牛極 (皇后大道東）

營業中

休息中

作為一個食肉獸，試勻城中既石燒牛就係我既夢想！今日早左收工發現附近有間牛極，見到佢地menu睇落好吸引又唔洗等位就決定一戰> <店內環境寬敞，枱與枱之間好多空位，環境比一般自助式石燒牛餐廳更舒服～我地叫左一客200g牛柳同一客200g亂切牛排！落左單就衝去自助區> <自助區有沙律吧、白飯、醬料同湯，睇落好吸引！湯係蕃茄雜菜牛肉湯，熱辣辣又開胃，估唔到裡面d牛肉竟然都咁好味，超嫩滑，入口即溶～ 主菜終於黎啦！值得一讚既係呢度既牛本身唔會過熟～而且入口嫩滑～外香內軟，又重牛味，一d筋都冇，係近期食過最高質既牛> <唔點醬汁已經好好味好香，點下燒汁同蒜蓉都好夾，簡直係白飯殺手！再試下亂切牛排，即係不同部位既牛，分好晒不同部位方便進食，好細心～岩晒心大心細既人！上面仲有蒜片，超香！每個部位都好鬆軟，又juicy，絕對唔會又乾又柴，胃口大開，話咁快就食晒！呢間石燒牛真係好高質，我一定會再約frd黎encore> <

皇后大道東開左牛極咁耐終於今日去左食～一入去要先係點餐機點餐，之後店員就會帶位，餐廳主要以自助形式，所以除了主食會由店員送上，其他任食飯、菜和麵豉湯都要自己去自助吧度攞～我點了180g的牛肩排～食物好快就上枱，非常熱辣辣～店員叮囑我哋要自己將肉切開一片片放在石板上面燒熟嚟食，牛肩排切開見到中間有一條根，我厚切希望啲肉唔好熟得太快，因為實在太熱，肉汁和油都彈到周圍都係，令人非常心急～我反覆將肉反轉，燒到兩面都變色收緊肉汁，先唔點燒汁原汁原味地食了第一嚿～肉呈粉顔色，有嫩肉的質感，好易咬開，首先牛肉的味道十足，唔需要調味料都已經好夠味，除了有濃郁的牛肉味之外還有輕微的鹹味燒過的焦香～後期的肉因燒太耐已經全熟，但驚喜的是牛肩排並沒有因為這個原因而變得靭或者鞋，仍然是一咬就斷開，結實得嚟一咬就開！而且肉汁儲得不錯！真的建議大家要厚切～餐廳還有提供其他的調味料供客人選用，例如有粉紅岩鹽、黑椒和惹味的燒烤調味料等等～任食的沙律吧蔬菜都新鮮，還有日式麻醬和式日式醬汁供選擇。麵豉湯份量非常足料，有大量的海苔、豆腐和香菇，白飯任裝還配有芝麻海苔粉～$80來說，我覺得不錯，首先肉是確實高質素的，而且調味都

經過見價錢幾抵就入去食個early dinner叫左最平價嘅牛肩排，份量一啲都唔細。上抬係一成熟，見到入面紅噹噹，方便自行控制熟度。我比較偏好medium rare，切片煎多陣就食。驚喜地發現肉質好嫩，一啲都唔韌。牛味就唔好預會濃啦，但口感好。而且會配上唔同醬汁，有蒜蓉，辣醬，燒肉汁，海鹽，胡椒等等，任君選擇！白飯，沙律，湯任裝！超抵！而且佢啲湯都唔係hea你，而係日式牛骨湯，入面有海量熬到好淋滑嘅牛👍🏽 白飯隔離仲有兩種味素，真係好容易就會解決兩三碗😂如果有興趣，可以試貴啲嘅牛，相信質素會唔錯。

放假夜晚食好啲，所以嚟到食下石燒牛💕💕.餐廳基本上係自助，食乜就直接係門口部機嗌已經可以😁 我哋就嗌左份牛柳同牛肩排🤩🤩 外面自己拎餐具、沙律、湯同飯的👏🏻👏🏻.今日個湯係日式牛肉湯，好似羅宋湯但就帶濃d日式味道，亦有d白蘿蔔添！牛肉又幾多，仲要大件嘅😌 沙律菜就簡單d.但夠新鮮爽脆🥰💪🏻.主角牛柳要左80g. 都幾大舊下！自己燒到想要的熟度啦，可以點下外面醬汁或加少少調味，再撈番珍珠飯食真係幾正💕牛味都ok. 亦夠腍嘅🙏🏻🙏🏻.牛肩排牛味更重及口感好d. 就咁落d黑椒食亦不錯💪🏻

今晚同朋友即興約食飯，就喺公司附近搵間未試過嘅餐廳，見到呢間食日式石燒牛扒🤩🤩，價錢都算經濟。店鋪係自助形式，首先先購票安排入座，等餐期間可以到自助沙律吧，有沙律、飯同牛肉湯，湯必試！上餐速度算好快，會原件牛扒連火山石板上，牛扒已煎至一成熟，我建議呢個時候大家要坐定定煎牛扒先，否則好易過熟影響口感。秘訣就係要快手切合適嘅厚度，每面煎幾秒就要夾落碗仔度，咁就可以確保牛肉多汁而嫩肉🤤牛肩排有濃郁嘅牛味，咬落好有質感，推介！

除咗銅鑼灣，原來灣仔都開左間牛極，係皇后大道東。晚飯時間經過又黎試吓先。同其他分店一樣，米飯，湯，沙律，水都係自助任食。肉汁有三款，分別係自家製燒肉汁，蒜蓉同辛味芥末燒汁。水係檸檬水。飯我就冇食，旁邊有d芝麻粒俾你自己落。湯係日式牛肉湯，其實有d似羅宋湯，不過完全唔辣，仲俾我揾到少少牛肉片同蘿蔔片。沙律菜係梛菜，有胡麻同柚子沙拉汁自己落，d菜都好新鮮，落胡麻醬冇得頂。我一人食左四大碗！牛肩扒 180g $80我叫左最平既牛肩扒 180g。上枱既時候塊扒外面全熟，入面就未，要自己係塊熱石板上加熱。塊扒都幾厚，我鍾意佢唔肥好瘦但係又唔韌。塊熱石板好勁，要快手切黎食，如果唔係會太熟，都食得好趕下。塊扒上面已經加左少少黑椒粒同三塊蒜片，點燒汁食好味，如果唔係會太乾。呢個價錢有熱辣扒食都抵玩嘅。圍裙都係自助自己攞，一定要攞，因為d汁彈到周圍都係。呢間分店裝修新凈，冷氣足夠，都食得舒服嘅。好彩我早過高峰期到，如果唔係都幾多人。

對上一次食石板燒已經係兩年前， 到依家仍然念念不忘。路經灣仔皇后大道東， 熟悉的氣味， 久違了的石板， 毫不猶豫要入去試一試。200 gram牛柳，$110。 認知中嘅牛柳一向都係厚切， 呢度亦都唔例外。 石板溫度好高， 自己操刀需要有番咁上下技術。 個人認為牛柳最佳熟成度係三至五成熟， 保持肉味之餘 仲可以維持處牛肉鮮嫩嘅口感。 餐廳提供多種配料和醬汁用以烹調牛扒。餐廳亦供應餐 牛肉湯（ 個人認為好好味），飯類與及沙律，可以無限添飲添食。

呢排返工附近開左間牛極 做緊外賣優惠 發現外賣都唔差 所以就入左去試下堂食係點入面就有沙律吧 飯 湯等自助區 大胃口嘅人就比較幸福 唔驚食唔飽 見到佢個價錢都係以較平嘅價錢去吸引人 所以都試下牛肩排（180g) $80牛排送上鐵板就係1成熟左右 牛扒上有炸蒜 仲可以自己加一啲即磨嘅鹽同胡椒可以根據自己口味去落牛扒就幾有牛味 厚度都足夠 切小小再煎一煎就好香牛味如果再加啲牛油應該會仲好食但就要食快啲 因為牛扒擺太耐會唔好食所以買完就最好快啲拎左啲飯同沙律先

新開入去試下食晚市唔係好多人可能個個位晚上不多人去 -自助購票比你簡食乜野牛牛然後簡左個肉眼簡左一個和牛-你可以自己去拎茶阿湯阿, 沙律, 仲有飯係任添!湯係佢地自己煲既miso湯!沙律都好fresh有柚子酸汁比你, 同埋有芝麻醬簡!-然後牛肉來了舊石好熱, 一放牛上去煎,炸炸聲, 和牛比較多油脂,炸到D油狂彈。唔敢去反舊牛:-P同埋好好彩佢有比個圍裙我地,如果唔係真係成身都係油!佢檯上有basic的salt and pepper加,仲有一個mixed bbq香料!牛肉係唔錯的! 肉眼同和牛都不錯!石板好快不熱了,D牛好似慢煮煮熟就無甘好味,後來去到尾, 有個姐姐發現我地舊石不熱了,先同我地講, 原來可以換石..不過我地都只食淨幾舊了!如果早D知, 會更好囉!!!!!!!-價錢都合理, 牛肉都唔錯,但大家如果食既, 就小心油煙味癡哂係自己D衫上!

上次食lunch經過，望見好似幾好甘，打算下次去試下！突然今日撳撳下OpenRice 見到佢有外賣自取，又未試過，咪玩下囉！.我訂了1點自取外賣牛肩180g切件套餐，盛惠$60，有湯、有沙律、有珍珠米一碗，價錢都ok嘅！剛剛1點便通知我拎得，都幾準時！.返到公司打開，望見啲牛個樣就知熟得濟啦！第一舊仲要有啲un，明明order form寫住5-7成，點知8-9成，甚至有啲仲熟晒 🙈 話晒都係主菜，有點失望添。反而湯幾好飲，沙律都滿滿一盒。.食完都夠飽嘅，但係耿耿於懷啲牛嘅質素👉🏻👈🏻

牛極，聽個名都知我好少食 (不吃牛的人真的很少去有牛字的店🤣🤣🤣)，今日同事話想來食，我在半推的情況下來到，好在除左牛之外，仲有其他肉嘅。睇下個lunch set ，有鰻魚 （又一唔食之品-》揀飲擇食到一個點😝😝) ，仲有豚肉同雞肉，本身想食雞肉，但見過豚字實在太吸引 (如果佢寫係豬肉，我可能唔會揀)，所以就佢啦。。Yoho 🤣🤣🤣來到都要排隊，不過真係一陣，10mins都無。。😝😝 呢度係採取日式購票之後就會送到你面前（個鐵板），如果唔識㩒，唔梗要架，有姐姐係門口教你🤣🤣🤣其他配菜一律係自助式，想食幾多自己拎，當然食得晒先好拎，唔好做大嘥鬼呀😝😝😝配菜有沙律，啲菜都幾新鮮，可能因為任拎所以refill 得快啲，仲有飯，個米幾好，軟硬適中，仲有紫菜飯素可以落，不過佢無味嘅，雜菜湯都一樣refill 得快，而且都幾好飲！不錯😋😋🥰🥰其實拎到啲嘢返去時個鐵板已到，鐵板都幾巨，應該係好熱，店家好細心放左吸油紙上去，以防彈油😝😝 但一打開嘅時候我就發現： 娘親，我錯了！😩😩😩😩豚肉變左煙肉，好脆口，可能因為薄，真係烘多兩烘都燶，好在有椰菜塾左底先未燶得晒，雖然變煙肉都幾好食，不過我下次都會注意

👉今日又喺灣仔出沒，梗係要試吓一直想試嘅《牛極》啦！.☝️自家製牛肉湯、珍珠米飯、日式沙律都係自助任食。👍牛極嘅牛有不同位置、份量，可按個人喜好而落單。唔食牛都有豚、雞、鰻魚揀，梗有一款啱食！📌牛肩排180g $80 ～ 上枱仲係喳喳聲超治瘉，生熟程度全由自己話事。外皮香脆，肉質嫩滑，三、四成熟啱晒我！🤤 如果塊牛未食得切，又唔想越煮越熟，建議可先另放碗上，再食時先放回石上切件！📌黑豚腩片 $60 ～ 一大盆好抵食，豚肉味濃，石燒到邊位脂肪甘香脆口，點埋蒜蓉燒汁⋯真係飯都食多啲😅🥣牛肉湯加入洋蔥、紅、白蘿蔔、牛肉熬製，足料夠味。🥗沙律菜非常新鮮，2⃣️種汁醬：芝麻醬、柚子醋都各有風味，梗係要試齊2款啦！👉記得喺石燒上枱前穿定即棄圍裙！！☝️呢度係自助點餐，一嚟到店員已熱情協助。其實點餐都好簡單方便，但只收現金、支付寶！真係要快啲安裝八達通，以加快點餐時間！

好食，西湯，沙律和白飯free flow, 吾錯，缺點，食物好大煙，食完全身都大味。吾收octopus, only alipay and cash accepted. 二人枱好細。

小弟個人非常鍾意日式燒肉，呢間位於灣仔既燒肉店長期都滿滿排隊人龍，今日專登係午餐時間提早半小時到，一嚟到就立即入座，爽！店舖既提供到足夠肉類款式選擇，價格以灣仔區而言十分划算，即使唔想堂食，外賣亦都非常抵，亦有其他選擇俾唔同口味既朋友好快就點咗牛肩排，係等候既時間絕對唔會冇野做，因為店舖仲提供任裝白飯，湯同沙律！仲有幾款飯素俾客人揀呀！拎完返埋位好快就上菜，見到大大舊肉已經急不及待放上去煎！見到油滋滋既聲心情大好！整體而言非常抵食，最後同朋友一齊攬住個肚走，下次都會再嚟！

今天與同事一起到位於灣仔皇后大道東的一間新店 「牛極」試吓，入到店先要在門口的購票機點菜付款，機內菜式有很多選擇，樣樣都好似好好食。最後，見到石燒牛肩排放題好吸引，就立即購票了。之後再等店員安排入座。店舖安排貼心，顧客可自取圍裙，防止油煙濺上件衫。上菜時，店員更用廚房紙覆蓋牛排，防止油煙四濺及吸油作用。石焼牛肩排厚切牛肩排脂肪分佈均勻，油花細密，肉質軟嫩。以石燒牛排外脆內腍，肉汁四溢。再灑上香草更有劃龍點精的效果，香草味使濃郁牛肉味更突出。Yummy! 牛排嘅粉絲，一定唔可以錯過。套餐包括牛肉湯、米飯及沙律。牛肉湯味濃用料足。此外，熱騰騰香噴噴米飯，撰用日本珍珠米，口感軟綿黏度適中。吃飽飽，大滿足！建議：不要穿羊毛外套入內，因為好吸味！