牛站(駅)麻辣火鍋放題

營業中

休息中

今日喺觀塘收工 同事話想食火鍋放題， 我第一時間就諗到人氣火鍋。牛站。 呢間火鍋放題地理位置好好 ， 就喺地鐵站隔離大約行幾分鐘路程， 超多嘢食， 除咗牛嘅選擇多之外， 前菜沙律甜品飲品嘅選擇都好多。我哋首先揀咗個鴛鴦湯底， 青甜椰子雞鍋同藥膳牛骨鍋，兩個湯底都好正好足料， 雞鍋椰子味香濃清甜滋潤， 藥膳牛骨鍋 一埋枱已經聞到好香嘅藥膳味， 打邊爐之餘又養生😂。而套餐我哋揀咗B美國極黑和牛片餐。 美國牛肩鉀片：具有濃郁嘅牛肉味 有嚼勁。 美國安格斯牛板腱：油花好靚，肥瘦均等，肉質鮮嫩。海鮮類有：帆立貝，海蝦，沙白，脆鯇，海參，花膠， 墨魚， 鮮甜美味。蔬菜類亦都好多選擇好豐富：除咗一般 平時常見嘅蔬菜 同菇菌類，仲有萵苣， 羽衣甘藍，冰菜。

收工之後唔知食咩好，上網搜尋見到呢間餐廳，所以就上咗去打邊爐啦。食物新鮮，牛肉豬肉味道都好好。自選配菜區都算多選擇。但係令到我最意外嘅係打邊爐打到冇乜湯，然後我用白湯加落去辣湯底度突然之間無味。然後我叫咗個侍應，同佢講湯頭味冇咗。原本我心裏便認為呢個侍應會回答我嘅係。。加咗湯梗係冇味㗎啦。。。點知佢好好服務態度咁同我講我幫你入廚房，睇吓問吓廚師有冇方法可以幫到你，俾5分鐘我。應該時間未到5分鐘，廚房大佬炒咗個湯底俾我，仲叫我逐啲逐啲加落去。😊所以我哋兩個都食得好開心。同埋想大讚 又入門口招待服務員，上菜服務員，樓面，很有禮貌，友善。

可一不可再的牛站🥴打邊爐最緊要個湯底，但湯底毫無味道，蕃茄湯底毫無蕃茄味，就好似清水一樣。牛肉性價比一般，基本上每一款牛肉嘅味道口感都差唔多，分分鐘喺街市買嘅牛肉仲好味過佢100,000倍。另外有一款類似花膠定海參的東西，入口十分之腥，我從來未食過咁腥嘅嘢，而且口感極似橡筋，完全唔知擺咗咩入口。話就話係台式火鍋，但入邊完全唔覺有台式火鍋嘅風味，台式小食又冇乜，佢嘅甜品又唔好食，同埋佢呢一個價錢出邊有另外一啲選擇。所以呢間嘢只此一次，下不為例。

同朋友去食午市火鍋放題，有三個套餐選擇，選擇左中間個一款仲加左$48有埋個鴛鴦鍋-湯底方面就選擇左椰子雞湯同藥膳牛骨鍋。兩個湯底都非常清甜，椰子雞味道特別香濃。而藥膳牛骨鍋感覺好補身！美國牛肩胛片同特級肩胛肉眼片任食，肉質非常嫩口，入口即化，爽口彈牙，配自選醬油。仲可以任食鴨血，同澳洲羊肉片。自助吧仲有大量蔬菜同丸類、腸仔、芝士腸飲品吧任飲，有啤酒仲有無糖茶，果汁。熟食仲有鹽酥雞，脆卜卜細細粒好易入口，仲有台式一口腸！超好食

鍾意食火鍋放題嘅朋友應該對牛站唔會陌生，今次同朋友到訪位於觀塘亞太中心嘅分店。晚市放題分別有三個餐，成人價錢由$258- $338（星期一至四），晚上10:30後每位再平$40。我哋點咗SRF美國極黑和牛片 ( $298一位），120分鐘任點任食。 湯底選擇唔少，亦可加錢轉鴛鴦鍋，我哋簡單點咗個清甜椰子雞鍋，充滿椰子香味，非常足料。 一定要讚吓佢嘅和牛質素好好，我哋瘋狂咁點咗幾轉先夠皮。另外安格斯牛板腱及牛肩胛肉牛味亦好濃郁，放題嚟講，算係非常有驚喜。 任點任食仲包咗多款海鮮，例如日本帆立貝、大海蝦、沙白、鮑魚、花膠等等，全部都新鮮好味。
另外自助食物區地方闊落，菜類，餃類、丸類、小食、麵食。響鈴、炸魚皮及山竹仲好細心咁放喺專櫃入邊，保持食物質素。飲品及甜品區選擇相當之多，飲品包括有啤酒、冷泡茶、汽水、奶類飲品等等。甜品則有自助軟雪糕、各款品牌嘅雪糕雪條及乳酪等，仲有好啱小朋友嘅糖果軟糖。 餐廳食物質素相當唔錯，以任食放題嚟講，性價比相當之高。自助區食物refill做得好足，點餐上菜時間亦都好快，店員相當殷勤有禮。

平時食開午市 今次食晚市我哋+$48揀鴛鴦鍋 今次揀麻辣鍋 & 龍蝦頭鍋 麻辣湯底小辣對我嚟講都好辣🥵我都係食返我個龍蝦頭湯底算啦 非常香濃😋部分食物用QR落單例如牛肉羊肉牛脷鴨血等等晚市仲有田雞腿阿！正🤩自助區每次嚟都係咁吸引嘅🤤實在太多嘢食啦蔬菜&菇類有成2個凍櫃 丸類有1個凍櫃 而且成日都會轉新嘢D菜係洗得好乾淨 每塊夾落都可以食 無碎無爛👍🏻2個雪糕櫃 1個甜品櫃仲有火鍋配料、熟食、小食、生果、糖水、飲品仲有椰青水 甘蔗汁 梅酒🍶同啤酒🍻提供！環境好闊落坐得好舒服嘅 又夠開陽 食物質素認真好 無論午市定晚市一樣咁旺場👍

今日觀塘搵食，最後揀左依間係亞泰中心既牛站；環境方面都算大，坐得幾舒服同埋都乾淨。唯一美中不足就係我地坐個個卡位完全唔夠冷氣，我一面食就一面流汗💦但行過隔離D既位就有冷氣🥲我地一行兩人就叫左個特色香辣鍋：食物方面，因為我地叫最平$26x個個餐，所以可以落單既食物唔算多，就係得豬、牛肩胛、牛舌、花雕雞翼同蝦、沙白以及少量熟食。當然order貴d既然餐，熟食選擇就更多；我見到人地點乳鴿tim啊😂自助食物方面都好齊全，各式蔬菜、粉麵、飲品、雪糕，好多選擇。其中仲有D冷泡茶，例如咩鴨屎香茶：食嘢既碗仲有個隔湯既小裝置，真係幾細心依度仲有難得一見既炸蔥油整體來講都算唔錯，連加一最後大約$295一位，算係咁啦！

抵食火鍋放題食物：🌟🌟🌟🌟環境：🌟🌟🌟🌟服務：🌟🌟🌟價錢：🌟🌟🌟🌟裝修新，座位寬敞，價錢合宜，食材新鮮，當中能無限加單燒乳鴿一大賣點，美國牛肩胛片及美國極黑和牛片值得一試，有不同甜品有Haagen-Dazs雪糕任食仲有椰汁燕窩，楊枝甘露。

位於觀塘牛站 我已經食過over 10次 🤓 質素一向都保持水準                                                                                          無論食邊個plan 哈根達斯雪糕都係任食 😍仲有刺身 各種熟食 👏🏻👏🏻 麻辣小龍蝦任食 ( 晚餐提供 ) 任選任吃 以及自助區菜品，多款甜品、飲料等⋯⋯ 應有盡有😍👍🏻平均每人三百蚊😱😱 好底食湯底我就揀咗蟲草花滋補養生🥰SRF美國極黑和牛片餐、美國肩胛肉、美國安格斯牛板腱。美國極黑和牛，肥瘦比較均衡。西班牙豬五花片和羊肉 👍🏻👍🏻 牛板腱同牛肩肉都好薄身，唔會覺得肥膩 另外自助區嘅配料都好多，有多種丸類及蔬菜四仲有小食，今次連田雞腿都有 🤩🤩 一定唔好錯過佢哋嘅海鮮，好鍾意海蝦，蝦肉鮮甜好彈牙 😍📣📣📣 折扣：首次消費掃碼座位上二維碼可以領取一張9折優惠卷( 當天即可使用 )                    90cm以下小童免費/90cm-140cm小童收費午餐 : 提前定位可以吃4個小時 😱😱一般的午市放題只有90分鐘或者120分鐘

今次嚟到觀塘🚇呢間牛站全場爆滿真係超級多人🤩，好彩一早book咗位，而且仲有😎卡位坐添！呢度嘅自助區超級大😆，勁多唔同款式嘅火鍋配料🤤，而且全部都好新鮮，refill速度👍都好令人滿意。飲品🧃款式多元化業都係我哋選擇呢度嘅原因之一🧋，多款唔同牌子嘅🍺啤酒、清酒🍶同埋梅酒一應俱全！有人唔係好食辣😛，所以我哋揀咗清甜🥥椰子雞鍋，入口有青甜🥰嘅椰子香味，入面仲有唔少🐓雞件，所以都好夠味。我哋揀咗最貴嘅餐😎可以任食特上牛小排🥩，油花超級豐富又均勻👍，肉質細膩香嫩😋，肥得嚟又有牛味🐂，真係好食到停唔到口！呢個餐仲有更加多嘅🌊海鮮可以任食，啲🦪蠔又大隻又肥美，仲有嫩滑鮮甜嘅新鮮😍鮑魚，真係好正！佢哋仲有🔥乳鴿任食，皮薄香脆肉又嫩滑🤤，絕對有酒樓嘅質素👏。自助區💪仲有大量唔同款式嘅甜品🍮任你揀，又多款日式🇯🇵嘅大福、西式嘅🧁糕點、港式嘅🇭🇰楊枝甘露，同埋台式嘅🇹🇼仙草芋圓，真係可以食盡🌎環球風味嘅甜品！除此之外仲有多款嘅🍨雪糕雪條任你食，最正👍嘅係有多款唔同口味嘅🥰häagen-dazs添！

如沒訂位，請不要去這餐廰，有訂位食兩個鐘，冇訂位walk-in又算有位都小1/4 食1個半鐘，怪不得香港越來越小人消費，多得呢哋商家，真係唔死都唔得，大家下次入去記住問清楚唔好比呃錢。

最近好heat既火鍋店！ 好多同事都食過， 話值回票價😂一於試下係咪咁正先 ！ 地方好大. 座位之間距離ok. 唔會好迫～ 落左湯底就即刻出去拎野食～ 熟食款式都好多可以即刻食啲野先！連滷肉飯都有得食！果然係台式火鍋😂台式野… 仲有珍珠奶茶奶！湯式我叫左椰子雞！ 好清甜！打邊爐更係要食牛啦！封門柳. 好有牛味！ 我個人認為仲好味過牛腱！ 當然2 隻都好味 ～ 海鮮類有蝦，沙白，魷魚，魚…最估唔到有田雞！ 食咗咁多肉梗係要食返啲蔬菜！有豆苗！ 好正！

上次食完【牛站(駅)麻辣火鍋放題】🍲，同事聽完我介紹，又心思思想食🤣~⁡⁡Happy friday約埋放工去食🤤!!餐廳位於食肆臨立的亞太中心，好方便👍🏻~ ⁡⁡⁡⁡裝修用上清新木系色調，座位間寬敞舒適。⁡⁡今次照樣⁡選擇鴛鴦鍋⁡⁡🤩🐔清甜椰子雞鍋⁡⁡⁡有濃椰子香氣🥥，清甜不膩，好滋潤! ⁡⁡⁡🐷胡椒豬肚鍋⁡⁡🆙️期間限定🆙️豬肚軟嫩，有香香的白胡椒味😋，好惹味~⁡⁡2️⃣號餐【SRF美國極黑和牛套餐⁡⁡】🐮SRF美國極黑和牛片⁡⁡肉色鮮紅，油花豐富，牛味香濃有油脂香😋，入口柔嫩~⁡⁡Encore左幾次🤩🐮美國安格斯牛板腱⁡⁡⁡油花分佈平均，肉味濃郁👍🏻，有咬口~ ⁡⁡⁡除左肉類🥓，海鮮質素亦唔錯~⁡⁡🐚帆立貝大粒，有鮮味⁡⁡👍🏻⁡⁡🦑墨魚Q彈爽脆😋，鮮甜有口感~🥟手包蝦肉雲吞大粒足料，有唔少彈牙蝦肉🦐🕊燒乳鴿皇皮脆肉嫩，入味有滷水香😋~🌟火鍋配料區必食紫羽衣甘藍🔥、冰菜及翡翠苗🥬紫羽衣甘藍嫩口清甜，好正!!!⁡⁡⁡🦞珍寶蟹棒大大條，每次都抗拒唔到食佢⁡⁡🤣🌟小食區⁡⁡⁡有多款涼拌小食，蒜味螺肉及中華沙律係我最愛❤~🍛⁡⁡台式魯肉⁡⁡⁡今次肥而不膩嘅魯肉配上新竹米粉，⁡⁡色香味俱全，台式好滋味

亞太中心超多野食, 係度開埋牛站真心正, 超多人呀而家真係要預早卜定位, 我6點幾到達已見到有人黎walk-in冇位冇得食~餐廳keep住會更新食材/飲品, 今次黎又見到有新野, 連if新出既coconut black tea都有得飲~兩款湯底都好香濃~ 藥膳豬筒骨+蕃茄豬骨, 湯入面真係有大大件豬筒骨!哩度D牛真係keep住有質素, 點左幾round既SRF美國極黑和牛片都係大大片又靚又有牛香, 仲有牛肩胛, 封門柳等等, 牛魔王必滿意。另外一大重點梗係海鮮, 海蝦, 沙白, 帆立貝, 墨魚, 海參, 款式豐富之餘亦夠新鮮, 沙白係好甜冇沙, 帆立貝大大粒!  仲有出面罕見既田雞腿, 條腿好肥美~出面大大個自助區全部都refill到滿滿又乾淨, 好中意佢蔬菜櫃D菜多款又fresh!最後點飽都好, 都要食埋個乳鴿再拎個王子麵同埋滷肉飯食, 佢地自家既滷肉飯好濃好好味, D米仲係珍珠米, 大胃王就是這樣練成的。出去拎多杯雪糕做甜品, 大滿足~ 

每個月都要同觀塘同事食飯，同事一早book定咗牛站，今晚又要打邊爐啦。香濃番茄豬骨湯底，新推出的花膠雞湯底晤錯，不過同事晤食雞，唯有下次再試。湯底落咗大量番茄同牛骨煲制，好重番茄味道，飲落好清甜。椰子水同埋荔枝飲品，雖然清酒任飲，不過我地都鐘意飲果汁。if椰子水出面都要15一隻，飲多幾支都回本啦。美國安格斯牛板腱，除咗SRF美國極黑牛必食，牛板腱都推薦。牛板腱肉質緊實，好重牛味。豬腩肉好似好肥，食落彈牙爽口晤會覺得滯。麻辣小龍蝦同燒乳鴿皇都晤錯，小龍蝦麻辣鮮香，乳鴿皮脆肉嫩。台灣心裡美蘿蔔同鵪鶉蛋，火鍋配料勁豐富。心裡美蘿蔔晤會有普通蘿蔔臭味，食落脆口鮮甜。鵪鶉蛋嗦曬番茄湯底味道，好好味。甜品，甜品櫃檯選擇好多，有生果，蛋糕同雪糕。焦糖布丁入口即化，奧利奧蛋糕杯香甜幼滑，哈根達斯食有數款可以選，今次食咗幾杯tim。