牛摩 (荃灣千色匯I)

營業中

休息中

今日出咗糧，決定食豪D，去打個邊爐，仲要係3百幾蚊既的牛小排set! 😂入咗90分鐘，一入到去，職員已經自動波幫手order咗2份牛小排！首先，關於外觀，牛小排的顏色艷麗鮮豔，十分誘人。肉質也緊密，不會太過肥膩，口感清爽。牛小排的大小恰到好處，每次都叫兩碟，包冇蝕底！至於牛小排的味道，口感十分柔軟。煮熟之後，帶有微微的骨香味。海鮮方面又係任食，海鮮都好新鮮，而雞肉則是肉質緊實，非常有嚼勁。在煮的過程中，肉類也沒有流失太多的水分，口感十分香濃。除了打邊爐！自助雪糕機亦都令我好興奮！他們的雪糕口感十分滑順，不過只有一款嘅牛奶口味選擇。想要更加豐富的口感，你還可以在雪糕上添加不同的配料，例如果醬、巧克力醬和糖果等。體驗。總體而言，這家任食打邊爐是一個非常值得推薦，因為平靚正，自助雪糕機亦都係最吸引人的地方，啱晒一家大細食！

收到消費券，交乜費乜費後剩返落黎只夠出去食餐好🙈去牛摩升級到牛小排套餐，真係好好食🥹想講唔係間間都一分錢一分貨牛摩係我心目中排行度滿意度好高而家同一價錢自動升級120分鐘！抵！有啲枱係一人一窩，有啲係一個大窩一個大窩嗰啲照樣可以叫一人一款湯底我哋叫左到basic呢壽喜同豬骨壽喜幾正，唔會太過甜👍豬骨一開始真係好濃郁到我覺得少鹹食食下就開始啱我好味喇🤣講下啲肉質素，真心係靚肉😋由頭食到落尾都keep到，唔係職工頭圍用膳啲fd至正一定係牛小排㗎喇，不枉貨金升級其實佢平啲嘅餐嘅牛都真心係唔差入口一樣係冇渣，滑一滑我地叫壽喜燒本身有隻蛋可以沾蛋汁食但用qr code落單印象中都可以叫蛋㗎😋黑豚肉都好正，豬肉都可以咁滑👍有幾款海鮮一樣任食我自己就唔好，老公話好新鮮出面有個蔬菜，飲品&甜品自助區Qr code落單區亦都有大量配料而家做緊台灣祭，有多種台灣食物如鴨血，台灣腸之類連珍珠奶茶都係任飲唔洗加錢😍（但當然甜度等等冇得調教啦）我真係好鍾意牛摩，因為佢地質素穩守服務又好，上菜快，執枱都好勤快自助區keep住衛生同refill👍食放題最緊要係個節奏呢間我大力推薦，十個like🔥🔥

琴晚 見有優惠去食咗$189個餐 其實本來比卡位已經幾高興 樂坐得好舒服 點知食食下 (我手袋上面 有一隻曱甴 跟住我驚曱甴嘅我😖 揸住我自己手袋拍打幾下隻曱甴走咗喺個張凳嘅挨plan位置 跟住我叫侍應 個女侍應唔敢去處理 之後叫咗個男侍應 個男侍應 徒手捉左隻嘢 之後搵消毒水抹一抹 甘就了事 之後。。 就已經冇胃口以後唔會再去呢間 地方食嘢😟😖

29/1 晚上8點左右光顧 選左$279套餐有三款牛肉可以食 入到去先發覺 好多野都賣晒 套餐包既野入面有成十幾樣冇 已經感覺不是太好 海鮮-蝦 霉霉地 青口腥（即刻吐番出黎） 牛肉-淥完是黑色既 又＇鞋' 又冇肉味👈🏻三款都係差唔多 係最後一款淥完冇黑色 係正常肉色都唔夠膽再食 唯有淨係食豬 間野叫做新開 但部雪糕機壞 摩打勁大聲 就爆炸甘款 所以都唔敢食 其實都預左唔會再黎食 所以唔特別諗住寫評論 但重點係 番到去肚屙左幾次🤮🤮🤮

(自費食評) 牛摩 = 超抵食又無限吃的放題火鍋今天我到牛摩荃灣分店吃放題火鍋，選擇了港式特濃沙爹鍋沙爹鍋的湯底很濃味，雖然不夠辣但是接受到牛摩d 牛肉真係幾新鮮仲可以無限食肥牛又唔太肥幾紅一碟五塊牛可以無限叫和食雞肉也好新鮮，又多塊雞肉好滑最好笑就係，佢地比牛肉越比越多塊。超滿足你地可以睇下牛摩牛肉真係新鮮仲有，佢地仲有好多野食選擇，有三色餃子也是幾好食的大家網友們下次可以試食一下仲有，芝士腸，烏冬，丸類，雲耳仲有甜品

Let's Go 為你搜羅吃喝玩樂情報〰️超萌牛摩造型雞白湯 ｜ 任食和牛-荃灣千色匯日本火鍋放題專門店「牛摩」🐮 於 12月起換上新裝強勢回歸，食肉獸有福啦！！＃牛摩 坐擁兩層高樓底，環境開揚，打邊爐後身上不怕沾滿油煙味，餐廳內隨處都見到牛摩的身影。特別向大家推介爆萌造型的「牛摩造型博多美人骨膠原啫喱雞白湯」，以大量鮮嫩雞件熬煮而成， 蘊含豐富骨膠原，滋潤美顏😋 荃灣店更獨家研發適用於四人一鍋的超迷你版牛摩頭像啫喱凍。牛摩更特意調製秘製醬汁、美國免治牛肉及紫菜，製作牛摩飯及溫泉蛋牛摩飯，另有多達10多款炸物選擇，大推珍寶炸帶子、唐揚池魚仔、一口炸芝士等小食 👍🏻「極品美國牛小排」套餐性價比高，任食都可食到密佈 MARBLE 紋和牛，還有牛小排、牛板腱、牛肩胛及黑豚肉等，絕對超值！另外，惠顧牛摩荃灣店每枱可獲贈和牛1份，包括 SRF美國和牛或佐賀霜降黑毛和牛！-小編嚐試過牛摩的 A4 和牛，肉質鮮嫩超濃牛味，大理石油花分佈均勻，海鮮類有蝦，青口，廣島蠔、帆立貝及扇貝等等，鮮味十足，扇貝肉質厚實屬不錯，另外牛摩飯配上溫泉蛋有驚喜，十多款小食花多眼亂，喜歡食脆口嘢的朋友不要錯過！🏡環境舒適：

今日同朋友去荃灣千色匯ge牛摩+ 😳天氣咁凍，打邊爐就岩晒！呢度有幾個任食ge 套餐，岩岩出左糧就梗係揀個貴ge美國極品牛小排放題啦🙊！我揀ge沙嗲湯底夠晒濃郁，落完嘢食已經可以唔洗再點䜴油。牛小排肥瘦比例岩岩好非，而且切到薄薄地，吸晒d 湯汁😍羊肉肉質有彈性，冇咩羶味！！真心推介！除左肉類，手機仲可以點d 小食！佢ge章魚小丸子入面有章魚，仲外脆內軟，味道同出面買到嘅差唔多。另外，餐廳有自助區，勁多選擇！雪糕係雲呢拿味，牛奶味都好重，口感順滑。有好多款配料可以加落去。另外仲可以自己拎蔬菜、各款丸類、壽司、熟食等等😍我個餐仲有多款海鮮可以食😳有海蝦、廣島蠔、扇貝等等！餐廳ge 店員都執枱好快，服務幾好！

❄️成個星期天氣都好凍，最好就係食🍲打邊爐暖暖個身!⛄️今日去到位於荃灣千色匯的牛摩，見佢啱啱重新裝修就試下佢啦。見人地外賣嘅牛好似好靚，所以我哋揀咗美國極品牛小排放題。我地坐嘅卡位十分寬敞，好多位放食品。餐廳中間有個鳥居，側邊除咗4個大雪櫃放飲品之外仲有果汁機、沙冰機、咖啡機同雪糕機，飲品甜品十分多選擇!講返正題，放題當然主角係牛啦。🥓🥓🥓我地食嘅極品牛小排睇見就流曬口水，肉色好靚，肉味濃厚。兩盆好快已經食完。湯底我地揀咗"博多美人骨膠原啫喱雞白湯"同蕃茄湯，佢用上枱時候係兩舊牛摩樣大啫喱，加熱後就慢慢溶化成雞白湯。雞白湯骨膠原十足。另外仲有一盆🦐🦑海鮮同丸奉上，海鮮鮮甜味美。牛丸就十分驚喜，原粒牛丸有重重牛味，咬開肉汁充滿口腔，非常推薦。仲有🧀🍡芝士牛丸都好特別，入面啖啖芝士可以拉絲。餐廳仲有好多蔬菜同打邊爐食品可以食，可惜無機會試下招牌牛摩飯，下次一定要再嚟!

天寒地凍裝修後再食自午餐火煱，揀牛肩胛肉餐，可揀牛羊豬雞肉，牛無乜肥肉，但比較鞋，羊肉無乜味，反而豬肉幾滑口。飲品有樂天幾款果汁，但沒有了乳酪雪糕，普通雪糕代替，甜品整全，至於菜和丸的雪櫃凍氣灕漫看唔清楚，有羽衣甘藍。餐牌牛摩飯沒有供應，懷疑只給晩市。人手唔夠，要叫到先執碟。

呢排真係好凍要打邊爐暖下身，荃灣不嬲都好多嘢食，揀咗喺千色嘅牛摩。我哋晏晝嚟食，揀咗個午市90分鐘嘅極品美國牛小排放題，係最貴嗰隻，都係$299乍。坐低咗之後就可以自己用電話落單，非常方便，除咗有牛肉豬肉之外，仲有羊肉，比較少見羊肉都可以飲食。我哋揀咗幾款牛肉試下，我覺得最好食嘅係美國牛小排，肉質嫩滑，每塊都好切得好薄，淥一淥就食得，好易熟，唔使驚淥到熟得滯會好鞋。脂肪分布適中，唔會太肥。羊卷肉都好好味，完全冇臊味，而且食落都幾爽口，冬天最啱食返啲羊肉補下身😂湯底方面揀咗博多美人膠原啫喱雞湯同埋麻辣鴨血。膠原啫喱雞湯好得意呀，係一個牛摩造型嘅啫喱，得意又好味。唔食辣嘅朋友可以揀呢款，feel到滿滿嘅骨膠原呀😍麻辣鴨血湯底，入面本身都有啲鴨血，好滑好正！飲品方面都好多選擇，呢排咁凍，熱飲方面可以揀熱朱古力咖啡，好飲！不會太甜！最後食番個雪糕，正！

先講環境，哩間牛摩有唔少卡位可以比一家大小，或者三五知己坐埋一齊打邊爐。行入啲仲有個大圓頂玻璃天窗，夠哂光猛！湯底方面有9個可選擇，今次揀左關東風壽喜燒，同埋店員推介嘅博多美人骨膠原啫喱雞白湯。嗰啫喱雞白湯仲係成個牛摩公仔樣，啱晒女仔食嘢前先打個卡😆一坐低就即刻叫左碟極品美國牛小排、美國極上黑豚肉同海鮮拼盤，海鮮拼盤有廣島蠔、半殼扇貝、海蝦、半殼青口、同埋加拿大翡翠螺，之後仲可以追加魷魚仔同蟹籽墨魚滑😋牛小排啲油花分佈均勻，豚肉淥耐啲都唔會硬，緊係要即刻再加單啦😋出面自助區仲有唔少蔬菜，丸類同各種嘅麵食可以自由選擇，店員仲會不斷refill添，真係唔怕冇野食😆飲品都有各種罐裝烏龍茶或紅茶選擇，仲可以自由斟沙冰同咖啡。甜品方式就有布甸、蛋糕、啫喱，緊係唔少得自助嘅唧雪糕機同各式各類嘅toppings 揀啦，唧唔唧到六圈半就睇大家既功力啦😂😂

同大部份嘅火鍋放題一樣，依度可以揀唔同價位嘅set， 今次揀咗美國極品牛小排放題～～湯底係長野蘋果湯同埋博多美人骨膠原啫喱雞白湯，見到個湯底整成得意嘅吉祥物造型，很有趣！牛小排肥瘦均勻，富有牛味又一啲都唔嚡，encore嘅牛肉水準都好穩定，另外有款牛骨濃汁牛丸都好好食，真係超多汁🥩海鮮選擇頗多，有海蝦、扇貝、廣島蠔、翡翠螺等等，一開始會上個海鮮拼盤有齊各款海鮮，之後就可以每次按人數逐樣點，幾鍾意海蝦，因為蝦肉夠爽夠彈🦐蔬菜、丸類依啲火鍋配料主要係出去攞，放喺雪櫃入面保持溫度，而飲品、甜品都亦係喺自助區攞，不時見到侍應清潔同refill，整體感覺都乾淨衛生👌另外淺嚐咗幾款小食，估唔到炸雞翼相當唔錯，大大隻之餘仲好juicy，炸粉脆又唔會過厚，除咗打邊爐亦可以試埋啲小食🥢

牛摩+ (荃灣)📍地址：荃灣眾安街68號千色匯I期2樓2031號舖💰人均消費：$250-$350=================天氣轉冷，又係打邊爐ge 好季節！ 今日同朋友黎荃灣千色匯間牛摩食火鍋放題！佢有幾款唔同ge 放題可以選擇，我地一係就唔食，一食就梗食要揀個貴嘅黎食啦🤣所以揀左美國極品牛小排放題！果然無揀錯，啲牛小排脂肪比例非常均勻，入面唔單止無筋，牛味仲好重！另外，平時羊肉卷比較少可以喺放題度任食！我呢個餐包埋羊肉卷，羊羶味岩岩好，唔會太重😍😍 我地仲食埋黑豚肉，同樣出色！！餐廳仲提供多款海鮮，有海蝦、廣島蠔、扇貝、青口等等😍樣樣野都好想食！我地仲同手機落單，叫左d 小食，全部熱辣辣送上！😆除左QR 落單之外，出面仲有自助區可以拎蔬菜、丸類、冷盤、熟食、甜品、飲品等等。最估唔到係有雪糕同沙冰，真係種類多到不得了！！90 分鐘岩岩好，同朋友都食到好飽🤣🤣🤣下次一定再黎！

冬天到囉✨，吃火鍋的日子到囉😍，愛吃火鍋的你馬上舉手🙋🏻‍♀️!!! 最近荃灣的🇯🇵牛摩 重新開幕囉～並推出3重大優惠，大家記得把握時機，馬上約朋友去吃啦～首次到訪牛摩，環境舒適又整潔🤗，自取食物區擺放整齊，有醬料區、前菜、壽司、蔬菜、甜品、飲品等等。 當日我們選擇 極品美國牛小排仼食餐🍖，除了有送的日本黑毛和牛、極品美國牛小排、SPF美國和牛、美國極上黑豚肉、美國IBP牛板腱、特選牛肩胛、廣島蠔🦪、加拿大翡翠螺🇨🇦、扇貝、海蝦🦐等等😆，款式超多的～ 湯底方面，我試了壽喜燒、沙爹和招牌的博多美人骨膠原啫喱白湯鍋🫶🏻，滿滿的骨膠原，特別推介給女生們哦～ 1. 即日至12月31日，凡晚市惠顧，即送和牛一份🤭!! 這份油花漂亮到不行的日本佐賀霜降黑毛和牛🥩，肉質軟腍，肉香鮮美，超級好吃的～ 2. 即日至12月15日，凡平日2時半至5時惠顧，1位成人可免費帶1位小朋友享用👧🏻🧒🏻，超級抵食呀～ 3. 即日至12月15日，逢星期一至四晚上8時後入座，英文名有W和M字即享8折及無限時仼食😨，抵到不得了呀～ 

自己唔係特別大食，所以平時會少啲揀任食。手上有張滿＄450減100嘅券想用左佢，就挑戰下任食。 又 比 想 像 中 好 喎 ！ 唔記得店員推介嗰個級別牛肉係叫咩名，任食自助點餐有雞，幾款牛，同2款豬揀，仲有海鮮，牛摩飯（真係有人會係任食叫飯？），仲有好小食喎！樣樣食啲都幾抵食。甘最主要一定係留肚食肉😆出面自助區唔算大，第1時間衝出去拎左兩兜雜果，加汽水自製雜果檳志（敬佩自己食得甘刁鑽😆😆）話曬任食，策略同單點一定唔同，全部嗌晒牛完全無點過雞，回本第一。都唔明點解甘多人挑剔啲肉唔靚，叫高個grade啲肉咪靚啲囉🤣而且任食喎，仲想點？