甜牙牙煮意

營業中

休息中

海鮮控必試漁人碼頭意粉旺角真係好多café，今日去到煙廠街見到甜牙牙呢間甜品店轉型做埋café 提供西餐，餐廳環境乾淨企理，最適合同朋友坐低食野傾計，佢地既意粉套餐都幾抵食，有齊主菜、小食、湯或沙律、飲品同甜品，真係好豐富我呢個海鮮控當然要試下佢地既漁人碼頭意粉啦，意粉汁係用蝦頭同蝦膏烹調而成既精華，配上多款時令海鮮，包括大蝦、花蛤同魷魚，花蛤份量都唔少，而且處理得好好唔會有沙，大蝦爽口彈牙，鮮味十足，意粉煮到剛剛好，掛汁力強，見到佢地既窩夫甜品都好吸引，下次約多幾個朋友一齊開心share先得

見依間野未試過就諗住試下啦佢有個意粉套餐 叫左個慢煮三文魚意粉個set係包湯/沙律+前菜+意粉+飲品+甜品我地散叫左個油封鴨肶（唔知佢原名係咩）同一個沙律我地要左湯 餐廳職員話今日係海鮮湯😬湯：上到黎似中湯咁既 有d蝦頭味😬前菜：一隻唔係好入味 同唔係好溏心既溏心蛋+白烚西蘭花同紅蘿蔔（佢有d白色既汁⋯水 唔知係咩黎）👍🏻沙律：佢唯一正常既野😥意粉：一上黎 我打左個突 嘩咁細份都唔緊要 佢個慢煮三文魚老過我呀麻意粉⋯⋯（有圖 自己理解）😓油封鴨肶（唔知佢原名係咩）：我真係下左出黎 佢真係一個碟擺一隻鴨肶 個size大概係麥當勞麥炸雞咁上下大 然後隔離係4粒切開左既車厘茄 同4粒差唔多大細既唔知咩（真係唔知咩 可能係薯仔之類）好似係$148？ 我食麥炸雞應該會開心d仲有佢個木糠布甸⋯⋯我feel唔到佢同木糠布甸有咩關係⋯⋯依間野除左野唔好食 我覺得present得好差 想做西裝 但係不論擺盤定服務我都唔覺得似西餐🤷🏼‍♀️頭先見到佢有99%好評 我有d淆底驚轉頭有人黎鬧我 但係我有理由懷疑99%好評 都係自己人😌

難得星期五早走，可以享受下me time，去左旺角行左陣街想搵地方坐下輕鬆下，見到呢間甜牙牙煮意，原來係之前甜牙牙甜品既姐妹店開既Café，之前食得太豐富今日要食得light啲，揀左個雞肉窩夫配沙律，其實menu上面既食物好多都好吸引唔知點揀好，見到呢款麻辣雞肉窩夫咁特別就叫黎試下~🌟麻辣雞肉窩夫配沙津 ($88)朋友食得辣所以就揀左個麻辣雞肉窩夫，呢個配搭好特別，用上重慶香料調製既麻辣汁炒雞肉，再配埋香脆鬆軟既窩夫好perfect💯已經bookmark定呢間餐廳下次約埋好姊妹過黎一齊食~

之前IG睇過人地食評bookmark左好耐, 今日做野經過呢頭就去食個late lunch~main course有好多選擇, 但我都係俾之前睇過佢意粉既相吸引左, 就叫左個漁人碼頭叫得漁人碼頭顧名思義就係海鮮, 有蜆, 魷魚, 蝦, 加埋洋蔥同蒜炒香左, 吊晒海鮮既鮮味出黎!!$128但非常呎料, D蜆鋪滿晒成個碟, 中間又有鮮橙色既蝦做點綴蝦肉爽口彈牙, 可以連尾剝出黎蜆肉雖然係細粒品種, 但鮮甜冇沙加上我最愛既蒜片, 同彈牙al dente意粉一齊食超正~意粉單叫係$128, 其實加多$20 (即$148) 就有套餐配湯/沙律, 加side dish + 飲品, 仲有埋free dessert超抵但我食左full breakfast, 一陣又早食飯, 都係留返個甜品胃下次再黎啦😌

以前一提起甜牙牙最標誌性的一定是旺角的「糖水街」飯後必定排隊要食嘅甜品店，今次俾我發現甜牙牙有晚餐！除左供應的甜品一致之外，最正就係可以提供埋晚餐，一次過晚餐加甜品直落唔洗轉場，體驗超級好！食甜品之前先食主食，蒜片安格斯牛立方，除左的骰擺盤精緻之外，安格斯牛粒吃上口汁多嫩滑，加上細細粒容易入口，啱曬嘴細細嘅友人。另外一個主食是漁人碼頭，入面有多種海鮮，蜆、蝦外仲有魷魚。意粉入味收曬海鮮的汁，吃上口十分滋味，海鮮都非常新鮮彈牙，有質素。飲品都有驚喜，水晶西柚薄荷梳打除左賣相已經深深吸引我之外，飲上口不單止有汁水，仲有啫喱！真係完全估唔到！最後一定要提嘅係甜品！焦糖芒果窩夫派對，窩夫底係暖暖的鮮製香脆，配搭五球大大嘅雪糕，豐富到不得了。

Happy Friday準時放工出左旺角同朋友食飯，原來甜牙牙呢間創意甜品店開左姊妹店甜牙牙煮意，小店主打西餐，一於今晚試下先🌟檸檬烤雞 ($168/半隻)我揀左佢地既檸檬烤雞，餐廳選用新鮮三黃雞，先用香草醃製兩日，再慢煮40分鐘，雞皮好香脆而雞肉依然保持嫩滑多汁，配上口感清新既檸檬汁，高質👍🏻👍🏻👍🏻餐廳環境乾淨企理，食物款式選擇多，下次要帶多幾個朋友girls’ talk同試多幾款主菜同甜品先得

Green Monday要食素食行左旺角幾間西餐廳終於搵到有素食option! 一般人認為素食好寡，所以餐廳特登喺素食option用咗重味調味料，刺激一下大家嘅味蕾😄蒜片乾辣椒 $68 呢個價錢喺呢個餐廳環境來講，絕對扺食環境靚又有fancy既柔和射燈，仲有梳化凳超舒服大量蒜片加乾辣椒超重口味但好香，蒜片都幾大塊有啲咬囗乾辣椒唔會太辣，只係增添左風味用初榨橄欖油黎炒，調味有天然既番茜葉同黑胡椒，好香👍🏻

聽朋友講旺角開咗呢間新西餐，地點喺正旺角中心地帶，勁容易搵，一食即刻發現好有驚喜。 我叫咗呢個香草奶油白酒煮花蛤， 本身就係唔想食太肥膩嘅嘢，點知好味到我成碟都食晒，啲花甲好新鮮，最重要我勁鍾意個汁，有洋蔥蒜片乾辣椒，配少少白葡萄酒同忌廉， 好好味呀。 唔怪得我會食晒成碟😂 另外都叫咗一支青檸薄荷梳打，呢個都好有驚喜， 因為我一向都唔鍾意飲茶飲， 驚太甜， 但係朋友推介，呢杯嘢顏色打卡勁靚，最重要係佢完全唔甜， 好fresh ... 完全勁消暑勁解渴，一個字： 正！

今日出發到旺角食好野😋呢間餐廳其實係朋友公司附近，佢介紹得嘅通常都無錯😉今日食完果然不錯👍🏻餐廳格局細細但裝修得幾雅緻😚員工都好有禮貌，值得稱讚😃🌿香草奶油煮花蛤 ，呢個花蛤睇到隔離枱order好正，於是跟住叫🫣道理好好啊！佢係有洋蔥🧅蒜片同乾辣椒🌶️做配料，再加白酒同忌廉，淡淡酒香味再加啲蜆好新鮮，啲湯汁都充滿鮮味！🥩蒜片安格斯牛立方，牛肉又嫰又濃味❤️而家無筋，粒粒都好惹味！配搭蒜片一齊食，味道更加升華呢！洋蔥🧅蒜片，乾辣椒🌶️白酒同忌廉

旺角出名多嘢食，今日又俾我發掘到一間好正嘅西餐廳🫶🏻餐廳唔算話太多選擇，係基本嘅沙律、小食、主食同甜品都有👍🏻而且每款都特別😍另外我都幾鍾意佢哋嘅裝修，舒服得黎又有少少格調，特別係啲燈光同裝飾，幾唔錯🤭我就叫左呢一個腩肉卡邦尼，因為卡邦尼要做得好，其實好有難度！呢度嘅意粉味道簡單又好味🤤芝士味仲好出添，而且口感濃郁又有獨特嘅咸香，加埋充料嘅腩肉，有肉入口感覺更豐富呀！好味道👍🏻其實仲想試埋佢哋個甜品，不過真係有啲飽，下次同朋友黎食先😳

Happy Friday準時放工出左旺角同朋友食飯，原來甜牙牙呢間創意甜品店開左姊妹店甜牙牙煮意，小店主打西餐，一於今晚試下先🌟檸檬烤雞 ($168/半隻)我揀左佢地既檸檬烤雞，餐廳選用新鮮三黃雞，先用香草醃製兩日，再慢煮40分鐘，雞皮好香脆而雞肉依然保持嫩滑多汁，配上口感清新既檸檬汁，高質👍🏻👍🏻👍🏻🌟麻辣雞肉窩夫配沙津 ($88)朋友食得辣所以就揀左個麻辣雞肉窩夫，呢個配搭好特別，用上重慶香料調製既麻辣汁炒雞肉，再配埋香脆鬆軟既窩夫好perfect💯

今日路過一間西餐廳，比佢門面吸引左🥰入面嘅裝潢設計簡單得黎都好有格調😍而且枱面夠大，坐得亦好舒服👍🏻食物質素有水準😉但因為又約咗朋友有下場，留返下次先挑戰佢哋嘅甜品🍮坐低後員工好有禮貌介紹，問咗佢哋有咩招牌就推介呢個👇🏻香草奶油煮花蛤：超級好食，超級推薦😍首先勁多花蛤，完全舖滿成個碟，隻隻仲要勁鮮美，一粒沙都無🫶🏻然後個香草🌿奶油係勁香勁滑😋完全好夾！而啲意粉🍝唔會煮得好淋，保持到彈牙口感，總之成個意粉都好好食🤤

有日行過冇意中發現呢間小店，座位唔多，但光線十足，一開始以為係甜品店，但望真菜單先知原來有提供主食，選擇仲要幾多，包括有烤雞、意粉、沙律，連油封鴨肶都有，都幾surprise🤩仲有意粉套餐，可以要餐湯或沙律，價錢包埋配菜、飲品同甜品🍮-🍝慢煮檸檬刁草三文魚配青醬 $128意粉可以要扁意粉或長通粉，我就要扁意粉，青醬係自家製，雖然顏色唔太綠色，但羅勒味好出好濃，配搭三文魚真係好夾❤️三文魚煎得好出色，好過好多高級餐廳，皮脆肉嫩，講就容易但好講火喉控制，2小時慢煮，肉質好滑，真係好想問下廚師到底係點整🤣

💖 甜牙牙煮意 (旺角)✨旺角煙廠街33B號朗廷軒地舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️今日同朋友嚟咗呢一間餐廳度食飯，我以前以為甜牙牙淨係食甜品添😂真係大鄉里啦，原來有咁多西餐開食！-腩肉卡邦尼🍝卡邦尼意粉當中加入左譚仔姐姐最愛嘅腩肉的確唔錯，腩肉同意粉嘅份量剛好。腩肉比較有咬口，但相比起煙肉冇咁油，所以都ok！意粉條條分明，每條都好掛汁。成個卡邦尼醬汁好香好Creamy，搞到我好快食哂🤩兩個人share食都好夠飽！-火箭菜帕馬森芝士油醋沙律🥗賣相很ok，足以增加食慾。火箭菜平時我唔係咁鍾意食㗎 ！因為覺得有浸味，但係今次覺得餐廳嘅廚師處理得幾好，加咗芝士同埋油醋嘅關係，所以冇咗嗰浸草青味👍🏻沙律中加入左車厘茄酸酸，甜甜好開胃。我自己幾鍾意食呢一個沙律🤭。

聽朋友介紹呢一間餐廳已經聽過幾次🥰今日終於可以同朋友一齊去試吓啦🤫呢度嘅環境都幾乾淨！牆身有少少星球裝飾嘅設計，感覺好似去咗外太空咁😳喺我印象之中甜牙牙好似都係用粉紅色作設計，今次有少少驚喜。✨慢煮檸檬刁草三文魚配青醬 Oh my god!我冇諗過三文魚，竟然同我隻碟一樣咁大！好彩我同朋友冇叫多一個意粉，如果唔係兩個女仔真係驚食唔晒😂三文魚好重刁草嘅香味，我自己幾鍾意！而且加埋檸檬，所以有少少酸酸甜甜嘅味道能夠為三文魚提鮮，經過慢煮嘅三文魚唔會散肉，仍然係好結實。下面嘅青醬同三文魚好夾，而且好Creamy ，每一條意粉都沾滿醬汁😚