燒魂 (已結業)

抵食既尖沙咀-燒魂😍😍2月15號去食，$338加一 有海鮮同4款野飲任飲😍😍👍🏻肉類選擇多，仲係冰住上，保證唔會擺室溫太耐👍🏻海鮮唔係太新鮮😅😅，但燒完無咁覺👍🏻刺身有小小臭，清腸胃一流👍🏻我果時食既時候 個爐壞壞地😅😅 得1/2有火，但唔緊要，可以慢慢食，唔好食太急👍🏻記得換網要收錢架，建議自備燒烤網或牛油紙👍🏻真心推薦炒菜同炒豬肉👍🏻👍🏻👍🏻😍😍

因為疫情關係，真係少左出街食飯，任飲任食更加少，不過朋友剛剛去完一間日式放題，話質素唔差，所以我兩公婆都想出街行下，順便食個飯😆剛坐低，環境不錯，坐窗口位幾舒服，睇下本menu先（好大本），還是食下刺身先，三文魚，北寄貝，牡丹蝦都好新鮮😋。再來日式炸物，天婦羅炸蝦，可樂餅炸得都幾好食😋。好，開爐網燒啦，牛舌，雪花牛，牛柳粒，五花腩，豬頸肉，等等，賣相都幾吸引，又叫左花甲等等海鮮，所有嘢上碟都好齊整，食慾也提升😆，一邊燒野，仲可以一邊食下支豆，飲下牛骨湯，又食下蒜蓉炒菜😋，多到都唔知食邊樣先🤣。而且呢度嘅服務都唔錯，計返價錢真係超值。大滿足☺️。

之前成日行去hunghom都會經過呢條街，成日都覺得佢個招牌勁搶眼，今日同朋友慶祝生日，就食好d！就咁睇佢都好多款式，勁多小食、麵類、鍋物、刺身等等，真係咩國家既菜式都有，咩都有得簡！朋友未到，我叫左個牛油粟米，我同朋友最後都encore左次😂好耐無食過咁大兜而且牛油味重既粟米！好味！通菜都encore左次，佢d蒜味好重我好鍾意！而且通菜好爽脆！牛我地真係咩款式都叫曬咁滯，有牛舌、霜降和牛、牛粒、牛裡肌。你睇佢d牛雪花分佈幾均勻就知道質素幾唔錯！我最鍾意牛舌，食落去好有好肥美既感覺🤤總括黎講每種牛都好淋而且好有牛味！佢d炸物都唔錯，外皮炸得脆，而且入面個餡都唔少！南瓜同蝦都好鮮甜。佢個大蝦食落去真係淡淡肉而且好新鮮好彈牙！

最近晚市終於回復返，我同朋友都已經好耐冇出過街食晚餐啦，於是啊趁着晚市終於正常，我哋一齊去咗尖沙咀食燒肉放題。喺尖沙咀站行幾分鐘就已經可以到達餐廳啦，好容易就搵到，而且門口出面啊仲有大大個招牌，非常方便認路啊。而餐廳入邊嘅座位亦都非常足夠，環境闊落，啱晒你一大班朋友嚟聚會食燒肉。餐廳除咗有燒肉放題之外呢，海鮮，嘢飲其他小食都係任叫任食嘅。淨係牛肉啊已經有好多種喇，分別係黑毛飛霜風降和牛（肉質香口～！）、壺漬牛粒（必食！）、騷騷牛里肌（肥瘦岩岩好！）呢三款係重叫左好多次～！壽司同刺身嘅種類都非常之多我覺得餐廳最貼心嘅地方，就係有兩個沙漏提醒你燒肉同埋燒海鮮嘅時間紫色係代表1分鐘，綠色係3分鐘。有咗呢個沙漏之後呢燒肉嘅時候呢就唔會怕太過耐，呢個真係一個非常貼心嘅設計！

一開始睇到OpenRice 嘅好評幾多，所以打算過嚟試下，但比起我想像中嘅質素差好遠。事先我早一日打電話去預約左8點，到當晚7點幾就已經到咗，但店員話要等到8點先可以根據訂座號碼入座。不過其實我見到餐廳入邊係有空位，但店員都係冇安排我同朋友入座。但最差嘅係食物質素好差，但牛肉好普通，而且豬肉同雞肉都好一般。加上漏單情況好嚴重，特別係壽司同刺身類，要好遲先到（係last order之後先陸續到)！338加1呢個價錢好多餐廳都好過呢間！而且服務同食物質素都一般！完全冇下次！

最近少咗運動，今日終於去行山，經過3小時嘅活動，一於去食放題，補番啲腳骨力。上網search下尖沙咀有咩放題選擇，有日式包括刺身壽司類、燒肉、火鍋。最終見到燒魂，Menu有雞牛豬，炸物，海鮮，刺身等40款選擇。地點近科學館，經過加連威老道，發覺三成舖頭都執粒。疫情嘅影響真係好大，特別係尖沙咀區，人影都唔多。雖然對行人來講有空間感係舒服好多，就算去餐廳都冇以前75分鐘限時，但係都要同經濟收入攞到平衡。入到燒魂有好多卡位，有一排靠窗，採光度好高。牛舌，粒粒牛，臀肉，雞翼有不同醃料嘅選擇，例如柚子，蕃茄，香茅，香蔥，生薑等。肉類賣相好新鮮，特別係粒粒牛，個器皿都好日系。海鮮有沙巴蜆，大大隻，我都係第一次燒，放喺爐邊，原來都好快熟透。本來諗住燒完着嘅衫會有油煙味，原來抽風系統都好好，直接喺爐邊抽風。

燒魂位於金馬倫中心2樓，上到去環境都幾寬敞 座位舒服雖然係燒肉放題，但就感受唔到油煙焗促感每位客人都有三款醬汁，分別有沙嗲醬、泰式酸醬、燒汁，雖然每款肉類都已經醃製過，但燒完後味道都比較淡，我比較鍾意泰式汁，酸酸辣辣，幾過癮餐廳有酒精飲品或冇酒精，燒肉配啤酒簡直係絕配 👍🏻冇酒精有解茶、可樂、C+等等刺身篇擺盤幾靚幾吸引🤣原隻甜蝦都幾大隻，肥美爽甜，冇腥味，三文魚都唔錯，厚切，其他就比較普通，壽司盡量少叫，留返quota食其他野燒肉篇全部都係牛😋牛款式有10款，有原味、鮮番茄、西柚汁去醃製，當中香蔥薄牛舌更係人氣no.1👍🏻爐邊火力較弱，所以店員教牛肉可放中間燒，豚肉放旁邊燒，免得搶火，爐溫需要時間去等候，霜降和牛油花唔錯，都係原味比較好食🙈海鮮篇雖然今次去主力食肉，但當然要試一試海鮮，蠔放係爐既正中位燒，約3分鐘就食得，蠔唔腥同埋冇沙，不過鮮味唔太出，大蝦大隻爽口☺️炸物篇炸物炸皮唔厚，表面乾身，唔會油淰淰，叫左天婦羅蝦、蟹柳、蟹餅、餃子、芝士波波，樣樣都叫黎試下🤣卜卜煮大蜆蜆唔算大隻，不過勝在冇沙，仲有兩篇薄蘿蔔，好快就清哂青瓜沙律上面加左肉鬆同蟹籽，份量都幾大方，仲有好多沙律醬上菜

終於開返晚市堂食，緊係約朋友食好耐冇食既放題☺️6點鐘去到可以食到8點，上去時唔太多人，所以落完order好快就送到海鮮叫左蠔、蝦同帆立貝，款款都幾大隻，蠔幾分鐘就打開口食得刺身叫左三文魚、吞拿魚、馬刀貝同埋鮑片，數量齊同埋夠凍，三文魚都厚切，不過吞拿魚刀工就差少少，切得唔太完整，馬刀貝脆口，整體新鮮程度可以接受肉類方面就叫左注目商品之一既壺漬牛粒，望落都幾靚，用左菜去墊底，燒出黎幾有肉味同幾軟腍，雪味唔重，不錯雞翼叫左三款，分別有柚子蜜薑味、生薑味同孜然味，餐廳一早將雞翼切成單邊，方便燒同易食，而當中孜然味就最突出，其餘兩款都比較淡，不過雞翼燒既時間都比較長，需要耐性去等待

屋企人生日，緊係帶佢去食佢最鍾意既燒肉放題啦☺️除左燒肉，仲帶沙律、壽司、刺身、炸物、日式料理等，如果想食埋海鮮就可以加$60，食足120分鐘，一定好飽海鮮好快就送到，每檯都會有個沙漏，用作計時燒海鮮，店員話蠔只需要燒3分鐘就食得，但燒完有部分都唔開殼，店員主動幫忙，非常殷勤有禮👍🏻大蝦幾好，夠大蝦同彈牙，唔痴殼，蠔就中規中矩作為肉類愛好者，表示好開心🤤叫左三款豚肉，分別有人氣第一奧斯卡豚后肉、蜜運豚后肉和鹽燒一口骰仔豚，食物單位是片或粒，每樣叫少少試下一燒豚肉，豬油好快迫出，豚肉因為切得薄，兩邊好快就燒熟，本人比較喜愛骰仔豚肉，因為比較有咬口叫左份青椒豚肉生薑燒，份量好多，唔洗自己燒就有得食🤣青椒非常辣，好在有清甜洋蔥中和一下，豚肉好入味，幾好食👍🏻食左好多肉所以叫返份沙律減下油膩感

見唔使排隊，未試下，第一輪叫刺身，上菜速度快，可惜是刺身唔夠新鮮，朋友食完不久就嘔🤮🤮，她說件吞拿魚刺身有些（梅），咁我哋冇再食刺身嘞，怕怕🙅🏼🙅🏼‍♀️我哋唯有轉食燒肉和熟食，雞亦唔錯的牛都ok! 其他熟食就⋯⋯⋯⋯⋯都係自己燒都係最穩陣d🤣，可能全塲主要食燒肉，開始好焗，食食下開始頭痛，無晒心機🤦🏼‍♀️🤦🏼價錢方面，每位$338（未加一），老實講這個價錢可以好多餐廳選擇。

星期日去尖沙咀行年宵，打算新年前大吃一番，於是選擇到位於尖東的日式燒肉刺身放題 - 燒魂。這裡可供選擇的食物款式很多。燒肉方面，雞牛豬都有，而且有不同口味。其他食物例如刺身壽司... 海鮮需要另外加60元。上菜速度很快，距離落單相隔五分鐘內，食物基本上齊，而且沒有漏單和錯單這些放題中常見的問題。牛肉拼盤擺碟十分精緻亦很新鮮，其中最推薦西柚汁霜降和牛，因為這款肉醃得很入味。海鮮拼盤方面，我們點了蠔、海蝦、扇貝和墨魚仔。枱上附有一個漏斗用作計時，漏斗漏完代表蠔已燒熟。蠔比我想像中大件，有海水的鹽味。其他食物例如豬肉刺身和壽司味道亦不錯，通菜有意外驚喜。結帳每人平均三百多元，這個價錢在尖東來說是可以接受。如果想一餐飯內同時燒肉又食到刺身壽司，燒魂是一個不錯的選擇。

今朝勁早上堂，又無食早餐，lunchtime餓到忍唔住食餐放題，對自己好啲先得呢間食物種類包羅萬有，刺身、壽司、燒肉等，加多$60仲可任食海鮮！三文魚都算新鮮，另外鮑片都唔錯壽司估唔到相當高質😍😍我特別鐘意火炙三文魚，同埋個花之戀海鮮拼盤燒蠔果陣店員好貼心，提醒我要將平果面貼爐，仲提供埋漏斗，轉一次就熟，呢個時間真係岩岩好，個蠔熟得黎又保持鮮甜同多汁。跟住就進攻燒肉牛肉都好多款下，我地咩都試下，最好味梗係和牛片啦，食落去油脂十足。另外仲試左時蔬、各種丸同雞翼，都幾ok上菜速度都算快，唔需要催單或有漏單情況。

今次黎到尖沙咀呢間燒魂，係呢個地段野食就當然要高質d喇，所以呢間燒魂都無令到我失望，食材比一般放題店高級，價錢貴多少少，所以絕對值回票價既。性價比黎講真係無得頂呀。先講下環境裝修先喇，入到黎見到都有唔少望窗景既卡位，4人卡位相當闊，唔會好似其他日式放題咁，逼到人撞手，環境日式裝修，幾乾淨舒服。一班朋友黎傾下計食下野就一流。刺身方面，都算幾新鮮，食落好有彈性，有魚味，色澤唔錯，切既厚薄都算岩岩好。海蝦方面，真係超級大隻，呢d蝦用黎網燒先夠正，唔會太易燒點，而且食落好有口感。牛肉方面，放題都幾多選擇，牛肉大細切得唔錯，有質感，燒落夠曬香口美味。本人最愛既燒生蠔，連殼焗住黎燒真係幾好，燒完出黎，蠔肉好飽滿，吸收返曬自已既汁，食落好鮮味彈牙。

星期日第一次去 勁好食豬牛雞，壽司 刺身 乜都有齊個燒爐點燒啲食物都唔會燒焦好想買嗰塊鐵絲網 ，自己返屋企燒😂完全係超班水準 ，依個價錢十分抵食會推薦俾身邊朋友去幫襯聚會gathering 一流

自從禁咗晚市之後真係好耐冇食放題朋友生日決定去食一次中午放題揀咗呢間位於係尖東嘅燒肉海鮮燒烤刺身放題食物嘅種類真係非常之多價錢係$278再加一如果加埋海鮮就要再加多$60刺身質素唔錯我自己就最鍾意馬刀貝口感勁爽口海鮮有成八款選擇個人就最鍾意日本宮城牡蠣同埋硫球鯖魚肉質非常之鮮甜唔會話因為燒就會令到佢哋失去晒水份而肉類嘅選擇亦都非常之多元化雞牛豬樣樣齊就咁樣雞翼都已經有四隻口味我自己最鍾意就係孜然雞中翼同埋店員好細心為雞翼一分為二令到燒嘅速度快咗好多食都食得更加方便牛嘅擺碟亦都相當之靚燒汁安格斯骰仔粒同壺漬牛粒肉質非常之嫩滑牛肉入口好重肉味燒肉加埋佢新鮮生菜一齊夾住黎食感覺非常之解肥膩同爽口另外壽司方面都做得幾出色由其係係呢個七味燒三文壽司食落口啲三文魚嘅油香出晒嚟壽司嘅size做得細細舊亦都唔會覺得好爆肚我都試咗少少嘅炸物唔洗多講榴槤炸彈係一定要必試飲品方面係會包兩支無酒精類嘅飲品咁嘅價錢來講食到咁高質素嘅放題我覺得相當之唔錯