影片
營業時間
今日營業
12:00 - 22:30
星期一至日
12:00 - 22:30
以上資料只供參考, 請與餐廳確認詳情
有關獎賞計劃
牛摩嘅火鍋放題主要以不同級數嘅牛肉劃分左幾個價錢，包括$189美國牛肩胛、$229美國IBP牛板腱、$279 SRF美國和牛、$349 美國極品牛小排、$509日本黑毛和牛，每一級都可以食返較平級數嘅牛肉，而我今晚揀選左中間價位嘅SRF和牛，即牛肩胛、牛板腱都可以任食。湯底揀選左博多美人骨膠原啫喱雞白湯及關東風壽喜燒，前者偏清甜，雞白湯較清淡；而壽喜燒較香甜，每人有一隻日本雞蛋，蘸蛋汁食都幾香。今晚主攻SRF美國和牛，牛肉色澤紅潤，脂肪分佈均勻，唔算太肥，但油香適中，肉味亦夠，整體幾balanced，幾抵食。試左碟牛板腱，油花無咁重，無咁滑，但都有牛味，由於係上一級，所以只點一碟黎試下味。牛舌薄切，質感爽滑，牛味適中，味道係唔錯，但太薄食得唔夠爽。美國極上黑豚肉脂肪頗多，油香幾重，食落好滑，豚味香濃。即燒即炸嘅小食有十多款，雞軟骨香脆可口，一口芝士嘅芝士有咸香，但要即食夠熱先好食。每款食品只可點2份/2件，海鮮類有海蝦、魷魚、帆立貝、青口、墨魚滑等等，丸類有醬爆瀨尿牛丸、牛骨濃汁牛丸、數款不同貢丸、魚旦、墨汁墨魚丸及龍蝦丸等等。飲品除左汽水及無糖茶之外，仲有兩款沙冰（提子沙冰及熱情沙冰），另外仲有雲呢拿雪糕機，可自己加唔同Toppings……
繼續閱讀
朋友提議去荃灣牛摩日式火鍋放題店吃火鍋。晚市90分鐘有6個不同level的放題套餐揀，豐儉由人。我們揀了level3主打阿古豚梅肉的放題套餐。日本冲繩出產的阿古豚梅肉肉質靚，入口柔軟美味，油脂足但不覺油膩。湯底博多美人骨膠原雞白湯濃郁滋味，麻辣鴨血湯夠開胃。星級牛肌腹，精選牛肩胛和牛舌都好食。其他火鍋配料都新鮮多選擇。沙律，壽司，甜品，飲品，雪糕等都供應充足。想舒服享受日式火鍋放題，牛摩是個不錯的選擇。
繼續閱讀
襯住復活節假期去歎番個火鍋放題～喺荃灣行到攰直接就逗留喺商場開餐～位置超方便食飽飽附近就係地鐵站～而且冷氣充足～卡位又坐得舒服😀.揀咗✨極尚牛小排 套餐✨(成人$288@位)(另加一)🍲鍋底就要咗✨蟲草花雞白湯 & 蕃茄薯仔湯✨一次過滿足兩款口味～以二維碼落單各種牛豬雞羊肉類,海鮮及小食～作為🐂牛魔王必叫✨星級牛肌腹,✨極尚牛小排,✨精選牛肩胛🙌🏻🙌🏻片片鮮嫩有牛味；小食都好多元化😝推薦:✨炸日式餃子,✨味噌青瓜,✨日本一口芝士,✨枝豆,✨炸雞軟骨粒等等等～過足口癮；海鮮類叫咗✨鮮蝦🦐,✨魷魚圈🦑都唔錯呀～.當然唔少得自助區域自取大量火鍋料(各款丸類,蔬菜,豆製品…)、前菜(壽司,沙律…)、飲品(汽水,茶飲,沙冰等等)、甜品(軟雪糕,泡芙,糯米糍,卷蛋…)咁就完成悠閑又飽足嘅一餐啦🥰🥰
繼續閱讀
近日天氣轉涼，又挑起條筋想食火鍋🍲，今晚就同朋友嚟荃灣千色滙嘅牛摩食火鍋放題。點解會揀呢度，係因為佢牛肉放題選擇多（因應牛肉級數而劃分價錢），室內寬躺坐得舒服，仲可以一人一鍋👍 我哋揀左精選牛肩胛（$198/位），湯底係昆布鏗魚清湯和蟲草花雞白湯，1個健康1個養顏🤣 牛肩胛雖然不及和牛油脂多，但肉質幾靚，只需灼幾下，咬落一啲都唔鞋，滿口濃香牛味，勁正👍👍。咁嘅價錢除咗豬牛雞，仲有羊肉卷、牛舌、海鮮都係任叫任食，真心難得，其他食肆好少有。 除了這些用Qr -Code落單外，出面自取嘅種類都不少，例如有蔬菜🥬🌽、丸類🍢、麵🍜、甜品🍦🍰、沙律🥗、壽司🍣等等。就連冷熱飲品都有很多選擇，一下子有啲選擇困難😅 最後食埋牛摩飯加温泉蛋，今晚超滿足🫶
繼續閱讀
🚩牛摩 相信大家早幾個月都會留意到呢間舖頭其中一個宣傳：月費任食計劃🤭🤭 我同朋友都話如果真係有時間食嘅話，好鬼抵‼️join月票之前，決定幫大家試吓，睇吓值唔值得先😌〰️〰️〰️〰️〰️〰️〰️〰️〰️〰️〰️〰️〰️〰️🌈星級牛肌腹 $168可以喺app下單嘅肉，種類唔算多豬牛雞各一款🤌🏻呢個價錢食依款牛肉是make sense的反而豬肉片有驚喜，肥瘦均勻，色澤都好靚🐷湯底方面都有好幾款，可以揀一人一鍋或者鴛鴦鍋～今次我就揀咗壽喜燒湯底同埋豬骨濃湯🍲壽喜燒湯底仲會配隻生雞蛋添蔬菜區竟然苦瓜都有得食‼️特別推薦大家一定要試吓火鍋加芋頭，超粉超香🤤飲品區都有幾多選擇，連熱情果沙冰都有💕黎到最尾食甜品，凍櫃有好多大福，大福皮做到煙靭軟糯嘅質感，唔會雪到硬骨骨～如果大家真係join月費，為到$50一日，都真係幾抵玩㗎😌
繼續閱讀