玉桃軒酒家 (利舞臺廣場)

營業中

休息中

今晚和朋友行完街行到9:30pm，在利舞臺打算找間餐廳吃晚飯，發現很多餐廳都吃過了，唯有選間中菜 - 玉桃軒，酒樓位於20樓，可能太夜關係，店內還有座位，門口看見裝修都很新，店內大多是一家大小的顧客。除了主餐牌外，還有套餐推廣，激底晚膳三寶$358，包半隻蒜香雞、蒸沙巴斑、小菜一款。最後我們點了海鮮粉絲雜菜煲 - 內有小棠菜、西蘭花、冬菇、蝦米、粉絲、草菇、瑤柱、鮮魷魚。一品蒜香雞 - 皮脆香滑、上檯時還熱噴噴，份量十足、有足半隻雞，再配上超惹味的醬汁，配塔一流。清蒸沙巴斑 - 蒸的時間剛剛好，蒸魚豉油不太咸，肉質夠滑，在家很難蒸到這質素。總評：在銅鑼灣區有水準的酒樓，而且服務也不錯，侍應都會主動問客人是否要白飯和添熱水，值得一讚！

嗰日約咗朋友食飯朋友話鍾意食片皮鴨，之前喺銅鑼灣附近食咗一間唔錯，所以決定同佢去試下。餐廳位於銅鑼灣利舞臺廣場20樓，地點非常方便。餐廳環境闊落，座位寬敞，光線充足，十分整潔。餐牌上菜式選擇豐富，而且賣相吸引。仲有其他套餐同廚師推介，價錢激抵。滷炸軟心豆腐，豆腐非常入味，外皮香脆，內裏嫩滑，點上醬汁滋味倍增。花膠螺頭燉北菇湯，材料十足，花膠、螺頭都是滋陰的首選，湯濃香撲鼻，清澈不油膩。在大廳一角片鴨，客人可遠遠見到片皮工序。北京片皮鴨，鴨皮很脆，質地鬆化，鴨肉嫩滑，肉汁豐富，入口充滿油香，餅皮厚薄適中。

今日逛了很長時間，又去了崇高百貨，又去了時代廣場。不知不覺原來天黑了，又是時候肚子要食飯。當時最近我們的商場就是利舞臺廣場，所以我們就直接選擇了在利舞臺廣場食晚飯。我們去了利舞臺廣場的玉桃軒酒家 。一坐下，就見到枱上有張餐牌寫着北京片皮鴨半價，178元。所以我們二話不說，就即刻點了這個北京片皮鴨。另外，見到餐牌有一張寫着花膠精選系列，裡面有一款花膠螺頭炖北菰湯，價錢68元，感覺可以，所以也點了這個花膠螺頭炖北菰湯。見到隔離枱有人叫頭抽蟠龍大花蝦，賣相幾好，我們都不蝕底，照叫了頭抽蟠龍大花蝦（兩隻起，所以我們直接叫兩隻，每隻40元）北京片皮鴨，片皮鴨切到一片片，主要切鴨的外皮，好香脆，油光美美。我先夾上一塊包着片皮鴨的皮皮，再夾片皮鴨一件，以及其他配料，即是青瓜條和大蔥條，然後放一少許片皮鴨的甜醬，包好，放入口，嘩，太耐沒有吃片皮鴨了，好味道。好香。好惹味。另外我想說，片皮鴨份量都幾多，食得我們都好飽，哈哈。而且我一邊食，一邊看四周，原來很多枱客人都有叫片皮鴨，哈，見到職員不停拿片皮鴨切切切，好搞笑。花膠螺頭炖北菰湯，湯好清甜，好好飲。肉眼都可以見到材料都幾充足，有花膠，北菰，豬肉等..

話咁快又到了十月份了，天氣開始凍了，朋友住在新界，好耐無見好朋友，一早揾定資料，打電話訂好位，安排好囇，於是我們約了在利舞台的20樓玉桃軒中式酒家。我們抵達了玉桃軒酒家，待應安排了我們入座後，酒樓環境坐得舒服，不過冷氣比較凍，記得帶多件外套。於是我們二人比細食，就叫左大約一斤重波士頓龍蝦伊面$148，另加多40元可以芝士焗伊面。平時無啖好食，又無靚湯飲下，於是叫每人一盅，每盅只是$68元。花膠螺頭炖北菇湯:熱騰騰的花膠湯，花膠對女士有養顏功效，花膠算好肥厚一大片，仲有一粒大北菇，加埋鮮甜螺頭湯，啖啖湯好滋補。波士頓龍蝦伊面:波士頓龍蝦好大隻，重約一斤,大龍蝦開邊切開，而且好容易龍蝦食到啖啖的龍蝦肉,加埋芝士焗的伊面好香又甜，不過如果啲伊面份量比較少，真是好滿足。優惠時段，星期一至日中午12:30結帳有8折優惠添.

銅鑼灣返工經常到茶餐廳食飯有d悶，難得今日心血來潮，一行三人走左去玉桃軒飲茶食點心。地方好大，坐得好舒服！点心紙有多款美食蛋撻熱辣辣，酥皮好香好 鬆軟！炸饅頭， 炸得脆卜卜， 裏面軟綿綿， 配煉奶一流，食吾停。最愛食义燒包，呢間我覺得真心好味，熱辣辣麵包皮 鬆軟，义燒吾會太肥或太瘦，味道適中。苦瓜釀鯪魚肉，苦瓜甘甘地吾會太苦，鮻魚肉爽囗彈牙，加小小豉油已經好好味。糯米雞即叫即蒸，一打開噴晒煙，糯米飯 煙煙靭靭，囗感一流，雞肉鮮嫩入味

國內親戚朋友到港，就帶咗佢哋去銅鑼灣行街飲下茶，我哋就選擇咗近近地利舞台商場入面玉桃軒飲茶😉一開電梯門，這裏佈置得好靚，圍住一個個花球點綴😍樓底高，掛住一盞盞吊燈，感覺優雅舒服😌點心紙上有多款點心及甜品選擇😋鳳爪排骨飯-每盅都係$38超抵食👍菜苗鮮蝦餃皮薄餡靚-鮮蝦非常彈牙，豆苗非常新鮮😋煎釀矮瓜，矮瓜煎得好淋好入味配上醬汁，味道一流👍呢個蟹籽燒賣皇，粒粒都脹卜卜咁大粒，而且豬肉不會好肥，加上新鮮熱辣辣蒸好，所以超正😋😋😋

今日難得閒日唔洗返工決定陪媽咪去銅鑼灣行街shopping，順便飲啖茶食個包～環境不錯，枱與枱之間唔算話好逼「沙嗲蒸土魷 $33」不論係調味定土魷都好好沙嗲味道到位，土魷唔會碎濕濕舊舊大小適中，魷魚鬚嘅比例亦剛好呢個點心喺坊間好多酒樓嘅調味做得唔錯，可惜往往係土魷失色「黑松露帶子餃 $36」有驚喜！帶子食得出有帶子味(唔係廢話，好多酒樓所謂嘅帶子都係無咩味)有黑松露故之然好食，仲為成粒餃錦上添花「香煎金粟花枝餅 $28」表面煎得脆又無煎燶食落去唔會成包油，熱辣辣好新鮮入面食到花枝粒同金粟，值得一試！「海蜇拼燻蹄 $42」估唔到咁大碟，尤其係燻蹄！兩款嘅味道都調得剛好個人嚟講非常喜愛～「花生甜薄罉 $35」好耐唔見有呢款中式甜品食啦比起咸薄罉，我更喜歡甜食到滿滿嘅花生粒同糖係入面外皮又夠熱，推薦呀！總括而言，呢間酒樓嘅食物質素唔錯，同朋友或家人來食都適合不過～

今日去左銅鑼灣利舞臺搵吃，最後同朋友都係決定去玉桃軒嘆一盅兩件，慢慢嘆😋點心選擇很多，價錢係銅鑼灣區來說屬合理，點籠蝦餃先....仲有不同小食、小炒和粉麵飯選擇，熱愛香吃食物既我，即刻點返個脆皮燒腩仔同蜆蚧鯪魚球試下先。原來仲有午市優惠推介，特價粉麵飯。晶瑩蝦餃皇，皮簿蝦新鮮大粒。脆皮燒腩仔，皮燒得真係好脆，肥瘦均勻，一口一舊，好味道。蜆蚧鯪魚球，彈牙既鯪魚球配上香濃的蜆蚧，非常惹味。星洲炒貴刁，炒得色澤均勻，味道可口。

到銅鑼灣約朋友飲茶, 必定想起利舞臺的玉桃軒。 因為地點好就腳， 銅鑼灣地鐵站時代廣場出，就見到利舞台，所以非常方便。酒樓寬敞開揚， 同時點心款式選擇多， 最重要味道和質素都保持水準。 所以到香港區這邊約朋友飲茶我必定選玉桃軒。我最欣賞他們的蜜汁叉燒， 叉燒肥瘦適中，口感軟林，味道甜美，最重要配埋蜜糖油豆， 蜜糖油豆現在好多酒樓都冇做這種配菜， 所以蜜汁叉燒必定每次order。今次發現有芝麻菲林卷，這種懷舊甜品都越嚟越少酒樓會做，還做特價20元必叫，芝麻味濃不太甜。點心拼盤 65元但都好豐富朋友至愛的薑汁蒸軟糕， 熱辣辣好夠薑。鳳爪排骨飯都唔錯。

由於中秋節唔係香港，所以提早同屋企人做節！問老媽想係屋企煮定出街食，佢話出街食，噤又係嘅，個衰仔叫做節，重係屋企煮咩，緊係叫個衰仔俾錢請，出街食啦！果個衰仔，咪就係我囉....記然做節，噤就食好d啦！妹妹提意去玉桃軒，噤咪book枱開餐囉！首先讚一讚佢地嘅服務先，待應服務態度唔錯，會俾吓意見。妹妹話係玉桃軒食過片皮鴨，唔錯，想點一客，點知賣哂！嗚嗚嗚.... 早知的話book枱時留定一隻啦！老媽話唔食得太硬，所以叫咗個賽螃蟹炆伊麵，豉汁帶子蒸豆腐，清蒸石班，另外再點粟米魚肚羹，燒味雙併點咗油雞同燒鵝，茶樹菇魚腐茄子煲，前菜點咗海蜇併燻蹄，蒜片牛柳粒。粟米魚肚羹足料，魚肚份量不少賽，無偷工減料。賽螃蟹伊麵唔係太濃味，啱哂我老媽食，夾伊麵時唔會斷開哂，而且成碟伊麵唔多覺油膩，掂啦！自己知自己事，自己身體唔係太好，唔太敢食鵝，點知食咗一件就即時腳痛，証明哩隻係燒鵝啦！清蒸石斑蒸得恰到好處，所以肉質好滑，連一向唔食魚皮嘅我，都夾魚皮黎食，魚皮比魚肉更吸引更好味，不過中意食蔥嘅我，如果多D蔥更啱我胃口。豉汁帶子蒸豆腐雖然簡單，但係一個好好送飯嘅菜，豆豉嘅咸鮮將成個菜提升哂，其實我只食豆豉，帶子同

第一次黎到銅鑼灣分店既玉桃軒食午餐，同朋友食厭左點心，就點左d 小菜同小炒同朋友一齊share。 我地叫左幾碟野，首先係豉椒干炒牛河，牛肉本身已有調味，豉汁同濕潤的河粉配搭一流。 燒味拼盤，蜜汁叉燒，甜黃豆，同豉油雞，口感唔錯，特別係叉燒十分滋味。 魚香茄子煲，茄子十分入味，加埋已釀了既肉碎，仲有魚油，茄子煲送飯一流。 仲有個海皇豆腐羹，入面有豆腐，蝦球，蛋白絲，羹汁十分濃郁。都幾豐富，同朋友食得好滿足，下次會再黎。

今晚約左朋友去左銅鑼灣食晚飯，友人一向愛吃中菜，經過了「玉桃軒」就決定去食！2人我地叫左3道菜，包括有「北京片皮鴨」，「海蝦粉絲煲」同「五香牛展」！講左北京片皮鴨先，呢碟係我最期待，果然一上菜就震驚了我，想不到現時做推廣的這個菜竟然有這麼大的份，先單試一下鴨件，鴨的外皮香脆，肉是薄的，味道不錯，食得出是師傅有多年的功力，然後再用正宗的食法試一試虛實，包鴨件的外皮是有混合芝麻，是坊間比較小見的做法，再加上香蔥及青瓜，一食後先是芝麻的香味，然後再到鴨件的香脆及醬的味道，搭配的很好，以價錢計，性價比很高，實屬佳作。五香牛展屬於餐前小食，所以份量不多，味道不錯，與街外的分別不大，幾開胃，亦沒有太多的特別的地方，是正常之作。最後的海蝦粉絲煲，上菜後亦是令我震驚，因為$118的價錢竟有8隻蝦，遠比我想像得多，而且食得出同時用上生抽及老抽調味，所入十分入味，再加上粉絲吸光了當中的精華，好味到不能形容，是這餐的驚喜之作。

今日同老婆過左去銅鑼灣，揀左近近地既玉桃軒，老婆話呢間幾好食，去到酒樓都已經兩點的了，不過侍應俾我地入去坐低先，之後睇下有咩食先。【潮蓮燒鵝瀨】+【蜜汁叉燒湯瀨】燒鵝皮真的頗脆，且肉質有口感，以香料調味，把鵝味帶出，正，叉燒選用半肥瘦梅頭肉，肥瘦部份清晰可見，外皮食到麥芽香味。瘦叉燒就算食落口都唔會覺得食柴感覺！肉帶微熱，絕對有驚喜，到湯底清清地，個瀨粉都好滑。【玉桃晶瑩蝦餃皇】好大隻，蝦餃內裡D蝦都好有彈性，個皮都唔會過厚。【雞絲滑粉卷】雞絲滑粉卷已經唔係道道地方都有得食喇，味道不錯，但略嫌皮有點厚，如果薄一點就更正！【擂沙煎堆仔】點了一個流沙甜點，一個是擂沙煎堆，真的有流心效果，而且皮都算薄，一咬就咬到裡面，芝麻都很香濃，不算太甜，不容易吃膩。

今日LC會員開倉日,去左銅鑼灣撲了半天.到了夜晚就去左搵食慰勞下自己.時代廣場去得多,今次去左利舞台廣場既玉桃軒試下. 去到見到佢既片皮鴨兩食做推廣,就叫左份兩食,一鴨兩味,另外仲叫左個胡椒豬肚煲.京式片皮鴨竟然比足原隻12人份量,絕不欺場.片皮鴨內脆外軟,香口之餘只有少少油.加埋配菜絕對有北京的味道.薑蔥炆鴨件爆得很好,掌握到油既份量,剛剛無多又無少,再加上啖啖肉既鴨件,配搭得非常之好.胡椒豬肚煲豬肚爽滑有口感之餘又不硬,洗得乾淨無內臟味.胡椒香口之餘又不太辣,很不錯.飽飽滿足的一餐!

放工之後同幾個FD去左公司附近玉桃軒食飯, 我地幾個叫左一個四人餐同半隻龍蝦, 呢個四人餐係響螺海鮮餐$668, 聽個名就知必定有響螺同海鮮食啦, 哈哈…..先黎個帶子龍皇羹濕濕個口先, 哈哈……每一啖都有帶子肉架, 再加埋豆腐令到口感更滑.嘩…….D響螺一上枱即刻心心眼呀, 超大隻LOW, 一人一隻唔使爭, 哈哈……..剛剛焗起超熱呀, 將洋蔥, 響螺肉等材料切碎, 釀入響螺殼到, 飽飽滿滿的, 再配上了忌廉汁, 味道超夾.跟住黎個西芹蚌片蝦球, 蚌片鮮甜, 仲好大隻TIM, 蝦球更爽口.話明海鮮, 又點少得魚呢, 呢條清蒸海石斑真係想叫碗白飯呀, 哈哈….肉質滑, 無過火, 而且仲啖啖肉.不過好可借無哂脆皮雞, 變左白切雞, 但都好好食, 好有雞味, 肉質都夠滑, 無乜肥膏.呀….仲有我地叫左波士龍蝦$148,+$40伊麵底, 有成隻龍蝦架, D肉都唔少, 大廚也很用心先將殼卜爛, 方便客人食, 再加埋伊麵簡直係絕配呀.最後仲有甜品TIM 呀, 咁就劃上了圓滿的句號.