甜記餃子 (已搬遷) 新店位置

不嬲都好鍾意食有湯既食物，好耐之前朋友介紹左食呢間餃子店，今日終於有時間黎食，原來仲係黃店黎💛💛💛————————🔹單/雙拼湯餃 (10隻，蕃茄薯仔魚湯) $42 🔸白菜豬肉餃一入到餐廳，已經見到啲店員喺度一齊包餃子，唔知點解好似好耐冇見過呢個場景😂啲餃子皮勁薄，薄到入面啲餡都透咗出嚟🤩咬落去feel到好足料，餡勁多。豬肉好滑嫩，一d都唔乾，中間又有啲白菜嘅爽脆感😍真係好好食呀！！！我搵唔到野可以挑剔😂評分：🌕🌕🌕🌕🌕-🔸香芹芫荽豬肉餃唔鍾意西芹同芫荽嘅人千祈唔好叫，因為味道都幾出，但我好鍾意😆不過我略嫌西芹有啲啲硬，食落去影響咗個口感，搞到啲豬肉唔知係咪因為咁好似都冇咁滑😢又或者係因為白菜豬肉餃太好食，形成一個強烈嘅對比🤣下次我會想試吓椰菜餃！評分：🌕🌕🌕🌖🌑-湯底我揀咗蕃茄薯仔湯，真係好似喺屋企飲咁，清清淡淡同個水餃好夾，好飲🥰🥰🥰🥰

好味 好味 好味!!今日有事要出長沙灣，屋企食急凍餃子食到厭，一於嚟碗水餃做下午茶。一入門口見到三四個姐姐包緊餃子，個環境佈置好新式，乾淨企理幾舒服。好多餃子款式可以選擇，本身好想試煎餃，但見到水餃有得揀雞湯同蕃茄薯仔魚湯，受唔住湯水誘惑，最後揀咗10隻雙拼水餃。嚟到見到好大碗，每隻餃都漲卜卜，皮薄到見到入面好足料。芫茜愛好者必揀芫茜豬肉餃，芫茜超多，豬肉係中間做個襯托，好好味！再食菠菜餃，點解咁薄嘅皮可以包到咁多菠菜？就咁食咗幾隻，再加少少菜甫，好惹味，少少辣又爽口。個湯不得了，我自己本身食完味精條脷會痺，飲完呢個湯好舒服，又無痺又無口渴。蕃茄薯仔魚湯呢個神配搭唔需要多講，佢又唔會濃到搶咗餃子材料嘅味，唔洗十分鐘就見碗底啦~食到好飽好飽(早知叫8隻，眼闊肚窄..)先42蚊埋單，地鋪生意仲咁實惠好難得，會繼續幫襯❤️多謝曬~

番工食車仔麵食到悶，今日轉下食餃子先。有湯餃同煎餃揀，湯餃餃子$38/8隻，$42/10隻，可選單拼或雙拼，煎餃就貴兩蚊。餃子款式多，共有八款口味選擇。今次試椰菜冬菇雲耳豬肉餃，同香芹芫茜豬肉餃。除左鮮雞湯外，仲有我最鍾意嘅番茄薯仔魚湯添。下晝一點幾叫外賣，等左6-7分鐘就有了。啲餃子勁大隻，每隻都好足料，包得好實淨，好包滿。唔似其他餃子店得好少料，一咬落去會散晒。椰菜雲耳同豬肉的比例啱啱好，不過略嫌少左啲冬菇味，如果多啲就更香喇。但雲耳好爽口，令豬肉餃唔會太飽滯。芫茜控一定要揀香芹芫茜餃，個芫茜味好勁，越食越香。個湯有好多粒薯仔，如果有多啲番茄就真係perfect 喇。初時以為十隻餃會唔夠飽，但原來都幾飽，因為啲餃大大隻。下次要試晒其他款同試下麵先。

咁岩經過長沙灣 終於有機會試呢間餃子店佢裝修都算新穎 幾好坐-🔸粟米芝士雞肉煎餃 $42🔸呢款煎餃嘅皮 煎完出嚟唔係平時食開脆卜卜嗰種 咬落去幾特別 (但我個人來講 係偏愛外皮煎得脆嘅餃子)粟米芝士雞肉呢個配搭第一次食 出奇地幾夾😋 可以一試👍🏻 配埋鋪頭特製幾辣菜脯更加惹味～-🔸湯餃子麵 $38🔸湯底揀咗蕃茄薯仔湯 蕃茄湯唔算好濃 清清地 唔會搶左餃子嘅味 飲飲下成碗湯飲哂🤣餃子係揀咗菠菜豬肉餃 味道不過不失 認為湯底係賣點🤭

連鎖餃子店大家食得多 小妹呢期多在九龍附近流連 無意中發現呢間隱世餃子🥟😋👇🏻👇🏻👇🏻 ..🍴雙拼湯餃 $42 （10隻）🍴雙拼煎餃 $44 （10隻）.店內有多達8款口味 盡量想試更多種味道同煮法 所以小妹同友人各叫兩口味及一煎一湯餃🥟.🥟椰菜冬菇雲耳豬肉🥟香芹芫萎豬肉🥟粟米芝士雞肉🥟白菜豬肉.湯煮仲有兩款湯底選擇 自家鮮雞湯/蕃茄薯仔魚湯 一睇menu真心覺得係間好有誠意小店🥳 吾夠飽仲可以加麵底😭 ..湯餃煎餃🥟都好出色 餡料係多到脹卜卜 呢4隻味都好夾 最推介 椰菜冬菇 因為真係好大塊菜同菇食到😫 同芝士粟米🌽 啲芝士係流心嘅 仲要加鮮甜粟米 配以煎吃法 香脆帶點芝士咸味 回味無窮😍🧀.📍甜記餃子📍長沙灣昌華街23號富華廣場19號地鋪 .📍星期一至五 11:00-22:00 星期日 11:00-23:00

單/雙拼湯/煎餃 $46 十隻，有超過十款餡可以揀！我要左椰菜木耳豬肉拼京葱羊肉，前者清清地幾好食，後者本身覺少有呢種餡嘅餃想試下，但結果唔係太中意陣味，羊肉都係要食返燒嘅 🙈 另外試左香芹莞茜豬肉湯餃麵，好香莞茜味醉豬手好甜，啲皮好爽口彈牙，唔算好濃酒味但都唔錯。簡單一碟蝦子蠔油菜芯又幾好食，味道同煮嘅時間都啱啱好，菜好新鮮豆漿係啤實左嘅杯，感覺幾乾淨而且飲唔哂可以拎走。好香濃豆味，不過就冇得揀甜度嘅，自己飲開走甜就覺得有少少太甜，好彩冇蓋過啲豆味

長沙灣區的「甜記餃子」被受網民熱捧，這次就慕名而來探店～餐廳的裝潢簡單，走輕工業風的路線。門口掛上粉筆畫，介紹新產品。另外牆上亦有貼上海報，風格巧妙地非常和諧，還多添了一份文青的感覺～浮餃子可選8隻或10隻，除餃子外，餐廳還有麵食和小食供應。飲品也有手作豆漿和洛神花茶等。作為餃子店，當然也少不了辣菜甫，絕頂配搭！餃子單雙併同價，建議雙拼可以多試不同口味～湯底也可挑選，蕃茄薯仔魚湯不會太濃，也不會腥，而且沒有額外添加味精，味道淡香清甜可以直接當湯喝～餃子粒粒飽滿，皮薄餡鮮，就算8隻淨餃已經非要飽肚，性價比十足～

朋友喜歡吃餃子，所以難得佢今日過來找我食午餐，就建議話不如食間新餃子店，去到等了一會就可以入去食，這裡用電話下單都幾方便，等了大約十五分鐘就可以食，這裡有自家制的辣菜甫，辣度不叫十分多，但蝦米味好重又香，配餃子都不錯。 香芹芫荽豬肉餃配自家制鮮雞湯，餃子都幾大隻又薄皮，入面都幾足料而且芫荽味都幾重，岩晒我地，但湯底偏淡，只有輕輕的味道有失望。而我叫的醉雞台灣面，醉雞味道不錯但是雞吾夠滑身有點鞋，面質偏淋身但份量堅足，而湯底蕃茄薯仔魚湯也是偏淡，但好過雞湯。我地叫了一杯豆漿，是貨裝所以味道一定吾會差。我地到有幾款小食，喜歡吃辣的我最後選擇麻辣木耳，味道十分好而十耳都夠爽但太油，辣度都幾好。

每個禮拜放lunch都至少會嚟呢間餃子店一次，因為佢啲餃子真係好好食！😋同埋佢餃子款式好多，每次都可以同朋友叫幾款然後交換嚟試。我最鍾意嘅餃子餡係西洋菜豬肉同羊肉餃子，好重肉汁，而且佢湯底都好濃味！💓中意食餃子嘅人一定要嚟試！

每隻餃子都很足料。。。。新鮮即包即炸，菜譜自家製好有風味。麻辣雞腎分量十足，辣度適中！！！好食好食好食👍🏻重點要講三次💯💯店舖老闆都很親切，值得一讚💗

今日約佐班朋友去行年宵，約早佐見有啲肚餓就搵下附近既餐廳，見呢間餃子店幾好評價就入去試下。我地叫佐西洋菜，洋蔥牛肉同粟米芝士雞餃。佢個粟米芝士雞幾意外地好食，食幾隻都唔會太肥利，亦都好重芝士味👍🏻另外西洋菜就好香，洋蔥牛肉就甜甜地。呢間既餃子都好大粒好多餡，高度推介，配湯一定要試下蕃茄薯仔湯，同餃子好夾！另外佢仲有小食，雖然我地無叫，但係見賣相都好吸引，亦都唔貴，可以試下！😂😂交通都好方便，地鐵站行5至10分鐘就到了！

去左甜記餃子食夜晚已經第二次食 個餃子真係好好食比深水埗定太子果d出名既餃子店更好食叫左個韭菜豬肉餃 係最傳統既配搭最緊要皮薄餡靚雞湯冇味精出面有好多餃子舖都落味精 但呢間真係唔會有口渴既問題仲有杯洛神花茶 酸酸地好開胃另一碗叫左洋蔥牛肉餃牛肉同洋蔥味都幾出個皮會厚身少少 我諗用黎煎會更加好食上次都試左菠菜豬肉餃米線 蕃茄魚湯我個人鍾意菠菜多D 出面亦比較少見魚湯個味都好香 有鮮蕃茄米線就有少少淋 始終佢都唔係米線專門店

最近上網睇到長沙灣有一間好出名食餃子，同老公決定今日收工去食一食，8點左右到 見到鋪 好多人，見到佢有8粒同10粒選擇，有煎餃子，想選擇想湯餃子都有，仲見到佢有自制既辣椒醬，味道不錯，如果鐘意辣要試一試呀，除咗餃子 ，佢都仲有其他小食。決定8粒韮菜豬肉餃子係煎，而湯我選擇左8粒西洋菜豬肉餃子，湯底佢有兩種，一種蕃茄魚湯，一種係雞湯，我選擇左蕃茄魚湯，見到個湯有薯仔，好似平時媽煲既湯，要叫凍豆漿，甜度岩岩好，唔會太甜，

本身都好鍾意食餃子，喺附近放工，於是嚟呢度食。餃子有10幾款俾你揀，而家仲有時令西洋菜餃子。我就唔係好啱，所以試咗韭菜餃。可以淨係食餃子，或者跟麵。餃子都有分煎餃或者湯餃，天氣凍所以食咗湯餃加麵。餃子好飽滿，皮薄，餡料好足，呢隻係台灣麵，幾Q, 幾好食。呢個菜脯任你食，本身唔係好鍾意蝦米所以唔諗住食，但係想食少少辣於是加咗少少，發現十分之好食，撈下面食下食下食咗人哋三分之一罐。哈哈餐廳裝修好新淨，係工業風，細細間但都幾啱打卡。絕對會再幫襯👍🏻👍🏻

—————————————————🔹雙拼煎餃 ($46/10隻)🔹雙拼湯餃 ($42/10隻) 🌟必選蕃茄湯🔹凍豆漿 ($8)..煎餃先上，粟米芝士雞肉煎餃係必叫！外皮煎到金黃色，成隻漲卜卜，咬落個皮又香又脆，仲有芝士流出嚟，淥親個嘴🤣粟米配上雞肉，唔會過鹹，成件事好夾！一定要試！.韮菜煎餃又係好足料，食完咁多種餃個口都有陣韮菜味，可以臭死隔離唔食韮b嗰個😚咬落熱辣辣，皮薄薄又脆卜卜，天堂級好食！.至於湯餃，同樣都係皮好薄、又處理得好唔會一夾就散，最緊要係餃子餡完全無味精，食完唔會半點頸渴🤪嚟到記得嗌蕃茄薯仔湯🍅🥔雖則無乜魚骨又花膠，但勝在真係零味精，長期無湯水嘅小pin一飲即刻掛住老母，最後乾咗碗湯～😬.🤙🏻: 秘製辣菜脯都唔好錯過！呢個真心又抵又高質！..✨ 甜記餃子 ✨📍 長沙灣昌華街23號富華廣場19號地舖⏰ 1100-2200 | 日 1100-2300 | 星期六休息.