牛站(駅)麻辣火鍋放題

營業中

休息中

🌟牛站(駅)麻辣火鍋放題（觀塘）呢間野打邊爐真係好多選擇～間唔時都同朋友黎食下我地食SRF肩胛肉眼套餐呢度嘅湯底都幾多選擇，我地簡左沙嗲鍋自助區有飲品、甜品、熱盤、蔬菜、丸類、水果應有盡有最吸引我當然係有Häagen-Dazs雪糕🥰甜品有冬甩、牛奶🥛布甸、yogurt、芋圓、楊枝甘露等飲品區有一般放題會有嘅飲品外 仲有珍珠奶茶🧋椰青汁、清酒🍶、梅酒等我地每款牛肉都叫左啲😆個人最中意SRF美國極黑和牛片 食落肉味濃又軟腍～海鮮都有蝦、沙白、帆立貝 整體都幾鮮甜 蝦都彈牙小食有乳鴿皇 外皮酥脆每次同朋友黎呢到都捧住個肚走🤭

今日朋友帶我嚟觀塘呢一間人氣火鍋店 質素唔錯👍🏻 我嗌咗SRF美國極黑和牛套餐 食物種類都幾多🥰💛 鍋底清甜椰子雞鍋 好多人嗌呢個 因為味道幾清甜 個人覺得呢個鍋淥蔬菜好合適🥥 龍蝦頭鍋 朋友話好想試呢個期間限定嘅鍋 真係有一個好大嘅龍蝦頭喺入面啊😮 橙紅色嘅鍋底好吸引💛 肉類豬牛羊雞加埋有10款肉類可以任食 食肉獸最愛🐻 餐廳勁貼心 牛類嘅食物 有埋個溫馨提示 淥幾秒就食得🔔 個人真係好鍾意佢嘅澳洲羊肉片 食落口非常嫩滑🐏💛 海鮮呢間舖頭嘅海鮮都幾新鮮 個人最鍾意佢嘅鮮甜海蝦 肉質彈牙🦐 爽脆墨魚同埋帆立貝嘅味道都唔錯 💛 小食真係未食過火鍋會有芝麻雞翼同埋燒乳鴿皇食😮 芝麻雞翼嘅外皮炸得好脆 入面仲有好多肉汁 另外幾鍾意鹽酥雞係逐粒咁嗌 唔會嗌一兜嚟咗好多🐥💛 自助吧除咗可以用QR code落單 餐廳仲有一個好大嘅自助吧area 可以自己夾食物😆 沙律冷盤區有一啲開胃嘅前菜 中華沙律 今日仲有麻辣豬脷👅 另外火鍋配料區 有好多新鮮嘅蔬菜 同埋較特別嘅丸類 岩燒鱆魚丸食落口幾特別 入面有煙靭嘅麻糬🫢 另外有手包蝦肉雲吞同台北鴨血都有得食 仲有小食區 有即炸午餐肉 炸魚皮同埋鬆脆響鈴

呢晚又嚟食我最愛嘅火鍋放題，呢晚仲帶埋兩老嚟食，同佢哋食SRF美國極黑和牛套餐，肉類同海鮮都有得任食㗎🤩鴛鴦鍋底♦️龍蝦頭鍋呢個係期間限定嘅鍋底，一上碟已經見到橙黃色嘅湯底，味道真係好香龍蝦味呀🦞♦️清甜椰子雞鍋呢個係店舖嘅王牌湯底，好多客人都係嗌呢款，因為味道清甜🥥 同埋打邊爐健康清熱鍋底，感覺冇咁邪惡。肉類呢個套餐包含咗多款肉類，淨係牛肉都有五個選擇，勁啱我呢啲牛魔王🐮 SRF美國極黑和牛片、美國安格斯牛板腱、封門柳、美國牛肩胛片同埋巴西牛脷托，個人就最鍾意極黑和牛片，食落口嫩滑得來又唔會好肥膩。西班牙豬五花片同埋美國豬梅肉片，食落口都有啲豬嘅爽彈🐷 最開心嘅係有澳洲羊肉片，真係好滑，又有羊嘅香味😻 花雕酒雞翼煮熟完，仲keep到好多酒香👍🏻海鮮呢度嘅海鮮都幾新鮮，鮮甜海蝦、帆立貝、爽脆墨魚，我哋都有嗌嚟試吓🦑 比較特別嘅有美顏花膠同埋田雞腿🍗 小食用QR code落單嘅小食，即叫即整，上碟熱辣辣。必須要推介嘅係燒乳鴿皇同埋芝麻雞翼，冇諗過打邊爐可以食到呢兩樣食物，外脆內嫩，勁多肉汁啊🐥沙律冷盤麻辣豬脷同醉酒雞翼尖兩款都係唔錯嘅前菜，連開胃嘅蕎頭都有啊😮火鍋配料QR code落單有台北

已經數唔清第幾次黎食啦~真心想推薦比大家!平日黎都真係要卜位先得呀✅我見到門口有條長龍都真係幾多人黎食😂今次試下之前一直未試過既台式香辣湯同埋豬筒骨湯，台式香辣本身入面已經有d基本既配料(鴨血草菇等等)，而豬筒骨湯就固名思意有豬筒骨仲有d栗米等等令個湯更甜🩵一如既往出面自助吧都係有多到數唔曬既打邊爐必備既丸同菜等等，最值得推薦既一定係芋泥肉丸!每次黎我都要食反十粒八粒先肯停手，係會爆漿既芋泥，食落甜甜地，女仔一定好中意~🤭再黎就係有台灣必食既水蓮，呢個真係唔係個個地方都有架，用黎配反個台式湯底真係100分!👍🏻👍🏻至於我地食既套餐可以揀既牛都有4款，最推薦既係美國極黑和牛SRF，肥瘦相間，牛味仲好濃☺️仲有必點既一定係乳鴿!一定食回本!新鮮熱辣辣拎出黎一定係最好食!😍😍最後一定要食埋我最既榴槤雪條先可以走~

過個星期就中秋，天氣無之前咁熱，所以我相約友人到訪了觀塘一間主打放題火鍋的「牛站」享受呢餐晚餐❗餐廳員工招呼周到，好快就排隊入座，上餐速度快而準，裝修新穎雅致而且餐廳座位舒適！⭐️120分鐘SRF美國極黑和牛套餐 $298🍲湯底- 清甜椰子雞鍋：湯底以椰子和雞肉熬製，清甜可口，一試難忘。🥩肉食：肉食方面有多種高品質的美國牛肉選擇，包括極黑和牛片、安格斯牛板腱和封門柳。牛肉鮮嫩多汁，入口即化。🦐海鮮：海鮮方面都有多種選擇包括脆鯇魚片、帆立貝、海蔘、爽脆墨魚等。每種海鮮都新鮮美味🥟其他配料及小食：除了肉食和海鮮外，還提供多類型的配料和小食，如蝦仁棒棒、台北鴨血、燒乳鴿皇、芝麻雞翼。每種小食都精心製作新鮮熱辣辣🥤飲品及雪糕：在飲品方面提供自家冷泡茶、紙包飲品，罐裝汽水啤酒及自由斟飲料既椰青水或清酒。另外仲有Haagen-Dazs等雪糕俾你任食。這家火鍋店無論是湯底、肉食、海鮮還是小食和飲品，每款出品都非常新鮮，絕對值得一試！

話說之前呢已經喺旺角嗰間分店度食過呢一間牛站打邊爐，嗰次唔知係咪因為太肚餓呢覺得驚為天人咁好食，於是就book咗觀塘呢一間試一試。因為前一日先book所以其實都剩返比較早嘅時間，今次食就係6:30嘅時間，一開始就嗌返個鴛鴦湯底啦，叫咗胡椒豬肚同埋麻辣湯底，個麻辣雖然係嗌咗BB辣，但係都係非常之辣，唔食得辣嘅朋友記住唔好嗌啦。一如以往呢，佢都有個QR code可以落一啲牛啊或者海鮮嘅食物啦，必嗌嘅覺得係蠔，真係超級好食，超級新鮮，而且超級大隻，另外覺得必嗌嘅係牛小排，佢個質地係非常之新鮮，淥咗唔夠5秒呢都已經熟晒，好好食。另外呢自己會嗌嘅呢就係黑糖糍粑，佢係留心嘅黑糖，嗌完即刻食係熱辣辣超級正而出邊呢就會有自助吧可以拎吓丸啊腸仔啊菜啊等等嘅食材啦，而有少少失望嘅係佢前菜居然冇麻辣魚皮，喺旺角係有嘅，超級好食，希望遲啲都會加返。整體而言呢一間打邊爐係好出色，好多產品選擇，亦坐得舒服，隔唔中都一定會嚟食吓

性價比極高嘅🌟牛站(駅)麻辣火鍋放題🌟 分店愈來愈多，食材質素高質穩定✨，加埋refill得勁快⚡嘅大型自助區，真係冇得輸😎！🌶️牛駅秘製麻辣鍋｜滋補豬筒骨鍋 鴛鴦鍋 Free麻辣鍋既香且麻，係令人欲罷不能嘅湯底，可自選辣度！豬筒骨鍋能突顯各種食材嘅鮮味！即場用App登記成為會員，免費升級鴛鴦鍋！🥩SRF美國極黑和牛片｜美國安格斯牛板腱美國和牛片嘅油花充足，來自牛脂嘅甜味真係正！而牛板腱嘅口感會再軟嫩啲，值得一再encore！🐸海鮮類海蔘、田雞、帆立貝、魚、蝦、蜆等都係可以無限任食，超爽！🕊️熟食類燒乳鴿皇、醬爆糍粑、芝麻雞翼，放題任食嚟講真係超水準，推介！🍶自助區海量新鮮而且高級嘅蔬菜類，無限暢飲嘅酒精類飲品，仲有多款名廠雪糕，爽度爆晒錶！

今次去到觀塘，都繼續揀去「牛站（駅）麻辣火鍋放題」食SRF肩胛肉眼(2位)🤣.鴛鴦鍋🍲叫咗冬蔭功鍋同清甜椰子雞鍋🌶️冬蔭功鍋酸辣開胃🤤椰子味香濃清甜🥥🐔👍🏻.肉類🥩有SRF美國極黑和牛片🐂美國安格斯牛板腱、美國牛肩胛片🐄手切封門柳、美國豬梅肉片🐖巴西雞肉片🐓SRF美國極黑和牛片同牛板腱肉質嫩滑，肉味濃郁😋牛肩胛片油脂感較重😛.海鮮🌊有鮑魚、鮮甜沙白🐚鮮甜海蝦🦐3款都新鮮爽彈😗.火鍋配料🥢有牛白柏葉🐮海鴨蛋福袋💰手包蝦肉雲吞🥟. 小食及炸物🍤居然有麻辣脆腸🍖炸物有醬爆糍粑同榴槤炸彈❤️軟糯香口😆.自助吧🍽️有麻辣小龍蝦🦞小菜🫛🦑🧄👅水果🍍丸類🦀蔬菜區🥔🍅麵食🍜台式肉燥飯🍚炸物🐟🐷比較特別有芋泥貢丸、粟米貢丸🌽腸灌蛋🍳麻辣湯包、素毛肚、魔芋肚片、水蓮、羽衣甘藍🥬王子麵、刀削麵、手工麵、寬粉、紫蘿蔔🥕.甜品🍮有雪糕杯🍨雪條、軟雪糕🍦甜筒、糖果🍬糖水🥣爆谷🍿乳酪🍓🫐泡芙、豆腐花、牛乳奶凍🥛大福、法式燉蛋、台式手工芋圓🇹🇼椰汁鮮奶芋圓、各類甜品杯🧁.飲品🥤有汽水、養生飲品、茶類飲品🫖果汁🍎🥭豆漿、椰青水、荳奶類飲品、珍珠奶茶🧋咖啡☕️啤酒等🍻

有間人氣高質火鍋放題性價比一向好高，同朋友聚會打邊爐氣氛不錯👍湯底選擇多，都可選鴛鴦鍋，我覺得有麻辣湯底及椰子雞清湯都受歡迎！自助區有齊蔬菜，水果，熟食、飲料🥤甜品🍮雪糕好豐富！環境又寬敞！美國🇺🇸牛肩胛片口感濃郁，肉質柔軟可口！美國🇺🇸安格斯牛板腱油花均勻，肉汁香濃！美國🇺🇸極黑和牛片美國極黑和牛口感入口即化不可錯過👍澳洲🦘羊肉片澳洲羊肉片肉質多汁又唔會蘇呢地點觀塘觀塘道414號亞太中心六樓

食晚市B餐，淨係得好少選擇，湯底算係唔錯，但係我見唔到外面個板所寫B餐應該有嘅野食，冇嘢食就算，last order 之後就冇得拎任何自助區嘅食物，連雪糕飲品都唔俾，真係第一次見咁嘅任食打邊爐。可以食到11點，10點就開始收野，10點半未夠仲熄埋雪糕機，呢餐完全係貼錢買難受。B餐餐牌有可以點嘅items 唔過50樣，自助區就得菜可以拎，牛大人多嘢食過呢度，真係搞唔掂，貼我錢都唔鬼食🤦🏻而且隻乳鴿係成舊爐渣咁，真係想叫廚房啲人自己食番佢。

觀塘1亞太中心真係美食據點, 交通夠方便, 鄰近地鐵站, 難怪人氣十足。牛站係火鍋名店, 餐廳十分寬敞, 卡位又多又闊落, 嘆住冷氣食火鍋放題, 感覺夠曬爽。點了SRF極黑和牛任食放題, 揀咗冬瓜瑤柱豬骨湯底。幾款牛肉都好高質, SRF極黑和牛片牛味濃郁, 肉質鮮嫩有嚼口, 安格斯牛板腱, 封門柳和美國牛肩胛片都好有牛味, 牛肉愛好者當然不會錯過。還有豬肉和羊肉類選擇, 海鮮類有海蝦、帆立貝、魷魚和鲩魚片等, 當中尤其以魷魚和鲩魚片夠曬爽脆。小食選擇也很多, 燒乳鴿皇熱辣辣, 皮脆肉嫩, 肉汁豐富。芝麻雞翼脆香肉滑, 醬爆糍粑香脆煙韌, 糖漿甜香可口。唐生菜、芥蘭苗、油麥菜、蘿蔔、 萵筍和羽衣甘藍等多蔬菜, 新鮮爽脆, 土魷、 豬紅, 還有牛丸、貢丸和墨魚丸等丸類。飲品方面有好多選擇, 汽水、啤酒、果汁和健康茶, 水果有哈密瓜和西瓜, 香甜爽脆又多汁。呢度嘅雪條和雪糕選擇真係非常之多, 雪條雪糕愛好者一定大快朵頤, 十分滿足。

是日平日訂了19:30嘅時間，係晚餐嘅繁忙時間，所以一定係預先book位。🌠湯底有10款湯底選擇，今次揀左台式香辣鍋，想有少少辣度，但原來香辣係唔辣，不過整體底濃郁，都唔錯！🌠肉類揀左最實惠嘅套餐，只有美國牛肩胛肉片、牛舌、澳洲羊肉片、美國豬梅肉片、花雕酒雞翼、有海蝦、有蜆。發現原來牛肩胛肉片肉質唔錯同肥瘦均勻，牛舌都有驚喜！🌠菜類是晚有少見嘅冰菜，其他特別有羽衣甘藍🥬，豆苗，菇類等等。冰菜同香辣鍋好夾，好好味。🌠小食小食好豐富，前菜小食戓台式小食都有好多嘢食，食材都新鮮。鴨血、長長嘅蟹棒、牛柏葉係特別鍾意。🌠飲品飲品種類都好多，有冷泡茶、有酒精類、有鮮榨類、有珍珠奶茶、有熱飲、有凍飲，今次特別令我驚喜就係冷泡鴨屎香檸檬茶，好好飲！🌠甜品有軟雪糕、雪條、乳酪、雪耳木瓜糖水、布甸、唔同味嘅迷你蛋糕，飽到試唔曬。原來唔同分店有唔同體驗，今次體驗遠比上次其他分店好。選擇適合湯底都好重要可以令整餐打邊爐都食得滋味。小食豐富，第一級別嘅牛已經好足夠。

去到觀塘亞太中心附近同朋友食一間火鍋放題，呢間放題除咗我覺得價錢都算優惠之外仲有好多嘢食唔單止淨係打邊爐！仲有好豐富嘅水果同埋甜品等等！哇估唔到連酒都係任飲！ 我朋友本身都好鍾意食牛肉今次呢一間火鍋店一定可以滿足到佢！除咗可以滿足到佢之外、仲滿足埋我呢個好鍾意食海蝦同埋海參估唔到呢度嘅火鍋配料都好多好齊！我自己最鍾意食嘅、就一定係佢呢度嘅麻辣湯底、除咗好香牛油味之外花椒嗰啲都好齊全雖然我唔係好食得辣！但係佢呢個辣到啱啱好！唔係好識食啦都有大中小辣俾你揀！我最欣賞呢度除咗好多炸物出面未必有得食之外！仲有好多開胃冷盤小食！熱火鍋配料選擇梗係多籮籮！連菜嘅種類都有好多出面未必有！例如冰菜、皇帝菜，再加上羽衣甘藍！除咗好有營養之外仲可以係任食！香港都市人通常都食唔夠蔬菜類而呢間正正就可以滿足到我哋對蔬菜嘅需求！甜品嚟講我最鍾意就係佢嘅木糠布甸、除咗好搶手之外味道真係好正！當然唔少得就有佢哋嘅乳酪、同埋Haagen大雪糕都係任食！牛站尺麻辣火鍋放題專門店觀塘亞太中心6樓全層

🥂性價比極高的牛肉海鮮火鍋放題今日同老婆收工去左觀塘牛站(駅)麻辣火鍋放題試左佢4小時308蚊任食自助火鍋，任食不同的靚和牛同新鮮海鮮，食完之後非常滿足，絕對推介！🥣清甜椰子雞拼麻辣湯底清甜椰子雞鍋🐔，濃郁椰子香氣🥥，湯底清甜不膩，滋潤可口。麻辣湯底♨，辣味適中，絕對適合鐘意食辣既朋友🌶😍🍴特上牛小排套餐 $308SRF美國極黑和牛片🐂，油花分布均勻，肉質嫩滑。美國安格斯牛板腱🥩，肉味濃郁，口感紮實。封門柳🥩，入口即化，食完都唔覺油膩西班牙豬五花片🐷，肥瘦適中，鮮嫩多汁。新鮮海鮮包括:脆鯇魚片🐡、鮮甜海蝦🍤、鮮甜沙白🐚、生蠔🦪等，海鮮都食到你回本🤣🆓自助區沙律涼拌前菜 🥗，新鮮爽口，調味清新。生果種類繁多🍉，有西瓜、哈密瓜、密瓜、蕃茄仔等等。生根響鈴魚皮任拎，O岩哂鐘意脆口食物既你地😎🍅丸類及菜類魚丸、墨魚丸、企鵝墨魚丸 🐧等彈牙鮮美，口感豐富。水蓮、羽衣甘藍 🥬、生菜、荷蘭豆、菇類等等非常新鮮，絕對合適素食🫛🍄‍🟫的朋友🍫甜品區：杯裝乳酪 🍧、豆腐花、軟雪糕 🍦、Haagen-Dazs回本之選！所有甜品都好正好好味，絕對適合甜品控🍹飲品區自家製冷泡茶☕、珍珠奶茶🧋、王老吉、梅酒🍶、清

有幾好食都唔會再幫襯！雖然之前都食過幾次、但今次我冇訂位、唯有取票等待、門口職員服務態度好差😡⋯⋯我哋過咗號、問佢點算、肥仔話冇㗎喇！冇話客氣地叫我吔再等或再取票！就算真係有排等、佢都可以同我哋解釋吓嘛！算點！求乞咩？唔怪之得個個北上消費！😡😡😡⋯⋯生意好又點？得罪哂D客、呢位職員郁都好嘢！我哋跟著去咗牛大人、食材都好味、服務好、食得開心😄