燒魂 (已結業)

男友話之前同朋友食過燒魂一好正，呢日就帶我去試下。而家有午市放題，升級埋海鮮set連加一都係$372一個人，價錢合理。呢度環境比一般放題店高質，我地好好彩坐到卡位，座位更加闊落。餐牌有好多種類既野食，除咗人氣既燒肉，仲有沙律、刺身、壽司、炸物等等，實有野啱食。通常放題叫沙律都冇咩期望架喇，但我地喺呢度叫既兩款沙律都唔錯，胡麻豆腐味道好夾，沙律菜亦都好新鮮，青瓜絲亦好爽口。牛肉方面里肌肉係最好食既，又腍又juicy，豬肉都好香但有兩粒細骨，雞腿肉同孜然雞翼質素都唔錯。炸物方面個人認為蟹餅最正，內餡好似忌廉咁軟滑；蔬菜類迷你甜薯最啱我口味，燒完之後番薯肉更加軟糯。我地平時都唔太食刺身壽司類既，但呢度壽司係火炙，加咗沙律醬更好食；刺身鮑片同甜蝦都算新鮮。食咗咁多野飲品方面都揀咗解膩既茶類，呢度有解茶選擇，見好多枱都係揀呢個🤣

黎到尖東，唔知想食乜，經朋友推介，附近有間高質燒肉放題，今日就試一試佢啦！未入鋪頭經已大把選擇，又刺身、又壽司、又燒肉、又炸物、又有肉有菜、仲要有埋一品鍋，諗唔到食乜，呢度就岩晒大家，應有盡有！去親放題都冇乜人留意佢地d前菜，但今日個麻醬凍豆腐同埋蟹子肉鬆沙律都好好食😋，開胃得黎又舒服😌。刺身選擇都唔少，但因為個人比較愛食燒肉，所以又小小叫左幾款，刺身算十分新鮮，甜蝦夠晒鮮甜，鮑片同玉子都水準之上，值得再叫。壽司方面，由於前幾餐都同壽司有關，所以主力食d平時小食開既壽司種類，呢度壽司種類好多，特別要提既係火炙壽司，燒得剛剛好，甚至連壽司飯都燒到有小小焦香味，火炙三文魚同蟹柳都外面夠香、入面多汁。黎到今日主角，燒牛肉！！牛肉質素絕對唔比專門燒肉店差，睇下d牛脂分布就知道！牛肉燒出黎好juicy，所以我地都叫左4-5 round haha。特別一提既係佢地既招牌牛舌，簿切牛舌燒到剛好時，唔會好un 又夠晒肉味，好食之選👍🏻。此外，仲有牛里肌肉，店員介意下真係又淋又juicy，燒肉之中今日既mvp。除左牛肉外，雞脾肉燒得皮香肉滑，好好味！雞翼店員會幫你拆成單骨，食得變得舒服簡單，呢d細心位並

疫情期間，冇得夜晚出街食飯，於是決定要食午市放題補數，朋友好鍾意食燒肉，佢就揀咗尖沙咀金馬倫中心嘅燒魂午市放題。到達時，職員比咗個窗口位俾我哋一路燒嘢食一路望街景真係身心舒暢放題嘅價錢係$278一位由於我哋鍾意食海鮮所以我哋加$60就有海鮮拼盤，提提大家，可以先叫2件試味先，啱胃口再叫多D，唔使浪費食物。首先講吓海鮮拼盤，值得一讚嘅糸蝦，又大隻又新鮮，好彈牙，其他都ok. 職員提我哋用漏斗計時間，咁啲海鮮就唔會燒太耐，避免影響味道。至於肉類都方面，都好入味。本人就喜歡香茅雞翼、血池赤豚小排和蜜運豚后肉。和食方面，蝦天婦羅、牛乳松葉蟹薯餅、薯蓉芝士丸都好好味！刺身方面，總括都好新鮮。希望疫情快D過，下次可以夜晚去食！

真係好耐好耐都冇食過日式放題啦，之前食都係食韓燒，放題嘅話真係好似自從疫情開始之後都冇乜點食過，今日就係突然間真係好想食，然後上openrice search 左search，最後喺附近揀咗呢一間燒魂日式放題黎試下。同朋友嚟食，兩個人，放題，另外加咗$60叫個海鮮拼盤，個海鮮拼盤d蝦好新鮮好彈牙，真係唔錯，d燒肉都幾好食，佢有三種醬料，每一種醬料都好有特色好夠味，所以識落都可以有好多種唔同嘅食法，係會想再嚟嘅放題店，而且服務態度very nice

食燒肉放題遇到火力十足既爐真係好緊要! 而尖沙咀呢間燒魂D肉高質得黎D 爐既火力又夠! 可能係咁燒肉食! 餐廳係尖沙咀地點非常方便, 坐位既位置都坐得好舒服! 燒肉放題包一罐飲品, 再叫要另外加錢, 我就一罐都夠, 用個胃黎食多 D肉仲好, 同埋佢D 食物唔多覺有味精, 食完都唔會口渴! 燒魂又有得燒海鮮同靚牛, 另外竟然仲有高質魚生, 真係食到我地停唔到口! 海鮮係要另外加錢既, 不過我地都覺得一定要加! 佢D 蝦超大隻! 蠔仲係原個上, 店員都有教我地點燒, 原個蠔上可以令蓋左蓋既蠔俾入面D 熱力焗熟, 熟得平均D! 仲有蜆,扇貝,螺同魷魚等等! 仲要全部都冇沙! 好好食! 重點係海鮮夠鮮味, 升級埋海鮮任食都係一人加多60$, 抵食! 魚生好肥美, 特別中意三文魚同甜蝦, 甜蝦夠哂大件, 三文魚又鮮! 牛肉有好多唔同款, 每樣都好好食… 好香牛味… 同埋真係叫幾多就黎幾多, 唔會黎少, 真係有野漏左冇黎到店員都會即刻跟進, 唔駛驚叫極都冇野食! 牛肉勁高質! 同埋佢仲有天婦羅食, 炸蝦好正好脆, 新鮮滾熱辣! 今餐真係大滿足!

又要WFH，比閒一D，可以寫下食評 . 十一月疫情不差 ，一家人去左吃燒烤。好在有去，而家又18:00後無得吃. 當天全店得我地兩台 加埋得 9 個吃台，午市時段. 店內隔得好開，感覺良好我地四個加左任飲同海鮮升Cup我黎呢到就係吃牛，因為平時一兩個月會吃一次。十一月係2020第一次吃放提燒第一盤牛係最靚最油燒完有油香，係好肥，不過真係好好味。我地加左錢吃海鮮同任飲飲品海鮮盤可以refill再加，不過我地覺得質素一般無再叫 佢有個計時器俾你用for 蠔用，跟佢果個都OK,偏生既。家人會燒多少少熟D wor.本人敏感所以無吃蠔呢個item專心吃牛肉牛肩肉係我的最愛，薄身燒兩燒一口，佢呢地有生菜叫，加埋就最舒服牛舌厚度唔算厚，不過燒快熟同唔會太無口感，本人覺得ok.刺身再唔錯，同平時其他任吃差不多，叫左兩次蝦, 我地就無叫三文魚有熟吃不過唔記影，熟吃都有好多選擇，叫左個豬肉，枝豆，湯。不過唔建議叫太多因為會好飽。focus係燒肉會抵 D. 當日walkin，中午13:00入座，三點前離開有折。有長者卡又平左，大家可以留意下。

燒魂真係食得好銷魂🤣🤣🤣所有食材都好新鮮，每一碟上枱嘅時候，我同朋友都嘩嘩聲，啲肉類海鮮真係非常非常之靚。唔係淨係得個外表啊，我覺得味道完全高水準。佢切到啲肉嘅厚薄適中，放落去落燒，自己容易操控既。喺度比呢個建議大家，千祈唔好貪快，盡量呢用中火就OK啦，太大火好難好難燒得靚㗎，咁靚嘅肉，梗係要好好地咁燒，千祈唔好燒到好乾好似舊炭咁，浪費咗食材啊各位。熟食嘅方面標準水準，冇乜特別。侍應招呼嘅速度都好快禮貌好好，環境喺疫情下，呢間食店生意不算差。見到會有等位嘅情況，因為客人完成用餐後都不時會仔消毒每一張枱面，加上每一位客人都要經過體溫檢測加噴了消毒洗手液才可進入本店。齊心抗疫，希望大家可以支持下有質素嘅食店。

今日知道晚上氣溫會急速驟降，便想起黎個打邊爐或者韓式/日式燒烤，上食評網搵左好一陣，見到此店除了提供日式燒肉外，還會好似一般日式放題那樣，有刺身，日式鍋，壽司等等供應，提供食物種類相當多。位處漆咸道一座商廈二樓，門外已經可以見到林林種種既放題食物餐牌今晚是平日，收費為$248，再加了$60享受佢地既海鮮放題我急不及待一坐低便點左海鮮併盤先，蠔是來自宮城縣，海鮮質素都幾新鮮最後我一個人食左一打蠔, 夠大隻，夠鮮甜😜各種口味既牛，有蕃茄味，有原味，有薑汁味，部位有牛小排，有舌等五花腩豬肉好夠味，而且唔算好肥刺身拼盤，有牡丹蝦，吞拿肉，馬刀貝，鮑片，八爪魚片，賣相不俗清酒煮蜆，蜆肉無沙，湯底清甜泰式生蝦刺身，作為前菜好開胃

今晚天氣突然轉涼，但又不想又去打邊爐，聽朋友介紹有一家在漆咸道南的燒烤店很美味抵吃，反正就在附近，即管過去試試！進去後發覺地方都很寬趟，最重要是這裡沒有一般燒烤店的燒烤味！店員遞上餐牌為我們耐心介紹，放題每位只收港幣$248，包無酒精飲品2罐，如要海鮮另加$60。看過海鮮紙都覺得頗多種類，於是決定加海鮮！冷盤當然叫些魚些開開胃口，魚生種類繁多，也很新鮮。我們跟著立即再叫我們至愛的生蠔，原來這裡的生蠔是來自日本宮城縣，難怪這麼美味鮮甜。食完生蠔，我這個牛魔王怎會錯過這裡的和牛呢，這裡吃牛的選擇也真不小啊！當然還有其他肉類如豬、羊、雞等可供燒烤。除了魚生、燒烤外，這裡還可以提供熱食，我們叫了一個炒通菜和三文魚湯，廚藝也不錯。最後食得飽飽、暖笠笠，大滿足的離開！

咁岩出尖沙咀買野 買完去左成年無去嘅燒魂一放題 印象中係高質嘅 但今次就有點失望。。我地8點9去到。。坐低先話10點3cut 單。。但點知9點9就停單。。我地唔知道海鮮係要另收費 食到差唔多9點半先知 唉。。就迅速加錢落單啦 。。。最失望嘅係啲刺身 數量不足 同埋職員10點已經趕我地走。。明明講左10點3。。。還有就是廁所完全好惡劣食物質素講真係唔差嘅 只係熟食方面 例如 湯類同粥同菜 味道別有一番風味。2個人食 800蚊左右 每人加左60蚊海鮮同埋一杯大啤。呢個價錢來說 不可不失嘅。但服務一定要做好點。因為始終無咩客但催我地走 然後又話叫多左要罰錢。

晚餐/宵夜 😍🥰每位$278 加一喺撞手神嘅情況下搵到呢間餐廳，本身同朋友仔諗住食牛角buffet，因為實在太多人嘅關係我哋唔想等太耐，所以我哋轉左食呢間！ .🙈以下5分為滿分✅🌲環境：🌕🌕🌕🌕🌑🌸服務：🌕🌕🌕🌕🌖🗑衛生：🌕🌕🌕🌕🌑😍美味：🌕🌕🌕🌗🌑🚦整體：🌕🌕🌕🌕🌑🤝推介度：🔥🔥🔥🔥.首先講吓佢個時間方面晚餐應該係分咗兩個時段六點至八點跟住8.15到10.15另外佢哋應該都有宵夜時段因為我哋走嘅時候都見到有其他客人入餐廳.我哋好好彩餐廳安排左個卡位俾我哋三個人，座位方面非常舒適，其實呢一間餐廳個性價比係非常之高，因為佢哋有燒肉同埋有刺身，仲有其他唔同款式嘅炸物，唯一有樣嘢我哋覺得美中不足嘅係佢哋係冇甜品㗎！.咁係食物落單方面我哋叫幾多佢哋都係你幾多，冇咩劉丹嘅情況出現，而且員工非常主動幫我哋收order！呢一點係非常值得讚美！服務系有保證既，當日枱都比較多，但係同事都非常之積極去幫客人。.頭盤刺身依然吸引，除左三文魚吞拿魚魷魚、刺身、壽司，其實都仲有order沙律🥗 .壽司方面，成班都比較中意火炙既多d，經火輕輕燒過既壽司！比較香口，同後傳統凍食壽司，會有少少餘溫，我地朋友就覺得係幾

久違了嘅燒肉放題，嚟咗尖沙咀呢間樓上燒肉，任點任食2個鐘。餐廳都算好，俾我地book 7點鐘，其實算是兩個時段中間，所以booking方面都算flexible，而且嗰個時段比較少人，所以頭一個鐘頭嘅服務質素都係相對順暢嘅。不足嘅地方係到後來比較人多嘅時候廚房出菜真係比較慢，仲有漏單嘅情況，所以觀感有啲扣分......食物方面，種類唔算繁多，刺身有基本嘅三文魚、吞拿魚等等大概7-8種等，其他都有一啲特色小菜嘅，所以我覺得佢最主要以肉類爲主打。雖然肉主要都係豬牛雞，但當中具備不同部位同醃法，而且肉嘅質素相當唔不過佢包嘅free drinks只有兩罐非酒精類飲品，而且冇甜品，感覺食到最後有啲未能盡興......

8:15分話入得去 拎好飛明明跟號碼拎到張卡位坐低後 經理竟然要我地換位變左同人地搭枱隔離枱竟然係10個人 唔係限聚咩換好位都8:30 燒都要時間啦 9:45就話last order坐低淨係話包每人一罐飲品落單野唔齊 仲要比錯野 其實送野落單既員工都好有禮貌只係比錯哂題外話 個經理好唔識做隔離枱有人生日 經理擅自拎左個蛋糕送去見到隔離枱既人呆哂 仲要比壽星見到蛋糕先 佢地勁尷尬總之冇下次

今次約埋幾個朋友來到尖沙咀漆咸道成日都會見度大大個招牌燒魂,食放題😋上到去環境好靚好有格調,地方都好大點左個牛,賣相好靚,放落個爐度燒,睇住d牛肉汁流出來好正,即燒即食真係好味道,牛舌仲有埋口感仲正😋佢地個火爐係真火燒烤咁，唔係鐵板燒,所以燒係來d野食特別野味，呢個牛柳粒真係冇得頂,咬落去好有口感又唔鞋,味道又濃又香,真係冇得頂👍呢度仲有刺身任食,佢地個刺身都好有水準,絕對無腥味!仲有泰式生蝦,味道鮮美,我就好鍾意食喇，不停咁點,原全冇問題,正🤘之後我見度有牛肉湯鍋，味道好美味,同我係台灣一間出名飲牛肉湯既味道一樣,味道濃郁再來酒煮蜆,蜆非常新鮮, 辣辣地好野味,飲埋個湯,個湯真係超級好飲冇老吹🙈酒味唔係好勁,但帶有辣真心正呢個海鮮要60蚊一位就可不停追加,所有都好新鮮睇下隻生蠔幾大隻，睇住佢慢慢熟,大概4分鍾度就食得,真係好肥美,絕無揸流灘,60蚊抵俾🙈👍呢隻螺肉酒店就食得多,燒我都係第一次,但估唔到既係,原來用來燒係出奇地好食,大家一定要試下燒貝,雖然係迷你板,但都好唔錯張d蜆一次過放晒落去,睇住佢地一隻隻咁開,簡直係食慾大增🤣🤣出奇地係冇沙喎😱正我想講而家好小搵度一間係用明火爐去

系某社交平台見到朋友post食呢間燒肉放題好吸引,又有刺身又有煮物,燒物仲有我最愛既海鮮!!!!問完朋友即刻book位!!!入到餐廳第一個感覺係好有時尚感,地方好寬敞好新。原價$228加$60就可以包埋產地直送海鮮同任飲,我咁中意食海鮮梗係加啦,而且$60真係抵。唔黎真係唔知佢地除左有一般日式放題有既前菜小食、天婦羅、壽司、刺身、鍋物,仲有齊晒雞、牛、豬、蔬菜等等可以燒黎食。首先,我地就食刺身先。佢地總共有8款刺身,當中有嬤種特別推介:三文魚好肥美、原隻甜蝦又大隻又鮮甜、希靈魚同馬刀貝就好有口感。前菜仲食左肉鬆蟹籽沙律同埋泰式生蝦,蟹籽沙律配肉鬆真係第一次食,估唔到味道又幾夾wor…蟹籽小小咸味,肉鬆有小小甜再加埋青瓜絲既清爽口感真係好味道。D野食燒緊就梗係把握時間試多幾樣野啦! 爽脆腸中寶真係一定要試!!!出面食一串普通炸大腸都要$20得3、4舊,呢度既大腸有濃濃既滷水味,外層仲好香口鬆脆, 內面就好juicy!!!我呢個超級海鮮迷就梗係食海鮮先啦, 日本小玉貝燒既時候都仲郁緊,估唔到任食都有咁新鮮既海鮮。北海道珍珠帆立貝、黃金螺、日本宮城牡蠣都係燒到差唔多有泡就OK, 牡蠣勁肥美!