犇殿台灣火鍋 (奧海城三期)

營業中

休息中

超豐富台式吃到飽火鍋🤍-嗰日小編同朋友行吓街，突然講起好想食火鍋放題，於是乎就入咗呢間試吓~-🐮黑毛牛肩胛肉晚市套餐 ($275)因為太多選擇，分開幾part講先😛🥩肉類套餐可以選擇豬、牛、羊、雞，牛肉有五款可以選擇，包括黑毛牛肩胛肉、美國牛板腱、美國極黑牛三叉、安格斯牛小排，同埋美國牛胸腹板肉😚啲牛肉肉質軟嫩，油花都好靚，充滿肉香，呢個價錢食到呢個質素真心唔錯🤍🍲湯底小編同朋友各自揀咗一款湯底，分別係一品酸菜白肉鍋同埋藥膳紅燒牛骨鍋🥰一品酸菜白肉湯嘅湯底係乳白色，酸味好夠，感覺超級開胃，裏面仲有好多白肉，每塊晶瑩剔透，成個湯底足料之餘味道幾有水準🫶🏻牛骨湯嘅味道幾香濃，帶有淡淡的藥材香，裏面有紅棗杞子人參等等，感覺好養生，另外仲有洋蔥增添香氣😚🦞海鮮類套餐本身可以揀東港海斑片同埋台灣透抽，另外仲可以揀鯇魚片、蝦、蜆等等唔同嘅海鮮🫣小編個人幾推薦海斑片，滑得嚟充滿魚味~-🥓夜市小吃自助吧/落單都可以食到各式夜市小吃，例如台灣鴨血、鹽酥雞、滷肉飯、滷蛋等等，水準不錯，幾推薦大家食香滷三寶同台灣香腸🤓-🥟手工餃子及滑類手工餃子足料之餘，全部都皮薄餡靚，特別推薦燕餃，好鮮又有大大隻蝦係入面😋

-今日同老公去左奧海城shopping行到累 去左 "犇殿"打台底火鍋😍叫左個，"黑霧牛肩肉吃到飽套餐"-今日同老公去左奧海城shopping行到累去左 "犇殿"打台式火鍋😍叫左個90分鐘 任食 黑毛牛肩肉吃到飽套餐有8 款湯底比我選擇我選擇左刈菜蚵仔湯做湯底入面會有d 蚵仔， 而且個湯底有一啲咸香，都幾特別佢除咗係台式火鍋之外仲有好多台式小食台灣鴨血、鹽酥雞等食肉獸嘅我勁開心 因為勁多唔同類嘅肉比我任食😍😍😍🐄黑毛牛肩胛肉、蘇格蘭牛小排、美國牛板腱、美國極黑牛三叉 等等其中我自己最鐘意黑肉牛肩胛肉，肉質好有咬口🤪勁多款蔬菜🌱🌽🥕選擇、所有食材都好新鮮甜品除左有成日食到嘅Häagen-Dazs之外，當然仲唔少得我嘅至愛台灣芋圓 ，可以自己加幾多配料落去😍呢餐食到勁滿足❤️❤️❤️❤️❤️

火鍋, 湯底是靈魂。台式火鍋的湯底, 款式比廣式傳統的較多。例如酸菜白肉、台式沙茶,烏龍茶菌皇及桃膠美人鍋等…… 今晚我們2人就點了一款店新推出,市面上又少有的刈仔鍋; 刈仔鍋其實同台灣蚵仔煎的蚵仔一樣; 鍋的湯底呈奶白色, 清淡中帶點蚵仔的鮮甜, 撈上的蚵仔細細粒, 白滑, 湯底配以生菜, 吸收了蚵仔的鮮美。火鍋, 肉類是少不了, 有豬梅花, 牛胸腹板肉,牛三叉……豬梅花, 豬肉片鮮紅色, 肉筋清晰分明, 富有肉味。而牛三叉,長長的肉, 切成跟手棍差不多大少,入口啖啖肉, 一大片牛肉很有肉味,入口的肉汁滿溢口腔。海蝦, 蝦3隻手指般大隻, 蝦肉爽口, 蝦味濃郁, 混以刈仔湯底, 味道更富層次感。這裏的手工餃也是不錯, 蝦, 原隻爽口, 晶瑩剔透, 熟後可以看到成隻蝦; 蝦鮮味濃郁, 吃下爽口彈牙。火鍋, 現在流行吃湯丸,有袋裝的湯丸, 但只找到芝麻味, 如果有花生味會更好, 滾到軟軟的, 入口香濃的流心芝麻流出,齒頰留香。吃完來一杯Haagen Dazs雪糕, 只有咖啡味道, 但足夠了, 因為是我喜歡的味道, 香濃的咖啡味道, 能把口中的油膩感和味道都清除,使口腔清新。

相信不少的香港人也最喜愛食四季火鍋，這間台式火鍋主打靚牛肉，也是任叫任吃的，今日一於和朋友嘗試一下.餐廳是利用QR code下單的，又環保又方便，又避免漏單的情況，加上店員也十分熱情地招待，所有碟子也很快地收取，加上餐廳環境佈置十分之闊落，舒適冷氣又足夠.這個湯底十分之有特色加上蠔肉十分之肥美，能夠享受台灣火鍋的風味，也能夠嘗試美味的牛肉.各式各樣的醬料也能夠自由地調配.牛肉的品質十分之高，入口充滿了肉味.台式香腸也十分之香脆.自家製的飲料也十分之健康.最尾還有高級雪糕為這一餐我想完美的句號.

之前經過奧海城三期 見到開咗呢間台式火鍋已經想試 不過當晚已經食飽咗🤰🏻終於呢日同屋企人嚟試咗啦 特登喺平日晚上六點嚟到 唔使等位🤪呢個決定係啱嘅 因為過咗半個鐘左右 座位已經七成滿犇殿主打台式火鍋放題 有唔同嘅牛肉部位/夜市小食/配料等等 淨係湯底都有八款可以揀 而放題就分咗4個級別〰️▪️黑毛牛肩胛肉餐我哋揀呢款$275/位 食物已經夠多選擇☑️首先湯底我哋揀咗藥膳紅燒牛骨鍋🐂好濃郁但唔會膩 最鍾意佢有少少藥材味滲出嚟👍🏻牛之中我至推介黑毛牛肩胛肉同安格斯牛小排 牛味特別濃郁而且肉質好軟稔 極黑牛三叉都唔錯🐮豬梅花都好食 我哋都叫咗幾轉 而如果你都鍾意食羊嘅話 一定唔可以錯過紐西蘭羊卷肉 勁好味 羶味好突出 我好愛🤤媽咪話阿嫲燒酒雞都好滑好嫩🐔另外我哋都點咗一啲小食配料 例如鴨血/炸午餐肉/小香腸…有個十三香滷三寶值得一試 三寶係有牛筋/牛肚同大腸 滷水好香好入味除咗QR code落單 呢度都有個勁大嘅自助區 醬料/飲品/甜品/蔬菜…隨便睇慢慢揀💁🏻‍♀️我自己都食咗兩杯沖繩海鹽雪糕 好香滑好正啊🍨最後講埋環境 舖位好大 座位寬敞舒適 無論座位定自助區都要大讚 全部超級乾淨 衛生100分💯

最近跟朋友來試了這家在奧海城三期的這家新開的人氣台式火鍋，犇殿台灣火鍋。午市火鍋放題$88起，自選湯底及任食火鍋配料、甜品、飲品，食足60分鐘，也有148元起吃90分鐘的選擇。我們選擇了60分鐘的放題，套餐88元起（豬肉羊肉），也有128.148的不同價格（牛肉不同），期中包括了湯底加一款肉加一杯飲品加一款雪糕還有自助部分任拿的（肉丸菌菇蔬菜香腸等等）8款湯底任你揀，包括口湖扁魚蛤蜊鍋、台式濃香沙茶鍋、藥膳紅燒牛骨鍋、一品酸菜白肉鍋、招牌御膳麻辣鍋、桃膠土雞美人鍋等，更可加錢變鴛鴦鍋，一次過享受兩款湯底！辣迷最愛麻辣鍋，以大紅泡椒、花椒、八角、白豆蔻、桂皮、草果等多種香料熬煮而成，香氣濃郁撲鼻，麻香帶勁，辣得刺激。我們選了兩個湯底，一個辣的，一個是蛤蜊湯底，蛤蜊湯底超級好喝超級鮮美，蛤蜊非常新鮮。另外，還有鹵肉飯，藥膳雞腳，芋圓甜品任吃，巨巨巨巨划算拉。

叫了90分鐘美國黑毛和牛腰脊肉放題但菜品款式特別少 尤其是丸類餐牌上可以點的只有肉類 其他熟食又要加錢 而且每次肉類只可點2下用這一個價錢食這些東西不如去食牛大人款式更加多真心無下次

今次食左奧運間分店牛肉簡左最平果隻 但真係好肥 食唔到太多 同服務員講左聲 佢換左d無咁肥嘅牛 好好食 湯底係人參湯 不過人參味唔重 下次可能都試返麻辣 🔥🔥🔥 其他火鍋料都幾多 午餐都係百幾蚊 都幾低食

好耐冇去奧海城，原來已經開咗好多餐廳😳今日出省城既我真係大開眼界，見佢個名咁得意，查返其實個犇係「奔」嘅同音字，改名都咁別有用心，就決定試吓呢間專食牛既火鍋店。呢度有4個唔同價位嘅餐，身為牛魔王既我當然要揀$328既澳洲M7和牛😎🥘湯底8選1嘅湯底，好多款式，選擇困難症嘅我哋揀咗藥膳紅燒牛骨鍋，有陣淡淡既藥材香味，感覺好似健康左咁😂🐄套餐送嘅神仙牛肉好高質，入口即溶，牛味好濃。油脂分布平均。佢仲送咗個海鮮拼盤，有蝦、鮑魚、蠔。單點既當然點澳洲m7和牛😎大塊得黎又薄切，個口感好好，油脂豐富好香牛味。其他既美國黑毛和牛腰脊肉都唔錯，雖然無M7咁肥，但佢哋既油香、肉香一d都唔失色。自助區既選擇亦唔少，菜既款式都好多，其中花生芽比較少見，估唔到淥熟後佢幾爽口清甜。而醬汁方面都有好多，仲有佢哋特製既汁。飲品方面，有佢哋自家出既攻玫瑰紅茶同白桃烏龍。兩款入口都舒服。鍾意飲汽水既都有新既教主健康汽水，降低打邊爐既罪惡感。

因為疫情，大家都有一段好長嘅時間冇出去食飯啦。🫣 我哋呢個foodie account終於comeback，就帶大家嚟到呢間比較新嘅台式放題火鍋店。⁣🏃🏻⁣晚市火鍋吃到飽套餐 － 黑毛牛肩胛肉（$275）［好味度：7.5/10］⁣⁣⁣⁣⁣佢哋嘅放題火鍋入唔同嘅套餐揀，分別之處就有唔同級數嘅肉類。😯 呢一個set四款套餐入面第二高級嘅套餐。😬 最高級嘅就可以食澳洲和牛，但係呢一個都有得食美國嘅黑毛和牛，而且三百蚊有找，CP值較高。🤓 見到佢嘅牛肉大大塊，而且解凍處理都好好。😚 雖然唔會係鮮牛，但係食得出唔係啲冰鮮咗好耐嘅殭屍肉，而且肉味濃郁，肉質嫩滑，質素的確唔錯。⁣👍🏻⁣落單嗌嘅配料仲有唔同嘅丸類同埋唔同配菜。💁🏻‍♀️ 四款餃子會係出面比較少見嘅。🤩 而且最有特色嘅就係佢有好多款唔同嘅台灣小食，例如夜市滷味，鹽酥雞等等，估唔到食放題都可以有台灣掃街小食呀！⁣🇹🇼⁣喺出面嘅配料區都見到有五顏六色嘅蔬菜揀，亦都有唔同嘅粉麵類，覺得種類應該多過出面唔少嘅放題店。🥳 至於飲品選擇都足夠好。🍹 甜品雖然唔係佢哋嘅招牌，但係比起其他放題店，你都竟然有芋圓食，而且更加有好多配料可以自己選配。😋 而且

第一次去試呢間，竟然有d咁嘅體驗！員工服務態度差到極點，特別有個少少肥同長期企係收銀位個個紮馬尾嘅染髮女人，食餐飯，但竟然變成挽針對，不停針對我地枱。5個人食，叫左個和牛餐，但d食物真係唔符合價錢，攞d平牛扮貴牛，d員工仲多多聲。

見到呢間台式火鍋店好似好正咁，環境又舒適，餐牌又吸引，中價火鍋店，於是係疫情穩定嘅時候黎試下。黎到3點半，打邊爐當下午茶。黎到門口已經要諗定邊個套餐，邊個湯底，入座計得90分鐘㗎。我哋揀咗$205 黑毛和牛腰脊肉套餐。 都係一個中價套餐，緊係有期望啦。套餐送一個海鮮拼盤，嘩，睇到就一般啦。原來有期望，真係會失望㗎。 牛肉有五款選擇，包括牛三叉，牛板腱， 牛小排，牛肩胛肉同牛胸腹板肉。 牛胸腹板肉勁肥，唔值得呢個價錢食。 牛三叉 同牛板腱雖然略有牛味，但肉質好硬，好靭。 牛小排牛味較重，肉質有咬口。整體黎講， 幾款牛都唔特別出色。羊肉有羊騷味，羊肉唔算嫩滑。豬肉勁鞋。反而燒酒雞比較滑，有酒香味， 淥幾耐都唔驚嚡口， 估唔到打邊爐係要食雞。另外自己出去夾嘅丸類同菜類選擇都好少， 亦都唔吸引。 芝士腸，魚蛋，雞脾菇， 金菇，菠菜苗，生菜等， 普通亦唔吸引。甜品方面，芋圓糖水，呢個時候可能臨近閂門，無refill，無得食。雪糕亦只有兩款，芒果同海鹽味道，唔好食。呢餐打邊爐都勁失望，冇乜嘢值得讚，值得回味。

疫情關係都係外賣比較好D，今日叫咗個B餐，誠惠$273性價比先蠃⋯有2款不同牛肉，份量適中，口感不錯！再有一個豚肉，味道不過不失！醉雞份量亦都係太多，不過2人前應該差唔多⋯最後有一些什菜、丸子、鴨血、麵食等，夠飽肚！最後一提麻辣湯底，真係冇得輸，正！

趁仲有得周圍去，就去咗犇殿食個lunch 90分鐘邊爐放題🍲 食到最高級嘅澳洲M7和牛都只係$255/1，呢個餐仲會送海鮮盤😋一品酸菜白肉鍋、藥膳紅燒牛骨鍋 (雙拼+$30) 酸菜白肉嗰邊啲肉好入味，但個湯底味道唔算太出～ 藥膳鍋就好香喇，最鍾意藥膳湯底煮菇，超香甜🤤🍄海鮮盤 好新鮮啊，有青口、蝦、魷魚(?)、鯪魚滑，仲有蠔食𠻹🦪呢個餐獨有澳洲M7和牛(圓碟)同埋手切琵琶牛肉，和牛好大塊薄切，油脂豐富入口就化☺️ 手切牛肉就好有嚼勁同埋肉香味，各有千秋👍🏻 另外美國黑毛和牛腰脊肉都好正，雖然無M7咁肥，但油香、肉香都兼顧到😋另外不得不提呢到自助區都唔少選擇，仲有芋圓食🥣 lunch嚟講都值得一試🥰如果你鍾意睇我嘅食評，不妨關注我，支持吓我，謝謝你☺️💕

疫情期間，諗住來試一次😓在Lunch時間用餐叫咗個(208/位)黑毛牛餐，星期六日+ $10/位個set入面有8種肉類，但有4種肉都冇貨😪而且送的海鮮拼盤，全部都係唔新鮮😔入面的帶子都係未洗乾淨，仲有好多黑色的野原來Lunch的餐係冇其他小食😟只有肉類和岀面自己拎的菜/丸😔因為夜晚禁堂食，所以要食中午😪當天入面好少人用餐，有好多空枱但唔明點解仲要搭枱😥加上整體的服務態度都不太好😌