牛摩 (荃灣千色匯I)

營業中

休息中

冬天到囉✨，吃火鍋的日子到囉😍，愛吃火鍋的你馬上舉手🙋🏻‍♀️!!! 最近荃灣的🇯🇵牛摩 重新開幕囉～並推出3重大優惠，大家記得把握時機，馬上約朋友去吃啦～首次到訪牛摩，環境舒適又整潔🤗，自取食物區擺放整齊，有醬料區、前菜、壽司、蔬菜、甜品、飲品等等。 當日我們選擇 極品美國牛小排仼食餐🍖，除了有送的日本黑毛和牛、極品美國牛小排、SPF美國和牛、美國極上黑豚肉、美國IBP牛板腱、特選牛肩胛、廣島蠔🦪、加拿大翡翠螺🇨🇦、扇貝、海蝦🦐等等😆，款式超多的～ 湯底方面，我試了壽喜燒、沙爹和招牌的博多美人骨膠原啫喱白湯鍋🫶🏻，滿滿的骨膠原，特別推介給女生們哦～ 1. 即日至12月31日，凡晚市惠顧，即送和牛一份🤭!! 這份油花漂亮到不行的日本佐賀霜降黑毛和牛🥩，肉質軟腍，肉香鮮美，超級好吃的～ 2. 即日至12月15日，凡平日2時半至5時惠顧，1位成人可免費帶1位小朋友享用👧🏻🧒🏻，超級抵食呀～ 3. 即日至12月15日，逢星期一至四晚上8時後入座，英文名有W和M字即享8折及無限時仼食😨，抵到不得了呀～ 

自己唔係特別大食，所以平時會少啲揀任食。手上有張滿＄450減100嘅券想用左佢，就挑戰下任食。 又 比 想 像 中 好 喎 ！ 唔記得店員推介嗰個級別牛肉係叫咩名，任食自助點餐有雞，幾款牛，同2款豬揀，仲有海鮮，牛摩飯（真係有人會係任食叫飯？），仲有好小食喎！樣樣食啲都幾抵食。甘最主要一定係留肚食肉😆出面自助區唔算大，第1時間衝出去拎左兩兜雜果，加汽水自製雜果檳志（敬佩自己食得甘刁鑽😆😆）話曬任食，策略同單點一定唔同，全部嗌晒牛完全無點過雞，回本第一。都唔明點解甘多人挑剔啲肉唔靚，叫高個grade啲肉咪靚啲囉🤣而且任食喎，仲想點？

係時候又要Update一下這間牛摩的價錢吧!這是荃灣《牛摩》有什麼地方吸引我，要我就算不是時候去惠顧，也不介意多走兩步，去關心一下?就是這是於平日一至五，由她開店12:00至17:00，凡惠顧午市90分鐘放題，也可以一直吃下去至17:00吃足，即時話，若您有耐性，可以吃足足5小時。所以，各位平日若沒什麼可做，想找個地方Hea吓，食吓嘢，食吓嘢，食吓雪糕，這裡也是不錯的選擇。下列是平日5小時放題餐牌(即午市90分鐘放題，若自己遲去，都是吃到17:00止呢！)：如果各位不用坐那麼久，又不用吃那麼多肉，那可以選擇單碟60分鐘套餐。下列是平日午市單碟60分鐘套餐餐牌：若午市未能到店，不妨可試試晚市90分鐘放題呢！下列是平日晚市90分鐘放題餐牌：＊請惠顧前，先向店員查詢最新安排，謝謝！

一家人出去食飯 梗係食最愛嘅打邊爐 荃灣呢間打邊爐唔係第一次去食最鍾意佢有好多款式唔同嘅食物揀 美國和牛好靚油花! 仲有新鮮海鮮! 入口即溶嘅豚肉 !真係好正!~ 尤其要讚下眼鏡經理哥哥 熱情有禮貌嘅招呼 細心有耐性嘅介紹 誠懇嘅服務態度 價錢亦都相當抵! 我哋一家人食得好開心 會介紹朋友同下次一定會再嚟食

約左朋友打邊爐，搵左呢間位於荃灣千色既《牛摩》我地簡左極品美國牛小排放題，有海鮮同美國牛小排食，性價比都幾高！🌟 極品美國牛小排放題 $349一位呢個level主要都係食牛小排，牛小排脂肪比例好均勻😽望落已經覺得好好食😋食落果然肉質軟腍，唔會鞋口，牛味重，要不停encore🤪羊肉卷都係比較少有放題可以任食，質素好高，肥瘦適中，羊羶味唔會太重👍🏻👍🏻海鮮方面有海蝦、廣島蠔、扇貝、青口、魷魚、帆立貝，多款海鮮任君選擇，最怕就係食到D蝦入口會霉😌😌，但呢到既海鮮又唔會喎✌🏻食落都幾新鮮，肉質係爽口彈牙，鮮味十足！💞湯底方面都有10款，我地叫左鴛鴦鍋，蟲草花雞白湯&蕃茄薯仔湯，雞湯湯底清清地淥下牛同海鮮就夠晒原汁原味！蕃茄湯底夠濃味，最啱淥下菜、淥下丸☺️除左海鮮肉類，自助區仲有各款蔬菜、丸類、冷盤、熟食、甜品、飲品自取。好驚喜有三文魚壽司😍食到最後點少得甜品，雪糕好幼滑，係香濃嘅雲尼拿口味😋

環境舒適乾淨，店員服務不錯叫咗牛小排呢個餐，真心覺得非常抵食牛小排同美國和牛肉，肉質鮮甜，真係牛舌會係第一選擇湯底又有好多選擇，真係要嚟多好幾十次，先至試得哂整體所有嘅牛肉同海鮮，水準都唔錯！自助區食物豐富，乾淨企理，俾我預期中有驚喜份量十足值得一讚不過有個小失望，就係啲烏冬出咗事係用普通嘅烏冬。。。希望你哋會入返啲日本嘅稻庭烏冬啦。。。咁就本人住港島區，希望會喺港島區開多幾間，咁我就可以多多幫襯啦

yeahhh試咗兩個好得意既湯底😳 係日本長野縣嘅蘋果湯底同勁多骨膠原嘅蟲草花雞白湯底🍎🐥晚市極品美國牛小排 - $339/👧🏻首先覺得最值得提起嘅加分位係: 可以食三個鐘😱😱 好多時食放題都會食得好趕怕唔多時間吹水，但牛摩就令你打邊爐打到好似去左cafe咁，可以慢慢食「十下十下」🤤而家仲多左勁多炸物可以揀🍤 炸帶子、雞軟骨、章魚燒、炸芝士、雞塊，全部都好好食！雞軟骨同帶子都encore左兩三次🥰 同埋三百幾蚊已經有埋海鮮同美國和牛🥩 性價比真係唔錯💯覺得蘋果湯用嚟煮菜真係好正，勁清甜🥺 冇諗過原來蘋果湯打邊爐咁適合，下次係屋企都想試下🤣地址: 荃灣眾安街68號 千色匯1期2樓2031號舖

話說這天我和男友到了荃灣買餸，及買下小家電啦，好快咁行完都成7點鐘，經過商場就睇下有咩食，就見到有一間牛摩專食牛的放題，睇了菜單見$349這套餐有幾款不同牛的部位供應及有海鮮如人蝦、蠔，感覺不錯！便詢問職員有無位及任食是哪款食才有供應！之後職員說1人以上任食放題都要選擇同款架，咁我地無問題下職員問我地要咩湯底後便安排了座位及上了火鍋湯底，坐了約20分鐘，見職員上了一人套餐的其中三款牛，又等了20分鐘我朋友一個菜都未黎上，向職員查詢只回覆幫我地checkcheck，及職員有問我地想食邊款先拿給我地，然後就上了廣島蠔及蝦，我地見啲廣島蠔完全沒解凍仲係一舊冰，放落湯底烚就連冰水都落左湯底裡，响螺肉烚完後食一後有些霉臭味，而其他套餐等待中的菜品又係繼續等，我地又向職員再問，回覆都係幫我check 下， 預期check不如自己再追加食材，反正任食，追加了好幾次，上黎既餐單一黎慢，份量又少，追加四次才送黎一次，餐廳係咪咁忙呢，但又見3個職員清潔一張枱喎。咁出去攞飲品時選擇有汽水3款，檸檬茶及2款沙冰，攞左一杯後想再添時，就見到沙冰機寫上稍後片刻，等左好耐都係稍後片刻，而檸檬茶又好糖水feel，結果

朋友生日想食火鍋放題，市面上太多形形色色既「牛乜乜」，無乜特別偏好，就隨便揀左方便大家既荃灣千色。門口有張貼湯底選擇，朋友都揀左壽喜燒，有生雞蛋附上，自己就揀左沙嗲湯底，有花生香氣，可惜實際上稍為淡味。主食材揀左嚴選三筋肉，對比起普通果種牛肉，肉同油脂比較平均，唔錯。海鮮盤都係包埋，帆立貝中等size，食落都意外地好鮮甜，海蝦又係幾有質素，無唔新鮮既感覺。落單apps同埋出面自選材料都有相當多材料任選，較有印象係牛舌，灼一陣唔會太韌，又夠油香，響鈴、豆卜、蔬菜等都refill得密。最後食到飽飽滯滯都要黎杯軟雪糕，六圈半就差咁d功力，但都十分滿足。

午市定量牛肉，連埋加一服務費先大概$100，餐廳位置都算闊落，令人覺得舒服，出邊攞嘅嘢食種類都幾多，嘢飲都有汽水同埋沙冰，最吸引係雪糕係乳酪雪糕，覺得值回票價。

呢間就平價路線嘅火鍋店近日有個三筋肉海之幸放題，三筋肉係牛肩胛後部分嘅肉，一隻牛得好少，二百幾蚊可以任食嘅話又真係好抵！唔講其他，淨係計任食三筋肉、牛舌，同埋其他海鮮都值回票價。湯底叫咗鴛鴦鍋，比較特別係個美人骨膠原啫喱雞白湯， 上枱同Poster一樣，有個QQ嘅卡通樣，女仔實鍾意。為左三筋肉而黎，quality比預期中好，油脂雪花分佈細密，肉味濃郁，入口有肉汁之被帶嫩滑。其次牛舌、黑豚肉質素都非常唔錯，肥瘦均勻而且肉味夠濃，牛舌纖維緊密好似，黑豚肉夠薄夠滑，係另有一番滋味。今日嘅海鮮都幾靚，望落好新鮮，食落夠爽脆彈牙，款式好多，有花膠、 鴨血、墨魚滑、帆立貝、海蝦、墨魚仔等等，可以滿足食多種海鮮嘅慾望。呢間分店嘅職員都幾有禮貌，放題除咗有呢啲嘢食之外，飲品區、各式丸類、麵食、壽司、蔬菜、甜品佢都有。拉麵同出前一丁最好食兼回本，蔬菜都OK新鮮，你又估唔到佢啲甜品都幾好食， Brownie同日式甜品都好食。

上網睇牛摩近期推出左新產品: 三筋肉!! 梗係一於試下啦~~$258, 90分鐘除左有三筋肉同其他豬牛雞, 同埋有好多海鮮食! 嗌左個沙嗲湯+壽喜燒湯底 (有雞蛋一隻)先試三筋肉, 係牛肩胛後部分嘅肉, 一隻牛只取得 5-6%，真係好罕有。由於肉面肉底及肉, 中間都分別有一條薄薄嘅筋膜, 因而得名。油脂雪花分佈細密，肉味濃郁, 入口肉汁, 豐腴嫩滑, 絕對係罕見嘅滋味!之後其他豬牛雞都可以一試, 不過話晒三筋肉係新產品, 梗係要不斷encore啦!之後D海鮮亦到好出色, 個人比較中意海蝦+墨魚仔+墨魚滑! 因為每樣野都好新鮮! 蝦亦都有少量蝦頭膏, 而墨魚滑應該係手打, 真係好彈牙! 我都encore左4-5次! 而墨魚仔雖然細細隻, 但食落去都好有鮮味, 又彈牙, 唔會覺得好梅~出面亦都好有多配料選擇, 丸類都比較特別, 尤其係三層海鮮丸, 麻辣湯包丸, 喇沙丸! 呢D都係出面好難搵到既特色丸! 而且中意食壽司既朋友, 呢間火鍋店都有提供架!甜品方面, 有泡芺, cheesecake, 布甸 同埋有 雲尼拉雪糕! 食落去唔會覺得好甜/漏! 非常重既奶味! 為今次既邊爐之旅畫上完美句號

星期五晚唔想煮飯 又係買外賣的時候上網睇到牛摩有幾抵食的2-3 人外賣套餐 經過荃灣千色匯已經有一間 順路決定一試美國極品牛小排套餐 $258 我地冇加到錢配湯包 因為屋企都有好多😂肉的份量都好充足 雞件食落幾滑 牛小排稍肥 豬肉卷幾有口感另外都配左唔同的肉丸 芋頭淋左吸埋汁幾入味 有驚喜另外菜都有兩種 有生菜同娃娃菜 份量都唔少加埋都有成盤 加埋兩個烏冬真係三個人食都夠曬數人均一百蚊唔駛 已經可以有咁多食物選擇同份量 都叫做抵食

晏晝3.幾限時食90分鐘一開始已經跌咗張紙落個鍋度㗎啦嗌咗個壽喜燒湯底 食雞蛋勁污糟之後叫左4碟牛 吹左三次已經等咗成半個鐘 一啲氣色都冇員工質素欠佳 全部左耳入右耳出聽完就算冇食過一間限時嘅火鍋係咁全部請晒啲暑期工咁 老嗰啲態度又差隔離枱叫咗4碟都食完就係好似特登唔黎我哋嘅牛大家都係俾錢嚟食嘢有咩分別估唔到會有唔同嘅對待90分鐘食啲咁嘅嘢 寧願買嘢返屋企打邊爐算都冇喺度堂食咁嬲而且而家都算係下午茶時間 竟然都可以咁亂其他時間午市 都唔方好得去邊仲要出邊啲丸同菜完全refill雪糕機仲要壞咗

繼續晚市禁堂食 最啱係屋企打邊爐🐮今次揀左牛摩嘅美國極品牛小排套餐 $258 （2-3人）包左🐮美國極品牛小排 200g🐷豚肉 200g🐔雞肉 200g🍡火鍋配料拼盤都有芝士年糕，墨汁丸，豬肉丸，蜜糖腸，蜂巢豆腐。蔬菜類有冬菇，南瓜🥬其中一個要讚嘅野係菜份量真係好多 一大盒 平時外賣通常菜都比較少。🍲湯底揀左壽喜燒 壽喜燒最緊要湯底夠濃 咁淥咩都可以入晒味🐮食過堂食牛摩嘅一定知道牛嘅質素有番咁上下，牛小排肉味香濃，淥完肉質都好嫩滑。🐷豚肉亦唔鞋口，切得薄身但份量好多，唔駛淥好耐就食得🍲打邊爐最緊要肉質靚 湯底好味 呢間兩樣都做到 而且性價比都高 不過分店就比價唔近市區 荃灣 馬鞍山 將軍澳 屯門 上水 啱地方嘅朋友都可以買黎番屋企