牛気 (屯門市廣場1期)

營業中

休息中

打邊爐，都係我最愛之一，打邊爐，除咗食材之外，湯低亦係重要一環，我叫咗個麻辣湯，一啲都唔知食緊咩，又唔麻，亦唔辣，但好處係，唔會搶走食物既原味，哈哈但我選咗嘅係普通牛肉，肉質同肉味都只係平平，蔬菜，麵食同甜品都吸引唔到我，最後我食咗個乳酪味雪糕，還好的留意枱好細，唔好拎咁多嘢，小心無位擺仲有個電池爐，由於我叫咗鴛鴦湯底，左邊滾左右邊唔滾，要將個煲移來移去

餐廳：牛気 (屯門)地區：屯門地址：屯門屯盛街1號屯門市廣場一期3樓3235, 3236, 3237及3239號舖日期：25/8/2020 時間：12:00人數：2人等位：唔洗價錢：$422網上見到牛気最近做緊75折優惠，見咁抵，我哋就提早一日係OpenRice 訂位。去到唔洗等位，就算無訂都仲可以walk in，但大約12:45左右就full晒。我哋見有75折咁抵就簡咗極上美國牛小排90分鐘放題（原價$258/1位），埋單$422，非常抵食👍🏻小食款式都係平時出面啲打邊爐放題咁，值得一提嘅佢仲有魚蛋、燒賣、自製甜筒雪糕🍦同綿花糖，都係幾好味👍🏻我哋仲試埋佢嘅咖喱飯，但唔夠熱，所以麻麻地。而火鍋食物就當然係推薦佢嘅極上美國牛小排，入口即化，非常出色，我哋嗌咗5碟，比豬、雞肉多，可能因為牛小排太出色所以豬、雞肉無乜點食太多都係一碟。另外佢嘅豆腐同魚滑都有驚喜，係繼牛小排後最好食嘅兩樣火鍋配料。佢呢個75折優惠真係好抵，而且又好味，如果想食就留意住OpenRice/佢哋嘅FB啦。絕對值得推介👍🏻

突然心血來潮好想打邊爐咁就即刻用GULU 上網排隊啦 咁但馬屋/牛一/牛摩/同埋呢間最新開嘅係牛気 但馬屋實在太多人啦 咁我哋最快就排到呢間牛氣啦 揀咗嚴選美國牛肩肉放題 $178 加一咁好似其他打邊爐咁樣啦 咁就除咗你嗌果款牛肉，雞肉同豬肉啦 咁另外就會仲有啲配菜 就可以自己出去拎嘅咁我覺得牛氣嘅配菜會比牛一同牛摩相對係多嘅 我就試咗佢個黑蒜豬骨湯底啦 其實如果食丸嗰啲係食唔出個湯底嘅 但係啲菜係吸晒啲黑蒜味嘅 所以個湯底都尚算合格甜品就比較少嘅 佢都係有啲日式甜品 甜品我就一樣都冇食到 同埋佢仲有糖水嘅但都冇食到 咁佢同場仲有葡撻 仲有咖喱啊

疫情好轉，太耐冇出街吃飯，於是就去食放題放肆一下。😋😋因為太高興，豪一豪叫左個極上和牛+海鮮放題。我們叫了豬骨湯底，真係有舊豬骨响度，湯味都好濃郁鮮美。和牛賣相真係睇見就超想食流晒口水，雪花均勻散布，顏色夠晒紅證明新鮮。食落真係講唔出咁好味，有牛味得來，嫩滑、鬆軟。海鮮也很不錯，長腳蟹、蝦、螺食落都好新鮮，肉質不會梅。侍應貼心地為我們提供了較剪、手套、濕紙巾。不怕弄髒雙手。我後來亦試左牛小排，發覺都相當唔錯，有牛味而不會諧，下次如果想經濟啲可以叫牛小排餐。另外我朋友叫了任飲清酒，值得一讚佢容許我單人叫任飲，有些做放題的地方，如果叫飲品放題一定要全枱叫，也許怕我們互相飲同一杯。但這裡就容許一個人叫任飲，那麼我不喝酒的就不用白付了錢。還有值得一讚的，地方很闊落👍🏻👍🏻坐得很舒服！

難得有人主動提出想食邊爐放題全因餐廳做緊二人同行一人半價優惠於是抽出空檔大飽口福試咗牛小排套餐牛、豬、雞同墨魚滑都可以無限任添加上熟食、蔬菜、甜品同飲品任拎真係非常抵食而且環境衛生同服務都好好店內空間感都好足夠即使抗疫期間都令人食得安心😆叫埋任飲sake久違放任嘅lunch好幸福的感覺....

2/9. 4pm同至愛的去試下牛氣。我們由於剛起床，沒有太多胃口，於是選了入門級的$178x 2pax.第二位再減$50，幾扺！選湯揀左地獄湯底，肥牛口感偏鞋，有牛味，但切得算厚比起牛一！菜和丸的選擇不多……最估吾到係有燒賣和蝦餃，甜品和菓子和乳酸甜筒好食，有Encore 會再去的！

好友Chris為我慶祝生日來牛氣打邊爐，仲收到生日禮物紫色刻名浴巾今餐叫左嚴選美國牛肩肉放題$188 每位減$50 折實後每位$157湯底要咗黑蒜豬骨湯，唔覺有黑蒜味，不過豬骨湯底濃郁，味道唔錯，有一大舊冇肉嘅豬骨，唔食得都睇得來了兩盤牛肉、一盤豬肉、兩粒雞肉，牛肉及豬肉都唔錯，雞肉就麻麻哋！今日嘅熟食有魚肉燒賣、咖喱魚蛋、粟米羹、白飯、日式咖喱牛肉、素翅、蟲草花湯、壽司！壽司及粟米羹冇試，蟲草花湯味道麻麻哋怪怪地。日式咖喱牛肉好好味，好過牛一，素翅真係好似碗仔翅，加埋麻油及醋一流呀！今日嘅雪糕有原味乳酪及藍莓雪糕，兩隻味嘅雪糕都好味道。唯獨扣分嘅係服務方便，人係企係我枱隔離，成日望住我，但係又唔收野，佢睇到我將啲污糟碟搬出去時，咁岩次次佢個頭就拎歪咗，唔係一次囉再唔係就一定要我主動攞起，叫佢收碟，佢先攞走。

好耐無食過Shabushabu.平日lunch做緊優惠梗係要試試啦.我哋仲book到有75折🥰.Lunch menu仲有d係60分鐘放題，仲抵食，不過我地就覺得太趕啦，都係90分鐘慢慢食岩我哋多啲.揀左極上美國牛小排🥩放題 （原價$258）湯底：壽喜燒(另加$10) .同其他放題一樣，一開始送上指定食物，牛小排真係高質，雞髀肉🍗都好滑，豬就麻麻啦.其他配料都多款揀，仲有少量熱食，甜品，雪糕！.另外一提大家都可能關心衞生情況，lunch time都幾多人食架，但餐廳衛生情況良好，做足清潔，食物有蓋蓋住，大家可以放心食用😌

一直等～終於等到牛氣開幕了，在小妹的印象中，牛氣的前菜/熟食/甜品都是最多款色的所以等到屯門店開就不用出旺角店。不過真心的，屯門店的火鍋配料真的比外面的少很多但前菜/熟食/甜品真的無得彈中午可選套餐或放題，TT說要吃牛小排放題店內有幾個區域，十分大哦以上的都可以任點棒棒的～黑蒜豬骨濃湯很香在外面如果選豬骨湯底一定又是那種沒什麼味道，通常是因為有帶小孩才會點🙈誰知道這個湯頭真的超香！可以直接喝起來海鮮都很新鮮肉的顏色亦很好看牛小排果然是棒棒的這裡的配料算是比較少了但是前菜/熟食有多款選擇咖哩魚蛋好吃飲料都超多牛氣讓一眾女士/小孩最開心一定是甜品區，有雪糕機、炮谷機及棉花糖機，好玩開心的假期

今日來到屯門下午茶時間經過這家日式火鍋店，看到有一小時火鍋放題，只吃一碟豚肉加外面的火鍋配料任吃才78元。配料選擇非常多，包括海膽丸龍蝦丸牛丸金針菇香菇蔬菜芝士豆腐摩芋絲烏東，最驚喜的是熱食還有燒賣辣魚蛋咖哩牛肉碗仔翅粟米羹等。點了北海道昆布湯，豬肉味道還可以。其他的配料不過不失但算新鮮。燒賣和辣魚蛋有點硬，咖哩牛肉味道不錯，咖哩味濃烈。粟米羹就一般般。唯獨碗仔翅最好吃。甜品有糯米糍，日式麻薯，紅豆糕和朱古力甜筒，再配上汽水任飲。實在非常划算。而且這裏服務也很好，服務員很有禮貌。值得再來。

我同男朋友一年四季都鍾意打邊爐，有日去屯市行完街後搵野食，行過見到新開張所以就即興入去牛氣日式火鍋，先選牛肉和湯底，牛氣有樣好就係牛肉和海鮮都可選任食。侍應安排我地入座後，好快就上鍋和每款牛肉、豚肉、雞肉和海鮮各一份，仲有一碟切身（本人覺得豚肉可不上，肉質好鞋）我地揀左極上美國牛小排+海鮮任食，我們不太喜歡脂質高既牛，所以揀左牛小排，牛小排牛味重，好食，但最有驚喜係大海蝦和花膠，大海蝦超彈口，好新鮮，初初以為花膠會好硬，但煮兩煮就好腍好快食得，女人要補返多啲骨膠原，所以我勁食花膠不過90分鐘真係唔夠時間食，牛氣本身仲有好多其他熟食，但時間太短所以無咩食到，如果120分鐘會更好。食野個陣見到枱面寫like fb就有movenpick 雪糕，我同男朋友即刻做野，聽講成日無貨，所以先問問侍應仲有無雪糕先。

2020.6.19(五) 新屎坑當然要試一試, 門口開得太大(好似走冷氣), 我們被安排在門口第一張檯背部便是走廊, 右手邊出大門口(走單都得)無問題~火煱係熱架啦! 食物最重要。選擇頗多包括熱食~但我無睇係咩。蔬菜/菇菇=品種夠食啦!甜品檯=出乎意料特別多!仲有雪糕機/棉花糖機=哈哈好心思噃!仲有仲有超大既凍飲櫃=好耐無飲過<曲> 飲左2罐。新店做promo$188-40(加埋一, 每位$167)無得食名牌雪糕(除非加40蚊)

屯市開咗牛氣都未去試過，原來星期日都有特價午市放題，嘢食質素非常好，豬骨湯真係有一大舊豬骨，又有前菜芝麻八爪魚仔丶中華海草，有素翅同粟米海鮮羹，和牛炒飯啲和牛大大粒，有棉花糖機同埋爆谷機，有雪糕乳酪，有少量壽司丶蛋糕丶和果子等甜品，飲品除了有罐裝飲品之外又有四種鮮榨果汁同埋奶茶咖啡，非常滿意。

朋友生日，大熱天選擇打邊爐，見到新開張，就試左食牛氣，等左半小時先入到坐，點左個小排海鮮餐，未行到入坐位湯同肉就跟住上到，如此有效率，牛肉賣相吸引，吧枱食物品種多，但腸仔龍蝦丸好難食好梅，由其是腸仔煮內少少成條爆開冇口感,甜品熟食多到食唔到咁多樣，個素翅值得一讚比起街邊買仲正，食到最後可能冇咩冷氣好熱，最後食埋雪糕，雪糕質素真係一般似沙冰質感，比起牛一個乳酪真係差得遠，見到枱面有盒裝雪糕送，問店員等左好內冇人理會，最後夠鐘同我地講送晒冇貨，失望。

趁週末同屋企人來試下新野，之前都聽朋友推介過，屋企附近又開左，梗係要黎食下啦。環境好大，坐得好舒服湯底都有好多款可以揀，天氣咁熱，最岩就係食辣開下胃，二話不說就叫左麻辣湯底牛肉就揀左澳洲和牛餐，賣相好正，脂肪分佈都好均勻，d海鮮都好新鮮，雞肉同豬肉都唔錯，不過我地都係主力食牛 沙律，蔬菜，丸類，熟食同甜品雪糕都係無限任食，而且refill都算幾快，抵讚整個過程中服務員態度都有好禮貌，見我地牛肉就黎食完都會主動問要吾要再加，很樂意為客人服務食完好滿足！會再來！