燒魂 (已結業)

嗰日放假突然想食燒肉同埋放題，上網搵咗幾間兩樣都有得食嘅餐廳，最後揀咗一間叫燒魂一嘅餐廳去試.上到去環境唔錯，好舒服，因為6點有d早唔使排隊，之後慢慢就坐滿左.首先一定係叫刺身拼盤，款式唔多但好新鮮。最緊要係啲Wasabi，我食過咁多間放題，啲Wasabi真係掂，呢間不得了，配埋啲新鮮嘅刺身簡直係一流。接住落嚟梗係重頭戲啲牛，啲牛一嚟到，睇到啲肉色，就知道係一級牛，燒完之後擺落口簡直係冇得彈，正呀！真係要來試吓啲牛. 跟住到海鮮啦，有日本宮城嘅蠔，珍珠帆立貝，黃金螺，深海野生大蝦同埋日本小玉貝. 黎到，樣樣都好新鮮. 👍🏻海鮮就成日食到但燒海鮮又唔係成日食. 尤其是燒蠔，燒完你會見到肥到脹卜卜，已經好想擺落口. 啲蝦真係好大隻，食幾隻都已經夠晒皮. 啲貝殼類真係好新鮮一啲沙都冇，真係好少有. 平時喺出邊食， 10間有九間都有沙. 所以啲海鮮係10分滿意👍🏻我都想講啲職員服務態度非常好，佢哋解釋得好清楚，啲牛同埋啲海鮮要燒幾耐先係最好食.俾個讚你地👍🏻當你有需要嘅時候，實有一個服務員在你左右，服務態度一流.食完買單，價錢唔貴. 下次會再同朋友再嚟食.

呢排疫情緩和就多咗約fd出街食飯👻咁啱search到呢間近尖東嘅韓燒放題🤩我哋都算幾早到，所以到嘅時候唔算好多人🙈店員都好熱情，服務整體上都好好，見我哋唔係好識燒都好熱心咁教我地👍🏻一坐低個爐就起好，個火比想像中猛😂一每人都有三碟醬吸引，最左個個應該係泰式辣醬，中間嘅酸酸辣辣好開胃，最右就係平時日式燒烤既燒汁，配埋燒肉食好惹味😋講返今日重頭戲，當然係燒肉啦👻肉種類好多，仲有不同醃料，有柚子、蔥、原味🤪我本身中意食肉本身嘅味，所以就主要點原味肉。作為牛愛者，特別著重餐廳有乜牛部位食同埋質素點😎餐廳提供既牛部位有舌、肌，仲有肉片同肉粒，好齊全！雪花牛係霜降和牛，睇落都已經幾新鮮同品質好，食落都好驚喜，非常推薦👍🏻👍🏻豬肉方面主要都係五花同肉片，真係無諗過個火咁猛😖所以同時印證d豬真係好油，同呢間野個火幾掂🔥🔥但都係建議大家食豬熄細d個火啦，唔係都真係幾驚hahaa海鮮嘅種類都好多，有蜆、蝦、魚、帶子、蠔，比想像中新鮮。個人覺得最好食係蠔，好大隻好甜，記住唔好生食同埋要放中間燒👻 可以用綠色沙漏計3分鐘燒⏳刺身嚟講，種類都多，基本嘅三文魚、吞拿魚、希靈魚同甜蝦都有，夠曬新鮮👍🏻鍋物方面，我哋

太耐冇食韓燒放題突然好想食🥺加埋早放工緊係要順便享受下早鳥優惠😎6-8pm 入座 $228/位（一至四），追加海鮮另加$60/位，飲品一人一罐，最後埋單大概每人$317~食物種類都算多，由前菜、刺身、壽司、鍋物、炸物、豬雞牛、海鮮到蔬菜都有得燒，一次過享受晒日式放題同燒肉放題，正！👍🏻食物質素方面，睇得出肉類/刺身都好新鮮，紋路非常清晰，食完亦都冇肚痛👻服務方面就真係非常欣賞👍🏻見到我同朋友燒豬肉時比火嚇親即刻嚟「救駕」幫我哋較細啲個火🥺亦都好有耐心咁教我哋燒海鮮：一般海鮮燒1分鐘，大d既海鮮燒3分鐘，可以用餐廳提供嘅沙漏嚟計時燒⏳整體而言服務態度同食物質素都好！雖然中間因為燒豬肉太有火氣而驚咗🔥但係總括而言諗唔到咩理由唔嚟試下👍🏻👍🏻

成日行過金馬倫道都見到佢嘅廣告星期一想食下燒肉打電話去有位即刻book加左60蚊加海鮮其實本來唔抱太大期望但生蠔、海蝦好超値！牛同豬都合格服務都好好態度會再翻頭！

一見個名就估到係食我至鐘意食嘅燒肉🤤🤤🤤佢嘅燒肉有好多種類，有豬牛雞, 每種肉都有成十種，望落好高質甘，超吸引，所以我忍唔住去左試。牛魔皇嘅我第一件事睇左佢有咩牛先，佢有黑毛飛霜空降和牛， 香蔥薄牛舌，汁燒安格斯牛仔粒， 牛裡肌。 全部肉質都唔Un, juicy有肉味。有啲調味重啲，有啲食返肉本身嘅味。兩種都okay嫁。牛舌如果有埋厚切，我會好開心😂😂😂雞最深刻係佢嘅孜然粉味嘅雞翼。有啲似譚仔嘅雞翼，好鬼惹味。 另外佢仲有好多唔同味道嘅雞翼（生薑味，香茅味，辛辣黑椒味， 柚子蜜薑味）。總有一款啱你🤤 豬肉我試左鹽燒一口骰仔豚同豚後肉。兩種肉都夠油脂， 就算燒得耐都唔會乾身，燒至金黃甘食都幾正。🤤🤤

尖沙咀P出口行幾分鐘有一間上樓燒肉放題店。248蚊一位，如果想食海鮮就加多60蚊。加左60蚊會有蠔，大蝦，扇貝，蜆，等等嘅海鮮。甘豐富，梗係加錢試埋啦。冇令我失望，啲海鮮幾好食。講返啲海鮮點燒先，佢有兩個漏斗，一個係三分鐘嘅漏斗，一個係一分鐘嘅漏斗。燒蠔嫁話，三分鐘就食得，本身我哋唔記得拎返上嚟，但侍應哥哥好貼心甘提我哋呢個時間食係啱啱好嫁。燒完嘅蠔仲好大粒，食落好creamy, 咩都冇落都唔腥，好食👍👍燒蝦嫁話，我哋燒左大概兩分鐘，隻蝦好大隻啲肉唔霉，蝦頭仲有少少蝦膏，高質😋😋燒扇貝嚟講，我都唔知要燒幾耐😂😂，燒到佢個殼入面啲水起泡就食lu。 啲肉好鮮甜，推介。燒蜆嫁話，侍應哥哥話要擺旁邊燒，如果唔係佢熟嗰下好易爆晒啲水出嚟，做成意外就唔好啦。一開殼就食，不過小心個殼辣嘴。幾鮮甜冇沙。其實佢仲有魚同墨魚仔，不過我冇試，相信都唔差。 總括嚟講 加60蚊有咁多海鮮食，都幾值得試下。

最近天氣涼返，最想就係去食燒肉，上網睇過推介，見到呢間良心食店，梗係要支持同懲罰下啦😼😼呢度食物種類繁多，除咗燒肉之外，仲有剌身、壽司、炸物同熟食！刺身中最有驚喜的是甜蝦，又大又鮮甜 ，鮮鮑魚也不錯，也鮮甜嫩口，三文魚刺身也新鮮，但不夠甜，都是那句話，200多元的放題是物冇所值！作為炙燒愛好者，第一時間就試咗炙燒三文魚壽司，入口即融，忍唔住再encore! 🤣🤣燒肉方面，除左牛肉之外，期間仲試咗蝦，雞肉，豬肉，元貝等，每一樣都唔錯，味道和口感都保持到，肉有肉味！👍🏻👍🏻食完最念念不忘的反而是餐廳自家炒的豬腩肉，爆炒通菜，好夠鑊氣，又嫩又夠味，配飯一流。仲有個蕃茄濃湯烏冬，一小鍋上，湯非常滾，烏冬好彈牙，三人分吃一碗，剛剛好。仲有嚟到一定要叫嘅煲仔通菜，呢個真係首推！🖖🏻🖖🏻性價比不錯的放題，仲要是黃店，值得支持。💪🏻💪🏻

終於放寬限聚令了，第一時間預約了黃店放題，可以大吃大喝一餐 ⋯⋯🤪🤪上網看了食評，大約了解左呢間放題食物的種類不少，怕第二轉人多，就預約了第一時段 。到的時候六點半，限時二個小時任食，地方寬廠，大部份是卡位，坐得舒服 ，也比較靜。😌😌放題的種類真的不少，有刺身，雞肉，牛肉，海鮮，豬肉 ，壽司，雜菜，炸物等等，二個小時都差點不夠食。🍣🍡🍢🥗🍧小編食放題，喜歡先食熱食，叫了楜椒牛肉湯，辣辣地，都幾清甜 ，另一個蜆湯就比較辣 ，食不到辣的就好勉強了。🔥放題望角是牛，分別試了黑椒一口竹肋肉，汁燒安格斯牛肉粒，厚切牛舌，薄切牛舌，黑毛飛霜空降和牛和牛里肌 ，整體來說，牛還是不錯的 ，肉質鮮嫩，200多元的放題也是值了。😽😽

燒肉真係好好食！今次黎到燒魂呢間燒肉店，但其實呢間野都唔剩只係得燒肉食，仲有好多唔同種類既野食，魚刺身，海鮮，和牛。食物種類真係多到不得了，以放題黎講，真係幾唔錯，而且樣樣都幾好食，唔會比次等貨hea你，呢個價錢黎講真係無得頂，鐘意飲酒既朋友可以叫d梅酒，清酒，大大支岩曬同朋友share慢慢飲。環境方面，私隱度都幾高，枱同枱之間隔得都幾遠下，所以都算係幾乎合衛生，可以安心d去食。裝修方面，都花左唔少心思去佈置到幾有日本feel，用左好多木既元素，所以都幾唔錯。食物方面，個海蝦真係要讚一讚，因為係用左大大隻既海蝦，唔會係又霉又細隻果d蝦，呢隻燒起上黎好彈牙有口感。豬腩肉方面，切到個size岩岩好，好易燒得熟，呢樣係本人最愛既食物之一，配埋清酒黎食，真係一流。菜類方面，最好食係個燒菠蘿，好甜好正，厚薄又做到岩岩好，用黎解利就一流。

見到呢間$278+1，食2個鐘，有得燒肉，又有刺身壽司熱食，都幾抵，所以一試！但原來只附送2罐非酒精類飲品，亦都無冷盤、雪糕、甜品區。牛肉，薄片果d，尤其係有柚子味果d，味道不錯！熱食方面炸榴連同三文魚湯、薑燒豚肉都唔錯！三文魚湯我仲飲左2碗添！🤣🤣🤣三文魚刺身切既方法好似有點奇怪，會食到有筋，但鮑片同甜蝦唔錯。炸物都唔錯！d雞同豬好搶火，燒得有點失敗😅😅😅侍應亦都幾helpful！總結：性價比ok!

食六至八點，有時先訂位，基本上滿座。環境上來講，座位之間算闊落，同隔離枱有一定嘅距離，唔會好似普通放題咁好迫， 喺疫情期間會坐得舒服啲同安心啲。食物來講，係日式放題同燒肉嘅合併版。有一般嘅刺身，三文魚刀工一般，品質尚可，希靈魚同鮑片質素比較好值得一試。燒肉方面，牛肉同雞肉值得一試。牛肉有唔同部位可以揀，亦有唔同醬汁，但係食物分別不大肉質唔錯，切得亦比較薄，容易熟，食牛嘅可以嗌多啲。雞肉燒完唔會柴， 仲有肉汁，但係肉質厚，開大火雞油會比較搶火，慢燒要燒比較耐。豬肉好一般可以唔試。可能價錢唔貴，所以冇海鮮。唯一美中不足嘅係，飲品只限每人兩罐，同埋冇甜品雪糕。晚市以呢個價錢來講算係抵食， 食物質素OK，都唔會漏單，上菜算快，值得一試。

真係好誇張! 食燒肉既癮真好似上左癮一樣一個月總係會想食2次!!! 呢日揀左黎到尖沙咀既燒魂一, 一早BOOK 定6點枱, 平D 之餘早D 食又冇咁肥hahaha 食好野當然要食盡佢, 我地加左要埋海鮮!一人都係加多60$ 但就有蠔/蝦/扇貝等等任食! 店員都好細心話俾我地知應該要燒幾耐, 仲準備埋個沙漏俾我地計時~~! 海鮮其實樣樣都好正! 但我最中意都係蠔同蝦! 蝦夠哂大同彈牙爽口, 好有蝦味! 蠔就成個連殼上咁去燒, 勁大隻! 係勁大隻!!!! 淨係食呢兩樣都真係已經覺得好正! 仲未講到重頭戲 – 牛! 呢間餐廳真係好西利, 有燒肉之餘, 仲有燒海鮮, 兼且仲要有刺身同壽司! 真係一次過滿足哂人既慾望! 重點係佢仲要做到樣樣野都好食…. 其實都真係有D 難度, 通常D 餐廳咁多樣野夾埋都總係有野要挑剔! 但呢度就樣樣都好好!!!! 講咁耐都真係要講下燒肉! 佢既牛同豬都好正….. 同埋有個勁大既重點未講,就係佢個火夠哂猛! D 野食好快就熟! 但有D 餐廳限時個火又唔夠…. 最後食得唔盡興, 但呢間真係放心! 燒完你都未食得切hahaha! 佢既炸物都好出色! 估唔到仲有榴槤炸彈

疫情好咗啲梗係要同朋友嚟食下放題，香港都唔少食燒肉嘅放題，但係呢度竟然有埋刺身同壽司，而且今日都覺得質素幾好。餐牌上幾多選擇，而且每一張都劃分得好好，清晰可見！而我就梗係試吓呢度嘅刺身同壽司先啦！佢擺盤幾靚，而且甜蝦都好新鮮，唔會爛溶溶咁。三文魚質素OK，而且都切得幾厚身。 呢度加$60就可以有海鮮食，而且啲蠔仲要原隻咁上，啲待應仲要好好幫我哋開埋！肉類方面， 個人覺得佢嘅款式都幾多，而且仲有西柚汁味同柚子味等等嘅款式，柚子味個味道都幾出，而且啲雞翼亦都唔會容易燒燶，好有肉汁。你呢度啲碟除咗靚之外，佢呢個醬油漬牛肉都好靚，而且食落口肉質彈晒出嚟咁🤩飲品雖然唔係好多選擇，但係個人覺得食物質素先係最重要！

成日都去旺角搵放題，但係尖沙咀其實都有唔少可以食嘅餐廳！嗰日行完科學館之後，就想搵一間放題同朋友一齊食！呢間餐廳除咗食燒肉之外，仲有刺身同壽司，所以我就試吓啦！餐廳一入到黎好彩人唔算好多，而且啲侍應超級有禮貌！如果加$60仲可以食海鮮添，海鮮包括生蠔、扇貝等等，自己食完之後覺得每一個海鮮都好肥美，好重海水味。而且佢哋仲清得好乾淨，唔驚會有沙係入邊。肉類方面，我覺得擺盤真係擺得好靚，而且款式都好多！個人覺得佢嘅牛舌幾好食，覺得一嚟佢夠新鮮，二黎佢唔會有好多筋，所以食落口口感好好。佢啲刺身方面都有唔少嘅選擇，三文魚都夠肥美，而且融雪融得好好，唔會食到有冰粒。壽司方面，佢哋啲飯除咗有醋味之外，啲飯都唔會整到好大舊，自己食好多舊都得！個人覺得佢嘅花之戀整得幾好食，啲沙律醬唔會好甜。

呢個日式放題加燒肉真係呢幾年來食過最差一間。以下內容可能有啲mean，大家坐穩。一坐抵，佢話每人野飲得兩罐，已經即刻呆左。於是叫伺應拿四個杯來，我地四條友玩斟酒遊戲咁慢慢品嘗🍻 好，落單後。刺身來了，除左蝦同八爪魚係落得口，其他都別有一番“風味”。我朋友拿吞拿魚去燒熟當鹹魚食都好過生食。 天婦羅都係明顯擺過夜，啲外層已經硬曬既粉咬落去，我自問呃唔到自己佢係今日炸的。壽司啲飯用“小磚頭”形容，令我咬完自覺需要補水。可惜佢叫水都要十二蚊支都係算啦然後肉類，超大陣雪藏味，十分“冰鮮” 令我不禁懷疑佢係“佳寶”or“錢大媽”入貨. 300蚊不求和牛級別，但求唔好咁大雪味我已經滿足. 啊，小喇叭. 佢竟然又薄又大陣味。我心碎了不過當然，佢依然有優勝之處。佢既炒通菜係好食. 大家可以專食通菜。燒肉你簡下啲雞肉好啦，其他真係不了。縱有麻辣牛丸，墨魚都唔錯既. 不過我去烤肉食呢啲，不如真係去佳寶買一袋翻去自己煎咪縱好順帶一提，原來佢換網要18蚊. 埋單我差啲想同佢講，個網要比翻我地，因為比錢買左當然環境同服務係好的，可以接受。但食物就....