影片
更多
2024-09-22
1013 瀏覽
呢晚又嚟食我最愛嘅火鍋放題，呢晚仲帶埋兩老嚟食，同佢哋食SRF美國極黑和牛套餐，肉類同海鮮都有得任食㗎🤩鴛鴦鍋底♦️龍蝦頭鍋呢個係期間限定嘅鍋底，一上碟已經見到橙黃色嘅湯底，味道真係好香龍蝦味呀🦞♦️清甜椰子雞鍋呢個係店舖嘅王牌湯底，好多客人都係嗌呢款，因為味道清甜🥥 同埋打邊爐健康清熱鍋底，感覺冇咁邪惡。肉類呢個套餐包含咗多款肉類，淨係牛肉都有五個選擇，勁啱我呢啲牛魔王🐮 SRF美國極黑和牛片、美國安格斯牛板腱、封門柳、美國牛肩胛片同埋巴西牛脷托，個人就最鍾意極黑和牛片，食落口嫩滑得來又唔會好肥膩。西班牙豬五花片同埋美國豬梅肉片，食落口都有啲豬嘅爽彈🐷 最開心嘅係有澳洲羊肉片，真係好滑，又有羊嘅香味😻 花雕酒雞翼煮熟完，仲keep到好多酒香👍🏻海鮮呢度嘅海鮮都幾新鮮，鮮甜海蝦、帆立貝、爽脆墨魚，我哋都有嗌嚟試吓🦑 比較特別嘅有美顏花膠同埋田雞腿🍗 小食用QR code落單嘅小食，即叫即整，上碟熱辣辣。必須要推介嘅係燒乳鴿皇同埋芝麻雞翼，冇諗過打邊爐可以食到呢兩樣食物，外脆內嫩，勁多肉汁啊🐥沙律冷盤麻辣豬脷同醉酒雞翼尖兩款都係唔錯嘅前菜，連開胃嘅蕎頭都有啊😮火鍋配料QR code落單有台北
呢晚又嚟食我最愛嘅火鍋放題，呢晚仲帶埋兩老嚟食，同佢哋食SRF美國極黑和牛套餐，肉類同海鮮都有得任食㗎🤩
鴛鴦鍋底
♦️龍蝦頭鍋
呢個係期間限定嘅鍋底，一上碟已經見到橙黃色嘅湯底，味道真係好香龍蝦味呀🦞
♦️清甜椰子雞鍋
呢個係店舖嘅王牌湯底，好多客人都係嗌呢款，因為味道清甜🥥 同埋打邊爐健康清熱鍋底，感覺冇咁邪惡。
肉類
呢個套餐包含咗多款肉類，淨係牛肉都有五個選擇，勁啱我呢啲牛魔王🐮 SRF美國極黑和牛片、美國安格斯牛板腱、封門柳、美國牛肩胛片同埋巴西牛脷托，個人就最鍾意極黑和牛片，食落口嫩滑得來又唔會好肥膩。西班牙豬五花片同埋美國豬梅肉片，食落口都有啲豬嘅爽彈🐷 最開心嘅係有澳洲羊肉片，真係好滑，又有羊嘅香味😻 花雕酒雞翼煮熟完，仲keep到好多酒香👍🏻
海鮮
呢度嘅海鮮都幾新鮮，鮮甜海蝦、帆立貝、爽脆墨魚，我哋都有嗌嚟試吓🦑 比較特別嘅有美顏花膠同埋田雞腿🍗
小食
用QR code落單嘅小食，即叫即整，上碟熱辣辣。必須要推介嘅係燒乳鴿皇同埋芝麻雞翼，冇諗過打邊爐可以食到呢兩樣食物，外脆內嫩，勁多肉汁啊🐥
沙律冷盤
麻辣豬脷同醉酒雞翼尖兩款都係唔錯嘅前菜，連開胃嘅蕎頭都有啊😮
火鍋配料
QR code落單有台北鴨血、牛白柏葉同埋手包蝦肉雲吞，蝦肉雲吞夠晒飽滿🥟 另外有個自助吧，食物排列整齊，一目了然。有多款嘅蔬菜同埋丸類，特別推介牛筋丸同埋金沙丸。另外都有個櫃可以攞鬆脆響鈴、炸魚皮、即炸午餐肉，真係打邊爐嘅最佳拍檔嚟㗎🥰
飲品
除咗有無糖茶、汽水，呢度仲有珍珠奶茶同埋啤酒任飲🍻
甜品
有一個甜品櫃裝住各式各樣嘅甜品，例如有提拉米蘇大福，牛乳布甸，楊枝甘露等等。另外仲有個軟雪糕機，可以手唧軟雪糕再加一啲粟米片🍦 另外亦都有啲大牌子嘅雪糕，意式、韓式同港式嘅雪糕雪條都有。
呢一餐我同兩老都食得好滿意，佢哋仲話會自己平日下晝嚟食任飲任食4小時嘅火鍋放題餐添啊😂
張貼
