玉桃軒酒家 (利舞臺廣場)

營業中

休息中

老媽子大人生日，佢老人家唔多鍾意食西餐，所以幾兄弟姐妹決定食中菜，媽子住南區，決定就喺返銅鑼灣食，就返老人家。見呢間網上食評普遍唔錯，又未試過，就book 呢間試下。叫咗燒腩肉，芝士龍蝦，炸子雞，帶子炒西蘭花，炒蠔，一碟炒飯，碟碟都好食，分量亦好夠，實在有驚喜，最驚喜係唔貴，食咁多好嘢又好食，但埋單都係1200蚊倒，總共有5個大人食，平均都係每人200百零蚊倒，我覺得好抵呀! 下一次會試下去呢度飲茶，睇下水準如何。

放工出開時代廣場行街，想揾個舒服啲嘅地方食晚飯，最後決定選呢間玉桃軒，可以嘆住熱茶慢慢食。一上到嚟門口夠見到佢嘅佈置，真係幾靚。 跟住映入眼簾嘅就係佢嘅燉湯啦。 一行到門口便已經有很好嘅招待，坐咗喺中間位。佢有很多份menu，實在好多選擇。因為我哋得兩個人， 所以即使見到佢嘅片皮鴨做緊特價， 但都怕食唔曬所以冇叫。食到中途見隔離枱有叫，真的很大碟很吸引。我及朋友人少少，所以叫咗一碟肉同一碟菜，再加上每人一個燉湯， 呢個晚餐超豐富， 好滿足。首先上檯嘅係我們十分之期待的鎮江香醋排骨煲，佢個賣上十分之吸引，而且佢嘅調味很野味，為咗這個煲，明知會食到很飽我們也還是叫了一碗飯。他雖然是排骨，但也是啖啖肉，最後這煲食到一件不剩， 連配料也吃光了。跟著要說的便是他的一道竹笙鼎湖上素，他的芡也調教得很不錯，配上他幾款不同的 菇，滿滿的一大碟。最後也是最重點的，便是花膠螺頭燉北菰湯！每一盅裏面也有一大塊花膠，螺頭不但只很肥美，也很鮮美。這些材料配合起來一起燉，搭配極佳，湯的味道清甜及濃郁，令人很是回味。除了食物質素外，更值得一提嘅係佢哋嘅服務態度，很有禮貌。 

暑假到銅鑼灣shopping，行完SOGO，再在利舞台多層日式服裝店掃特價貨，跟住就約咗屋企人一齊喺嗰邊飲茶。利舞台20樓玉桃軒係午餐飲茶嘅好選擇。佢樓底高、枱與枱之間好闊落，裝修優雅舒適，最緊要唔會太嘈吵！唔使同人鬥大聲講嘢，飲得幾舒服！我哋五個人，叫咗一個二人午市套餐，再另加點心。二人午餐非常抵食，有兩碗老火湯、蜜豆叉燒、西芹炒花枝片桂花蚌、兩個點心、一碟火鴨絲炆米 ，都幾豐富。 $168另外再加左窩蛋牛肉飯、春風得意腸、燒賣王、黑松露帶子餃，再加一碟菠蘿咕嚕骨！呢個菠蘿咕嚕骨炒得真係幾好味！大大碟都只係$48！

囡囡喜歡吃片皮鴨，於是專登黎食，一坐低，二話不說就叫左碟片皮鴨，再點了這裏出名的花膠螺頭燉湯。花膠大大塊，完全沒有腥味，湯夠燶，應該燉上幾個小時，好飲之餘，亦大量補充骨膠原。一盅唔算貴，$6x 至$12x , 飲到胃暖笠笠。片皮鴨表皮香脆，顏色光澤，鴨肉鮮嫩，薄薄的鴨脂配上甜醬、香葱、青瓜，好好味，又不覺得太油膩。再點了生菜肉鬆包，又係包野😝嫩滑肉碎再配上的西生菜，好好味。再點左碟清清地的豆腐煲。要值得一讚是餐廳侍應，服務殷勤，面帶笑容，又經常幫我們換碟，簡直服務一流。

今日晏就約左婆婆去利舞臺既玉桃軒飲午茶！ 見到menu 個度有個午時商務套餐幾抵食，婆婆都覺得唔錯，婆婆話中意食呢個我就聽佢話啦！ 套餐包左兩碗好足料既老火湯，雖然我唔知係咩黎，但婆婆呢d煲開湯既一飲都知呢碗係好足料既湯，湯頭濃郁，仲話真材實料無味精！我緊係信婆婆啦！之後有份蜜汁叉燒王，叉燒肥瘦度適中，又係厚切，口感十分滿足！套餐仲有個燒賣，大大粒，皮薄餡多！翡翠花皮黃金蚌，青芹炒得好有鑊氣，同婆婆隻翡翠手扼一樣咁翠綠！黃金蚌好新鮮又濃郁！最後仲有個瑤柱蛋白炒飯，用蛋白黎炒飯比起用蛋黃更加健康，瑤柱絲佈滿整係炒飯，帶點咸香味，再加埋切粒既菜粒，口感豐富！總觀黎講午市商務套餐幾抵食，婆婆仲話要介紹老友記黎食

今晚去銅鑼灣利舞臺 shopping，聽聞玉桃軒好抵食，所以晚餐揀這間食店。玉桃軒裝潢高雅，水晶吊燈盡顯氣派，場地四四方方，非常適合攪婚宴或聚餐。食物方便，有很多選擇，而且價錢相宜，十分吸引。我 order 了北京片皮鴨、鴨崧生菜包（二食）、竹笙上素豆腐煲和花膠螺頭炖北菰湯。我平時食中餐很少會叫湯飲，今晚心血來潮想飲湯。人類的第七感十分奇妙，好彩有 order ，這花膠湯非常非常好喝，鮮甜美味，花膠大大件又有咬口，表現出眾，萬勿錯過。片皮鴨二食，除了用「好食」和「好抵」來形容外，我都唔知應該點表達個種愉悅。豆腐煲入味，全齋，適合素食和食葷人仕。食店服務勤奮，人手充足，能提供合宜和適切 服務。環境、食物和服務整體表現優異，值得一食再食。遺憾：因為我人少叫唔到太多餸，隔離枱叫石頭鍋，香味撲鼻，十分吸引，我坐隔離都流口水，此遺憾一。唔知係咪隔離飯香，我見隔離枱叫了冬瓜盅，大大個，好吸引，一圍人食剛好，此遺憾二。我決定下次叫多啲人一齊黎食，甘我就可以食多好多唔同款式的餸菜。哈！哈！我真聰明！

銅鑼灣有好多中菜餐廳，但我卻鍾情到玉桃軒來，第一食物質量有水準，第二場地舒服寧靜，第三服務週到價錢合理加上位置方便，鄰近地鐵站。七月生日嘅同事，今次有口褔啦! 香酥上素鵝 ($58) - 一碟六件的素鵝， 外層的腐皮炸得夠乾身，唔會油淋淋而且甘香 鬆脆，一入口就覺得腐皮好香脆，內層包著滿滿鮮甜的菇類，簡易嘅菜式，但十分好吃。香草脆米咕嚕蝦球($148) - 好好味! 平時已經好鐘意食咕嚕肉，今次改食蝦球，蝦球炸得外層酥脆，唔會好似食緊粉團咁，蝦肉爽口彈牙，仲有脆卜卜的炸米餅，青紅椒及菠蘿做配料，味道酸酸甜甜，真係冇得彈。法式焗釀鮮響螺 ($58/隻) - 釀蟹蓋我聽得多，第一次見到有釀響螺，當然要叫來品嚐下，賣相來說比較一般，沒有釀蟹蓋般精美。雖然材料只有芋頭，蝦米，洋蔥粒及紅蘿蔔粒，但調味十分出色，芋頭做很綿密，很creamy，每吃一口都是種享受。上湯瑤柱莧菜煲($98) - 吃了這麼多濃味的小菜，來一個清淡的菜煲，去去罪惡感。這道菜式，份量十足，一束束的瑤柱躺在莧菜上，顯得矜貴。味道方面以清淡為主，呷一口上湯，充滿瑤柱同莧菜香味，有湯飲有菜食，一道菜兩種食法。

今日收工約左屋企人食飯,媽媽喜歡食中式,又要坐得舒舒服服,所以就揀左食玉桃軒。今日有套餐,激抵晚膳三寶$358”,有雞,有魚,有小菜,又真係抵喎!我們再加多2樣菜-北京片皮鴨(半價),生菜片鴨崧。4個人食5碟菜,送埋糖水,都是$700多,仲係食到好飽,都幾抵食,最重要是食物都好好食!半隻蒜香雞,賣相都好吸引,有光澤,皮脆肉嫩,好食!清蒸沙巴斑,條沙巴斑都好大條,唔會蒸得太老,都好鮮甜,合符預期陵魚崧炒芥蘭,陵魚崧都有好多而且煎得好香口,唔會話菜多過肉,芥蘭也不會炒到好老,好食牙!北京片皮鴨,好耐冇食過了,師傅片鴨,片片差不多厚,D鴨肉同皮又唔會韌,份量又多,每人都可以食到幾塊,十分推介要食!!生菜片鴨崧,生菜一望都個好新鮮,鴨崧炒得好香,脆卜卜的,配埋生菜食,口感好正!!最麻煩的媽媽對呢餐十分滿意,話下次要再食~~

難得今晚可以一家四口晚膳，而點選中餐就是老豆的指定動作。玉桃軒在利舞臺，位置十分便利，就book位作為今晚用餐的地方。一坐底，母親大人就見到片皮鴨有優惠，二話不說就要呢個。一碟滿滿的片皮鴨，而外皮亦用蒸籠保温，一皮連肉厚厚的，配海鮮醬京蔥青瓜，美味非常叉燒皇(小點) $68每次老豆必點這裡的叉燒，就知有幾好食，半肥瘦十分好吃三寶$358另還點了這三寶咕嚕肉酸酸甜甜很開胃，而且還帶點脆口，送飯一流蒜香雞半隻雞肉很嫩滑，而且上蒜香汁把雞更帶上另一層次，最重要的是味道不會過鹹清蒸海石班魚的size 不算小，而蒸的時間剛好，魚的肉質嫩滑這晚以這價格，吃到這水準，個人認為十分實惠，會再回來

同老人家出街食飯, 永遠都一定係要揀酒樓去到銅鑼灣, 間間酒樓都會好貴, 有時真係唔係好捨得但今次哩間真心唔太貴其實係比D 優惠吸引左入去..兩款優惠竟然可以一齊用..諗都唔諗, 嗌哂兩個!先前片皮鴨鴨片到厚得黎又唔會咬唔到鴨皮脆卜卜包埋麵皮, 蔥之類查埋麵醬連老人家都讚好炸子雞半隻肉夠滑, 唔會鞋香口野, 又係O岩老人家鴨肉鬆生菜包係片皮鴨二食就咁食D 肉就有D 咸但夾埋生菜食就O岩O岩好魚一條最後鯪魚炒芥蘭炒得夠獲氣得黎芥蘭又夠爽脆屋企完全炒唔到咁果然酒樓就要食D 獲氣野加埋兩碗飯, 埋單都唔使800 蚊即係每人唔使2百, 認真抵食!

忙碌完一整天之後，當然要食番餐好既慰勞下自己，約埋三五知己加女朋友去左銅鑼灣利舞臺食飯，地點易去，食飽仲可以去行街，所以最後決定去食中餐，商議一輪之後，女朋友提意我地去食一間叫做玉桃軒既酒樓開飯！名字十分優雅。去到目標地後，環境相對寧靜，唔太嘈雜，好舒服。好快咁由部長帶位去到一張四人位，冷氣舒適。地方乾淨，招呼一流，算中上級食府。之後睇左一陣餐牌，以下就係今晚既菜餚。北京片皮鴨　鴨皮薄脆，鴨肉偏瘦，如鴨肉肥美少少會更完美，配料以精美大碟裝盛，分別有大蔥絲，青瓜絲，甜醬，薄餅卷，味道不錯！薄餅卷夠熱，咬口軟熟！份量足夠四人食用激抵晚謄三寶套餐　係現今百物騰貴既香港，竟然有三款菜式可以三百五十八蚊就食到，分別有一個燒味，一個熱蕈，仲要當中有一樣係海班，做到咁既價錢，已經算係合理！１　菠蘿咕嚕肉　色澤鮮艷，咕嚕肉脆口，炸粉唔太厚。唔會令人覺得食緊炸粉感覺，配以青紅椒，新鮮菠蘿味道偏酸，但個人喜愛酸味！所以開胃一流。芡汁方面，做到包住咕嚕肉，可見爐頭師傅唔係馬虎了事。配飯一流！２　一品蒜香雞半隻　雞肉皮脆肉嫩，真係食到雞皮脆皮聲音，刀功一流，完整性高，雞件舖排一流！味道唔太鹹，食到熾炸蒜味，唔

今晚相約朋友來到玉桃軒晚飯，呢度屬銅鑼灣區，街上人多不再話下，食肆人多等位嘈雜都必然，今晚都係要預先book位，這裡座位很寬敞，雖然隔離枱都坐滿人，但與友人食飯傾計又唔覺得嘈吵。看一看餐牌，我們叫了個老火湯，香港人煩忙，連煲湯時間都沒有，但又好渴望有湯水既滋潤，呢度每晚都有不同既老火湯或炖湯，今晚正值係霸黃花無花果煲南北杏，止咳化痰，啱晒現有小許咳嗽既我鎮江香醋排骨煲，香濃既醋味，酸酸甜甜，好入味，肉質夠淋，好惹味鎮江骨，有啲係成舊都係肉無骨既，大大啖咬落去，肉質軟腍，真係食過返尋味，下次來必定再點呢味餸糯米蒸走地雞，有紅棗一起蒸，雞肉嫩滑，唔肥膩，每一舊都好惹味，雞肉既肉汁滲入黏軟既糯米飯裡，剛蒸出來，熱辣辣，襯熱食更美味

好耐無約幾位朋友出來相聚，今晚放工後終於見到面，大家話想食中餐，這裡地點方便又坐得舒舒。香炸素鵝做前菜很開胃，香口不油膩，唔錯。魚🐟肚羹很有質素，份量十足！滿滿的魚肚，香甜暖胃。朋友愛燒鵝，皮脆肉嫩，很香很美味！大家既最愛菠蘿🍍生炒骨，調味剛好，甜甜酸酸，非常醒胃！大蝦🍤粉絲煲，蝦肉新鮮，蝦🦐香滲透於每條粉絲，熱騰騰，正！海班夠新鮮，火🔥喉剛好，肉質鮮美過人，一口不留。香芒果布甸，絕對是極佳的飯後甜品。紅豆椰汁🥥糕，口感比較實，椰汁味夠濃。

環境4分：中式酒樓格局但裝修有婚宴feel，好光猛，樓底夠高，人多都唔太嘈，可以畀四分。衛生4分：見到啲碗碗碟碟都幾乾淨，有獨立透明包裝牙籤更為衛生，四分。服務4分：侍應落單快，上菜仲快，清理啲污漕碗碟都唔慢，又幾好禮貌，都係四分。 味道4分：1)      湯河同湯瀨最快到，湯底一樣清清地，兩隻粉都好滑吓。2)      跟湯河另上碟叉燒好鬆又軟，好食過跑馬地間名店多多聲。3)      跟湯瀨另上碟燒鵝皮夠脆同薄，Ｄ胸肉又唔un，正過中環名牌Ｘ記Ｎ倍。4)      雞絲粉卷唔油又夠味。5)      節瓜餃入面有粉絲，節瓜，木耳，等等，脆脆地。6)      四色點心拼盤呢就最抵，兩個人食有齊最大路Ｄ蝦餃同燒賣，好睇又好味，份量剛剛好。抵食4分：飲茶嚟講環境同衛生都算好，中午放食飯時段竟然有多款20蚊選擇嘅點心，確係超值。

雖然係世界盃開幕， 但係酒家嘅場面都好熱鬧， 冇冷場 ，可能係父親節嘅前夕啦!多款精美菜色,睇到都流唒口水。叉燒蜜味充足，就算落單冇特別要求半肥瘦， 都會俾半肥瘦叉燒， 叉燒應肥得肥， 應瘦得瘦 ，就算係瘦嗰部分，都唔韌，又唔會乾爭爭。 黃豆吸左蜜汁， 煙煙韌韌。煲仔夠滾， 好香嘅薑蔥味， 真係班頭腩， 唔會覺得鹹，又唔會覺得好油膩。四蔬有蘑菇、草菇、西蘭花、小棠菜，由於唔係太鍾意食菇類嘅嘢， 所以對呢一碟菜評價都係一般。見到好多枱都嗌片皮鴨或生菜包,我地嗌左生菜包試下啦! 雖然同其他人嗰啲唔同， 因為佢哋係用鴨鬆炒嘅，而我哋嗰啲係用蝦仁炒嘅，不過都唔差喎 !加埋啲北京填鴨醬，覺得好香，啲生菜好脆。走個陣見到有飲茶優惠,下次可以試下喎!