影片
更多
2018-06-28
168 瀏覽
忙碌完一整天之後，當然要食番餐好既慰勞下自己，約埋三五知己加女朋友去左銅鑼灣利舞臺食飯，地點易去，食飽仲可以去行街，所以最後決定去食中餐，商議一輪之後，女朋友提意我地去食一間叫做玉桃軒既酒樓開飯！名字十分優雅。去到目標地後，環境相對寧靜，唔太嘈雜，好舒服。好快咁由部長帶位去到一張四人位，冷氣舒適。地方乾淨，招呼一流，算中上級食府。之後睇左一陣餐牌，以下就係今晚既菜餚。北京片皮鴨 鴨皮薄脆，鴨肉偏瘦，如鴨肉肥美少少會更完美，配料以精美大碟裝盛，分別有大蔥絲，青瓜絲，甜醬，薄餅卷，味道不錯！薄餅卷夠熱，咬口軟熟！份量足夠四人食用激抵晚謄三寶套餐 係現今百物騰貴既香港，竟然有三款菜式可以三百五十八蚊就食到，分別有一個燒味，一個熱蕈，仲要當中有一樣係海班，做到咁既價錢，已經算係合理！１ 菠蘿咕嚕肉 色澤鮮艷，咕嚕肉脆口，炸粉唔太厚。唔會令人覺得食緊炸粉感覺，配以青紅椒，新鮮菠蘿味道偏酸，但個人喜愛酸味！所以開胃一流。芡汁方面，做到包住咕嚕肉，可見爐頭師傅唔係馬虎了事。配飯一流！２ 一品蒜香雞半隻 雞肉皮脆肉嫩，真係食到雞皮脆皮聲音，刀功一流，完整性高，雞件舖排一流！味道唔太鹹，食到熾炸蒜味，唔
去到目標地後，環境相對寧靜，唔太嘈雜，好舒服。好快咁由部長帶位去到一張四人位，冷氣舒適。地方乾淨，招呼一流，算中上級食府。之後睇左一陣餐牌，以下就係今晚既菜餚。
北京片皮鴨 鴨皮薄脆，鴨肉偏瘦，如鴨肉肥美少少會更完美，配料以精美大碟裝盛，分別有大蔥絲，青瓜絲，甜醬，薄餅卷，味道不錯！薄餅卷夠熱，咬口軟熟！份量足夠四人食用
激抵晚謄三寶套餐 係現今百物騰貴既香港，竟然有三款菜式可以三百五十八蚊就食到，分別有一個燒味，一個熱蕈，仲要當中有一樣係海班，做到咁既價錢，已經算係合理！
１ 菠蘿咕嚕肉 色澤鮮艷，咕嚕肉脆口，炸粉唔太厚。唔會令人覺得食緊炸粉感覺，配以青紅椒，新鮮菠蘿味道偏酸，但個人喜愛酸味！所以開胃一流。芡汁方面，做到包住咕嚕肉，可見爐頭師傅唔係馬虎了事。配飯一流！
２ 一品蒜香雞半隻 雞肉皮脆肉嫩，真係食到雞皮脆皮聲音，刀功一流，完整性高，雞件舖排一流！味道唔太鹹，食到熾炸蒜味，唔油膩，唔洗點醬油都好好食。
３ 清蒸海石班 夠份量，勁大條，蒸既時候恰到好處，肉質滑嫩！食唔到泥味，百份百肯定係海魚，份量夠四至五人用
明爐即燒叉燒皇
叉燒選用半肥瘦梅頭肉，肥瘦部份清晰可見，外皮食到麥芽香味。瘦叉燒就算食落口都唔會覺得食柴感覺！肉帶微熱，絕對唔係事前燒定，因為燒定既叉燒肉經過多次翻熱導致肉質結實，會有食柴感覺。第二，刀功一流，叉燒肉厚度接近一致，可見味部師傅功架一流，再配以蜜糖豆伴碟大加裝飾分數！大家可以不妨一試，絕對有驚喜～
整體食物水平一流！服務水準高，上菜速度都快，最重要係環境比較寧靜，個人對今餐評價極高，價錢合理～
張貼
