牛気 (屯門市廣場1期)

營業中

休息中

今次忘記拍照。一如既往抵食，牛肉好好，唔太肥，今星今日要食得健康,的確要選擇。菜好新鮮，又好種類，菇都好多種喎，起碼四種喎熟三文魚頭，我媽媽最鍾意了所以一家大細都適合。甜品最正，不過，要食泡芙就要早啲拎。。。唯獨，我用open rice訂，但仍未見有確定我嘅入坐

我今日天氣咁凍，突然之間好想打邊爐，於是嚟咗呢間牛氣，見佢價錢好合理， $198一個人任食，於是同朋友坐低試吓上菜速度非常快，坐低冇幾耐已經將湯底同肉片送到😄😄牛肉同豬肉都好好食，而且好大塊，大大啖肉食落去真係好爽😍😍😍😍特別開心的是有熱飲供應，非常體貼！❤️

天氣突然轉凍，得幾度，最岩就係打邊爐😋我哋揀咗佢嘅「特選牛小排放題」同埋加$10要鴛鴦湯底——川椒麻辣湯同秘傳牛骨清湯。牛小排望落色水都好靚，食落口都重牛味，我哋三個女仔都嗌左7 8 碟🤭我哋都一致認為麻辣湯係好味過牛骨湯，因為麻辣湯夠香辣，比較之下牛骨湯真係淡左啲，不過如果再「麻」多啲會更好 （雖然普遍香港餐廳既麻辣湯都係唔夠「麻」🫢）。其他任食既野款式都唔少。牛氣本身都有雪糕機比客人擠雪糕食，不過如果你like左佢嘅社交平台，會額外有杯movenpick 送😋

星期五夜晚想同朋友食好啲，加上天氣轉涼夜晚得12度，就好想打邊爐！🤤等咗35分鐘，終於到我哋入去啦。我地叫咗最平既穀飼牛肩肉放題 成人$208/1位，湯底揀咗壽喜燒 加$10。壽喜燒湯底唔會太甜👍🏻 牛肩肉味肉味濃，配上壽喜燒湯底，再撈埋雞蛋食，真係超好食！呢度嘅雞蛋免費任食架！真係超興奮，因為平時喺出面食壽喜燒湯底，每隻雞蛋要加$10🥲，依架可以任食！出面配菜丸類有芝士丸、八爪魚丸、魚豆腐等等，菜類有娃娃菜、羽衣甘藍等等，菇類有海鮮菇、金菇等等。甜品方面，有豆腐花、泡芙、芒果味/乳酪味既乳酪雪糕等等。依架Like佢地fb page有一杯movenpick雪糕送添阿！🤩

本身係諗住食$198減$40嗰個plan,之後職員好好咁同我哋講，特選牛小排plan以後嘅餐都可以第二位半價，之後我哋就揀咗$318嗰個plan🥰有海鮮、有三文魚刺身、有壽司最後埋單都係$52x左右，提返大家唔係任食㗎，限時90分鐘，另外我哋揀咗加$10要鴛鴦湯底，出面好多打邊爐要鴛鴦湯底都要$40以上，所以呢個鴛鴦湯底係抵俾我哋揀咗川味麻辣，黑蒜豬骨湯底。直接講重點：牛SRF 極上黑牛 - 牛肉味香濃 特選牛小排 - 肉同脂肪嘅比例均勻兩款牛都極力推介可以主攻個人比較喜歡牛小排雞、豬同埋三文魚刺身都係正常發揮！墨魚滑、水魷、蝦、帆立貝一樣出色其實所講嘅海鮮都係冰鮮的，但係仼食都有呢個質素嚟講算唔錯。壽司就直頭冇食出面配料區算係交足功課，當中有啲比較少見嘅蔬菜及丸類。例如水蓮，鮮腐竹，萵筍，秋葵仲有芫荽（原條）。另外仲有雪糕區旁邊亦都有配料可以加配，棉花糖機，可以同小朋友過嚟玩下，仲有小量特色甜品。飲品方面超多選擇，有4個雙門雪櫃。同老公行完山先去食 今次冇咁大罪惡感

今日好想打邊爐，門口姐姐話已經冇左二人同行一人半價，不過唔緊要啦其實都係差唔多，想講佢哋轉左餐牌之後多咗個水魷，真係好好食，飲品亦都多咗好多選擇，而家轉埋QR code，入嚟嗰時同我哋講埋，仲要教埋用Wi-Fi，其實都唔係好慣要自己落單，呢度啲員工又好好喎，都會主動話幫你加嘢食加湯咁樣，不得不提呢度啲職員提埋我地3文魚而家係逐片逐片咁落，以前係一客3片，雖然電話入邊都有得睇，但邊有理，好在佢講左冇浪費到嘢食！

越黎越少人幫襯是有原因的入座已決定唔再幫襯。又唔係爆長龍等位時間，冇人等位，入面數哂唔夠10檯客，2人都俾張細檯你，放哂D肉都冇多餘位放多碟菜。仲要超大風兜頭吹既極級風位，未坐已先頭赤勁寒，唯有自己坐過隔幾張細檯，仲自己揀返細檯就算，唔洗同隔離檯痴住食咁迫下化，呀帶檯姐姐仲要一手fing低張入座時間紙就秒速行左去，想拎轉面問聲可摸耳換過張檯都冇機會，唔係我想老土自己鍾意坐邊張就邊張。再講，眼見有二人都坐卡位，咁即係唔係留俾可能或者3／4人先坐得啦。收加一服務費，連基本最基本最基本唔算係咩服務都冇。就算幾好食都唔會再幫襯。而家出街食飯求食得開心，呢個加一服務費麻煩改改佢唔好叫服務費，叫上餐費吧。當日揀左$158牛小排餐食60分鐘，食物質素唔錯的，蔬菜菇丸自取類別亦好足夠，refill自助bar食物亦都好快。甜品熟食類就非常麻麻。總括黎講我覺得以呢個價錢係正的，唔係因為喺非繁忙時段安排入座都咁小家，真心會再幫襯。老實講，我都係見呢個時間冇咩人先入去食，而唔係為左咩抵食或者係食物質素，都係想坐得鬆動D食得舒服D既姐。

配料好多，有吾同嘅菜，飲品，豆腐花，雪糕，棉花糖。菜式多樣化，而且會不停增加，好抵食。員工服務態度好環境衛生好好上牛肉時間快價錢合理，好抵食位商場入面好易揾，好多人食，張枱者好大叫左蕃茄湯底好濃厚沙爹湯底好辣，感覺吾似沙爹，似麻辣🤪

唔會再幫襯！服務同上餐速度勁差！我地5大人2小朋友，入座後就上湯底同生肉。食完首輪牛肉，order第二次牛肉，等左15-20分鐘都未黎，再叫第三次先有人過黎問我地係咪order左兩次牛。前後大概等左半小時先開始食第二輪牛肉，無幾耐職員走埋黎提示用餐時間快已到叫我地埋單先。我地之前點既3份水魷都未到，咁再吹下啦。 點知黎得6舊。我問呢份魷魚係一份定3份，個侍應話呢份係3份。。咩話，3份既分量得6舊？湯底： 以前食過3次，加湯底係會加反本身個湯底既，點知今次淨係補得清湯。食物：係大廳出面有得自助夾菜嗰啲， 丸類得二至三款。其餘都係生菜，娃娃菜，金菇。。餐廳有1至2％檯係hold起左，當booking？定係純粹hold起幾張檯，方便人手唔夠情況下容易打理？ 舉手叫人都要舉勁耐先有人幫你。啲人企晒係前面嗰度，後面係無人理架！ 我想講今晚我同fd一同5人無人食得飽，大家都好似無食過嘢咁！

屯門市中心大排人龍的日本放題餐廳 - 牛氣牛氣一直都係人氣火鍋放題店，平時一到晚市時間永遠，每一間店都係大排長龍 ! 個個都大讚抵食又好味，因為性價比的確係高！近排牛氣為左吸納番多D客人，晚市火鍋都做緊放題優惠，有好多款唔同套餐選擇畀大家揀，當中以唔同級數既牛去區分價錢，最平人均$198(未計加一)就可以食到牛肩肉、豚肉及雞腿肉啦！CK食呢個已經夠哂喉啦 ! 如果牛肩肉都滿足唔到各位既話，CK就推薦大家可以揀$248既SRF美國極黑牛套餐。因為美國極黑牛其實係由日本和牛及美國頂級安格斯黑牛混合繁殖出産既品種，更加突出到兩款牛各自既優點，令每片肉都有日本和牛既靚油花，入口又有美國安格斯既濃厚肉香，簡直係牛中極品！仲要唔使$250就可以任食，我都懷疑餐廳有無錢賺呀如果淨食牛都唔夠喉，大家可以加錢揀特選牛小排加海鮮放題套餐，除左牛小排、SRF美國極黑牛、牛肩肉等肉類選擇外，亦都有埋大海蝦、青口、日本帶子等新鮮海鮮，款款都非常鮮甜美味，咬落爽口！不過真係有咁大個胃先好揀呢個呀，唔係食到部分食物食唔到其他食物盞哂錢呀 !牛氣提供9款湯底，包括人氣北海道昆布湯、川椒麻辣湯、日式牛骨濃湯等等，大家亦

昨日約咗朋友打邊爐，最後去咗牛氣，14:30人齊後一氣呵成一行三人入去，我叫咗＄88豚肉定食倆位：＄108美國牛肩肉壹位定食：叫咗豬骨湯底。 湯底未到先去取飲品和外圍食品，有炸魚皮，碗仔翅，鷄旦和蔬菜，蔬菜有生菜，芽菜，金針菇，鷄肶菇，冬瓜，羅白，丸類有芝士丸，牛丸，魚旦，墨魚丸，腸仔，福袋。 好快定食猪肉，牛肉，湯底到咗，第一眼睇到大大舊猪骨，湯底好白第一時間放入鷄旦烚，再次睇向定食，今次份量比前幾次大份咗，一行三人都食得很飽。最後比錢＄312平均每位＄104。 不過定食衹限星期一至五公衆假期除外

日本集團食牛數一數二好食既餐廳 - 牛氣「牛氣」出名抵食。佢地既90分鐘和牛放題經常令到想減肥既我都投降上次係尖沙嘴THE ONE食過一次「牛氣」之後, 一直都念念不忘,上網一查原來自己地頭都有一間,就決定又去過一過食癮啦!之前去THE ONE個間牛氣雖然好味, 不過環境始終細左少少, 好彩屯門呢間環境大好多, 大家走動取食物時也不會太迫, 睇落點都食得舒服D呀! 同平時食放題一樣, 都會睇到一個雪飲品既雪櫃, 而旁邊有茶包、熱水等供應,飲品選擇多之餘, 仲有甜品供應, 全部細細碟岩晒女士同小朋友, 唔會做成浪費!肥牛未到, 我又肚餓, 就去睇睇有咩熱食可以先食頂下肚先~熱食有魚蛋、炒飯、炸春卷等等, 汁醬可以自行調配, 不過食開放題既經驗話我知, 單靠湯底都已經非常入味, 根本唔需要再點醬油啦火鍋配料選擇都算多, 選擇都唔少, 出面既粟米好甜,湯底就建議揀豬骨湯底, 味道清而唔濃, 用黎灼熟和牛就最岩啦!切「特級美國豚腩肉」既師傅刀功唔錯, 每片都薄如紙, 所以好易熟好快食得。不過因為CK我比較中意食肥牛, 就幾乎無乜食呢個, 試左一片, 比肥牛係相對上無咁嫩, 但都係豚肉味濃。「極

屯市有幾間火鍋，見OpenRice有得訂位，所以就揀咗食牛氣，咁就唔使等餐懵先有得食😆揀咗牛肩肉放題，午市每位減$40，折咗連加一每位$189💰湯底揀咗博多豚骨濃湯，大大嚿豬骨，煲湯濃到係奶白色，食咗大半個鐘就濃到有D杰，鍾意食清啲嘅可以叫店員加清水估唔到牛肉會咁高質，入口有牛味，油脂分佈平均，唔會過肥，平時食放題通常都係第一碟靚，之後加單都會差D，不過呢間就加單啲肉都係咁靚仔👍🏻👍🏻👍🏻另外仲有豚肉同雞肉都係任食，豚肉我本身就麻麻，雞肉都無試到🤭 自助區有幾款菜、丸、豆製品⋯⋯丸類選擇唔多，不過有啲款都幾特別，試咗幾款冇話特別好食，比較特別嘅係麻吉燒（其實即係芝麻湯圓），煮淋左就係一粒偏鹹嘅湯圓，好特別不過試一次就夠😂😂😂飲品都有幾多選擇，呢款烏龍茶好飲過道地👍🏻最驚喜係餐廳入面竟然有部棉花糖機，冇任何指示需要自己摸索點樣整，玩咗兩次就整到自己成身都係糖😂 店員話佢哋一開始玩嘅時候都係咁😂 棉花糖機隔離仲有一部雪糕機，都係可以試吓自己唧，只有海鹽雪糕一種味，好 好 食 ！ ！嚟到一定要試一杯！除咗棉花糖同雪糕，仲有幾款日式甜品、撻、豆腐花，都有幾多選擇。另外都有幾款熟食，茶葉蛋、魚蛋

食物嘅種類又唔可以話算係好多，中規中矩咁，如果中意有鴨血啊，鴨腸等等嘅人就可能唔係好適合依間，最得意嘅係有綿花糖機挽，但係依家好似因為疫情好似都已經冇再開放住。

天氣轉涼，又係時候食火鍋，今次我同朋友食晏時間去左屯門市廣場嘅牛気，餐廳主打任飲任食午市60分鐘， 晚市90分鐘，有涮涮鍋及壽喜燒，湯底有數十款選擇。今次試下美國極黑牛放題，牛肩肉，豚肉，雞腿肉，墨魚滑，牛骨濃湯底，仲有其他火鍋配料及甜品任食，罐裝飲品任飲！牛骨湯底味道濃郁，令食物非常入味，值得推介吓美國極黑牛，薄切嘅牛肉片，充滿肉汁，入口即溶，滾1分鐘左右就食得，我同朋友食左4碟先停到口。雞腿肉都非常鮮嫩，沒有雪味。甜品方面，有乳酪雪糕同我最鐘意嘅棉花糖任食，仲可以自己玩埋一份添❤️