牙 椰菜同雲耳 清清地 特顯出豬肉既甜 有埋湯既配搭更加好味2.洋蔥牛肉餃估唔到洋蔥味咁出 襯到牛肉味 好好味 但係餃子就冇包到豬肉餃咁實3. 煎韭菜豬肉餃韭菜味好出但係又唔會搶左豬肉既味 煎得岩岩好 令到食上黎有卜卜脆既口感又香4. 雞湯台灣麵個麵好有彈性 拼埋落個雞湯度簡直係一絕 個湯冇大重胡椒粉同味精 清清地 配上麵就岩岩好我一定會再食！

食過一次後就變左我既私藏食堂，真係好好好味架~~~第一次去食揀左韮菜餃，味道好家庭feel，湯底偏清淡，餃子皮薄飽滿有內涵，桌上放有自家製蝦米辣菜脯，嗜辣既我梗係唔會放過，一試即另眼相看，帶麻辣又香口，加左簡直令眼前碗餃變到不同凡響！後來留意到勤菜芫荽餃，天啊！我認我重口味，但我很少在別處看到這風味，於是要碗芫荽餃台灣麵，重點來了，大食既我上次食剩餃略嫌不夠飽，今次碗餃子麵係有五隻漲卜卜餃子加大大碗實實在在既麵條，末食完都飽到反艇~~~好好味，平靚正，要大大力推介！

今日黎到長沙灣 出左糧 都係想搵d 野懲罰下餃子係一個不二之選 因為怕食太飽甜記餃子係間自家鋪佢賣既野唔算多 但已經足夠令成間鋪坐滿哂客🖤菠菜豬肉 & 9菜豬肉 煎餃$46/10隻菠菜既餃真係少有 別有一番滋味9菜基本應有水準 好多9菜 😝加上隻隻餃都真係漲卜卜 真材實料 皮薄得黎又唔會煎到爛喎 出色吖🖤香芹芫茜水豬肉水餃嘩 一咬 媽呀 陣味好青好開心同枱既朋友仔都表示係芫茜愛好者先至嗌十粒咋😍🖤牛𦟌台灣麵呢個又係推介！牛𦟌好厚呀 又夠淋 又入哂味d 麵基本上都入哂味 係食唔停架喎再加埋呢間鋪自製既蝦米辣菜莆 我真係停唔到lor!!!!🖤醉雞台灣麵呢個又係喪既 你想點呀 d 雞咁入味既咩份雞又唔細碟喎仲要 好嬲呀真係湯底揀左蕃茄魚湯 痴哂線 勁好飲 離哂大譜🖤粟米芝士雞肉 & 9菜豬肉水餃由於好想試埋粟米芝士 於是我地明明好飽都要嗌埋佢黎試估唔到 真係估唔到 粟米芝士雞肉咁impressived 芝士係每啖都咁香咁順滑perfect match !!!!!

估唔到有羊肉餃子啊 平時都係食豬肉牛肉多 羊肉餃子夠香口 🥟 皮薄夠多汁 幾鍾意羊肉嘅so味👍🏻 配上清雞湯湯底 而且仲有蕃茄薯仔湯選擇添 餃子大大隻好抵食呀！地址:長沙灣昌華街23號富華廣場19號地舖 味道：👍🏻👍🏻👍🏻👍🏻 服務：👍🏻👍🏻👍🏻 環境：👍🏻👍🏻👍🏻 價錢：👍🏻👍🏻👍🏻👍🏻

再次諗到頭爆都唔知食咩，記起依間既食物好好味。醉雞既汁超濃味，食哂d雞都仲係咁飲d汁。真係好香酒香。不過雞既份量唔夠滿足。另外湯底好香雞味。杯洛神花都味道都剛剛好。值得推薦

這間甜記餃子門口裝潢不錯而款式都可以在門口看到，見不少人等食就入去試一試，今次叫了一個小食，麻辣雞腎$24，餃子要了洋蔥牛肉餃和京蔥羊肉餃$42，湯底有雞有魚，最後選擇了蕃茄魚湯，這裡有菜莆同醋可以點餃子來吃都不錯，羊肉比較少而蔥勁多，只吃到蔥絲和羊的”蘇”味，牛肉食落去沒有牛肉的感覺而且味道好淡又沒有味好失望，只可講餃子夠薄皮和菜蒲的味道都不錯幾香蝦子味，湯底都有輕微魚味，蕃茄味偏少但飲得出沒有味精都可以，可能下次食其他餃子會更好。雞腎不夠辣只有香和雞腎又太淋身沒有了口感。

支持小店 (*´∀`)~♥ 呢度既餃子可以單併/雙併， 最中意食佢地既(〃∀〃)芝士粟米餃 $44/10,  每次都有叫架(｡◕∀◕｡)餃子煎得香脆皮又薄， 唔會好油架， 最重要係啲半溶芝士餡ε٩(๑> ₃ <)۶з韮菜豬肉餃 都幾惹味， 味道香濃~~湯餃既湯底可以揀蕃茄薯仔魚湯/雞湯， 蕃茄薯仔湯清得黎都開胃(◔౪◔)白菜豬肉餃 $42/10 餃子皮好薄，睇到入面係咩餡 而且菜肉比例平均， 每隻都漲卜卜(✪ω✪)  叫左 麻辣雞腎 小食， 個醬汁愈食愈麻呀(✪ω✪) 甜記餃子  地址：長沙灣昌華街23號富華廣場19號地舖

喺附近做gym、無意中見到呢間餃子店，啲餃子款式比普遍餃子店要多⋯⋯ 試咗唔係成日有嘅西洋菜餃同埋洋蔥牛肉餃，前者好清香，皮薄餡靚；後者有啲似食緊X野家牛肉飯個重有豐富肉汁嘅味道，好食！推薦大家一定要加佢地自家秘製嘅麻辣菜葡蒲一齊食！身上唔夠現金，好彩佢地有得用其他付款方式俾錢⋯⋯因爲舖頭唔算大，位置比較「隔涉」，人流都唔多，坐得都好舒服。性價比係唔錯，會再幫襯。我發現全港最好味嘅餃子店都集中喺九龍區！

食嘢要講心，今次一心由老遠過嚟食餃子。啲餃子款式都算多，豬肉有成7款，又有牛肉，又有羊肉餃。我個人就幾欣賞佢個煎餃，叫咗羊肉煎餃面，都幾抵食。餃子就可以叫八粒或十粒，湯底有兩款揀，雞湯同埋蕃茄魚湯，我淨係試咗個番茄魚湯，味道都好唔錯。最令我有驚喜嘅係有個自製辣菜甫，加落個湯到好惹味。佢仲有啲小食口水雞，醉雞之類，今次未有機會試。店面好光猛同埋好乾淨，個設計有啲懷舊路線幾得意，走嘅時候我仲買咗兩打生餃返屋企急凍

唸住近近地食一餐，唔使周圍走，又可以試下好唔好食，其實本身想食川菜，見呢間有口水雞丶麻辣野食，唸住試下，男友嗌左羊肉餃子同香芹芫茜餃子，我就嗌左口水雞加臺灣麵，另外加麻辣雲耳，餃子黎到就食啦，邊個會知你地黎錯，因為男友食羊肉餃先，所以都冇為意，隔左一陣再送左份過黎，原來頭先果份送錯枱，但又已經食緊，咁就費事換照食，餃子冇乜特別，唔難食既，但口水雞同雲耳就好難食🙅🏻‍♀️🙅🏻‍♀️佢個汁係用辣椒油就咁撈，冇麻味，得辣油味，本身餃子都唔係特別好食，加埋食左個好難食既口水雞加雲耳，都唔會再幫襯。

開業至今，這間餃子店小女子巳幫襯過好幾次，而且每一次都有進步。因今晚巳和朋友食過晚餐， 但既然路過， 又豈能錯失機會 ，决定買回家自己煮。小店非常細心 外賣時奉上紙條教學，教你如何烹調外賣可選兩款不同的餃子， 小女子選了韭菜豬肉餃子和菠菜豬肉餃子。 小店也很細心 在膠盒外面寫上"九"和"波"字分類回家打開一看, 亦發現小店很細心，在餃子外皮灑上少量麵粉，防止黐著盒子， 影響了餃子的外觀及品質外賣時亦自動奉上蝦米辣菜脯，和香醋各一小盒食後感: 這間店子的餃子水準甚高， 亦是一間非常用心經營的小店，抵讚

雖然本身無特別好鍾意食餃子，但心癮起，一於揾間餐廳治治佢，睇地圖發現屋企附近開咗間新嘅餐廳，專門食餃子嘅，但細睇原來已經開咗一段時間，可能位置唔算顯眼啦，香港地專門賣一樣食物嘅鋪頭少之有少，令我甚為期待。鋪頭唔大，但簡潔明亮，乾淨舒服，打開餐牌幾驚喜下，餃子口味眾多，而且都可選擇做煎餃或湯餃。滷水鴨舌好入味，而且骨肉好易分離，怕噒骨嘅人相信都會接受到。麻辣雞腎送黎時有少少驚，因為有唔少辣椒係面，食落好惹味，厚薄啱啱好，但對我黎講辣咗少少，要邊飲豆漿邊食。醉雞同醉豬手同樣好入味，雞肉肉質夠嫩，豬手好彈牙有𡁻頭，凍凍地，夏天呢兩個必食。主角黎喇，我叫咗煎餃+麵嘅套餐，餃子則為A嘅椰菜冬菇雲耳豬肉餃，餃子與其話煎，其實已經算係半煎炸，外皮脆，內裡仲係充滿肉汁，好食到停唔到口，就算食完都唔會覺得好油膩💯煮湯麵嘅湯係鋪頭自己煮出黎，好鮮甜，平時好怕飲到味精湯，但呢個飲完唔會口渴，食煎炸野，飲返d湯水補充下水份都好。