燒魂 (已結業)

久違了嘅燒肉放題，嚟咗尖沙咀呢間樓上燒肉，任點任食2個鐘。餐廳都算好，俾我地book 7點鐘，其實算是兩個時段中間，所以booking方面都算flexible，而且嗰個時段比較少人，所以頭一個鐘頭嘅服務質素都係相對順暢嘅。不足嘅地方係到後來比較人多嘅時候廚房出菜真係比較慢，仲有漏單嘅情況，所以觀感有啲扣分......食物方面，種類唔算繁多，刺身有基本嘅三文魚、吞拿魚等等大概7-8種等，其他都有一啲特色小菜嘅，所以我覺得佢最主要以肉類爲主打。雖然肉主要都係豬牛雞，但當中具備不同部位同醃法，而且肉嘅質素相當唔不過佢包嘅free drinks只有兩罐非酒精類飲品，而且冇甜品，感覺食到最後有啲未能盡興......