玉桃軒酒家 (利舞臺廣場)

營業中

休息中

到銅鑼灣約朋友飲茶, 必定想起利舞臺的玉桃軒。 因為地點好就腳， 銅鑼灣地鐵站時代廣場出，就見到利舞台，所以非常方便。酒樓寬敞開揚， 同時點心款式選擇多， 最重要味道和質素都保持水準。 所以到香港區這邊約朋友飲茶我必定選玉桃軒。我最欣賞他們的蜜汁叉燒， 叉燒肥瘦適中，口感軟林，味道甜美，最重要配埋蜜糖油豆， 蜜糖油豆現在好多酒樓都冇做這種配菜， 所以蜜汁叉燒必定每次order。今次發現有芝麻菲林卷，這種懷舊甜品都越嚟越少酒樓會做，還做特價20元必叫，芝麻味濃不太甜。點心拼盤 65元但都好豐富朋友至愛的薑汁蒸軟糕， 熱辣辣好夠薑。鳳爪排骨飯都唔錯。