牛極 (皇后大道東）

營業中

休息中

石燒牛肩排，可以自己控制啱自己口味既生熟度，正😋😋💫 牛肩排火山石板燒🔥 牛肩排，會預熱2成熟，然後我哋按自己口味去控制生熟度，如果怕彈油，餐廳內有圍裙提供，好细心喔🥰牛肩排肉質鮮嫩，石燒可保留肉汁，入口啖啖肉，好juicy. 每份牛排價錢都包佐自助沙律菜，湯，白飯 及水。絕對係CP值極高又親民價錢👍

中午時份，又到左每日面臨「食咩野」難題嘅時間了。喺Openrice見到位於皇后大道東嘅牛極評價幾高，就決意一試了~皇后大道東離筆者公司唔算近，快步行都要10-15分鐘先到，好彩去到餐廳門口嘅時候唔使排隊，直接可以入座。入座前要先喺門口嘅自動售賣機買餐，我揀左一份$65 嘅鰻魚石板燒lunch set，之後店員就帶領我地入店內就坐。同日本餐廳一樣嘅係，呢度都係採用半自助形式，所有白飯、面鼓湯同埋沙律菜、配料等等都係任添，啱哂大食之人！我地喺等候主菜上桌之前，就攞左湯同沙律菜作為前菜，食完之後個主菜隨即上桌，時間真係啱啱好！提提大家，食石燒之前記得帶好圍裙，如果唔係就好容易彈到自己件衫(著白色衫嘅就要尤其留意了！)味道方面，面鼓湯略咸、沙律菜中規中矩(用芝麻醬點綴會好食啲，無咁寡)；至於主菜鰻魚石板燒，非常好食，燒汁配合燒熱嘅鰻魚，味道一流，嫌唔夠味嘅朋友可以添加其他醬料，自由發揮！成個感覺好似去左日本旅行咁呀！不過，美中不足嘅係室內油煙太大，排氣系統有待改善，我食完飯走出餐廳feel到自己個身充滿住油煙同燒烤味，所以下午要見客嘅打工一族中午就最好唔好食呢間啦xdd

今日想快手食個簡單晚餐，又一支公係灣仔皇后大道東附近，就黎呢間牛極食塊扒。先叫左一塊牛柳，係等牛柳上枱既時候就先去自助食物區攞野食。自助食物區有任食沙律，主要係生菜，少少車厘茄同粟米粒，沙律醬有柚子醬同芝麻醬揀。湯同白飯都係任飲任食，湯轉左自家製麵豉湯，入面配料有豆腐皮幾塊，味道無平時既麵豉湯鹹。白飯任裝，旁邊有d芝麻粒俾你自己落。肉汁，餐具同水都係自助。肉汁有三款比你自己攞，分別係自家製燒肉汁，蒜蓉同辛味芥末燒汁。當我攞完湯同沙律，牛柳就剛剛好上枱！服務員先用抹手紙蓋住塊牛柳，防止油彈出黎，再用一支牙簽拮住固定，真係一攞開張抹手紙，油就彈出黎，記得自己攞即棄圍裙。上枱既時候牛柳外面就熟左，入面就未熟架，可以自己切細再係塊熱石板上加熱到適當生熟程度就可以食。牛柳肉質完全唔肥，厚切都夠淋，食落啖啖肉。我加左大量蒜蓉一齊食。牛柳上面仲有好多蛋絲。簡單快捷又一餐，而且感覺都好健康。

這類日式鐵板牛排半自助餐特別適合月尾但想吃大塊肉的我。我到訪的時間大概是下午六點左右，可能屬剛開始晚市的時間，所以人流未算很多，而且食物很充裕！這個例湯並不馬虎，番茄味道香濃，而且裡頭有不少牛肉。可能因為我吃飯時間算是比較早，所以隨手一𢳂便有非常多肉。煮湯的牛肉肉質算很不錯，不會太靭，亦不會淡而無味。沙律是比較簡單的，就是一些切好的乾淨蔬菜，配搭醬汁會好吃點，視它作清新的配菜是很好的！白飯方面，我看到這裡的米粒挺飽滿，而且配搭紫菜粉，所以吃了大半碗。米粒軟硬適中，是普通的米飯。這裡上菜速度挺快，我剛完成「自助取餐」，主角鐵板牛便登場。整體來說，我對牛排是滿意的。它肥瘦恰當，肉質細膩，味道亦算香濃，簡單曬一些鹽及胡椒味道便很出色！

性價比超石版燒食最平嗰個系列加埋個可樂總共$90在灣仔地區性價比非常高而且又飽肚有得出去任攞飯,湯及沙律菜環境正常而且下晝人流不多因為是自助的關係所以員工都不會太理會你

最近剛剛吃過數次這種熱石牛燒，實在是讓我回味無窮，一直很想再去品嚐惹味的牛排熱石燒，恰逢今天機緣巧合有機會經過這間位於灣仔皇后大道中的牛極就決定要去品嚐一下。這一次我選擇的是牛肩排，我食量比較小所以180g對於我來說已經很足夠，而且正好可以預留一點空間品嚐自助區的食物，剛好有我喜歡的羅宋湯。而牛排也一與既往的高質量，雖然只是180g但是還是挺大一塊的，而且肉質也很不錯，加上我可以自己控制牛排的熟度，調製自己喜歡的口感，再搭配各種醬汁真的很惹味。

牛極上星期係銅鑼灣食過覺得好正😆，食完都唔夠喉，所以今日係灣仔見到即刻再食啦🥳。之前都係試牛扒，今次想試下其他款式就揀左黑豚腩片燒，午市食只係$60超級抵食，絕對要試。而且都係包埋湯、米飯、前菜沙律放題，好豐富呀。講番個黑豚腩肉片先，份量比我想像中多好多🔥，超級足料，而且每一片都係肥瘦分明，油脂係熱石之下更加香😛，咬落去每一淡都感受到黑豚腩肉片嘅油香，再點少少蒜蓉同燒汁呢個配搭真係完美😍

最近有個話題是快餐店鐵板燒比併。哈哈，我想日式自助石燒牛扒店「牛極」也有很多分店，自助買票，送餐流程流暢，不過這兒是用stone grill 的，也可比併一下。首先，「牛極」專心做「牛扒」，用有品質保證的牛肩排、澳洲牛仔肉眼、西冷、牛柳，而且食物份量及價錢也清楚標示，以供選擇。今次我點了$80美國牛肩扒，牛肉味較重，亦不失嫩滑。 餐廳本身已把牛肩扒燒到大約一成熟，再給我stonegrill。哈哈，我成功做到我最喜愛的七成熟。調味汁偏濃，我覺得用黑椒同岩鹽調味已足夠。這裏有檸檬水、沙律、白飯、羅宋湯任裝，一定夠飽。不得不提，羅宋湯用料十足， 不是普通例湯，我喝了兩碗。有提供圍裙，很是窩心。結論: 雖然「牛極」主菜只有牛扒，但也無限量提供沙律，羅宋湯及白飯，性價比高。

星期三晚上嚟到灣仔，想食個快食再行街，見到呢度都有牛極，試下同上次有無分別先😊店入環境比想像中大，空間感好充足，坐得好舒服☺️而且通風系統都做得好好，唔會好大烤肉味，食完D衫都無味，呢個係幾讚嘅👍🏻牛肩扒☝🏻亂切牛扒👆🏻同朋友叫咗兩款唔同，再share 食，亂切果個D牛再軟身D,不錯☺️當然唔少得呢3寶啦，BBQ粉真係無得輸，同埋個生蒜，大家一定要落👍🏻灣仔呢邊嘅自助bar 好大，拎野食再方便咗，設施都好充足。快食都食到甘滿足嘅一餐，開心❤️

一入店可以先使用自動售賣機點餐，然後等待店員安排入座。牛肉種類包括牛肩扒，澳洲牛仔肉眼，西冷牛柳日本和牛。同時有不同的份量可供選擇。入坐後，等了大約8分鐘，牛扒便送到餐桌上。之後去了自助區取食物食物。包括麵豉湯，沙律和米飯，而且是任食的，可以根據個人食量去取。沙律菜新鮮清爽，有芝麻醬和柚子醋提供，可以根據自己的口味去取。餐廳內還很貼心的提供圍裙讓顧客穿上，避免鐵板上的肉汁沾到顧客的衣服上。至於自助區的另一方面，提供十分惹味的醬汁，醬汁味道包括蒜蓉，燒汁和辛辣味燒汁。至於牛扒方面，牛柳放左熱石上，上來時牛扒基本上是生的，中間是全生，底面有少少燒過，用紙巾蓋着避免油彈出嚟。味道方面，牛柳很淋和很有肉味，質地比較軟諗，很厚身，每一口咬落去都好Juice好多汁，口感一流。

星期六晚屋企無煮飯諗唔到一個人食咩好經過皇后大道東聞到好香牛扒味就入左牛極試下佢個石燒牛扒坐低之前先係門口點餐機度落單有好多款牛扒可供選擇: 牛肩、肉眼、牛柳同西冷我今次揀左200g既牛柳白飯、湯同沙律會以自助形式供應可以無限仼添沙律有兩款醬汁可以揀: 芝麻醬同柚子沙律汁我就揀左芝麻醬沙律配芝麻醬好開胃湯會係日式牛肉湯用左牛骨熬成，配埋番茄、洋蔥同紅蘿蔔好好飲飲多兩碗都唔怕值得一讚既係個湯係我影哂相食哂牛之後再飲都仲熱辣辣👍👍👍牛柳 ($110/200g)200g牛柳比我想像中大塊上到枱會有張紙巾蓋住唔會彈到啲油周圍都係另外店家仲會提供即棄圍裙咁就唔怕整污糟件衫啦牛柳用左少少鹽同胡椒調味唔會蓋過本身牛柳既味生熟程度可以自行調較鐘意生啲既朋友唔好放係熱石度燒咁耐好似我咁鐘意熟啲就可以切好一片片之後用熱石既溫度整熟啲牛柳肉質夠腍好易切開可以點佢地提供既燒肉汁送飯一流下次要再encore👍👍👍

牛極 地址: 灣仔皇后大道東238-240號地舖電話: 24222222==================石燒肉起源於日本，數年前去日本除了食連鎖店的牛肉飯，任食燒肉及石燒都是必食餐廳。自助式湯，白飯同湯律隨便食，仲有不同調味。先在自助點餐機order 好，有不同部份同以重量畫分價錢，等待時就出去抵湯同湯律。湯有牛肉粒同好多蔬菜，每次都要飲2-3碗先擺休，我又夾左salad 食，隨便享用。熱石上牛肉是1成熟端上，切開細塊利用石的熱力弄熟肉，滋滋聲聞到好香牛肉在石板上開始煮熟,仲有唔同架醬汁供客人蘸點架。

還沒夠晚上六時到，只有一枱人。點了兩份，一份300g澳洲牛仔排$160，一份180g牛肩排$80.付款後很快上枱。澳洲牛肉味較濃，牛肩排較淋身。整體體驗滿意，服務員友善

星期日唔想煮飯，去牛極食塊扒算數。牛柳 $110上次黎係食牛肩扒，今次豪少少升級食牛柳。一如既往，塊扒上枱既時候係用抹手紙蓋住，防止油彈出黎，用一支牙簽拮住固定，都幾體貼。塊扒上枱既時候外面已經全熟，入面就仲生，自己切細然後係塊熱石板上加熱。要攞即棄圍裙，如果唔係塊扒d汁彈到成身都係。我即刻就開餐馬上切，要同塊熱石鬥快，幾熟先食自己話事。牛柳超厚肉，食落啖啖肉而非常嫩口，厚切都唔韌。塊扒簡單用黑椒喺表面度醃，我覺得夠味，點自家製燒肉汁反而有啲過鹹。我鍾意伴蒜蓉一齊食，凍凍哋嘅蒜蓉可以幫手降温，否則熱石燒完即食易辣親。肉汁就間間分店都一樣，有三款比你自己攞，分別係自家製燒肉汁，蒜蓉同辛味芥末燒汁。我鍾意呢度既沙律係任食，唔夠飽可以食多碗。沙律係簡單既生菜同少量車厘茄加玉米粒，生菜大部分都新鮮，有胡麻同柚子沙拉汁自己落，胡麻同柚子沙拉汁都好味。湯都係任飲。湯係日式牛肉湯，其實有d似羅宋湯，不過完全唔辣，好彩俾我揾到好多紅白蘿蔔片，洋葱片同牛肉。米飯都係任食，旁邊有d芝麻粒俾你自己落，我就冇食飯，只食沙律都夠。

黑糖四物茶剛好飲光,又要去灣仔 入貨。順便在這裡吃晚飯。剛好被一間 石燒牛肉 餐廳的海報上紅色「放題」字眼吸引🤩。是沙律菜、湯及飯是任吃,而價錢又屬於經濟,便按門進入。餐廳裝橫偏向日本風,環境光猛又舒服。在門口附近的自動販賣機購買票後,店員便帶我近自助吧位置坐下來。-HK$80 牛肩排180克~廚房先將牛肩排燒至一成熟，再放在經焗爐烤至攝氏300度的火山石上之後再送到顧客檯上。牛肩排要幾成熟,完全是自己控制,真是好玩。我將牛牛煎至7成熟,入口軟熟,牛的油花香溢,來配珍珠米,一不小心會吃過多的澱粉質😆。每張餐枱提供三款調味料~粉紅色鹽、黑胡椒及香料。另外蒜蓉及燒牛肉汁放在自助吧檯供給客人自行調味牛牛。沙津菜新鮮爽口配上麻醬或柚子沙律汁也可口。麵豉湯內有大量海帶及豆腐,絕不馬虎又不太鹹。-可能近來我變了小鳥胃,差點吃不光一份嫩肉又多汁的180克牛肩排🤭。