牛站(駅)麻辣火鍋放題

營業中

休息中

打邊爐，最好…- 任食，唔使就住就住- 有靚牛、靚海鮮- 二百幾蚊搞得掂😂觀塘呢間牛站(駅)，就滿足到以上願望。之前食過已經覺得非常好，今次再嚟睇吓有冇驚喜。佢嘅火鍋放題分三價錢，今次是一個中間嘅“SRF極黑美國和牛片” set，平日$298一位。如果7:30pm前離座仲可以$258一位！湯底我哋揀咗龍蝦頭鍋併胡椒豬肚鍋(雙併+$48)。龍蝦頭鍋除咗龍蝦味，洋蔥味亦相當鮮甜。胡椒豬肚更加係出色，胡椒味非常重。SRF極黑美國和牛片 - 牛味好濃，同時有嚼口，但唔會好韌，用嚟打邊爐一流。其他種類嘅牛、豬、羊都有水準。特別要講吓醉雞，難得浸完湯都仲有非常重嘅醉雞味。海鮮 - 有沙白/海蝦/海參/花膠/帆立貝/墨魚，選擇豐富。當中海參同墨魚最出色，我哋叫咗好幾轉😅。其他配料方面，最特別嘅有，田雞腳😂😂，魔芋肚片、素毛肚，仲有鵪鶉蛋，呢啲都係其他地方比較少見，而且係相當好食。其實外面仲有好多嘢夾，例如麻辣小龍蝦，但根本食唔到咁多😅。嘢飲仲誇張，樽裝茶已經係基本，居然有鴨屎香檸檬茶。另外仲有珍珠奶茶，大量罐裝紙包飲品，冷熱都有。仲未夠？仲可以斟清酒梅酒，椰青汁等等，太誇張了。甜品當然都唔輸蝕，雪糕

👧🏻😋👅🍽✨大快朵頤好去處☺️-🐮 牛站出名多元化, 除左牛肉邊爐仲有多款熟食小食, Re-U之選個個都啱食, 連清酒梅酒啤酒都任飲🐮 每個weekend都見到係咁係社交平台story見到牛站個鍋底, 但我地次次都平日去冇咁多人仲平$10😁-😋😋😋晚市放題大滿足 SRF美國極黑和牛片 $298/位✔️肉類 ✔️海鮮 ✔️炸物 ✔️自助吧✔️甜品 ✔️飲品-🦐 海鮮💯海蝦爽口好鮮甜, 脆鯇片爽脆彈牙, 海蔘有滿滿膠原-🥩 肉類✨和牛SRF係$298餐精粹, 每碟得2-3塊, 所以次次都叫一棟😂 油香軟滑勁正✨其他肉類例如封門柳, 牛脷, 羊肉, 豚肉等等都好高質, 不過都係狂encore和牛一碟碟車落去更爽😆-🕊 熟食/蔬菜💯乳鴿既地位拍得住和牛, 即叫即燒出餐時間預耐少少, 但兩個鐘都食到3-4轉, 多肉又多汁出色! 💯蔬菜方面推薦冰菜, 素毛肚, 蛋餃, 魚皮-🍰 甜品✨紅糖糍粑熱辣辣爆晒漿又唔會太甜, 粉團煙韌唔太滯; 仲有haagendaz杯裝雪糕任食✨細細件巴斯克蛋糕好出色, 軟滑好香芝士味; 大福有幾款口味朱古力最正

［📍 觀塘｜牛站（駅）麻辣火鍋放題 ］位於觀塘亞太中心既牛駅非常出名，120分鐘任飲任食，今次叫左美國極黑和牛套餐性價比最高，而且員工服務態度非常好，真係食得滿足又舒服。一黎到見到自助區已經好多野食，菜類品種好多，值得推介既係豆苗，勁新鮮，綠油油咁。仲有勁大條既蟹柳、超級多唔同款式既丸類、甜品、冷熱飲品、仲有新鮮熱辣既響鈴同埋炸饅頭、熟食仲有肉燥飯同埋小龍蝦等等。打邊爐最緊要係個湯底，叫咗牛駅秘製麻辣鍋同埋香濃蕃茄豬骨湯，麻辣鍋好足料叫咗小辣都有啲頂唔住，另外一個唔辣嘅蕃茄豬骨湯，香濃嘅蕃茄味帶出食材嘅鮮味，絕配。美國極黑和牛套餐嘅牛肉，分別係有美國極黑和牛、美國安格斯牛板腱同埋美國肩胛肉，呢三款牛已經絕對夠食，鍾意有油香、牛味嘅或者入口即溶既，啲三款已經滿足晒所有要求。另外仲想推介佢嘅熟食，佢嘅乳鴿非常之出色，十分Juicy，佢嘅芝麻雞翼炸得好香脆，咬落仲有好多汁。人均298，任飲任食兩小時，性價比真係好高。

今晚同幾位朋友去左觀塘道亞太中心既牛站（駅）。呢度環境寬敞舒適，非常適合大班人打邊爐聚餐。牛站既火鍋材料選擇多樣，安格斯牛板腱、封門柳、牛肩胛片等多款肥牛片源源不絕供應，仲有特別Ｄ既SRF美國極黑和牛片，口感特別嫩滑，完全滿足我們幾個「牛魔王」既需求。除咗牛肉，仲有美國豬梅肉片和西班牙五花片，海鮮方面則有海蝦、花膠和帆立貝，每款都好鮮味。鍋底方面，我們揀咗冬瓜瑤柱豬骨鍋配龍蝦頭既鴛鴦鍋，咁樣可以滿足不同口味既需求。自助區提供了很多火鍋配料，任取任食。在開鍋前，我們就已經開始起筷，冷盤，炸物食左一轉。甜品特別受小朋友歡迎既自製軟雪糕，是一個亮點，其中一位朋友狂吃左四杯芋圓，超搞笑。如果你想同朋友共度愉快的時光，牛站都係一個唔錯既選擇！

香港無人不曉邊爐放題，明明個名叫麻辣火鍋，但見好少人叫麻辣湯底，已變咗出名多元化，有火鍋之餘仲有多款海鮮、熟食、新鮮蔬菜、甜品，重點有得任飲清酒、梅酒、啤酒、叫中間$298一位個餐有和牛已經超滿足，不過坐跟住房見到一碟碟生蠔拎出嚟，有啲心郁郁下次想試吓最貴個餐！四至六人都會比卡位，坐得闊落舒適，樓底又夠高抽風好好，打咗兩個鐘邊爐都唔會成身火鍋味。今次發現咗兩個隱藏食法推介俾大家，第一係用牛肉包住XO醬，個醬唔會好鹹好辣，但好香蝦味，用牛肉包住口感一流必試🤩 第二個隱藏食法係將甜品櫃入面最好食嘅巴斯克蛋糕放落原雪糕，不起一半雪糕一半蛋糕咁食，口感綿滑又加上芝士味勁香。大家試咗可以俾返Credit我，我真係最偉大嘅發明家😎🫡

幾個朋友聚餐，任食火鍋係我地首選，相約在觀塘道亞太中心6樓嘅牛站，晚上六點半已幾乎滿座，今日選中間嘅2號餐，再揀冬瓜瑤柱豬骨鍋及龍蝦頭鍋。豬骨鍋有冬瓜同大大件豬骨比較清甜，龍蝦頭鍋有成隻龍蝦頭，越滾越香濃。🤩可選4款牛，美國極黑和牛片，安格斯牛板腱，封門柳同牛肩胛片，有牛味濃有軟滑，各有優點，除咗牛肉外豬梅肉片我覺得係幾好食，肉味濃又腍，一啲都唔梅。🤣帆立貝、海蝦、田雞腿、花膠、海蔘脆鯇魚片，仲有爽脆墨魚都好食，燒乳鴿皇好嫩滑即叫即炸。自助區有多款飲品，甜品，名牌雪糕同樣任飲任食，有很多火鍋配料，丸類，蔬菜，涼拌小食。選擇之多一次係食唔晒，我地幾個都食得好滿足。

平時放題食唔少😆但係打邊爐嘅放題都未算係成日食🙂‍↕️前日慶祝朋友生日預約咗呢間牛站貪佢可以坐足兩個鐘 肉類又多選擇🥩搭𨋢上到去一打開門已經有起碼20個人排緊隊好彩有預約😎同接待處講完之後直接帶位入去完全展示咗預約嘅重要性😆😆打邊爐每一間都大同小異呢間比較特別嘅係有好多多款台式小食可以揀啱晒一班人有人怕熱氣就可以去到喪食芋圓🤣不過其實呢間嘅重點都係佢嘅台式湯底🍲我自己最鍾意係椰子雞湯💕加埋打邊爐嘅配料、去自助區攞多啲蔬菜越煲越濃🫶

上次食完感覺有啲驚喜，有啲意猶未盡，所以係短時間內再encore😇😋。由於係即興再食，無book位，食最早輪還可以walk in入座。😋湯底：藥膳牛骨鍋，藥膳味都幾重。要加湯底係自助的，幾方便又可以慳人手。😋海鮮：蝦同蜆都好大隻同新鮮。😋菜類：上次見過嘅冰菜，今次未出現，可能食嘅時段唔同又唔同菜款，不過其他菜類都好新鮮。😋小食：醬爆糍粑外型吸引，外脆內軟軟的，好有口感。蝦肉雲吞都好正。花雕酒雞翼酒味重。😋甜品：終於搵到芋圓糖水，唔錯，份量剛剛好，仲發現有楊枝甘露呢兩款都係受歡迎嘅糖水。環境開揚寬闊，座位多，好快坐滿，食足120分鐘，大滿足。下次品嘗其他湯底。

訂10人，一大班人去得打邊爐當然想聚埋一齊，但餐廳話最大枱6人，要分兩張枱，都無問題，心。想：都係隔離啫。點知佢個分枱方法係前後卡座，無諗過會咁反智。如果咁樣分開法，咁同大家分開各自去食有咩分別？去到現場，眼見有一半枱其實未入座，問有否機會再安排過？對方態度真係唔能夠接受，秒覆唔得，連假意試下考慮都無。

朋友介紹呢間竟然可以打邊爐4個鐘，唔係嘛？ 朋友話要一星期前係網站預訂，只要預訂到，就可以由12:00食到16:00 ！未夠12:00已經排長龍，入去第一時間就需要先揀餐， 我地揀左個最平既$178 ， 先黎叫左椰子雞鍋底（湯底除左鴛鴦鍋要加錢，其他都係免費全部都可以揀）， 個湯底好濃好香，好夠味，淨係飲個湯都夠🌻🌻🌻🌻🌻雖然係最平嗰個餐，但係都有得叫牛肩肉，牛脷，同埋豬肉，我哋兩個人每次最多可以嗌四碟真係正，啲肉全部都好新鮮，全部嚟到都好粉嫩。 仲有出邊自助嘢食種類有超級多，有超多嘅丸、菜等等，最正係竟然有特長蟹棒，同埋發水魷魚，真係值回票價！🌻🌻🌻🌻🌻仲有好多熟食，炸物，同埋甜品，不得不提除咗甜品有好多款，雪糕雪條都有好多款，當中更加有Häagen-Dazs雪糕都係任食，真係不得了，所有嘢食都數之不盡，佢3:30前會截止攞嘢食，但係就可以食到四點，真係CP值超級高🌻🌻🌻🌻🌻

今次打邊爐主打就係台式湯底已經有有好多款佢哋的海底椰椰子雞湯底抵讚，湯底香濃，帶著椰子的清甜味，煮出來的肉類和海鮮都吸收到湯的精華，另外，小食方面有小龍蝦，個個都鮮嫩可口，簡直係開胃王！而且前菜選擇多到你眼花撩亂，有各式各樣的中華沙律螺肉白蘿蔔，生果，仲有大量炸物，真係未開火鍋煲 已經覺得好滿足。前台出邊有大量嘅唔同丸同埋菜俾你哋揀有台灣特色嘅燕餃同岩燒障魚丸等等都有，原來都幾有特色最驚喜的是他們的生蠔，個個都大又新鮮，直接係海味爆棚！咬下去滑滑的，真係好過癮。除了生蠔，佢哋的海鮮選擇也唔少，像是鮮蝦，鮑魚，蜆，元貝都係新鮮到不得了，煮出來的味道超級鮮甜，配上熱騰騰的湯底，真係無得輸！牛肉方面更係唔少得，佢哋有幾種不同的牛肉 ，肉質鮮美，加上各種醬汁，真係食到停唔到口。

呢間打邊爐餐廳真係值得推薦。食物種類非常多樣化，無論你鐘意食海鮮、肉類定係蔬菜，都一定搵到啱你口味嘅選擇。枱同枱之間嘅距離適中，唔會感覺到太逼夾，食飯環境舒適。我哋星期五晚八點幾九點到，雖然等候時間差唔多八個字，但係上菜速度非常快，唔使等好耐就可以開始享受美食。服務態度亦都非常好，喺香港嚟講真係唔錯，服務員親切有禮，令整個用餐體驗更加愉快。總括嚟講，呢間打邊爐餐廳無論係食物質素、環境定係服務都係值得一試。如果你鐘意打邊爐，呢度應該唔會令你失望。🍲😊

每格一排就會想打邊爐，牛駅款式夠多，食極都唔會厭🐮Level 2 SRF 美國極黑和牛片套餐 $298湯底係冬瓜瑤柱豬骨同香辣沙嗲湯，沙嗲夠濃辣味夠出，兩個湯底都唔錯 🐮呢個套餐就已經可以叫到SRF美國極黑和牛片、美國安格斯牛板腱、封門柳同美國牛肩胛片等等，除左牛，仲有羊、豬、雞都可以自己手機落單，仲有蝦、脆脘片等海鮮，落完單都好快送上枱，食材都夠新鮮🥬自助區都有大量既野食可以自取，今次都有我最鍾意食既水蓮😋新鮮又脆口、佢地既羽衣甘藍都有兩隻😳有紫色同綠色。紫羽衣甘藍無咁硬身，清新苦味比綠羽衣甘藍更少。係第二轉出去時發現到有新既冰菜，餐廳不停更新食材次次都有新鮮感😋🍦除左打邊爐外，前菜、飲品、甜品、熟食同水果各樣都有、真係會花多眼亂🤩今次雪櫃仲有Häagen-Dazs X PIERRE HERMÉ 既特別味😋仲要全部都任食，超滿足😙

今個星期係我best friend嘅生日😍 為咗同佢慶祝 我就帶咗佢去觀塘嘅牛站火鍋店食生日飯🫶🏻牛站同一般火鍋店有啲唔同🤩 座位設計非常舒適💓 空間感好足夠 唔會有逼迫嘅感覺👌餐廳嘅服務員好細心 安排咗我地坐正食物區旁👍 呢個位置真係極理想 行兩步就可以攞野食同雪糕 超方便😍冰櫃有噴雪式嘅煙霧💨 入面有好多款火鍋食材 目測應該有40至50種左右😚 每樣食物都係用獨立盒包裝 衛生程度一流 值得讚賞✅食材選擇非常豐富! 有海量新鮮蔬菜 各式丸子 餃子等等😋每樣都好吸引 真係想試晒入口🫢除咗火鍋食材 餐廳仲提供好多甜品同飲品👍⭐️飲品選擇好豐富 仲有勁特別嘅飲料 好似珍珠奶茶同韓式雪條❤️連Pierre Herme嘅哈根達斯雪糕杯都有啊!!! 🤤 其中最愛不釋口嘅 一定係滑嫩嘅椰子雞煲湯底👏🏻一上枱就聞到陣陣椰香 煲入面有大塊嘅雞肉 仲加埋杞子,紅棗等珍貴食材🥰份量超足 真係豐盛到不得了😋仲有 嗰碟”澳洲M5和牛”同”美國極黑和牛SRF”真係靚到出汁 💯 肉質好鮮嫩 油花分佈均勻 以$328嘅價錢食到咁高質嘅牛肉 真心好抵🙈 入口滑溜嫩口 真係非常出色🤩除咗火鍋 餐廳仲有沙律凍盤同即食熟食供應

📍#牛站(駅)麻辣火鍋放題 (觀塘)觀塘觀塘道414號1亞太中心6樓▪️▪️▪️▪️▪️▪️▪️▪️▪️▪️▪️▪️▪️▪️牛站麻辣火鍋一直是我心目中的放題火鍋Top 3，最喜歡的是它的環境乾淨整齊，而且食物選擇相當豐富。晚市的放題選擇更是讓人驚喜，無限任飲任食，特別適合一大班朋友聚會打邊爐🍲！這次我點了SRF美國極黑和牛片、美國安格牛板腱、封門柳和豬五花片等。SRF的牛肉味道濃郁，唔韌，而且服務也很到位，沒有漏單的情況👍🏻。我和朋友主攻海鮮類，無限供應的沙白和墨魚仔都非常新鮮！沙白肉質鮮甜，沒有沙味，而墨魚仔更是讓人驚喜，口感爽脆。在熱食方面，我們試了燒乳鴿，肉質嫩滑，而芝麻雞翼則香脆可口，令人一口接一口！另外，自助區的食物種類繁多，包括各種蔬菜、丸子和炸物等，並且有職員定期清潔和補充食物，保持環境的乾淨衛生，這點讓人很放心👍🏻。用餐結束後，還有多款杯裝自家製甜品、雪條、甜筒和Häagen-Dazs雪糕等選擇，真是豐富得令人滿足。▪️▪️▪️▪️▪️▪️▪️▪️▪️▪️▪️▪️▪️▪️