甜牙牙煮意

營業中

休息中

🍛忌廉奶油燉豬腩賣相評分:🔟/🔟，呢個燉豬腩肉，我自己覺得都幾邪惡！一上到枱未影相就已經好想食！太吸引🤭味道評分:🔟/🔟，真係幾好味，可以話又睇得又食得。豬腩肉有肥有瘦！唔會話獨孤一味👍🏻分量十足，兩個人食都好夠！我自己最鍾意就係佢旁邊嘅忌廉奶油醬汁，每切一細舊我都會沾上少少醬汁作調味😳食落口仲帶有少少鹹香味，同埋奶香味。豬腩肉可能因為用咗「燉」呢一種烹調手法，所以肉質比較嫩同埋腍身。總括黎講，我覺得餐廳嘅食物質素唔錯，有機會嘅話會再次光顧！如果大家都有興趣嘅話，記得跟住我一齊搵好嘢食❤️

男朋友今日帶我食呢一間位於旺角嘅甜牙牙餐廳，我初頭以為呢間餐廳淨係食甜品，點不知原來仲有其他小食同埋主菜！今次我就分享一個我自己幾鍾意食嘅菜式俾大家。🌈檸檬烤雞平時我屋企人都會整檸檬烤雞翼，我每一次都食得好滋味，食到舔舔脷。今次睇餐牌嘅時候無意中比我發現有檸檬烤雞！係成隻雞都係用檸檬烤焗🍋所以會勁入味！旁邊仲有少量配菜分別係：西蘭花、甘筍條同埋粟米芯。成隻雞咁樣食，真係好鬼飽😳講返隻雞先！我自己覺得呢隻烤雞肉質比較有咬口，但係一啲都唔係鞋口個種。一食落口仲有滿滿嘅雞油😚太Juice了❤️愛了

-蒜味大蝦🦐.ᐟ‪‪.ᐟ呢一個蒜香味十足嘅大蝦，真係不得了💯果然係我心目中拎咗100分嘅菜式🙈，我冇諗過蒜香味係可以咁入味！🦐 蝦肉嘅份量都幾多，而且冇改錯名，真係每一隻都好大隻😍已經剝左殼方便食用！旁邊仲有蒜蓉包，餐廳職員話俾我知係可以撈埋啲蝦同埋蒜蓉一齊食！味道會更加香口更加惹味！果然冇錯🤩真係勁爆正-10年陳醋意式沙律🥗人生有幾多個10年🤭呢一支拎嚟做沙律嘅陳醋就有10年歷史，感覺上真係好似你平時嗰啲塵醋酸少少🤣唔知係咪心理作用呢！成個沙律嘅賣相好靚，好吸引，真係有少少唔捨得食😍呢一個沙律，酸酸地甜甜地，都幾開胃😚建議大家一定要試吓！

作為旺角地膽，周不時都去試唔同餐廳，但範圍真係太大試極都食唔晒😂 偏愛西餐嘅我今日就同朋友試吓呢間甜牙牙煮意😄意粉係屋企都成日煮，出去食西餐一定食肉！因為冇焗爐嘅我真係好難整到靚肉🥲🥲香草油封鴨肶超正，烤到外皮乾身脆卜卜，入面鴨肉實淨得來都好滑，一切開鴨油咇出嚟，滋潤左放喺隔離嘅薯菜🤭 成碟都有灑啲香草碎喺上面增添風味😍檸檬烤雞半隻雞但係勁大隻，漲卜卜好靚，外皮金黃色，肉嫩多汁，就算雞胸部份都唔鞋口👍🏻

朋友聚餐最岩就約旺角，多選擇返屋企又方便，上網搵就搵到呢間餐廳，睇相好似唔錯，重點有我最愛既窩夫🧇味道多多，有朱古力、抹茶、焦糖芒果、肉桂蘋果，款款都好想試😻.蒜味大蝦係西班牙小食之一，大量蒜油、辣到、菇一齊煮，配上多士一齊食，黎到香氣四溢，極為惹味，! 鮮味十足蝦，仲有濃郁蒜頭香，真係好好食😽檸檬烤雞烤得好靚😻全都是檸檬、迷迭香味道，仲有洋葱塊和蒜頭，雞皮香肉嫩，切開滿滿肉汁，勁juicy😸配菜西蘭花同粟米都好好食，有烤過香氣，簡單加鹽、黑椒都夠飲品叫左花茶，有蠟燭助熱，唔會怕凍哂，呢個價錢有呢個質素，性價比真係幾高😺

旺角搵食最方便，中餐、西餐、日本野咩都有，今次就揀左呢間係煙廠街甜牙牙煮意，上網睇過menu，佢d甜品超吸引😍😍有鬆餅同窩夫系列，價錢$100以下，以同區來說唔算貴，一定要留肚叫先得‼️.忌廉奶油燉豬腩｜$168外表睇落有點似焗豬🤣上檯個時超香，用左西班牙豬腩條，兩邊都煎得金黃，有少少焦面，豬腩好腍，油脂感十足，有蔬菜平衡一下👍🏻漁人碼頭｜$128個名好得意，叫漁人碼頭🤣一開始都唔知係咩黎，原來係魷魚、蝦同蜆扁意粉，蝦好爽口，兩隻大大隻，蜆份量都幾多，冇沙幾鮮甜，同埋我幾喜歡扁意粉口感，唔會過硬，但又有點咬口👍🏻食完主食都好飽，甜品要留返下一次先食🙈

旺角開咗間新餐廳，原來係好出名嘅甜品舖甜牙牙新開嘅， 喺正對面，地點好容易搵。入到去好驚喜，本身以為都係食甜品，點知原來係食西餐。 😳.叫咗個蝦頭湯炒大蝦，有三種唔同嘅意粉可以揀，最令人驚喜嘅係個湯係佢哋自家製蝦頭油湯，而且仲落足料一啲都唔馬虎，總共有六隻蝦咁多，啲蝦配埋啲湯汁真係好好味好鮮甜， 食完真係好滿足。👍🏻.另外好中意呢度嘅環境，裝修得好靚，有大電視播住音樂，有啲裝飾仲好似影樓咁，求其影都出到影樓出黎嘅水準😂回頭率極高，下次要試埋其他野食😋😋😋😋

同朋友經過咁岩見到黎一間舖頭 應該係新開嘅🤣 門面好光猛好靚 仲要播住K Pop 岩晒我🤩 一於晚餐就簡黎到啦😛🍀 蒜片乾辣椒意粉蒜片乾辣椒意粉好有驚喜 🍝 上面鋪滿鍾意大量嘅蒜片同埋乾辣椒🌶️ 加埋橄欖油 好香 配夾好好 好有驚喜好好味😋 同埋好似話可以簡自己鍾意嘅辣度添🤭🍀蒜味大蝦朋友叫左依份主菜 擺設好靚 未送到上枱都聞到好香嘅蒜味😉 白麵包點上香濃嘅蒜油味再配合大蝦🍤 簡直係味蕾一大享受😎 我黎個朋友唔太食澱粉質架 但係佢居然3塊麵包都食晒😳 可想而知真係好高質🤣黎間餐廳環境好好 野食都好有驚喜👍🏽 最緊要係價錢唔貴 好似學生仲有折頭🤭 下次一於再試埋其他野🥰

好耐冇出街啦，疫情之下成日困係屋企溫書，真係人都癲，趁住而家都叫緩和咗嘅時間，梗係要出去飲飲食食啦。 我朋友推介話呢一間係新開嘅西餐廳，係窩夫好出名嘅甜牙牙店新開，咁就梗係要一試喇。 我叫咗呢個係忌廉奶油燉豬腩，真心係超級超級好食，未嚟到已經係有好香嘅奶油味，最緊要係啲豬腩條完全唔覺得肥，唔覺得有罪惡感，佢雖然製作需時，但完全值得，嗰個忌廉奶油汁真係好好味，有個小秘密就係我係唔鍾意食粟米，但係呢個汁配埋啲粟米係真係超好食，我係全部都食晒，我想而知呢個質素係幾咁高！ 值得大大推介👍 另外我朋友嗌咗杯凍飲， 不過我驚太多唔係太好， 就叫咗杯熱水果茶， 好驚喜呀！杯茶好靚，仲要有蠟燭座熱住， 欣賞餐廳好細心👏👏👏

疫情緩和咗好多，今日同朋友去旺角行街，買到一袋二袋之下就梗係去醫肚啦。 經過呢一間應該係新開嘅餐廳，原來係甜牙牙甜品店新開嘅，新餐廳喺正對面，好容易搵。 我哋本身都已經係好鍾意食甜顏牙啲窩夫，所以佢開咗新餐廳，我哋梗係要去支持啦。 叫咗一壺熱既水果茶，小黃菊，最令人驚喜嘅係餐廳好細心，下面係有蠟燭熱住，可以保持住溫度，影相打卡都好靚❤️ 另外再叫咗一個檸檬烤雞，原來係用咗新鮮嘅三黃雞，有圖有真相，賣相勁靚，而且嗰啲肉質都係好嫩滑， 側邊仲有好多配菜，我哋兩個女仔食完都好滿足，西蘭花同甘筍好鮮甜， 完全唔覺得有罪惡感，好味，大滿足

小妹之前同朋友係食完甜牙牙之後，發現原來佢哋而家新開左一間西餐廳，咁梗係要一試啦😋今次叫咗兩個煮食，分別係慢煮檸檬刁草三文魚配青醬，價錢一啲都唔貴，三文魚勁厚勁大條，以我自己就好鍾意嗰個青醬啦，好好味，融入晒意粉同埋三文魚度，非常之滿足😌另外再叫咗一個蒜片安格斯牛樂坊，真心推介呢個好抵食，價錢只係$138 ， 但係有好多粒安格斯牛，肉味香濃，蒜片可以中和啲油膩感，令人食完再食，綜合呢餐，性價比超級高， 仲要喺旺角中心地帶，大推👍🏻

恢復堂食 約左個好耐無見的朋友晚餐 選擇了地點方便的甜牙牙煮意， 初頭以為主打甜品，原來有主食的。我們點了兩個主菜， 是忌廉奶油燉豬腩 及 檸檬烤雞。兩個餸的賣相均一流。忌廉奶油燉豬腩豬腩選用西班牙豬， 肉質鮮嫩， 加上煎香了， 豬的油脂逼出， 但又不會太乾， 是非常用心的烹調。而忌廉奶油亦很creamy，非常特別的配搭。另一個點了檸檬烤雞， 這個製作需時，還不錯的，可以一邊聚舊， 一邊等候。雞未到，香味先到， 遠遠已聞到檸檬香味。烤雞烤得金黃有色澤， 雞肉嫩，味道簡單但特別。感謝朋友介紹 很滿意的一餐

之前都有同朋友食開甜牙牙嘅甜品知道佢開咗Cafe，就同朋友一齊再嚟食我哋叫咗兩個主食同一個甜品主食方面，我哋首先叫咗一份蝦頭湯炒大蝦意粉蝦肉好爽彈，加上黑椒作為一個調味意粉底亦都有唔少嘅蝦湯蝦湯味道濃郁，鮮甜好足料烹調意粉軟硬度適中 有咬口之後我哋叫咗一份忌廉奶油燉豬腩豬腩即叫即焗，上碟嘅時候十分熱餐廳亦都配上法包，可以點忌廉汁食唔會浪費咗咁濃郁嘅忌廉汁👍🏻豬腩肉肥瘦適中 食落口一啲都唔靭而且仲有啲肥肉嘅香味最後嚟得甜牙牙，當然要叫佢嘅甜品啦我哋叫咗一份朱古力鬆餅鬆餅嘅質地偏向似海綿蛋糕好重蛋香，加上朱古力雪糕食，格外香甜係一個好好嘅飯後甜品❤️

旺角新開甜牙牙煮意，唔知同甜牙牙有冇關係呢？見到新開緊係去試下，店舖都幾寬落！♥️ 漁人碼頭上網見到幾多人推介，賣相相當吸引。蝦都幾大隻，蜆份量都好多，魷魚唔會好煙韌，三者鮮味十足，掛上醬汁，味道一流，口感吸引。配上爽口扁意粉，食到索索聲，CP值極高！❤️ 慢煮檸檬刁草三文魚配青醬三文魚煮法好多，檸檬刁草的煮法應該都是大眾喜愛的口味，味道酸酸甜甜，帶出三文魚新鮮魚肉既鮮味。將三文魚嫩滑的魚肉配上青醬，昇華整體味道，撈上意粉作主食，超級飽肚。

Lunch想食下西餐，行過依間食店價位唔太貴，賣相都幾好，就入去試下啦。💕咖哩安格斯窩夫配沙津睇完一輪餐牌，比依個窩夫吸引左，平時D 窩夫通常都係甜甜的，估唔到鹹味既咖喱都有窩夫，幾新鮮既設計。賣相都唔錯，咖哩配上窩夫的確味道幾特別，而且係好食既！加上有d肉感，入口幾咬口，口感實在唔錯，推介大家必試！💕檸檬烤雞原隻烤雞，配上店家自調配的檸檬汁，酸酸甜甜幾開胃，雞肉嫩滑唔煙韌，配上蔬菜，減低整體膩感，午餐份量夠哂飽肚！