玉庭

作為酒店外賣第四彈，選來了位於沙田帝都酒店玉庭中菜廳，前身是自己非常喜歡的   City Art，就算換上新裝，年前照顧母親的外傭回鄉，都曾在餐廳設宴送行。遇上有朋友到訪，就算是要自己拎，問題都不大，加上係eshop購買，更可享8折優惠 (相關連結)。潮州滷水拼盤 （$308） 有滷水鵝、腩肉、豬大賜及紅腸，滷水味好香，色澤不會太深黝，又不會死咸，豬腸炆得好稔，整體水準不錯。瑤柱菜膽燉花膠湯 （$832/4碗） 自己係屋企真係無試過燉湯，因為實在好花時間，雖然是外賣，但包得緊密，一點湯水都無滲漏，呷一口，鮮甜到一個點，原來除了花膠外，更加入響螺及雞肉，難怪。海參珍菌紅燒豆腐 （$258） 海參份量超多又大條，扣得入味，滑嘟嘟的，就算無牙都食到，換上了大碟，賣相一點都不吃虧，玻璃芡薄薄一層，絕不過份，值得一讚。黑蒜生炆龍躉背鰭 （$348） 足足有四大塊，肥大肉厚，又少碎骨，絕對可以六位享用，龍躉先炸後扣，骨膠原都跑出來了，帶點黏嘴的感覺，口感豐腴，好啱自己口味，其實伴杯啤酒更一流。陳皮柚子豚肉骨 （$208

疫情期間，一直在家抗疫。「餓茶」一輪，終於可以好好地嘆茶。父母與我，一行三人，坐在獨立的卡位內，舒適寬敞，加上光源充足，感覺特別良好。鐵觀音，茶香，入口感覺......「柔」「滑」，自然多喝幾口。蝦餃、春卷，蝦夠爽及彈牙，加上適量的竹筍，好味！😋雞包仔，那淡淡中芹，久違的味道。今天，特別一讚的是那咸肉粽，連我這個不好粽的人，也印象深刻，值得推薦！😊👍🏻總結而言，8款點心，8折後，覺得物有所值。😊

平時好少食中餐，呢間係少有覺得好味嘅中餐廳😋呢個椰皇燉鮑魚花膠湯，味道清甜，好濃椰香味🥥鮑魚口感好彈牙，花膠都好厚肉👍🏻好好飲脆皮千層糯米豬🐷都係玉庭其中一道招牌菜~燒豬食得多，配上芝麻糯米同麵包係第一次食。上層皮脆肉嫩，下層香軟煙韌，口感豐富，又充滿麻香！很好的配搭！芙蓉金沙龍蝦球🦞本身好鍾意食鹹蛋黃🥚今次主角由蝦變龍蝦就更好味😍特別欣賞呢道菜無一般嘅油膩感~最後呢道菜唔記得左個名😂蕃茄盛載嘅係蟹肉蛋白，不過我覺得個帶子反而係重點😂成餐都好好味😋

沙田帝都酒店中菜廳「玉庭」剛推出了一個名為「海皇盛薈」的套餐，無論四位、六位還是十二位用都可以，價錢便宜得令人難以置信。四人套餐星期一至四原價$1,288，推廣價只收$988，星期五至日及公眾假期原價$1,488，推廣價$1,088；六人套餐星期一至四原價$2,088，推廣價只收$1,388，星期五至日及公眾假期原價$2,488，推廣價$1,488；十二人套餐星期一至四原價$3,388，推廣價只收$2.388，星期五至日及公眾假期原價$3,988，推廣價$2,688，以酒店級中菜餐廳的派頭，雅致體面的環境，優質的酒店級服務，加上豐富又好味道的菜式，性價比滿分，絕對物超所值。雖然這套餐需要另收茶芥、餐前小食和以原價計算的加一服務費，這夜我與多位朋友一起品嚐過這「海皇盛薈」套餐之後，大家都異口同聲，一致同意超值、好味、抵食。「海龍薈生蝦」擺盤漂亮，大隻新鮮彈牙海蝦，蘸以薑蔥豉油，為這晚餐帶來一個好開始。「金鈎椰菜苗爆鮮鮑魚」把原隻鮮鮑魚以爆炒方式烹調，口感爽彈，濃郁惹味。「花膠雞茸雪燕羹」集合了花膠、雞茸與雪燕等材料，調成一道味美怡人，在家裡不會烹調，口感味道俱佳，只在高級中餐廳才能喝到的

來過玉庭都有兩次，一路都覺得呢度幾值得推薦，當中有幾個菜式，做得出色。餐廳價錢唔算貴一路都知，上月底朋友P先生係Facebook post左佢同人farewell 食左個好抵食嘅餐，又蝦又蟹又花膠又龍躉，好似好精彩咁，八卦下問一問，知道價錢後先發覺呢個餐真係好值得試下，於是月初疫情尚未咁厲害的時候就過左去食。呢個餐名叫海皇盛薈，以幾個名貴菜式如龍躉、龍蝦和鮑魚等做主角，全部都分量十足。而且唔一定要好多人先食到，你可以四位，六位或者十二位來吃，越多人價錢相對越平。雖然好多人話唔好出街食飯，不過呢到都有不少私人房提供，有必要時，來試試也不錯，個promotion menu 做到月尾。第一個相對最普通，海龍薈生蝦，當然我如果話俾你有幾驚為天人，你都覺得純粹講笑，不過蝦夠新鮮彈牙，就已經好好，點下個豉油汁，已經係最好美味。金釣椰菜苗爆鮮鮑魚就真心要讚，炒得出色，搶鏡嘅椰菜苗係勁好食，完全係無諗過咁出色。兩個前戲後，當然要飲湯，吃一圍一圍菜好多時都喜歡食翅，不過依家都係流行吃燕窩，花膠雞茸雪燕羹的甜美，有養顏滋潤嘅效果，又有名貴嘅貴氣，而且雪燕毫不吝嗇，這個相信無人會不愛。鱈場蟹係近呢幾個月嘅主

剛過去的一年，面對母親的離世，著實感到傷悲，猶幸在之前幾年，一直有位把母親照顧得無微不至的工人姐姐，但過幾天就約滿，為了慰勞一下佢，但又要避開豬肉，除了素菜，相信就係海鮮。正所謂「啱啱遇上剛剛」，早上不經意地打開報章，發覺沙田帝都酒店玉庭中菜廳推出只得一個月既套餐，有點令人眼前一亮，因為差不多完全無豬肉，其中只得一樣，就係單尾既水餃。今次餐廳近日推出「海皇盛薈」套餐，性價比真係難以置信，星期一至四，12位都只不過$2,388，不知就裡還以為是街坊酒樓價，而且仲有4位/$988，同6位/$1,388，當然，逢星期五至日會貴些少，都是加多$100至$300不等。畢竟在酒店用餐，衛生條件都好得多，而且訂房都不過另加$600，至少全是自己人，會更安心得多。家陣就帶大家睇下有乜野食。海龍蒸生蝦每人有兩隻，但都是吃得出的新鮮，蝦殼呈艷紅色，而且肉質爽彈，已經說明了一切。金鈎椰菜苗爆鮮鮑魚如果同樣是蒸的話，就未免太單調了，爆香了蝦乾及彩椒，令新鮮鮑魚份外香口，椰菜苗爆炒至焦香，帶少許甘甜爽口，實在好正。花膠雞茸雪燕羹位上，玻璃芡好薄，吃得出雞肉的鮮甜，花膠切絲，入口滑溜，下點胡椒粉會更可口。香酥薯蓉

約了友儕們吃開年飯，有人提議到帝都酒店的玉庭，説這裡的「海皇盛薈」宴席十分划算，平日一席12位用也只是$2388，大家當然全無異議了。是晚助興的House White是來自澳洲的Sauvignon Blanc ($400/支)，甜度及酸度平衡，是支簡簡單單的開胃酒。海龍薈生蝦～肉味鮮甜爽彈，醮少許辣豉油更將滋味突顯。金鈎椰菜苗爆鮮鮑魚～鮑魚細嫩，好像是意料中事，反而椰菜苗更有驚喜，嫩綠爽脆；與蝦乾爆炒後更是惹味！花膠雞茸雪燕羹～一向很喜歡雞茸粟米羹，這個昇華至花膠版，當然是正上正啦！薄薄的芡漿加上剔透的雪燕；爽滑稠黏，口感更豐富。香酥薯蓉鱈場蟹腳～外酥內軟的滑薯蓉包藏了鮮甜的鱈場蟹腳，無人不喜。海參扣原條龍躉～原條龍躉經酥炸過後被澆上混了大量海參的醬汁，肉質依然外脆內軟，連「海參汁」同吃，很下飯。單點項目 - 片皮鴨 ～皮脆、油香滿溢，裹於餅皮內配以紅椒、青瓜、京蔥及海鮮醬同吃，多多也可KO掉。瑤柱扒皇帝苗～以皇帝苗代替豆苗，同樣的翠綠、滑嫩無渣。豉蒜波士頓龍蝦配香煎新竹米粉～近年大熱的煎米粉菜式，配搭多樣；這裡的是龍蝦，爽甜的肉質以豉蒜調味，惹味非常；香煎過後的新竹米粉，吸收了龍蝦及

初五剛過去，各大酒店、餐廳又再推出優惠，這晚去了沙田帝都酒店的「玉庭」，他們剛推出「海皇盛薈」套餐，九道菜特價由$988起，每人平均二百多元已經可以「炒蝦拆蟹」，吃盡各款海鮮美食，實在抵！海龍薈生蝦說是「炒蝦拆蟹」也不盡正確，因為蝦不是炒的，而是白灼的，哈哈！從來只有新鮮靚蝦才可以白灼吧，這碟鮮甜又大隻，蘸些辣椒豉油吃，一流！金鈎椰菜苗爆鮮鮑魚調味十分惹味，鮑魚鮮美，菜苗爽口，大家都很喜歡這一道菜。花膠雞茸雪燕羹我是湯怪，這碗矜貴的「花膠雞茸雪燕羹」實是我的最愛，花膠一絲絲的，真材實料，雞湯味道香濃，再加上雪燕，滋補養顏。香酥薯蓉鱈場蟹腳以為是百花蟹鉗？錯了，大廚用薯蓉包著蟹腳肉來炸，口感有點像芋角，更添海鮮香氣。海參扣原條龍躉新年怎可以不吃魚？這是很大的一條龍躉啊！魚皮炸得香脆，朋友們都讚不絕口，我則更愛伴碟的海參，炆得軟腍入味，而且十分有益呢。片皮鴨 (另點，$488)新年吃豐富一些，我們加錢要了隻招牌片皮鴨，鴨皮香脆，鴨肉軟嫰，不錯呢。這鴨是兩食的，另一食法可揀選蹄香炒鴨崧 (跟生菜片) 或涼瓜炆鴨件。瑤柱扒皇帝苗很久沒吃皇帝菜了，之前多數用來打邊爐，這晚大廚用了來炒，淋上海量瑤

帝都酒店入面這間玉庭都有一段時間沒有去，剛剛上星期日同屋企人飲茶發覺點心味道唔錯，埋單時送了一張七五折晚飯coupon，於是今日同屋企人再來試試他們的晚飯，這裏環境舒適， order咗佢哋推介的脆皮千層糯米乳豬， 這個手工做得很精緻， 廚師亦好細心把脂肪去除，配埋糯米薄薄一片， 外脆內軟這樣配搭不會覺得肥膩。這條鹽燒烏頭很大條， 啖啖肉配埋豆瓣醬非常鮮甜美味。還有這個柚子陳皮骨做得很出色，各人都很喜歡， 值得一讚就是他們的柚子肉一粒粒配埋陳皮絲很甘香酸酸甜甜非常 惹味又開胃。萬佛寺齋煲和淮山雲耳炒蜜豆， 賣相雖然一般，但味道唔錯，欣賞他們做到少油少鹽，感覺健康。這次晚飯大家都非常滿足。

個個星期同老佛爺飲茶飲到悶,就試下去帝都酒店下面既酒樓(唔搵唔知有間酒樓),如果指定時間前埋單有折不得不讚,以為只係去另一間酒樓飲茶,無期望之下出奇地有驚喜環境舒服同靜,揸車人士好方便,門口擺低架車上一層電梯就係鮑魚芋角-同食開既唔同,唔係豬肉碎,入面有叉燒,雞肉,當然仲有鮑魚,外脆內軟口感一流,未食過咁好食既芋角3色蝦餃-成粒都係蝦肉,多料好食蝦腸-正宗皮薄餡靚,一定要食,D蝦夠彈牙牛肉角-我唔食牛,但姐姐話好好味AR食物-好少去一間酒樓飲早茶會覺得好食(除左杯茶唔好飲),每樣點心都有水準服務-STAFF有禮貌,唔會無人理你環境:周圍係酒店FEEL值得留影,枱面係軟既(估佢唔到),坐得好舒服夠闊,夠靜傾計一流難得老佛爺滿意,仲話一定要再黎過

今日嚟咗沙田玉婷，先食下午茶先，咁就叫咗好多特色點心，首先叫咗個，蒜蓉炒菜心，啲菜都幾好食到曬熱，原來叫咗個，三色點心。叫咗。叫咗赤焰大師復風，未帶碗飯。包括叉燒油雞貴妃，雞燒腩仔米粉河粉，另外小食黃金豆腐。酸醋雲耳魷魚粒。仲有就醉酒分歧伴海蜇。滷水鵝片拼盤。胡椒蘿蔔絲餅，海蜇分歧。坐嘅環境都幾好都唔錯嘅。哩度賴單我惗四五百蚊度啦，但係都好多嘢食，好豐富，賣相都唔錯，啲嘢都好清潔，員工服務態度都好好。

在往上水的地鐵上，遇上了同事K，佢問我去邊。我說到沙田食飯，佢個樣堂左嚇左一跳，然後得啖笑。住大圍嘅佢話，沙田基本上係美食沙漠，有乜原因要喺北角走到入去食飯。雖然新餐廳多，但係冇乜特別，全部都係走馬看花，如過眼雲煙。佢個樣百思不得其解之際，我再話佢知我去為咗一個酒店中餐廳嘅得獎菜式後去，那一刻嘅神情，佢就好似聽到搽牛眼淚可以見鬼一樣。因為榮獲 2019 香港國際美食大獎才來？也不是這個原因，其實之前來過幾次，說真每次食完後，感覺也超值而又好食，我和幾個朋友就如鐵粉一樣。特別係人又不太多，往往有寧靜環境又可以食到美食，又點會不來。特別今晚朋友寫了幾個又新又特別嘅菜式，如果今晚要有個主題我會說是由頭到尾都是名貴吧，一齊睇下有乜特別。山海傳說呢個名絕對有非常的意境，集合三款清爽開胃的創意前菜，包括彈牙爽口的鮮鮑魚佐以青辣椒醬、花雕話梅瀨尿蝦配鵝肝醬和桂花清香的鮮淮山蓉，聽個名都夠特別。瀨尿蝦配鵝肝？呢個咁實驗性嘅組合聽好似麻麻，但吃落又不錯。鮑魚和青辣椒醬？那股野性我相信不需要多介紹。當中鮮淮山蓉點整都好，加上桂花香，仲殺死人。原個椰皇燉鮑魚花膠湯，我相信冇得投訴，只要你喜歡鮑魚同花膠，加上

友人相邀到此飯聚，皆因這裡得了「2019年香港國際美食大奬」數個項獎，饞嘴的我當然唔會Say No啦。山海傳說（$168/每位）* 得獎菜式/創意前菜～三款清爽開胃的創意前菜，包括鮮淮山蓉、鮮鮑魚配青辣椒醬及花雕話梅瀨尿蝦配鵝肝醬。鮮淮山蓉以小圓球示人，以桂花糖調味，配紅艷艶的香脆米網；滋味與賣相俱佳。鮮鮑魚配青辣椒醬既彈牙又鮮甜，不錯吃！以花雕及話梅浸泡過的瀨尿蝦，再釀入鵝肝醬，濃郁且帶微微酒香，出色！脆皮千層糯米豬（$288/例、$398/半隻、$788/一隻）～外皮烤至金黃香脆，中間的一片是黑芝麻、櫻花蝦、糯米及香煎了的瑤柱，和置底的春餅皮同吃；酥香甘美！原個椰皇燉鮑魚花膠湯（$138/每位）～原個椰皇內藏12頭鮮鮑魚、大大片花膠扒及雞肉，蒸燉多個小時，每口湯鮮得來更帶椰香，這個滋養湯水不單女士大愛，男士也一樣喝得大為滿足！金盤戲游龍（$168/每位）*得奬菜式/現代中式熱盤烹調 - 虎蝦～食蝦都要以「頭」嚟分？係呀，呢隻六頭越南虎蝦嚟㗎；龍船咁嘅造型、肉質鮮美彈牙到不得了，酥脆嘅炸饅頭索咗青花椒及黑椒忌廉汁又係正到不行！呢個「金盤戲游龍」得獎唔係無道理喎。玫瑰燻焗龍

相熟友人聽說這位於沙田帝都酒店內的高級中菜廳「玉庭」推出了多道吸引的新菜式，廣邀好友一起前往飯聚，當然欣然赴會，期望以美食滋潤心靈，讓生活更加得力。「山海傳說」（$168/位）是新鮮出爐 2019年香港國際美食大獎現代中式熱盤烹調創意前菜組別的得獎菜式，匯集了爽口彈牙，以青辣椒醬伴吃的鮮鮑魚、中西合璧，食材配搭新穎獨特的「花雕話梅瀨尿蝦配鵝肝醬」與口感粉軟，散發出淡淡桂花糖香的「鮮淮山蓉」在一起。三者中，重口味的我最喜歡的則是帶點兒辣，口感爽彈中帶少許刺激的「鮮鮑魚配青辣椒醬」。「原個椰皇燉鮑魚花膠湯」（$138/位）用上了十二頭的鮑魚和大件花膠，以原個椰皇經多小時熬燉，湯味清而帶椰香，味甜好喝，還有鮑魚、花膠可吃，名貴得來又好味道，讚！另一道得獎菜式，榮獲 2019香港國際美食大獎現代中式熱盤烹調虎蝦組別銅獎，賣相精緻的「金盤戲遊龍」（$168/位）用的則是來自越南的六頭大虎蝦，個頭之大，堪與數月前我在海洋公園泰國菜餐廳「爐炭燒」所見的斯里蘭卡巨蝦相比。肉質爽甜鮮美的大虎蝦，以金黃酥脆的炸饅頭作伴，並配以香濃的黑椒忌廉汁及以青胡椒點綴，漂亮得來好吃，能夠得獎，確是實至名歸。得獎菜固然