燒魂 (已結業)

10月6日, 由於尖咀遊行人士在2點梳士巴利道進行公眾活動,沒有港鐵, 只有巴士, 滯留在尖東,晚餐想食燒肉, 檯頭見到對面馬路2樓日式燒肉店, 6點正開始,時間剛剛好, 我們3人, 落單放題B餐,雞、牛、豬燒肉及壽司剌身任食放題,每位258,包2罐飲品 再另收加一.燒肉:  牛肉,雞肉, 豬肉,最好食是牛肉, 而比較濃味及肉質較嫩就是茄汁牛肉,重覆點了數次單就夠了,其次豬肉, 汁醃豚肉, 最難食為雞肉熟食方面: 蝦天婦羅最驚喜起地難食, 炸漿太硬,完全唔合格. 大家小心~寧願白烚或蝦多士支豆(最正常), 豆腐(醬汁多過豆腐), 爽豬大腸(一般) , 炸南瓜餅, 芝士薯蓉波 (最好味), 蟹肉餅(一般), 蕃茄烏冬(正常), 胡椒蘿白湯 (一般), 煮大蜆(一般), 鰻魚壽司(唔似鰻魚,又細塊), 八爪魚刺身 食之前睇過OPENRICE,有食家寫, 抽風系統最好, 同意這一點.而這店, 可以自己劃要幾多塊肉片, 幾欣賞此點,每次出單都好準確,2塊就2塊, 因為, 有時比太多,吃不消變相等同浪費.建議, 在每碟肉同時放幾款不同肉片時, 可加多一塊可回收再用的牌仔說明名稱,因為即使是自己親

我從來無係度留過言，但今次真係唔留唔得！！勁嬲！！！從來未去過一間燒肉店換網要俾錢！個網燶到根本燒唔到！同經理投訴話要換網，經理話換網要收$18已經寫左係餐牌，原來寫左係飲品menu 勁鬼鼠囉！個餐牌只係寫住Drinks, d 字又勁細粒，正常入坐前要講囉！侍應仲要講粗口鬧我地，同經理投訴佢話係自言自語喎，咁我鬧你都可以話我發開口夢啦！野食又唔得, 選擇好少，價錢又唔係平，真係唔會有下次！！食到一肚气！！

今晚一行七人訂了第二段時間 8：15入席，食兩小時，叫了基本放題加多$60有海鮮。先黎一批鮮蝦放爐燒，隻隻爽口彈牙又大隻。再黎燒生蠔，服務員姐姐細心教我們先燒三分鐘再燒多一分鐘，就食得，但有些實在大隻，所以我們燒多兩分鐘，服務員再教我們應該怎樣開，每隻開出都肥美，勁海水味😋😋。初初以為會飛單，但完全冇，我食左6，7隻蠔都有。刺生蝦超好味，反覆叫左4，5次，次次10隻 10隻叫都冇甩拖，黎得好齊。有個後生仔服務員態度都非常好。整體都滿意，如果包尾有個雪糕就perfect。

某日同老婆去尖沙咀，想坐耐D既餐廳，就走左入去食燒肉（講真冇睇過任何資料就走左入去）首先要讚：服務員尼到好有禮貌！無論上菜同埋收野都係！真係好抵讚。野食黎講，原本係打算食下烤肉、點知又有刺身，又有熟食食。好似放題咁。首先肉既質素真係幾好！有幾款特別用疏果做汁既出奇咁鮮味！估唔到。以最有質素係蛤蚧！ 因為係好新鮮！我同老婆差唔多叫左十客！ 因為好鮮甜。刺身方面，就麻麻地，感覺係冇咁新鮮。叫左一round都冇再叫啦。返而食返燒烤既比較有質素。不過尼到野飲唔係任飲，每人包兩罐野飲。所以都要就住就住飲。熟食方面，都係普普通通，冇咩特別。地方其實唔係好大，不過如果早去都唔洗訂位既。有機會可以再食（如果你中意燒蛤蚧）

上菜慢，服務態度差劣，食物質素無咩可言。刺身唔太新鮮，很一般，生蝦個頭有點霉及發黑。話明主打烤牛，所以我地一行6人喪點牛，但上菜慢之餘，份量唔係我地點既量，屁如寫12粒牛粒，黎8粒、12塊牛舌，黎10塊牛粒亦多筋。飲品限每人兩罐，選擇少，得可樂7喜綠茶及烏龍茶。亦冇甜品。個綱燒到燶及著火，原來要畀18蚊才會換，加埋一即20蚊，從未去過要畀錢換網。最後，8點正粗暴催交枱，我地問餘下生食物點算，個女人二話不說即收碟，我地全枱人呆晒。再問有冇甜品，話要係Facebook like佢地就有。結果一肚氣8點05分走。

2年前吃，牛肉特别新鲜，虾特别大，目测是虎虾；2年后今天，吃完就拉肚子，肉质很一般，好多鸡肉，猪肉，好的菜品所剩无几；海鲜不新鲜，寿司米饭是冷的……不会再来了，也不建议来

朋友問我生日飯吃什麼？左選右選下選了這間。生日飯前那天在看食評，發覺十居其九都是說服務很差...內心有點怕...但當天上去後發覺服務那裡差？是很好好不好！藍色西裝（應該是經理？）教我們怎樣燒，叫了燒蠔沒有東西開，侍應生主動說幫我們開，這就是差服務？還有miss單既問題...說我幸運嗎？我們真的沒有miss一張單。呢度強推薄切牛舌和雞翼，這兩款是超好吃！海鮮類大蝦，燒蠔，蜆都很好吃丫！魚生和壽司都不錯👍

之前睇食評 哩間野評語都幾高 於是我同朋友就去試下啦 因為我們book了8點 咁有兩小時的時間 咁一坐低 我地就嗌野飲 佢唔係任飲 而係好似唱k咁每人嗌兩罐野飲 可能驚客人偷掛 咁我地嗌左三轉 但好快到 不過都會出現漏單情況 嗌左四次同一樣野 最後竟然話賣曬 不過基本上野食都ok既 我們仲捧住個肚離開

好耐無寫過食評，但呢一間放題餐廳食完之後令我急不及待要即刻寫翻一篇～ 從未試過食放題食得禁唔開心，真系夠曬難忘！大約兩年前同朋友試過，印象中所有野食都好高質，所以亦都放心訂台～ 環境算係唔錯，座位非常闊落，坐得好舒服!首先，飲品方面，限左兩罐，重要選擇非常少，好似得5-6款選擇，想要無糖既飲品都無～燒烤食物方面，生蠔值得一讚，但肉類，佢地創新既調味實在令人為之驚嘆！刺身選擇亦都唔多，而且唔新鮮，好似食緊泥膠！不過，最精彩係壽司......份量細，兼無味......真系非常失望！熟食就一般啦，但個烏冬唔建議叫! 最後服務方面，員工係幾殷勤既，值得嘉許，不過食物真系不了！

飲品得四款，得啲好甜嘅飲品，想飲無糖茶什至水都無。🤯換燒爐塊版要收$18一塊，真係未見過咁唔合理，介意食炭燒嘅基本上局住要換，叫員工換仲要等咗勁耐，貼錢買難受🤢。唯有叫好啲係食物都還好，嚟嘅量係足嘅不過偏慢。

兩年前，燒魂各方面都好好！今日本人去慶生日非常不愉快，其他食物普通，職員態度都幾好！但最差係个女經理，騙人話食2个中，到11：30去人埋單同last call!都無所謂，食物到，剩番20分中到，不停吹我地12：00要交枱！問个女經理，你同我地講食到1：00，為何会个半中不停吹人走，佢態度非常串，佢話吾係比你食1：00，係入坐食2小時，甘為何未到2小時未到不停吹，D野食未食完，亦未到點，話不可以再食，要收了。連生日蛋糕未切完也食不到就要我地走，為何我入黎時keep蛋糕比你時，你不同我講12：00一定要走交枱呢！而女經理話1：00尼！為何不老實說1：00要関門12：00交枱，我見有客遲我地入黎，食左一个中就要為左佢地趕收工要人地離開！有無過份尼！收人地2个中價錢，食个半中時間，D野燒都要時間啦，吾通全部生食，吾洗燒？我未試過去一間食店過生日，連12：00未夠，未到生日時間，切兩刀，食都食吾到就要我離開！所以各位食客要去開清楚才好去光顧咪食完一肚氣！為左做到生意，个女經理会講大話，等你埋左單就咪夠中，不停叫職員吹你交台走！大家不防下次去時，等女經理放假才好去，免被騙！我不会再去的，再去会等

坦白講，燒肉好好味，但冇甜品可以選擇。而且職員態度非常一般。我們四個女人去食得超級飽，幇一個朋友慶祝生日大家暢所欲言超級開心。另外，尋找地方有少少不容易幸好最後也找到。

其實香港放題的選擇有很多，但味道一般，價錢不算太平宜，而服務態度超差的餐廳真的不太多，呢間餐廳都算經典！女黑面老闆/經理/收銀（總之淨係會望你，但不會應你的那種）加一個比較有經驗嘅男黑面待應，在今時今日的環境，應該要被淘汰。呢種咁差嘅服務態度，同在日本、台灣、新加坡、韓國、泰國、甚至大陸比都比下去！雖然牛肉同大蝦嘅味道ok, 但可以選擇嘅種類不多。煮牛舌賣完又唔同你講。而且飲品只有兩款汽水，而甜品完全欠奉。應該唔會有第二次！

一個禮拜唔夠就再黎多次，系米好食到要猛食？😂猛食就緊係唔得，其實因為兩次慶祝朋友仔生日，想佢地食好d有水準既地方，唯有試完再食過有水準既地方自然耐打耐磨，系好既當然值得回頭，之前食開都系兩個飯腳去，今次約齊6個去，點嘢食都有睇頭d，樣樣都睇落大份d同好食d咁，擺到成枱都系，☝🏻🤤我地有食德既，最後都有食清枱面食物先走，冇浪費到服務系有保證既，當日枱都比較多，但睇得出有team work，唔會系一個同事由頭到尾企一個section，來回得都比較勤，有需要個時都容易搵到佢地幫忙，基本禮貌同笑容更唔話得🥰😌有好多先前冇掂過都去試下，例如魷魚鬚小食，熱盤好快就上到比我地，成班餓底等唔切燒，最好就叫番d即食得既先頭盤刺身依然吸引，除左魷魚、刺身、壽司，其實都仲有order螺肉，同出面一般買到既質素一樣好食，比我地輪唔夠4個人搶空左，相都影唔到壽司方面，成班都比較中意火炙既多d，經火輕輕燒過既壽司🍣比較香口，同後傳統凍食壽司，會有少少餘溫，對我地食後感都系比較獨特深海大蝦其實我地最後系order兩次，即最少都12條，但唔知點解我記得自己食到4條食份人地個份叫多左唔同既款式，朋友仔一致覺得呢到既牛舌

樓上真係講得岩，第一次食一餐唔飽的自助餐，反而食左一肚氣。 野食叫左都係跟人頭來，叫8隻都是來一人一隻。落左一陣，未來，再落，佢都係俾一次。 額外餐具沒有，想揾隻杯都無隻， 咩野都係要加錢先要到，汁丈，網， 要就就加錢啦。水都無杯架，要就俾錢買啦。 衛生環境其實不是很好，餐具同紙巾都鋪滿了一點點黑色的炭灰，廁所窗有條大喇，有烏英，無紙巾。300 蚊食個飯仲要俾個男經理串，嫌我地將d 食物鋪滿晒個網；又對住我地發脾氣， 换一罐凹左的飲品，個男經理好大力咁將罐飲品大力拍在托盤上。我地4個都呆左，使唔使咁呀。最後那知經理行過來一句：夠鐘，都未明咩事就將未燒的東西全部撤走晒，完全不是好聲好氣的那種，我地4個一致起身走。 真係唔會再來幫襯哩間，超差勁的服務人員，超差勁的服務態度。