燒魂 (已結業)

好耐無食，之前d質素好靓，所以滿懷期待。點知極之失望，嘢食選擇少兼質素普通，最唔合理係燒肉舖既然換鐵網要➕18蚊，有生以來真係第一次，如果唔換就食晒d濃底，谷住換唔理是否黃店，都唔會再幫襯。我體諒鐵網難清洗，起碼可以供應換1次都合理，而唔係係唔係都加錢咯。我自問呢樣嘢真係好難接受，抱歉真係忍唔住要上來俾差評。講真如果d肉唔係醃肉，應該食得出好唔新鮮。希望睇到評價ga食客認真考慮是否要幫襯！！！！！失望

所有肉都冇味，刺身都冇味，落單食物與送到數量一直都錯，夠鐘直接熄火無視未熟食物變相逼客人浪費食物，最得意係個經理執枱既時候同其他員工講冇客，可以除口罩執枱（我果枱之外仲有3枱客未離開用餐範圍）……

今日約左朋友食久違了既燒肉，閒日晚市收費係248加一，任食包基本豬，牛，雞肉，熟食，炸物，刺身，壽司。飲品每人兩罐，如果額外加60蚊既話就會包埋海鮮同任飲。因為好耐無食燒肉，而且都想食佢既蠔，所以我地加左60蚊～第一round我地叫左啲刺身，同埋唔同既牛肉。刺身質素唔差，魚肉新鮮同唔會腥，而我就特別鐘意食佢既馬刀貝，帶貝類既甜味，而且又爽口。壽司正正常常，都係意思意思叫來食下～牛肉方面，佢有分原味，番茄味，另外仲有西柚汁。我個人比較鐘意原味，因為番茄汁既味道太濃，會搶左牛肉既香味。另外西柚汁既因為太飽無試到～牛肉肉質都幾好，而且食原味係會食到牛肉既香味，牛舌亦都夠爽口彈牙。而我最深刻既係，呢間既安格斯牛粒肉質好食又唔硬～跟住就叫海鮮～選擇雖然唔係好多，但係有蠔，又有大蝦，都幾抵玩。佢既蠔大大隻，都幾新鮮。店員有提醒如果想食生啲可以燒3分鐘，想食熟啲就燒4分鐘，我個人就比較鐘意3分半鐘左右，我覺得剛剛好～而大蝦又係十分有驚喜，好多肉，而且唔需要調味已經好香口好好食，呢樣野都係要本身夠新鮮先做到。另外我地都叫左啲菇類，同菠蘿黎燒，食左咁多肉可以平衡下～總括黎講我覺得係幾抵食，特別係要加海鮮

好耐冇幫襯燒魂一啦，見到op咁多負評踩到盡但記得以前明明食過幾好架唔通係因為變左黃店質素下降所以都係決定親身去試一試唔試唔知黃店好，估唔到因為政治取態就受到咁多人惡意評擊唔好講食物素質先啦，侍應服務態度好好羅門口個呀叔好清楚咁解釋收費又度體溫燒野食途中仲好好人咁教我地唔同海鮮要點燒先好點樣擺位會易熟d好食d而且d後生仔女都好勤力黎收碟同清垃圾而且可能岩岩限聚令放寬啦食既人都幾多，走個陣門口排曬隊但侍應既態度都仲好好，而且亦冇趕客入番正題野食素質真係唔錯我地加左60蚊任食海鮮同任飲海鮮種類都唔少，有蝦，貝，螺，魚，墨魚仔，蠔真係全部任食，蝦同蠔都大大隻，而且仲準備好唔好時間既沙漏方便你計時其他選擇都好多，有沙律前菜、刺身壽司、炸物燒物、一品料理、飯面、豬牛雞好快刺身就上啦，種類都唔少，而且仲厚切大大塊燒肉上黎啦雞翼係單骨雞翼，仲有土匪味正海鮮真係大大隻，而且蠔都幫你開好條gap燒完用夾一整就開到，好方便蠔肉好肥美，貝都好大隻好甜蝦仲有膏好彈牙跟住到重點啦和牛黎啦，咁既價錢就唔好期待真係好高級個d入口即溶不過佢都真係唔差，二百幾蚊算系物超所值牛柳粒好難得真係唔會硬好易咬牛肉除左有原味仲有蕃

純粹太肚餓，見佢吾洗排隊，先去食..... 食物質素：極差！刺身、肉類吾新鮮，牛無牛味！雞有雪味！，極度孤寒，醬汁要加錢、要水要加錢、換網要加錢！ 一張餐巾、濕紙巾都無！不過我都費事問！一陣又話要加錢！ 放題飲料限2罐！落單離晒譜！你有你落！佢有佢比！ 我落10件佢比6件，我落6件比4件🤦🏻‍♂️好野！ 西利！ 不如你鐘意比咩就比咩啦！放題放得你咁寒酸！ 我都真係第一次見！ 連一個少少既甜品都無，簡直令人失望到極點！講真丫呢個價錢！咁既質素！令我明白到點解周圍都排緊長龍，什至要等成200張台！而呢間係吾洗排隊重大把虛席🤦🏻‍♂️完全中哂伏！ 咁樣既銷售手法實在令人驚訝，我提議呢間餐廳下次可以：如需燒肉夾加錢、筷子加錢、開抽氣加錢、開冷氣加錢、坐卡位加錢、直頭吾好比醬汁！如要醬汁加錢、如需呼吸需交雙倍費用！

哩間服務唔差，可能樓上鋪，人客唔多，好多時叫完就即叫即到。而肉類方面，牛肉的質素當然高，肥瘦均勻。但唯一不足既係，如果燒到網燶左想換網，每次要加錢先可以換（$18/1次），而事前無講，係我地想換網時，侍應先同我地講，話飲品餐牌上已經寫左（但超細隻字）。因為燒到一半個網一定燶，所以小編就覺得好多人好似小編咁為左唔加錢而唔換，全部野都會好燶，所以哩間小編永不錄用🙅🏻‍♀️ 服務：⭐️⭐️價錢：⭐️⭐️食物：⭐️⭐️⭐️性價比：⭐️⭐

今日放假諗住同男友去食餐好小小既，點知會伏到想喊🥺1.服務態度...差2.疫情下迫人搭台3.食物選擇小/味道一般兼唔新鮮首先講服務態度，任食時段係6-8點，講到明$258+1%，到8點就一定要走其實唔係問題，但係一坐低寫完紙冇人收，個侍應冇拎住野路過想俾紙佢，佢話等等先就行走左，到俾完紙佢，等左成15mins先有一碟仔雞同豬肉，其餘既野食係勁耐先再到，上菜速度好慢...大佬，你有限時架，我等你地上菜都佔左大半時間喇，邊有時間食啊？其次佢迫人搭台，但佢地明明有好多吉位！問佢可唔可以坐單獨卡位唔想搭台，個經理答我冇得揀，仲話搭台姐又唔係用同一個爐你地個爐獨立架，有咩問題....下....武肺未完，唔識架喎...坐正隔離喎...真係冇問題咩？定我過份敏感？第3，食物選擇小到好可憐，仲要唔新鮮，刺身勁大陣雪味，燒肉類有冰未溶雪，叫唔同味道既肉都溝埋落同一隻碟到，完全食唔到有咩分別，唯一只知有雞牛豬叫個黑松露雞髀菇，又睇唔到有黑松露，剩係得牛油，已經唔係封面與內容不符咁簡單另外又限每人得2罐飲品...再要就另外課金，換燒網/加醬料都要另外再課金....就連要杯冰都要課金....到底係我小去日燒定

父親節$318加1，價錢不算平，只得2枝飲品。呢個價錢冇海鮮，要加$60，換網又要加$18，火都黎，而且經常留單，可以話係無服務可言刺身又不是很新鮮，雖然鍋物同粥係不錯的，不過整體表現好吾得，真的無下次

疫情關係　同FD都少見左　大家生日都無食飯慶祝見呢排好似緩和左DD 把握機會見下朋友啦~放題分左時段，我地揀左20:15 至 22:15經Openrice book 去到好快就安排都入座，好方便餐廳好貼心好抵讚一坐低 枱上面已經有兩盤肉 　D爐仲要預熱左等我地唔洗慢慢落Order等野食黎　即刻開工燒得　正！燒肉主要都係牛　雞　豬 　野菜佢地D牛好掂呀　唔會太肥　搶火好有肉味 唔洗點醬都好好食當中特別要推介係 "西柚汁霜降和牛" (唔好係記得個名)汁嘅甜甜酸酸　岩岩好中和左牛肉既肥膩感　食多幾塊都唔覺滯食到一半仲有人送上 "手足湯" 當歸雞腳豬手湯真材實料 咁既價錢仲有湯水飲　真心抵除左肉 仲有好多其他野食選擇 刺身　壽司　炸物我地無試晒 不過當中三文魚都甜蝦都好新鮮！員工嘅服務態度都唔錯　我地有時燒到個太旺　個爐著晒火佢都主動幫手下　提點下完全無黑過面 　仲有講有笑總括黎講性價比高　岩晒成班FD 聚下下次見可能要等疫情完全完晒啦

尋晚本來打算同朋友慶祝生日 , 見呢間燒肉係黃店之前又食過都幾好 , 所以揀咗呢間前晚喺 Open Rice 訂咗位 20:00 , 我哋 1950 到餐廳 , 成條樓梯同門口都排哂長龍 , 但一個職員都無等到 2020 , 一位男員工呀叔出嚟叫飛 , 問佢係咪 Book 咗都要照等 , 當時場面十分混亂 , 呀叔一時叫排隊一時又大叫唔好圍住佢 , 其實地方本身已經細 , 又多人 , 有位企邊個會想圍住佢吖條隊無定向改變 , 不斷有人插隊問攞飛 , 結果到我攞嘅時候呀叔話只招待 4 人 吓 ?! 原來食肆可以為咗追生意係可以揀幾多個人客光顧加上佢嘅態度更加令到我哋不了 , 所以轉場其實話係黃店 , 但都總有西店嘅呀叔嘅服務態度惡劣 , 話知你黃到發光 , 奉勸一句 : “ 唔好上去圍呀叔 “ 佢哋只會記得依家俾人圍到做生意做到唔停手 , 但唔記得早排求人都無人圍佢嘅冷清場面好生意唔愁做 , 但都唔代表你可以態度惡劣嘅

之前經過尖沙咀見到依間 已經想試今日終於有機會了一行上樓梯 整個環境已經一睇就知係黃店等位期間陸續都有人來 睇落去都幾受歡迎終於入到去了 環境算大 2人黎都比左寬敞既位置選擇都蛋 有燒肉 刺身 熱食 炸物 壽司一間選擇多個願望順帶一提野飲只可以每人2罐 野飲唔係任叫 相對其他放題依點就不算太好 但價錢算便宜 而且食物款式算多 性價比都算高我哋叫了牛肉 睇去都唔錯牛肉味道幾好同牛肉款式多 雖然較薄但任食唔怕啦侍應有禮貌 上菜亦都很快手推薦！

唔知大家之前母親節去咗邊度食飯呢？我哋費事同人迫，所以特登揀咗母親節之後嘅星期一先慶祝～其實我已經嚟過 @gutssoul_hk 好幾次㗎啦，雖然食物質素唔會話 WOW level，但勝在食物種類多，最surprise到我嘅係連菠蘿炒飯、蠔仔粥等等都有😳！！而且喺尖沙咀呢個地段真係算性價比幾高！呢度嘅食物種類太多，我都懶得一一介紹俾大家🤣係咁意分享下我覺得幾好食，同埋我覺得少伏嘅俾大家啦😛.where did you eat for mother’s day 💓decided to go to @gutssoul_hk for some japanese bbq ayce 😊 been here a few times already 🍖 the meat quality is not bad but they definitely have variety 👍 they even have pineapple fried rice, oyster congee, etc. 😮 not a bad place for the tst area 😋.《放題》$228 一位唔同時段唔同價錢

今次是第一次去呢間餐廳食放題，因為是侄女生日及母親節，我們一家八口食得很開心。食物新鮮又好味，餐廳環境很好，員工服務態度非常好，最開心又有長者優惠。會再次去懲罰 「燒魂一」，繼續支持黃店

上到去見到深黃環境下食心情好開心，但其他如食物、服務、環境會令你愉快心情逐漸下降，如果佢吾糸深黃色我絕對唔會幫襯，但各位同路人記住唔好計較食物、環境、裝修、招呼，只要大家記住係同路人就得啦，比少少建議大家除雞翼外，連牛肉都可以不叫，其他刺身生野千祈唔好食，除非你預咗喇叭牌一齊，糸限聚今下，有賴手足支持全廳坐滿，仲要大家冇1.5米距離，不過手足無督灰所以無人查，但如果大家界意以上問題就最好上去揼低錢支持就算數啦，食吾食吾糸重點

久不久都會想食吓放題😋今次仲要搵咗間又可以任食日本菜放題之外 仲可以任食韓燒🍽真係一舉兩得 入面個環境相當寬敞 兩人座位坐到好似四人座位咁大😉任食嘅食材都五花百門🤤味道方面都唔差 仲有就係每人都有兩罐飲品飲🧃以為會唔夠飲 但最後都係剛剛好一定可以食到滿載而歸😗一於食到盡 而且侍應服務又好好 上餸菜嘅速度又夠哂快 當然最重要一點就係佢係黃店嚟💛梗係要支持一下啦💪🏻-以下就係我哋叫嘅嘢食 由於太多未能一一道來-泰式生蝦🦐-刺身篇:三文魚、甜蝦、象拔蚌-海老天婦羅🍤-蟹棒天婦羅🦀-一口甜薯🍠-卜卜煮大蜆-茴香雞中翼🍗-辛辣黑椒雞腿肉🍖-一口牛肋肉🥩-黑毛飛霜空降和牛-麻醬豆腐--📍 燒魂一 (尖沙咀)尖沙咀漆咸道南57-59號金馬倫中心2樓