玉桃軒酒家 (利舞臺廣場)

營業中

休息中

今日晏就約左婆婆去利舞臺既玉桃軒飲午茶！ 見到menu 個度有個午時商務套餐幾抵食，婆婆都覺得唔錯，婆婆話中意食呢個我就聽佢話啦！ 套餐包左兩碗好足料既老火湯，雖然我唔知係咩黎，但婆婆呢d煲開湯既一飲都知呢碗係好足料既湯，湯頭濃郁，仲話真材實料無味精！我緊係信婆婆啦！之後有份蜜汁叉燒王，叉燒肥瘦度適中，又係厚切，口感十分滿足！套餐仲有個燒賣，大大粒，皮薄餡多！翡翠花皮黃金蚌，青芹炒得好有鑊氣，同婆婆隻翡翠手扼一樣咁翠綠！黃金蚌好新鮮又濃郁！最後仲有個瑤柱蛋白炒飯，用蛋白黎炒飯比起用蛋黃更加健康，瑤柱絲佈滿整係炒飯，帶點咸香味，再加埋切粒既菜粒，口感豐富！總觀黎講午市商務套餐幾抵食，婆婆仲話要介紹老友記黎食